MAAK JOU EIE BOTTER
(genoeg vir 300 g)
500 ml dubbeldik room
10 ml sout

Plaas bestanddele in elektriese menger se bak en klits op medium-spoed tot room verdik, sowat 2 – 3 minute. Stel spoed hoër en hou aan klits tot mengsel in twee verdeel. Gooi mengsel deur ‘n sif en dreineer die karringmelk af. Plaas botter in skoon bak en meng met houtlepel tot gladde, romerige mengsel. Vorm in blok, bedek met waspapier en verkoel tot ferm.Gebruik altyd botter en olie om die helfte as jy iets wil roerbraai. Die olie keer dat die botter brand voor jou groente of vleis gaar is.
Petré Van Jaarsveld
Gooi die room in n glashouer met n deksel… Skud die room tot botter vorm…. Gooi die karringmelk af, wat jy weer kan gebruik om mee te bak…. Druk botter bymekaar en spoel onder koue water.. tap water by botter en werk die water deur die botter met n houtlepel…gooi die water af…. Herhaal n paar keer tot die water helder skoon is… Strooi sout oor en werk die sout deur.. en daar is jou heerlike plaasbotter..

Petro Borchard
gooi in mengbak, klits met ballon whisk – passop net, vat nie lank na dit styfgeklits is voor die wei afskei nie, dan spat dit die wereld vol.gooi die water af en vervang dan met K-beater en klits vir ruk om seker te maak al die wei-water word uitgewerk.
Jy kan dan die klont botter wat gevorm het in lopende koue water “brei” met jou hande om dit heeltemal te suiwer.
Voeg sout bietjie bietjie by na smaak indien verkies. Ek vries dit ook in klein hoeveelhede – daar is nie die ‘stabilisers’ en preserveermiddels by van winkel botter nie. Dit gaan vinniger af. Die kleur is amper spier wit

Foto: Alletta Burges

MIRACLE WHIP
4 eiergele
1 teelepel sout
2 teelepels droë mosterd
6 eetlepels asyn
3 koppies olie
3 teelepel maizena
1 koppie kookwater
2 eetlepels suiker
kwart koppie asyn

Meng in menger eiers, sout, suiker en 2 eetlepels asyn.
Voeg 1 koppie  olie stadig druppel vir druppel by.
Meng al die ander olie met res van die asyn, voeg al die ander bestanddele by in pan en kook tot gladde pasta.
Voeg die warm mengsel by die mayonnaise mengsel en meng goed. Verkoel.
Ek maak dit gereeld en dit is soos die ware Jakob!!
Resep: Martie Fourie Moolman
Foto:  Floraine Wasserman Venter

LIQUID TO STORE YOUR FETA CHEESE IN
Add eight cups of water to a saucepan.
Add a ½ cup of kosher salt to the water.

Bring the water to a boil on the stove. This will adequately dissolve the salt in the water.
Remove the brine from the stove top.
Set the brine aside while it cools to room temperature.
Chill the brine in the refrigerator for at least 45 minutes.
Place the feta in a plastic tub that has an airtight lid.
Fill the tub with the brine solution so that the feta is completely covered.Store the feta in the refrigerator.

Recipe posted by Carol Elliott Claassen
Note:
Ek hou my fetakaas vir maande in die oplossing , in n tupperware houer in die yskas . Jy kan dit sonder die oplossing ook vries vir tot 3 maande , maar dan krummel hy te veel.

MAAK JOU EIE MAASKAAS

Maak jou eie Maaskaas van afgeroomde melk!

Mens vat net soveel afgeroomde melk as wat jy kan kry, laat dit DIK word, en ek bedoel ordentlik dik – sommer totdat die vaste melkgedeelte en die wei skei. Die dik deel dryf dan bo. Gooi die vloeistofgedeelte af en skep dan die dikmelk deel in ‘n gaasdoeklap (cheese cloth material).
Vou dit toe maar hou die punte bymekaar en draai dan die lap soos mens sal maak om die meeste van die water uit die dikmelkgedeelte uit te pers. Hou die punte so opgedraai en plaas dit in ‘n sif oor ‘n bak en plaas ‘n swaarderige gewig bo-op. Laat dreineer so oornag.
Die volgende dag moet jy die lap weer opwen sodat daar nog van die vloeistof kan uitpers as dit kan. Sit dit weer in die sif en sit iets swaar bo-op om te pers. As jy dink dis nou droog genoeg, maak oop, gooi in bak en gooi by wat jy wil – fyn grasuie, knoffelsout, enige gegeurde sout, net wat vir jou lekker is en geniet dit saam met jou broodjie. Ek sny vir my dun snytjies komkommer daarop – heerlik! Hou dit net in die yskas, want dit is mos nou nie soos die gekooptes wat vir baie lank sal hou nie.

Gerdie van Zyl

FETA
4½ liter melk
114 g mesofil kultuur (vra by ‘n korporasie) of suurmelk
¼ lebekstraktablet
Verhit die melk tot 35ºC. Roer die mesofil by en laat staan vir 30 minute. Los die lebekstrak op in koue water, gooi ‘n knippie sout by en meng dit by die melk.
Roer vir ten minste vyf minute. Bedek en laat staan vir 45 minute teen kamertemperatuur. Die melk behoort dik te word in die tyd.
Sny die stremsel nou in blokke van 3 cm dik. Laat 15 minute staan om dik te word. Gooi die wei af wat uitloop.
Plaas dit in vierkantige kaashouers wat uitgevoer is met kaasdoek. Draai dit om na een uur. Laat dit oornag staan sodat die wei uitloop.
Sny dit nou in kleiner blokke van so 2 x 5 cm en besprinkel met sout. Laat twee ure staan.
Die kaas word nou in soutwater geplaas (15% soutoplossing). Seel die houers goed indien dit vir ‘n lang periode moet hou. Onder die regte omstandighede kan hierdie kaas tot ‘n
jaar hou.

NOTA:  Marleen Meintjes
Bestel al jou benodighede vanaf  Regal – Foon 011 979 3888 of fax 011 979 4363
sel nr. 076 1301 700 ,
Kan net se ek het selfs van my feta verkoop ons woon op n Dairy Farm en ek het selfs maaskaas en roomkaas gemaak en verkoop ons maak ook Yogurt en geniet dit baie groete uit Zambia – Kitwe

PETRA SE TUISGEMAAKTE ROOM
(moe mooooe mooooooe)
250 g botter dis 1 ½ koppie SAGTE BOTTER MAAR NIE GESMELT NIE GROOT SEBLIEF!
¾ koppie strooisuiker
1 teelepel gelatien
¼ koppie warm water
½ teelepel kremetart
¼ koppie koue kraan water

Meng die gelatien met ¼ koppie warm water tot dit gesmelt het, hou eenkant om af te koel, sommer kamertemperatuur.
Meng die sagte botter en strooisuiker bymekaar en klits die lewendige helle uit dit totdat dit wit of naastenby wit is. Ek het elektriese klitser gebruik.
Voeg baie stadig die koel gelatien mengsel by en meng nog.
Neem nou die ¼ koppie koue water en voeg ‘n ½ teelepel kremetart by en meng tot alles fluffy is.
Proe bietjie en laat weet.

HIERDIE ROOM KAN JY VRIES OOK. Sit dit in die yskas en as jy dit die volgende dag gebruik, laat dit maar eers so rukkie buite die yskas staan sodat dit lekker smeerbaar raak soos toe jy dit geklits het.
Weet julle wat is lekker. Daai sagte rolls wat mens koop, nie die bros ene nie, die sagte rolls, hamburger or hotdog rolls. Sny hom oop, geen botter, en sit dan die room daarop met dollop konfyt bo-op.
Sif versiersuiker bo op en jy het die lekkerste dounut ooit.
Baie gewild hier in Oz en almal is GEK DAAROOR !!!!! Ek BELOWE !! hehe
Julle kan dit verkoop ook by entrepeneurs dag of stalletjies, room kannie gou suur word nie nê
Resep: Petra Prestorius
Foto: Benhet Nieuwenhuis

GOUE STROOP MET KOOKWATER
Foto: Jan Pool Snr
FOOD LOVERS RECIPES
Skroei 2 kg wit suiker in ‘n dikboomkastrol oor lae hitte totdat al die korrels gesmelt en dit ‘n ligte goudbruin is, roer aanhoudend en wees versigtig dat dit nie te donker word nie.
Meng:
2,5 liter kookwater
7 ml kremetart
7 ml sout

Roer die water geleidelik en bietjiesgewys by die gesmelte suiker, oppas dat die stoom jou nie brand nie.
Kook die stroop vinnig totdat dit dik genoeg is.
Om te toets of dit dik is, skep af en toe ‘n klein bietjie stroop in’n koue piering.
Bottel die stroop warm in warm, gesteriliseerde inmaak flesse en verseël dit.

MAAK JOU EIE PASTA DEEG
Wit pasta (basiese resep)
500 ml koekmeel
3 groot eiers
2 ml sout
15 ml olie
15 – 30 ml water

Plaas die meel, sout, eiers en olie in voedselverwerker. Pols net tot goed gemeng, voeg bietjies water by tot bal vorm en sag en elasties is. Sit deeg in plastieksak en laat rus vir 30 min tot’n uur. Rol met hand uit of pastamasjien.
Bruin growwe pasta
Vervang koekmeel met volgraan soos nutty wheat of bruinmbroodmeel. Onthou weens growigheid rol dit net bietjie moeiliker uit.
Rooi pasta
Voeg 30-40 ml tamatiepasta by basiese resep (nie water).
Pepper pasta
Voeg 30 ml vars grof gekapte pepper by die basiese resep.

BRON: Hettie Blignaut Lubbe