SPUTNIKS VAN MASH – spoedniks
Viennas (regte rooies)
aartappels, sag gekook en fyngemaak met sout en bietjie pietersielie.
GEEN botter of melk of iets by nie, anders klou dit nie aan die worsies nie.
Fyn fyn gedruk, geen klonte nie. Laat mash koud word en maak ‘n bolletjie sag in jou hand, droog die worsies goed met handdoekpapier en rol mash om worsie. (as jy sukkel met die lang worsie, halveer hulle) Plaas op bord en sit in yskas om te set.
Maak ‘n slap degie van:
1 eier
250 ml koekmeel
Genoeg melk vir ‘n slap degie
bietjie sout
Doop elke sputnik versigtig daarin met jou hand, tange haal die mash af. Bak in warm diep-olie. Dreineer. Dis ook baie lekker koud, veral saam met mosterd. Dis ‘n morsige werk, wat jy moet die sputnik met jou hand doop. Tange is te hard vir die aartappel. Skep die druppeltjies deeg uit die olie voor jy die volgende batch insit.
Resep en foto:  Kiti de Jager

Tweede Foto:  Jacqueline Holker
Nota: Ek sit geen botter in nie, anders klou dit nie. Ek druk stokkies in, dan sukkel ek nie met in olie sit en uithaal nie (gebruik ook halwe worsies dat die olie dit mooi cover.

3de foto:  Kiti Citi
Ek het gister weer bietjie sputniks gemaak. Toe kry ek ‘n heerlike manier van doen. Jy smeer bietjie mash op cling wrap, of sit die wrap somer in ‘n taco staander soos my groene. Sit worsie in, vou toe en druk tot alles mooi toe is. Dan rol jy dit sommer mooi rond ook. Met die metode hoef jy nie te wag tot dit yskoud is nie, dan sit jy net die klaargemaakte worsies in die yskas tot jy dit in die degie druk en bak. Sodoende kan jy sommer vroeg al die worsies berei en later eers bak.

Charmaine Amery Kirsten (foto): Marius het die volgende by die mash gemeng, cumin, mixed spice, mixed herbs, garlic powder en kerrie soos iemand genoem het, maar daar kort nog iets, mash proe amper waterig.

MICHELLE’S CORNDOGS
Sift these ingredients together:
4 cups cake flour
4 teaspoons baking powder
½ cup sugar
Whisk these ingredients together:
3 eggs
4 tablespoons oil
1½ cups milk
2 cups water
1 ½ teaspoons salt

Mix everything together. Press sosatie sticks through the sausages. Roll the saugages in the flour first, then dip it in the dough and bake in hot oil until brown.

Recipe and photo: Michelle Joubert

CORNDOGS MET VARIASIE
Meng saam:
1 eier, geklits
1 koppie melk

In ‘n ander bak, meng saam:
¼ koppie “cornmeal” (ek het braaipap gebruik, polenta kan ook werk)
½ koppie koekmeel
knippie sout
knippie bakpoeier
Meng goed.

Ryg worsies op ‘n sosatiestokkie.
Meng nat en droë bestanddele saam tot ‘n deeg wat nie te loperig is nie. Doop worsies daarin.
Laat bedeegde worsies braai in diep, warm kookolie.
Dreineer op servette.
Resep: Hanta Henning
Celeste Glöss
Ek het ook die naweek gemaak en gewone mieliemeel gebruik goed gewerk.
Johan Du Preez Snr
Hanta Henning Jy moet daai corndogs vir hulle maak met Sosaties. Maak eers die sosaties gaar. Jy moet dit net baie in meel rol as dit gaar is en sit dit dan in die yskas vir so ‘n paar uur anders bind die deeg nie. My kleinkinders is laf daarvoor. As ek met my idees begin jaag my vrou my uit die kombuis uit. Sy se die honde sit in ‘n ry en wag vir my FLOPS. Meeste is derem ‘n sukses
Alta Lubbe
Ek voeg gewoonlik net bietjie suiker ook by (op hierdie hoeveelhede +-3 eetlepels). Maak dit ‘n baie lekker en interesante smaak!!!! Ek het dit so 2 jaar gelede by ons jaarlikse karnaval gemaak en kon nie voor bly nie. Ons het dit mieliebrakke genoem hier in die volkstaat.
Johan Du Preez Snr
Ek sit suiker en mosterd by. Dit is weer heel anders

MARTIE SE CORN DOGS
1 koppie koekmeel
1 koppie mieliemeel
¼ koppie suiker
4 teelepel bakpoeier
1 eier
1 koppie melk
Meng goed en laat rus vir so 30 min. Ek het bock wurst gebruik en in drie stukkies gesny. Die deeg in ‘n lang beker gegooi, die worsies daar in gedoop en diep gebraai, sommer my eie sousie gemaak met sweet chillie, tamatiesous en tabasco

Resep en foto: Martie Fourie Moolman

TUISGEMAAKTE CORNDOGS

½ koppie geel mieliemeel (wit is ook reg, die geel gee egter ‘n mooi kleur)
½ koppie koekmeel
1 eetlepel suiker
1 teelepel droë mosterd
1 teelepel bakpoeier
½ teelepel sout
½ koppie melk
1 eier, liggies geklits
1 eetlepel gesmelte botter
6 worse (viennas, kaaswors, Russians ens)
6 sosatie stokkies
Olie vir braai

Meng die mieliemeel, meel, suiker, mosterd, bakpoeier en sout. Voeg die melk, eier en botter by en meng tot glad. Gooi die mengsel in ‘n lang glas of plastiekhouer. Vee die wors met handdoekpapier of ‘n skoon vadoek af om seker te maak hulle is redelik droog. Plaas die sosatiestokkie in die wors en doop hulle in die beslag. Diepbraai in olie verhit tot 375 grade tot goudbruin, sowat twee minute. Dreineer op kombuispapier en bedien warm met mosterd, sweet chillie sous of sous na smaak.

Resep:  Annetjie van Huyssteen
Foto:  Chantelle Wehmeyer

YANKEES – JANTJIES
Sif saam:
4 koppies koekmeel
4 teelepels bakpoeier
½ koppie suiker
Klits saam:
3 eiers
4 eetlepels olie
1½ koppie melk
2 koppies water
1½ teelepels sout

Meng alles saam.
Druk sosatie stokkies in worsies.
Rol worsies eers in meel en doop dan in deeg.
Bak in olie tot bruin.