RUAAN SE LEKKER SOUTTERT
250 ml meel
10 ml bakpoeier
2 ml rooipeper
1 ml sout
250 g spek, opgekap en gebraai
250 g polonie, grofgerasper
250 ml kaas, gerasper
1 ui, opgekap en gerasper
6 hardgekookte eiers, grofgerasper
750 ml melk

Meng meel, bakpoeier, rooipeper en sout saam.
Meng res van die bestanddele goed met meel. Bak by 180ºC vir 30 min, of tot gestol en goudbruin.
Resep en Foto: RuaanEmmarentia Bolton

BROCCOLI-3-KAASTERT
200 g skilferdeeg
300 g broccoli in stukkies gebreek
4 eiers, geklits
400 ml room
5 ml sout
gemaalde swart peper
knippie rooi peper
100 ml gruyerkaas (enige ander harde kaas werk ook)
200 ml gerasperde chedderkaas
50 ml fetakaas

Voorhit oond tot 180°C.
Rol deeg en voer in tertbord (250 mm) uit.
Laat deeg 15 min rus in yskas.
Bak die deeg blind 10-15 min en laat afkoel.
Plaas broccoli 1 min lank in kookwater.
Dreineer en dompel in dadelik in yswater.
Druk broccoli droog en rangskik op kors.
Klits eiers, room, sout, swart- en rooipeper en kaas saam.
Giet oor broccoli en bak 40-45 min.
Sit warm voor.
Resep geplaas deur Sue Pretorius
Foto: Sue Pretorius

SNOEKKOEK
4 koppies gevlokte snoek
1 gekapte ui
2 koppies bruismeel
1 teelepel bakpoeier
3 groot eiers
sout en peper na smaak
2 teelepels Seafood spice
300 ml melk

Meng alles en bak vir 45 minute by 180ºC.
Resep geplaas deur Alet Cruywagen
Foto: Alet Cruywagen

HOENDERWORSIE EN SPINASIE SOUTTERT
Mikrogolf Witsous:
Maak 1 liter melk sterk warm en haal uit.
Smelt 125 g margarien.
Voeg 8 opgehoopte desertlepels meel by.
Meng en klits by melk in.
Sit terug in mikrogolfoond en kook op hoog vir 2½ minute.
Haal uit en roer goed en kook weer op hoog vir 3 minute.
As nog nie styf genoeg is nie, kook vir nog 2-3 minute. (Moet ‘n stywe witsous wees)

Voeg nou by:
3 groot uie, gekap en gesmoor in ‘n bietjie olie
12 hoenderworsies, in ringetjies gesny
500 g klaar geblansjeerde spinasie, fyngekap
1½ teelepels sout
1 teelepel droë pietersielie
½ teelepel peri-peri
groot hand vol Cheddar kaas
Roer goed. Laat ‘n bietjie afkoel en voeg dan 3 geklitste eiers by.
Bak 45 tot 50 minute teen 180°C.
Resep en foto: Petré Van Jaarsveld

BROKKOLI DRIE-KAASTERT
200 g skilferdeeg
300 g broccoli in stukkies gebreek
4 eiers, geklits
400 ml room
5 ml sout
gemaalde swart peper
knippie rooi peper
100 ml gruyerkaas (checkers verkoop dit, maar enige ander harde kaas werk ook)
200 ml gerasperde Chedderkaas
50 ml Fetakaas

Voorhit oond tot 180°C.
Rol deeg en voer in tertbord (250 mm) uit.
Laat deeg 15 min rus in yskas.
Bak die deeg blind 10-15 min en laat afkoel.
Plaas brokkoli 1min lank in kookwater.
Dreineer en dompel dadelik in yswater.
Druk broccoli droog en rangskik op kors.
Klits eiers, room, sout, swart- en rooipeper en kaas saam.
Giet oor brokkoli en bak 40-45 min.
Sit warm voor.
Resep geplaas deur Sue Pretorius

NICO SE KERRIEBONE EN SPEK QUICHE
(Hierdie hoeveelhede is genoeg vir twee ronde panne van 300 mm in deursnee, of een groot reghoekige pan soos op foto)
KORS:
250 g sagte margarien
250 g meelblom
Sif meel in ‘n mengbak en voeg margarien by.
Sny margarien in stukke en bewerk met meel – sommer met hande – tot stywerige deeg.
Vorm die deeglaag op bodem en aan kante van pan.

VULSEL:
250 g uitgebraaide spek, in stukkies gebreek
2 koppies gekerfde boontjies
‘n handvol ongekookte pasta
1 gekapte ui
2 teelepels knoffel
1 eetlepel suiker
125 ml witasyn
125 ml kookolie
3 teelepels kerrrie poeier
2 teelepels paprika
1 teelepel komyn
1 teelepel koljander
2 teelepels sout
½ teelepel rooipeper
6 eiers
250 ml melk (of room)
2 eetlepels groente-soppoeier
2 koppies gerasperde kaas

Glasuur uie saam met knoffel en speserye in ‘n pot.
Voeg bone, pasta en olie by en bedek met water.
Kook vir 10 minute sonder deksel en dreineer.
Laat afkoel.

In ‘n mengbak:
Klits die eiers, suiker, melk, soppoeier en een koppie kaas saam.
Voeg asyn by en klits effens verder.
Meng die bone en pasta by.
Gooi die mengsel in die pan bo- op die kors.
Strooi die spek eweredig bo-oor en bak by 180°C vir 45 minute (of tot mes-toets skoon is).
Haal uit en strooi die 2 de koppie kaas bo-oor.
Plaas terug in oond vir ‘n verdere 15 minute by 160°C.
Bedien warm of koud.
Foto en resep: Nico Conradie

SOUTTERT
brosdeeg (koop of maak jou eie)
2 pakke spek– opgesny
5 hard gekookte eiers, gerasper
2 koppies kaas, gerasper.
1 rou eier
bietjie melk
pietersielie
mespunt mostert

Sit die deeg onder in jou pan as ‘n kors.  Meng alles goed saam en maak gelyk op kors. Bak tot goudbruin by 180 ⁰C. ongeveer 30-40 min
Resep en foto: Elaine Steyn Steyn

JUANRI SE VINNIGE BULLY BEEF SOUTTERT
1 blik bullybeef (corned beef)
1 koppie melk
4 eiers
2 eetlepel meel
1 en half teelepel droë pietersielie
1 teelepel mosterd (Ek gebruik wimpy sin)
1 gerasperde ui
1 teelepel bakpoeier
4 gekerfde viennas
sout en peper

Meng alles goed saam en gooi in gespuite cook and spray glasbak.
Rasper lekker baie kaas bo-oor en bak tot gaar op 180 grade C vir 30-35 minute.
ENIGE BYGEREGTE VAN JOU KEUSE KAN SAAM BEDIEN WORD
GENIET DIT
Foto en Resep Juanri Van Der Walt

CHEESY SMOKED HADDOCK TART
320 g ready-rolled shortcrust pastry sheet
400 g haddock, skinless
75 g Emmental cheese, grated
300 ml  double cream
2 medium eggs

Roll out pastry a bit more until large enough to line a deep, 20.5 cm (8 in) fluted tart tin. Line tin, trim pastry edges and chill for 10 min.
Preheat oven to 190°C (170°C fan) mark 5.
Line the pastry with a large square of grease proof paper and fill with baking beans.
Bake for 15 min or until the pastry sides are set.

Meanwhile, put the haddock into a pan, just cover with cold water and bring to the boil.
Turn off the heat and allow to sit for 5 min or until the fish is cooked and flakes when pressed. Drain into a sieve and leave to cool for 10 min.
Remove paper and baking beans from pastry and return tin to the oven for a further 10 min or until the pastry is cooked and feels sandy.
Remove tin from oven and turn temperature down to 150°C (130°C fan) mark 2.
Into a medium bowl, flake the fish in large pieces.
Carefully mix in the cheese, In a large jug, whisk the cream, eggs and some seasoning until combine.
Scatter fish mixture into the cooked pastry case (still in tin).
Carefully pour in cream mixture to fill the case.
Crack over some black pepper.
Return to the oven for 40 min or until lightly golden and set.
Serve in slices.
Recipe adapted. I added lightly fried leeks and used cheddar cheese.
Photo: Melissa Ann Vermeulen

TWANE’S VINNIGE BILTONG, FETA, PEPPADEW QUICHE
Die is wat ookal nog in yskas is.
1/2 koppie gerasperde botter
1 koppie meel
bietjie sout
yswater
gerasperde kaas
4 Xl eiers
1/2 koppie Mayonniase en slaaisous

Vryf gerasperde botter in die meel in, toe bietjie sout en yswater tot dit bind en laastens gerasperde kaas bygevoeg.
Uitgerol en in my bak gelê, effens gebak in oond 180 grade C.
Klits eier, mayonnaise en slaaisous bietjie verdun met melk.
Handvol elk, biltong, feta, gesnyde peppadews ingemeng en nog gerasperde kaas.
Aromat en pepper bygesit.
Dit in kors gegooi en handvol kaas bo-oor gestrooi, 20 minute in oond verder gebak.
Foto en Resep: Twané Jansen-Oliphant