SOUTTERT MET BILTONG EN KAAS

1 vel (400g) gekoopte broskorsdeeg –
250g gerasperde cheddar kaas –
150g dun gesnyde bees biltong –
4 eiers –
375ml room
** verhit oond tot 180C – voer gesmeerde tertbak van sowat 32 cm uit met deeg ( bietjie dunner uitgerol) – strooi cheddar kaas op deeg dan biltong op kaas ( ek het myne sommer gemeng oor deeg gestrooi – klits eiers en room en gooi oor vulsel – bak in warm oond vir 35 – 40 min of tot gestol – laat staan vir 10 minute voor bedien ## hierdie resep by my broer gekry, weet net nie waar hy dit gekry het nie, dis ‘n treffer

Resep en foto:  Marie Dumas Jennings

HOENDER, SAMPIOEN EN SPINASIE QUICHE
Kors
250 ml nutty wheat high bran flour,
250 ml meel
1 koppie gerasperde kaas
1/4 koppie botter (kan meer byvoeg totdat dit deeg vorm inneem)
Rol uit.

Vulsel
4 hoenderfillette , in stukkies gesny
1 groen peper (green pepper)
1 groot ui
1 pakkie sampioene
halwe bossie spinasie

Braai die uie, groen rissie, en sampioene tot goudbruin, sit spinasie by en laat bietjie deurkook, skep een kant uit in ‘n bakkie
Braai gesnyde hoender stadig in dieselfde pan tot gaar, gooi uiemengsels by, laat bietjie deur kook

Voeg nou
250ml Room gemeng met
1/2 pakkie creamy mushrooms sauce en
1/2 pakkie chicken a la king
Laat deur kook.
Gooi vulsel in tertkors, gooi 2 eiers wat met koppie melk geklits is, oor en bak vir 45 min teen 180°C

Resep en Foto: Nicolene Botha

BASIS VIR KORSLOSE QUICHE
Ek maak myne met die vlg basiese goed:
1 koppie room
1 koppie gerasperde cheddar kaas
4 eiers
Smeer ‘n tertbak, grootte van jou keuse.
Meng jou vulsel. Jy kan dan bysit net wat jy wil. Ek hou van spinasie en feta, broccoli en ekstra cheddar, oorskiet maalvleis, enige iets werk. Meng jou vulsel, skep in die pannetjie tot jou pannetjie so driekwart vol is. Meng die room, eiers en kaas, giet oor die vulsel.  Kyk dat dit mooi deurloop. Indien verkies, sprinkel nog kaas oor.
Bak by 180º C tot gaar. Rondom 30 min.
Altyd ‘n treffer.
Resep: Celeste Glöss
Foto : Adam Cloete

          
SPEK, KAAS EN SPINASIE TERT / SKONS / BROODJIE
Foto 2: Daleen Rademeyer
Resep en foto 1: Esme Slabbert
Al moet ek dit nou self sê, dit ruik heerlik noudat dit warm uit die oond gekom het. Net afkoel dan het ons aandete saam met met ‘n heerlike groenslaai.
2 koppies bruismeel
knippie sout
1 teelepel bakpoeier
1 teelepel mosterdpoeier
2 koppies sterk Cheddar kaas (of enige skerp gegeurde kaas van jou keuse)
2 koppies gekrummelde spek stukkies, gaargemaak
2 handevol rou spinasie, fyn gesnipper
8 – 9 spriet uie, fyn gesnipper
500 ml karringmelk
2 eiers

Meng meel, sout, bakpoeier, mosterdpoeier, kaas, spek, uie en spinasie in ‘n mengbak.
Klits die karringmelk en eiers apart en meng dit by die meelmengsel.
Giet die beslag in ‘n bak wat gespuit is met kleefwerende kossproei of iets soortgelyks.
Bak in ‘n voorverhitte oond teen 360ºF / 180ºC vir +- 40 minute of tot gaar en goudbruin, wanneer ‘n toetspen skoon uitkom is dit reg.
Nota:
Esme Slabs – Ek wil net byvoeg dat ons dit gisteraand ge-eet het met ‘n slaai en dit was heerlik. Iets om te onthou: Jy kan dit beslis ook in ‘n kolwyntjie-pannetjie maak en gebruik as ‘n skon of broodjie en jy kan ook enige iets soos vleis en geurmiddels byvoeg, wat jy het, want dit is baie veelsydig en sal werk met wat ook al jy beskikbaar het.
Ek het dit wat oor was in blokkies gesny en in “snack” pakkies gesit en gevries vir die komende week.
Dalene Rademeyer – Ek het die resep probeer en net ‘n ¼ koppie olie bygevoeg. Uiteindelik het ek ‘n resep wat proe soos die muffins wat jy in koffiewinkels kry. Bak die muffins vir +- 20 minute of tot ‘n toetspen skoon uitkom.

TOMATO PIE
1 (9 inch) deep dish pie crust
4 large tomatoes, peeled and sliced
½ cup chopped fresh basil
3 green onions, thinly sliced
½ pound bacon – cooked, drained, and chopped
½ teaspoon garlic powder
1 teaspoon dried oregano
½ teaspoon crushed red pepper
2 cups shredded Cheddar cheese
¼ cup mayonnaise

Pre-heat oven to 375 ºF (180ºC).
Prepare pie crust.
Layer Tomatoes,then basil, green onions, spices and bacon.
Mix cheddar and mayo in small bowl and spread over bacon layer.
Cover with tin-foil and bake for 30 minutes.
Remove tin-foil bake for additional 30 minutes.
Source: Our Eating Habits (Original recipe by DonnaK at Allrecipes)

TUNA SOUTTERT
Hierdie is een van die soutterte wat ek vanmiddag opgespoor het en probeer het, baie vinnig en maklik, ek het hom so bietjie aangepas. Dit is ‘n klein tertjie, so ek stel voor mens maak hom dubbel of bak in nog ‘n kleiner pannetjie as julle net twee is. Julle sal sien aan die foto, hy is redelik plat, maar baie lekker
100 g uie, gekap
20 g margarine/ olyf olie
170 g tuna, gevlok (1 blikkie)
80 g Cheddar-kaas, gerasper (of helfte feta)
100 g sampioene, gekerf
Halwe koppie gaar rys
3 gerkins fyn gesny
knippie rooipeper
40 g afgeroomde melkpoeier en water om 300 ml op te maak of room
2 eiers
5 ml mosterdpoeier
30 g koekmeel
5 ml sout
vars gemaalde swartpeper
5 ml droë gemengde kruie
Spuit ‘n 20-cm-tertbak met kleefvrye spuitmiddel – verhit oond tot 180 Grade C
Soteer uie in margarien tot sag. Voeg sampioene by en braai liggies. Haal van die warm plaat af. Voeg die res van die bestandele by die uie mengsel. Klop melk en eiers saam. Meng mosterdpoeier, koekmeel, sout, peper en gemengde kruie saam. Roer eiers en melk geleidelik by meelmengsel, klop om klonte te voorkom. Skep in die tertbak , besprinkel met paprika en bak sowat 40 minute lank in die middel van die oond tot gestol.
Mikrogolf-metode:
Soteer uie en margarien 1-2 minute op hoog tot sag. Meng al die bestanddele saam soos beskryf en sprinkel met paprika of mikrogolf- verbruiningsmiddel. Mikrogolf 12-15 minute op medium tot gestol.
Foto en aangepaste resep:  Rina Kleinhans.

VARIASIE SOUTTERTE – OOND EN MIKROGOLF
Korslose Souttert
6 snye Slim Slice-witbroodkrummels
600 ml volroommelk
12 Like-it-Leab repies spekvleis, gebraai en gekap
8 Like-it-Lean- Weense worsies, gekap
4 eiers
5 ml droë mosterd
3 ml sout vars gemaalde swartpeper
60 ml grasuie, gekap
120 g Cheddar-kaas, gerasper
paprika
Week broodkrummels in melk, verhit en prut 3 minute lank. Druk fyn en voeg spekvleis en Weense worsies by. Verkoel. Meng eiers, mosterd, sout, peper, grasuie en twee derdes van die kaas saam. Voeg dit by broodmengsel en meng deeglik. Spuit ‘n 20-cm-tertbak met kleefvrye spuitmiddel en voeg mengsel in. Besprinkel met oorblywende kaas en bak sowat 40 minute in die middel van die oond by 180ºC of tot gestol. Besprinkel met paprika en bedien warm met ‘n groenslaai.
Die resep lewer 4 porsies.
Mikrogolf-metode:
Mikrogolf broodkrummels en melk 6 minute lank op medium – gebruik ‘n groot glasbak. Mikrogolf spekvleis 8-10 minute op ‘n papierbord tot bros. Kap in stukkies. Meng al die bestanddele saam soos bo beskryf, en gooi in ‘n 20-cm-mikrogolf-/glastertbak. Voor dit gebak word, besprinkel met kaas en paprika. Mikrogolf 7-10 minute op medium of tot gestol.

Souttert
60 g brood (verwyder korsies voor dit geweeg word)
2 Weigh-Less koffieverromers sowat
250 ml water
VOEG BY:
1 eier
40 g Cheddar-kaas, gerasper
2 Like-it-Lean Weense worsies of 65 g Like-it-Lean polonie, gerasper of 45 g Like-it-Lean spekvleis, gekap en gebraai
60 ml sampioene, gekap
25 ml groenrissie, gekap
2 ml uievlokkies, in 10 ml warm water geweek vir 20 minute
2 ml knoffelsout
2 ml sout vars gemaalde swartpeper
25 ml pietersielie, gekap
Meng alle bestanddele, behalwe pietersielie, deeglik saam. Spuit ‘n 15-cm-tertbak met kleefvrye spuitmiddel en skep mengsel in die bak. Bak sowat 25 minute lank by 180ºC, of tot ligbruin bo-op. Besprinkel met pietersielie. Bedien saam met ‘n mengelslaai.
Die resep lewer 2 porsies.
Mikrogolf-metode:
Mikrogolf brood, koffieverromer en water 5-6 minute op hoog. Voeg al die bestanddele behalwe pietersielie by. Spuit ‘n mikrogolf-tert-/of glasbak met kleefvrye spuitmiddel, en mikrogolf 7-10 minute op medium. Besprinkel met 5-7 ml paprika om ‘n goudbruin kleur te kry. Versier met pietersielie en bedien.

Skelvistert
400 g skelvis (rou gewig om 300 g gaar gewig te gee)
vars gemaalde swartpeper
100 ml afgeroomde melk en 100 ml water
10 ml olie/botter
100 g uie, gekap
1 groenrissie, gekap
410 g aspersiestukke
6 snye Slim Slice-volkoringbroodkrummels
2 eiers
2 ml aangemaakte mosterd
50 ml pietersielie, gekap
30 g Cheddar- of Parmesaanse kaas, gerasper
knippie rooipeper
Geur vis met peper en posjeer in melk en water. Dreineer vloeistof en behou dit. Vlok die vis. Verhit ‘n kleefvrye pan, spuit met kleefvrye spuitmiddel en voeg olie by. Soteer uie en groenrissie tot sag, voeg aspersies by en meng liggies. Week brood in gedreineerde vloeistof en voeg by uiemengsel saam met gevlokte vis. Meng liggies. Skep in oondbak wat met kleefvrye spuitmiddel gespuit is. Klop eiers, aspersie-vloeistof, mosterd en pietersielie saam en gooi oor skelvismengsel. Besprinkel met kaas en rooipeper. Bak sowat 15 minute by 180ºC tot eier gestol en kaas gesmelt het.
Mikrogolf-metode:
Posjeer skelvis in ‘n bedekte bak, mikrogolf 4-5 minute op hoog. Dreineer en vlok. Soteer uie, groenrissie en olie 2-3 minute op hoog in ‘n oondvaste kasserolbak tot sag. Roer aspersies by en meng liggies. Week brood in gedreineerde vloeistof en voeg by uiemengsel saam met gevlokte vis. Meng liggies. Skep in ‘n mikrogolfbak wat met kleefvrye spuitmiddel gespuit is. Klop eiers, mosterd, en pietersielie saam en gooi oor skelvismengsel. Besprinkel met kaas en rooipeper. Mikrogolf 6-8 minute op medium tot eiers gestol en kaas gesmelt het.

Sampioentert
KORSDEEG:
160 g koekmeel
2 ml sout
64 g medium-vetsmeer
sowat 15 ml yswater
5 ml suurlemoensap
Sif meel en sout saam in ‘n mengbak. Sny die vetsmeer in tot mengsel krummelrig is. Voeg water en suurlemoensap by en meng tot ‘n sagte, maar nie taai nie, deeg. Voeg yswater by indien nodig. Spuit ‘n stuk vetpapier liggies met kleefvrye spuitmiddel. Plaas deeg op die papier. Bedek met nog ‘n vel vetpapier wat gespuit is. Rol dun uit. Verwyder boonste papier en keer uitgerolde deeg uit op ‘n 20-cm-tertbak. Maak rante netjies. Bedek met foelie en bak 10 minute of tot dit begin verbruin by 180ºC.
VULSEL:
100 g uie, fyn gekap
1 knoffelhuisie, fyngedruk
32 g medium-vetsmeer
300 g sampioene, gekerf
80 g Cheddar-kaas, gerasper
2 eiers
100 ml volroom melk
2 ml selderysout
vars gemaalde swartpeper
12,5 ml pietersielie
Soteer uie en knoffel in verhitte smeer tot sag. Voeg sampioene by en soteer 3 minute lank. Indien daar vloeistof is, vermeerder hitte en laat die vloeistof verdamp. Skep op warm deegkors, sprinkel kaas oor. Meng die oorblywende bestanddele saam. Skep oor sampioenmengsel. Bak in die middel van die oond 15-20 minute by 180ºC of tot ferm en gestol. Bedien warm met ‘n mengelslaai. Die resep lewer 8 porsies as voorgereg of 4 as hoofgereg.
Mikrogolf-metode:
Plaas die uitgerolde deeg in ‘n 20-cm-glastertbak. Steek gaatjies in ‘n papierhanddoek en plaas bo-oor – dit sal die deeg bros laat word. Mikrogolf 2-3 minute op hoog. Vulsel: Mikrogolf uie, knoffel en smeer 2 minute lank op hoog. Voeg sampioene by en mikrogolf nog 2 minute op hoog. Dreineer die mengsel en plaas op gaar kors. Klop oorblywende bestanddele, behalwe kaas, saam, gooi oor sampioene. Besprinkel met kaas en paprika of verbruiningsmiddel. Mikrogolf 7-10 minute op medium of tot gestol. Besprinkel met gekapte pietersielie voor opdiening.

Tunatert
100 g uie, gekap
20 g margarien
150 g tuna, gevlok
80 g Cheddar-kaas, gerasper
100 g sampioene, gekerf
knippie rooipeper
40 g afgeroomde melkpoeier en water om 300 ml op te maak
2 eiers
5 ml mosterdpoeier
30 g koekmeel
5 ml sout
vars gemaalde swartpeper
5 ml droë gemengde kruie

Soteer uie in margarien tot sag. Voeg tuna by en meng. Spuit ‘n 20-cm-tertbak met kleefvrye spuitmiddel. Voeg tuna en uie by. Besprinkel met Cheddar-kaas en sampioene. Besprinkel met rooipeper. Klop melk en eiers saam. Meng mosterdpoeier, koekmeel, sout, peper en gemengde kruie saam. Roer eiers en melk geleidelik by, klop om klonte te voorkom. Skep dit oor die inhoud van die tertbak en bak sowat 40 minute lank in die middel van die oond by 180ºC of tot gestol.
Die resep lewer 4 porsies.
Mikrogolf-metode:
Soteer uie en margarien 1-2 minute op hoog tot sag. Meng al die bestanddele saam soos beskryf en sprinkel met paprika of mikrogolf- verbruiningsmiddel. Mikrogolf 12-15 minute op medium tot gestol.

Mieliemeeltert
40 g mieliemeel
600 ml kookwater
5 g botter/olie
200 ml sampioene, gekap
125 ml groenrissie, gekap
1 tamatie, geskil en gekap
5 ml selderysout
vars gemaalde swartpeper
1 eier, geklits
5 ml bakpoeier
40 g Cheddar-kaas, gerasper
Roer mieliemeel in kookwater tot glad. Roer bestanddele een vir een by in volgorde by, behalwe kaas. Spuit kasserolbak met kleefvrye spuitmiddel en voeg mengsel daarin. Bak sowat 40 minute in die middel van die oond by 190ºC of tot gestol. Besprinkel met kaas en plaas onder verhitte rooster om te smelt. Bedien saam met gestoomde groenbone en volkoring-roosterbrood.
Die resep lewer 2 porsies.
Mikrogolf-metode:
Kook 1-2 minute op hoog tot dit borrel. Roer af en toe. Plaas mieliemeel-mengsel in ‘n kasserolbak, soos aangedui. Besprinkel met kaas en paprika of mikrogolf-verbruiningsmiddel. Mikrogolf 8-10 minute op medium tot gestol.

SPINASIE MUFFINS – TERT

250 g maalvleis, gebraai met uie en sampioene (geen sout – peper of knoffel)
500 g spinasie, kook tot sag
Meng:
4 eiers
1 bakkie suurroom
1 bakkie gladde maaskaas
1 pakkie bruinuiesop
½ koppie cheddar

Meng en roer al die vleis en spinasie by. Bak as een hele tert of soos in muffin pan en strooi cheddar bo-op. Bak tot goudbruin. Dit vries heerlik. Jy kan die mengsel ook optooi met green peppers ens. dit is regtig ‘n baie lekker resep.

BRON – Sharon Du Toit
Foto:  Cora Naude

CREAM CRACKER CRUST CHEESE TART

This recipe is adapted from a recipe which is featured in the Scottish recipes by Lady Claire Macdonald leaflet. World – renowned writer, cook and cookery demonstrator, Claire Macdonald lives at Kinloch Lodge on the Isle of Skye.

Base:
¾ Packet Cream Cracker biscuits crumbed
90g (100ml) butter, melted
2ml dry mixed herbs

Mix together and press this mixture around the sides and base of a flan dish measuring 9” or about 14 cms. Bake in a moderate oven, 350F 180C gas mark 4 for 15 mins. Cool.
Filling:
375g (12 oz) Cream Cheese, such as Philadelphia – you can use low-fat philly perfectly well if you prefer or diet dictates
125g (4 oz) grated best Cheddar Cheese
A good grinding of black pepper
A grating of nutmeg
½ teaspoon salt
1-2 cloves of garlic, skinned and finely chopped – optional, but I love it
2 tablespoons chopped parsley and snipped chives, mixed

Beat the cream cheese very well, adding the chopped garlic, seasonings and the grated cheddar. Then spread this mixture over the base of the cooled, baked cream cracker case.

For the surface:
6 Tomatoes, skinned, seeds removed and the tomato flesh diced
A handful of basil leaves
1 tablespoon olive oil
½ teaspoon Balsamic vinegar
A pinch of salt and a grinding of black pepper

Tear up the basil leaves – chopping them causes them to discolour- and mix them thoroughly with the diced tomatoes, olive oil, Balsamic vinegar, salt and pepper. Spoon this mixture over the surface of the cheese on the cream cracker base.
Slice to serve.

Photo and recipe changes:  Adam Cloete

SAMPIOEN EN SPEKTERT
KORS
Krummel saam en meng:
90 g botter/margarine
sout
rooipeper
1 koppie  koekmeel
+- 90g geraspede cheddarkaas

VULSEL:
Braai die volgende saam:
1 pak gesnipperde spek/ham
1½ pak vars sampioene (375g)
½ Groen soetrissie
1 ui
Ekstra:
3 eiers
1 koppie gerasperde cheddarkaas
+- 2 koppies witsous

Druk die kors in ‘n voorbereide tertbak vas en sit in die yskas.
Braai die vulsel bestanddele saam.
Maak kaassous en voeg by die gebraaide bestanddele.
Laat af koel, skep in die voorbereide tertbak of muffin pannetjies,
Klits eiers en skep bo-oor.
Strooi kaas bo-op en bak  +- 40 min op 180ºC
Die muffin pannetjies sin sal korter bak, toets op 25 min vir gaarheid.

Resep: Dalina van Heerden
Foto: Diane Roode Hancox