BILTONGTERTJIES
Ek het klein tertjies gemaak.
Blaardeeg uitgerol en sirkels met glas gedruk.
In van daardie heel klein muffin panne gesit.
Bietjie biltong op dan bietjie kaas.
Bo-op geklitste eier en room mengsel.
Ek het twee rolle puff pastry s’n gemaak.
Het blok kaas gebruik.
Eier mengsel was twee houers room en ses eiers.
Bak teen 180°C totdat gaar en deeg bietjie kleur gekry het.
Heerlik!

RESEP EN FOTO: Ronel Grobbelaar‎

BROOD-EN-TUNA-TERT
Janie le Roux van Mokopane in Limpopo het hierdie resep met ons gedeel.
Foto’s:   Johann Van Vuuren en Adam Cloete
FOOD LOVERS RECIPES
Lewer 1 tert van 20 cm
2 blikkies (170 g elk) tuna in pekelwater, gedreineer
1 rooi-ui, gekap
5 agurkies, gekap
12 – 15 babatamaties
300 g cheddarkaas, gerasper
3 eiers, geklits
500 ml (2 k) melk
7 snye witbrood, korsies verwyder
sout en peper na smaak

Voorverhit die oond tot 180 °C. Smeer ’n oondvaste bak van 20 cm.
Meng die tuna, ui, agurkies, tamaties, cheddarkaas en eiers.
Verhit die melk en giet oor die snye brood. Geur met sout en peper. Meng goed.
Voeg by die tunamengsel. Meng goed en giet in die gesmeerde oondbak.
Bak 45 minute of tot goudkleurig en gestol.

WENK
Vervang die cheddarkaas met fetakaas en 250 ml van die melk met gladde maaskaas – dit sal die maaltyd meer vullend maak.

KORSLOSE TUNA-QUICHE
Lekker aandete, min moeite.
45 ml margarien / botter
30 ml koekmeel
250 g cheddar, gerasper
2 blikkies tuna, gedreineer
6 groot eiers
250 ml suurroom
½ ui baie fyn gekap
30 ml vars pietersielie, gekap (opsioneel)
5 ml droë mosterdpoeier
sout en rooipeper na smaak

Voorverhit die oond tot 180 ºC.
Smeer jou tertbord met margarien.
Smelt die margarien / botter in ‘n pan tot gesmelt en soteer die ui tot sag.
Roer die koekmeel by die ui en verwyder van hitte.
Roer kaas en tuna by.
Klits eiers deeglik en voeg suurroom, pietersielie en geurmiddels by.
Roer goed. Voeg roommengsel by tunamengsel en meng deeglik.
Skep in oondvaste tertbord.
Bak ongeveer 35 minute tot goudbruin.
Bedien met heerlike vars groenslaai
FOTO – Engela Olckers

SPEK EN KAAS QUICHE
250 g spek
4 eiers
250 ml room
125 ml water
5 ml droë tiemie
knippie wit peper
40 g mozzarella,gerasper
40 g cheddar, gerasper
Voorverhit die oond tot 180°C. Smeer/spuit ‘n ronde tertbord deeglik. Maak die spek gaar tot amper bros. Dreineer en sny in stukkies. Klits die eiers, room, water, tiemie en peper saam. Giet die eiermengsel in die tertbord. Sprinkel die spek en kaas bo-oor die eiermengsel. Bak vir ongeveer 30 minute tot die eiermengsel gestol is. Laat 10 minute afkoel voor die tert gesny word.

4 Porsies * 2012kJ * Total Fat 36g * Protein 34g * Total Carbs 3.4g * Net Carbs 1.4g
Resep deur Léanda van der Westhuizen

RONEL SE KORSLOSE QUICHE
Resep en foto: Ronel Grobbelaar
FOOD LOVERS RECIPES
Was bietjie lus vir quiche, maar eet nie op oomblik stysel. So toe maak ek hom sonder ‘n kors.
Braai die volgende saam:
½ pakkie spek, gesnipper
bietjie uie, fyn gekap
½ pakkie sampioene
100 g spinasie
Klits die volgende saam:
1 houertjie room
4 eiers
2 teelepels mosterdpoeier
bietjie sout, peper en paprika
Ekstra:
3 koppies gerasperde kaas

Sit die spekmengsel in ‘n voorbereide oondbak, sprinkel die gerasper kaas oor en giet die roommengsel oor.
Bak vir so halfuur teen 180ºC.
Mmmm heerlike ligte middagete!

MEYER SE SPINASIE RING
300g rou spinasie, gewas en fyner gekap
1 ui, fyn gekap
1 pakkie sampioene, fyner gekap
125g pakkie salami skyfies, in klein blokkies gesny
4 eiers
200ml room
2e Maizina
Peper, na smaak
Neutmuskaat, na smaak

Braai uie stadig tot gaar en effens bruin, voeg sampioene by en braai deur, voeg dan salami by, en braai deur.
Voeg spinasie by, en braai deur.
Voeg lekker baie peper by (na smaak natuurlik).
Klits eiers, Maizina, room en Neutmuskaat saam.
Temper eiermengsel met lepelsvol spinasie mengsel tot alles gemeng is.
Giet in ringpan (vooraf gespuit natuurlik), sprinkel kaas bo-oor, en bak teen so 180oC tot deurgaar. Laat rukkie afkoel, en keer dan uit op opdienbord.

BRON/FOTO: Meyer Combrinck

BOEREWORS EN KEKERERTJIE QUICHE
VULSEL:
300 g boerewors
1 groot eetlepel botter
1 medium grootte fyngekapte ui
1 fyngemaakte knoffeltoontjie
340 g blikkie kekerertjies, gedreineer
2 groot eiers liggies geklits
250 ml jogurt (of room)
¾ koppie gekrummelde Fetakaas
125 g gladde maaskaas
sout en peper na smaak
‘n handvol Cheddarkaas om bo-oor te strooi
KORS:
250 g gewone koekmeel
100 g botter, in klein stukkies gesny
1 eiergeel, liggies geklits in 30 ml koue water

Vir die kors:
Plaas die meel in ‘n mengbak, voeg die botter by en vryf dit in die meel in met jou vingerpunte tot dit soos broodkrummels lyk. Meng die geklitste eiergeel / water mengsel in met ‘n rondepunt mes tot dit ‘n sagte deeg vorm. Haal dit uit op ‘n oppervlakte wat liggies met meel bestrooi is en knie dit vinnig en lig tot ‘n gladde bal. Probeer om die deeg so min moontlik met jou hande te hanteer. Draai dit toe in kleefplastiek en laat vir ten minste 30 minute in die yskas afkoel.
Vir die vulsel:
Smelt die botter oor medium hitte en braai die ui tot sag. Voeg die knoffel en kekerertjies by en roer-braai vir 2 minute. Geur met sout en peper, verwyder van die pan en en hou eenkant. Sny die wors in stukkies en braai dit in dieselfde pan tot gaar. Meng dit met die chickpea mengsel, maar hou ‘n paar groter stukkies eenkant. Klits die eiers en room saam, en roer die Feta en Maaskaas by. Geur met sout en peper. Giet die eiermengsel nou by die wors en kekerertjies mengsel en roer goed deurmekaar.
Rol die deeg liggies uit en voer ‘n 30cm quiche bak of pan daar mee uit. (Blind bak is nie nodig nie). Skep die mengsel in die uitgevoerde bak en rangskik die orige stukkies wors bo-op. Bestrooi liggies met gerasperde kaas en bak vir 35 minute by 180ºC of tot opgepof en gestol en goudbruin.

Bron: Adrian Olivier
Foto: Adam Cloete

SPEKVLEIS EN BROCCOLI QUICHE
Kors:-
250 ml (1 koppie) koekmeel, gesif voordat dit afgemeet is
125 ml (½ koppie) hawersemels
45 ml (3 eetlepels) lite margarien
1 ml (¼ teelepel) sout
1 eier
45 ml (3 eetlepels) yswater
Vulsel:-
1 x 410 g-blik klein wit boontjies, gedreineer 
250 ml (1 koppie) broccoli-blommetjies, in klein stukkies gesny
8 repe maer spekvleis, gekap
1 groot ui, fyn gekap
3 eiers
100 ml afgeroomde melk
150 ml ongegeurde laevet-jogurt
Sout en peper na smaak
2 ml (½ teelepel) mosterdpoeier
100 ml gerasperde mozzarellakaas (2 vuurhoutjiedosies)
5 ml (1 teelepel) gerasperde parmesaankaas
Vir die kors:-
Vryf die meel, hawersemels, margarien en sout saam tot die mengsel soos broodkrummels lyk.
Meng die eier en water. Voeg n eetlepel eiermengsel op n slag by die meelmengsel en meng tot n sagte deeg. Voeg nog meel by indien dit klewerig raak. Bedek en verkil sowat 20 minute.
Rol uit en vier n gesmeerde pasteibak daarmee uit, of druk die deeg met jou vingers in die bak.
Vir die vulsel:-
Dreineer die boontjies en versprei dit egalig oor die kors. Strooi die broccoli egalig oor die boontjies.
Braai die spekvleis en ui sonder enige olie of ander vet in die pan. As dit vassit, voeg n bietjie water by en roer.
Klits eiers, melk en jogurt saam. Voeg sout en mosterd by. Voeg ui en spekvleis by, roer en giet oor quiche. Strooi kaas oor.
Bak 25 tot 30 minute teen 180ºC tot die vulsel gestol is
Let daarop dat die quiche steeds 12 g vet per porsie bevat, selfs al word daar min vet in die voorbereiding gebruik.
Voedingstowwe per porsie:- …. Glukemiese indeks 48 … Vet 10 g … Koolhidrate 30 g … Vesel 5 g … Proteien 14 g … kJ 1196 ….
Een porsie is gelyk aan 2 proteien, 1 ½ stysel, en 1 beperkte groente

Foto:  Petré Van Jaarsveld

All people with any type of diabetes who wish to use our recipes, should do so in consultation with their diabetes healthcare team. If you have diabetes it is important to know your risk factors.

Persone met enige tipe diabetes wat ons resepte wil gebruik, moet dit in oorleg met hul diabetes-gesondheidsorgspan doen. As jy diabetes het, is dit belangrik om jou risikofaktore te ken.

THERESE SE SPINASIETERT

Maak jou spinasie gaar.
Gooi dan een houertjie room en een pakkie three cheeses pasta sous by (die droë pakkie) die spinasie.
Vat puff pastry en sit dit in ñ tertpan vir ñ kors.
Steek liggies met vurk, bak blind.
Haal kors uit oond en smeer met gemelte botter of bak margerien.
Sit spinasie met room en pasta sous poeier in die tert kors.
Strooi met gerasperde kaas en bak teen 180 grade vir 25 min.

Lekker as bykos, klein ete of voorgereg.

Resep:  Therese Potgieter Van Rooyen

SPINASIE SPEK SAMPIOEN EN FETA QUICHE
Kors:-
100 g Koekmeel
100 g Botter
100 g Cheddarkaas (fyn gerasper)
1/2 Vars Tiemie (fyn gekap)

Vulsel:
500g Spinasie (gekerf en grof gekap)
Olie om spek en uie in te braai
250 g Spek
1 groot Ui
2 blare Knoffel Chives
300 g Sampioene
Grofgemaalde swartpeper en aromat
1 blok Feta gekrummel
Bolaag:
3 Eiers
100 ml Melk
1 blok Feta gekrummel
Bietjie rooipeper

Meng die meel, botter, tiemie en kaas met ‘n voedselverwerker totdat dit ‘n deeg vorm. Druk deeg in tertborde uit. Plaas in vrieskas vir 15min. Braai die spek, uie, sampioene en knoffel Chives in olie tot gaar.
Dompel spinasie vir n minuut in kokende water. Skep uit en druk water uit.
Meng goed met spekmengsel
Voeg peper en aromat by, asook 1 blok gekrummelde feta kaas.
Meng goed.
Skep mengsel eweredig in korse. Strooi gekrummelde feta kaas oor.
Klits eiers, melk, bietjie sout en grofgemaalde swartpeper saam .
Gooi oor die spinasie. Sprinkel n bietjie rooipeper oor, asook vars gekapte pietersielie. B
ak vir sowat 40 tot 45 min in oond by 180oC.

Resep geplaas deur Jeanette Van Rooyen-Strydom 
Foto: Petré Van Jaarsveld en Bettie Venter