MONIQUE SE BILTONG QUICHE
6 – 8 porsies
KORS:
250 ml (1 koppie) koekmeel
250 ml (1 koppie) gerasperde cheddar kaas
125 ml (½ koppie) harde botter
VULSEL:
15 ml (1 eetlepel) botter
4 preie (leeks), in dun ringetjies gesny
1 knoffelhuisie, gekneus
200 g baie dun skyfies biltong sonder vet in repies gesny
3 eiers
250 ml (1 koppie) room
125 ml (½ koppie) suurroom
15 ml (1 eetlepel) suurlemoensap
15 ml (1 eetlepel) gedroogde gemengde kruie
sout en varsgemaalde swartpeper na smaak

Voorverhit die oond tot 160°C.
Kors:
Meng die bestanddele in ‘n voedselverwerker tot ‘n sagte deeg, of vryf die botter en kaas met die vingerpunte by die meel in.
Meng tot ‘n deeg.
Voer ‘n 24 cm tertbord of pan met deeg uit, maar moet dit nie bak nie.
Vulsel:
Verhit die botter en soteer die preie (leeks) en knoffel tot sag.
Roer die biltong by en skep die mengsel in die tertkors.
Klits die eiers, room, suurroom, suurlemoensap en kruie saam.
Geur na smaak en giet dit oor die biltongmengsel.
Bak dit 45 minute of tot goudbruin en gaar.
Sit dit warm of teen kamer temperatuur voor. Heerlik saam groen slaai
Foto’s: Monique Grobbelaar en Mona Croucamp

PETRO SE ASPERSIETERT
Maak ‘n wit sous van:
50 g botter
80 ml koekmeel
1 ½ koppies melk
sout en pepper na smaak
Kook saam tot verdik.
Laat witsous so bietjie afkoel Meng in 2 geklitste eiers
5 ml mostard poeier
2 eetlepels mayonnaise
1 blikkie aspersie stukke ( ek het myne bo-op gesit )
100 g gerasperde cheddar kaas meng alles saam .

Skep in ‘n gesmeerde oondbak in ‘n voorverhitte oond by 180 ºC en bak vir 25 tot 30 minute en mooi goudbruin en gaar .
Resep en foto: Petro Van Genderen

TUNA-TERTJIES
15 ml botter
15 ml koekmeel
125 ml melk
Sout en peper
1 blikkie 200 g tuna , gedreineerde en gevlok .
1 eier, geskei
15 ml vars gekapte pietersiellie
250 ml gerasperde kaas
Knippie rooipeper
1 pakkie ( 200 g ) blaardeeg

Verhit die botter in ‘n pan op die stoof, voeg meel by en braai een minute oor lae hitte. Voeg melk geleidelik by en klop oor matige hitte tot verdik. Geur met sout en peper.Haal van die stoof af.
Voeg vis by en meng goed.
Klop eiergeel en meng by en roer pietersiellie en kaas by. Geur met rooipeper.
Klits eierwit styf en vou by mengsel in. Rol deeg uit, druk sirkels uit en voer gesmeerde kolwyntjie pannetjies daarmee uit. Skep vulsel in, smeer gelyk en bak 8 – 10 minute in voorverhitte oond by 220 C .

Foto: Petro van Genderen

MARIA SE TUNA SOUFFLE’S
Braai die volgende saam in botter:
1 ui, gekerf
½ groen soetrissie, gekerf
½ rooi soetrissie, gekerf
Laat afkoel.
Meng die volgende saam:
4 eiers
2 blikkies gedreineerde tuna
½ koppie melk
½ teelepel bakpoeier
1 teelepel paprika
½ teelepel rooipeper
sout en peper na smaak
Ekstra:
mozarella kaas, gerasper vir oorstrooi

Meng koue gebraaide mengsel by die tunamengsel.
Skep in gespuite muffin pannetjies, half vol en strooi mozarella kaas bo-oor.
Bak ongeveer 10 min op 180ºC en 5 min met grill aan.
Resep: Maria Combrink
Foto: Rika Olivier

GIDEON SE KLEIN SOUTTERTJIES
Resep en foto:  Gideon Louw
FOOD LOVERS RECIPES
Aandkos was lekker souttert
Die resep is vir klein tertjies maar vroulief het dit als in een bak gedoen en gebak in die oond vir 1 uur op 180 ºC in ‘n voorverhitte oond.
Broodmengsel:
4 snye brood
1 koppie melk
¼ koppie botter
Week die brood in die melk en voeg die botter by.
Smelt alles in die mikrogolf oond vir vyf minute haal uit en klits die mengsel sodat dit soos ‘n dik pasta is.
Smoormengsel:
2 gekerfde uie
1 pakkie (250 g) spek stukkies
250 g sampioene
½ – 1 teelepel swartpeper
Smoor die uie, spek stukkies en sampioene saam tot dit droog is. Voeg die swartpeper by.

Res van bestanddele:
3 geklitste eiers
2 koppies gerasperde kaas
1 desert lepel droë mosterd
1  teelepel chillie vlokkies
1 blikkie weense worsies, in wieletjies gesny (hou die “brine”)
Meng die smoormengsel en die broodmengsel saam.
Voeg dan die eiers, kaas, droë mosterd, chillie vlokkies en weense worsies by, asook die ” brine “.

Meng alles saam en skep in muffin pannetjies en bak in ‘n voorverhitte oond op 180 ºC vir 45 min!

2de foto: Jacques Schutte

CAMEMBERT EN UIE TERT

Deeg
Gewone skilferrol deeg

Vulsel
Sny 3 tot 4 uie in dik ringe en braai tot effens gekleurd en hou eenkant.
Braai ñ pakkie bacon stukkies tot gaar.
In mengbak, 4 eiers, 250ml suurroom, 2 teelepels tiemie en pietersielie, sout en peper na smaak, voeg gaar bacon by en gooi in kors. Sit uieringe mooi bo-op. Moenie worry as dit effens insak nie. Sny 1 Camembert op en druk hier en daar tussen uie in. Bak teen 180°C tot gaar.

Resep: Oorsprong Your Family aangepas deur Elizabeth Haupt
Foto: Elizabeth Haupt

HOENDER QUICHE MET GEKARAMELISEERDE UIE
Kook ontbeende hoender borsies gaar met jou kruie en of speserye waarvan jy hou. “Flake” nou die hoendervleis. Gooi terug in kastrol. Ek het sommer n bietjie hoender roomsop poeier gebruik net om dit te bind.
Karameliseer die uie soos volg:
Sny uie in dun skywe, gehalveer
Braai in botter en olyfolie gemeng. Sowat n eetlepel van elk. Braai oor stadige hitte. Roer gereeld. Moet nie toelaat dat uie aanbrand. Gooi teelepel bruin suiker oor en knippie sout. Roer deur. Gooi eetlepel balsamuc asyn oor. Laat stadig prut.
Sit jou kors in quiche pannetjies
Skel uie onder in en hoender bo-op
Meng 1 kop room met 2 geklitste eiers. Sout en perper na smaak
Gooi bo-oor hoendervleis
Ek het bietjie kaas oorgestrooi en gerookte paprika bo-oor
Bak vir 35 min in 200°C oond op onderste rak van oond
Bedien saam met mengelslaai
Bron. My eie kombinasie -Marieta James

PILCHARDS MEXICAN QUICHE
1 x 400g can Saldanha Pilchards in Hot Chilli Sauce
2 tbsp oil
2 large onions, thinly sliced
½ x 380g can evaporated milk
2 extra large eggs, beaten
1 cup cheddar cheese, grated
Salt and black pepper to taste
½ cup dried beans
1 x 400g packet unsweetened short crust pastry, thawed OR 1 cup flour mixed with ½ cup melted butter and ½ tsp salt

Roll out the pastry and line a greased pie plate OR mix the flour, butter and salt together and line the greased pie plate.
Place a sheet of baking paper on top of the pastry and fill with dried beans, bake blind at 200˚C for 10 minutes.
Heat the oil and fry the onions until soft.
Place the pilchards and sauce into a mixing bowl and mix in the onions, evaporated milk, eggs and ¾ of the cheese.
Season to taste and spoon into the baked pastry shell.
Sprinkle the remaining cheese on top.
Bake in a preheated oven at 200°C for 20 minutes or until golden brown and set.
Serve with a crisp green side salad.
Takes about 45 minutes.
SERVES: 4 – 6
PICTURE:  Adam Cloete
note:  Ek het pasta bygesit om die tert bietjie groter te maak.

BACON, FETA EN CHEDDAR KAAS QUICHE
Braai 1 fyngekapte ui, stuk spring onion en greenpepper tot lekker sag.
Haal uit pan.
Sny 1 pakkie bacon fyn op en braai liggies.
Voeg die uiemengsel weer by.
Gooi sout en growwe swartpeper by asook garlic en herbs.
Voeg 3 Eetl. Koekmeel by nie hoogvol nie
Klits 4 XL eiers met een koppie room en 1/4 k melk saam. Voeg dit by.
Breek 1 wiel feta kaas op en voeg by asook n halwe koppie cheddar kaas.
Meng alles saam en gooi in in n tertbak.
Bak vir 40-45 min by 180* oond vooraf warm gemaak.

Bron: Ronelle Muller Boshoff
Foto: Ronelle Muller Boshoff

GERDA SE BILTONG SOUTTERT
Resep en foto:  Gerda Venter
FOOD LOVERS RECIPES
Biltong souttert…resep by tannie by die werk gekry.
1 vel (400 g )broskors deeg(puff pastry)
250 g cheddar kaas gerasper
150 g gesnyde biltong (ongeveer)
4 eiers
375 ml room. Blikkie wat ek gebruik het was 300 ml

Voorverhit oond 180ºC.
Voer gesmeerde tertbak van sowat 32cm uit met deeg. Sprinkel cheddar kaas in die tertbak en strooi die biltong oor. Klits die eiers en room saam en giet oor die vulsel.
Plaas in warm oond vir sowat 1 uur tot vulsel gestol het. Laat staan vir 10 min voor jy bedien.