BATESKA

Hier is die resep soos aan my deurgegee: Beesvleis repies nie te lank nie en nie te dik nie. Uie, knoffel en gedroogde rissie braai saam en voeg die vleis by en braai net tot geseel, gooi nou rooiwyn en knoffelsous by. Ek het tamatie gekap en dit ook by gesit laat dit net n rukkie prut en bedien saam met droe brood die rissie moet na smaak wees en onthou asseblief die sout. Dit is veral n manne dis

BRON- Bets Lourens

Dit ‘n sous van room, suurlemoensap, sweet basil en tamaties in die pan gebraai, sit voor saam met gestoomde vis en rys
Heidi Rowe

BASIESE TAMATIESOUS
Maak: omtrent 1 liter (genoeg vir 8 porsies)
60 ml olyfolie
2 uie, gekap
2 selderystokkies, gekap
4 knoffelhuisies, fyngedruk
4 blikke pruimtamaties
2 lourierblare
5 ml droë origanum
10 ml droë basilie
5 ml suiker
’n klein hand vol vars basilie, geskeur

Verhit die olie in ’n kastrol. Voeg die ui en seldery by en soteer tot sag. Voeg die knoffel by en soteer vir nog ’n minuut.
Voeg die tamaties, lourierblare, droë kruie en suiker by en verhit tot kookpunt. Verlaag die hitte en laat prut vir 45 minute met die deksel op. Roer nou en dan.
Haal die lourierblare uit en roer die vars basilie by. Gebruik ’n stokmenger en pols tot glad. Geur na smaak met sout en varsgemaalde swartpeper. Vries die sous in bakkies of gooi dit in gesteriliseerde bottels en seël dit.

Nog idees
Gebruik die tamatiesous as basis vir ’n hoendergereg deur ’n bietjie Mexikaanse of Marokkaanse speserye en gekapte vars koljander by te voeg.
Vir ’n vegetariese bredie, sit groenteblokkies en kekerertjies by en laat sag prut. Lekker met koeskoes of rys.
Voeg enige van die volgende bestanddele by om die geur van die sous te verander: gekapte brandrissies, rooiwyn, olywe, gekapte groen soetrissie, pesto, geroosterde groente, opgesnyde artisjokke, gebraaide eiervrugblokkies, gekapte spek, gerasperde parmesaan of gekrummelde feta of bloukaas.

PIQUANT TOMATO SALSA
4 plum tomatoes, diced
1 (28-ounce) can crushed tomatoes, undrained
2 (3-ounce) cans diced green chilli’s
1 bunch green onions, chopped
½ cup chopped fresh cilantro
1 tablespoon chopped fresh oregano
1 tablespoon vinegar
2 teaspoons salt
2 teaspoons pepper
1 teaspoon sugar
2 teaspoons lite soy sauce
1 teaspoon lime juice

Combine all ingredients in a bowl; mixing well. Cover and chill 8 hours.
Recipes supplied by Healthy Eating.
Serve with Grilled chicken burrito or tortillas. Or use in wraps and serve as dip for Nacho chips.

Franco Dippenaar

SALAMI EN KAAS PASTEITJIES MET SOUS
Bron: Corne Liebenberg
FOOD LOVERS RECIPES
Basiese Pastei deeg
625 g botter of margarien
6 koppies koekmeel
½ teelepel kremetart
3 eiergele
¼ koppie wit asyn
1 ½ teelepel sout
¾ koppie yswater

Vryf die margarien in die droë bestanddele.
Klits die eiergele, wit asyn en yswater saam.
Meng liggies tot ‘n deeg vorm.
Moenie oorwerk nie.
Maak ‘n bal en vou toe in plastiek, plaas in die yskas vir ten minste 6 ure.
Die deeg bak die mooiste wanneer dit yskoud is.
Rol dun uit en gebruik vir pasteitjies.
Maak die pasteitjies klaar en pak rou in die vrieskas.
Bak die gevriesde pasteitjies vir 40 minute in die oond of 30 minute in die konveksie oond.

Salami en Kaas vulsel
½ koppie koekmeel
200 g margarien
Salami
Kaas
Melk
Braai stukkies salami in die 200 gram margarien vir 3 minute.
Voeg die koekmeel by en roer goed deur.
Gebruik die melk om ‘n dik witsous te maak.
Voeg die kaas by en proe – geur met sout en peper na smaak.

Sous (Amper soos outydse OK sous)
50 g margarien
50 ml olyfolie
1 groot ui
2 teelepels suiker
3 eetlepels bisto
50 ml worcestersous
1 koppie water

Braai die fyngesnyde ui in margarien en olyfolie.
Voeg die worcestersous by.
Strooi die suiker oor die uie en braai tot mooi glanserig.
Voeg die water by en prut die mengsel stadig vir 5 minute of tot die uie sag is.
Maak die bisto aan met ‘n klein bietjie water en voeg by.
Geur na smaak met sout en peper.

GEROOKTE ROOI SOETRISSIE PESTO

(Maak ½ koppie)
4 groot rooi soetrissies*, gerook
3 tamaties**, oondgerooster
2 knoffelhuisies, gekneus
2/3 koppie Parmesaankaas, gerasper
1/3 koppie dennepitte, gerooster en gekap
½ koppie olyfolie
sout en peper, na smaak

Plaas soetrissies, tamatie, knoffel, Parmesaan en dennepitte in ʼn vysel en stamp tot ʼn pasta. Voeg dan die olie by en geur met sout en peper na smaak.

*Smeer die rooi rissies met olie en rooster tot swart. Sit in ʼn toegeknoopte plastieksak vir 5 minute. Verwyder die vel en die binnegoed. Maak ʼn handvol kruie (roosmaryn, tiemie en salie) nat en plaas in ʼn wok wat met foelie uitgevoer is. Sit ʼn rak in die wok en plaas die soetrissies bo-op die rak. Plaas die wok op ʼn medium hitte met ʼn deksel totdat die kruie begin rook. Rook 3-4 minute.

**Plaas gehalveerde tamaties op ʼn bakplaat met ʼn bietjie olyfolie, sout en peper. Bak 45 minute teen 160˚C tot sag. Maak meer as wat jy nodig het en lê dit in deur met olyfolie te bedek en in die yskas te hou.

Bron: Arno Jansen Van Rensburg

BLOUKAAS EN SAMPIOENSOUS
Uie
Sampioene
Room
Botter
Koekmeel
Bloukaas – baie
Cheddar

Ons braai uie en mushrooms en gebruik bietjie room en melk en maak basiese witsous en BAIE bloukaas en bietjie cheddar en maak ‘n killer van ‘n sous. Ek gebruik nie meer ‘n resep nie, net instink en dit STINK so lekker! Ons koop al bloukaas in grootmaat, want ek dink al hoekom ons nou na braais toe genooi word is vir die sous!!

Bron: Linda Ferreira Wiid

Sprei 2 koppies sesami saad in ‘n plat bakpan en rooster dit tot dit net begin verkleur. Roer dit nou en dan deurmekaar. Moenie dit te donker laat rooster nie, want hoe bruiner die sade word, hoe bitterder word die tahini.

Plaas die geroosterde sesami saad oor in ‘n vinnige blender en terwyl die motor loop, giet jy bietjie vir bietjie van ¼ tot ½ koppie olyfolie by tot dit ‘n pasta vorm. Gebruik meer of minder olyfolie om die dikte van die pasta te bepaal.

Dit kan vir tot ‘n maand in die yskas in ‘n toe bottel gehou word.
ADAM CLOETE

SALAMI EN AVOKADO BURGER
Tuisgemaakte broodjie, pattie en sous!!
Avokado Sous resep!!
1 ryp avo,
4 eetlepels yogurt
‘n handvol pietersielie
1 klein ui
100 g gerasperde mozzerella
sout en peper na smaak
met so ‘n skeutjie cayenne…..
Plaas alles saam in die voeldselverwerker en verwerk tot glad…. dit is vreeeeeeeslik lekker!!!

Resep en foto: Corne Liebenberg