MARIANNE SE TUISGEMAAKTE MAYONNAISE
Tuisgemaakte mayonaise/slaaisous:
1 eiergeel en
2t mosterdpoeier,
klits goed.
Meet 1/3k asyn en
2k kookolie af en voeg in dun straaltjie om die beurt by terwyl jy aanhoudend klits.
Voeg 4e suiker,
1/2t sout by.
Klits goed.
Voeg 1/4t paprika by en klits nog steeds goed.
Vir my slaai het ek n eetlepel kondensmelk bygevoeg.
Resep en foto: Marianne de Beer
NANS SE SUURSOUS VIR BROODSLAAI
25 ml botter of margarine
2 eiers
150 ml suiker
1 ml sout
Knypie peper
150 ml asyn
Druk botter effens fyn in ‘n kleinerige pan. Voeg eiers by en klop botter en eiers met ‘n vurk tot taamlik gemeng. Voeg suiker, sout en peper by en meng. Voeg asyn by,plaas op stoof en roer aanhoudend oor matige hitte tot dik en gaar. Lewer sowat 300 ml sous.
Resep geplaas deur Hettie Theunissen
GROENRISSIE SLAAISOUS
Versap 2 groot Groenrissies (ontpit) en 1 bossie Pietersielie
Voeg by:
1 Teelepel Aromat
1 Teelepel Peper
1 Teelepel Mosterdpoeier
1 Teelepel Knoffelsout
1 Koppie Suiker
1.5 Koppie Druiwe Asyn
1.5 Koppie Olie
Meng goed deur. Gooi in bottel en bere in yskas.
Heerlik oor slaai en sommer alles!
BRON: Alberta van Wyk
JOEY SE SLAAISOUS VIR UIE
1/2 koppie asyn
3 eetlepels suiker
2 eiers goed geklits
1/4 koppie water
1/4 teelepel droë mosterd
Voeg alles bymekaar en klits goed. Laat goed deurkook terwyl aanhoudend geroer word. Voeg oor gekookte uie.
BRON: Joey
FOTO:Marietjie Nel
CONDENSED MILK SALAD DRESSING
2 eggs
4 tablespoons sugar
1 tablespoon butter, melted
1 x 395 g can sweetened condensed milk
pinch salt
1 teaspoon ready-made mustard
½ cup vinegar
Beat the eggs, sugar and butter together well until thick. Gradually pour in the sweetened condensed milk, then add the salt, mustard and lastly, the vinegar. Store in the refrigerator – it keeps well if given the chance.
TUISGEMAAKTE MAYONNAISE VIR PASTA SLAAI
Klits die volgende saam:
1 eiergeel
1 teelepel sout
1/2 teelepel droë mosterd poeier
‘n knippie suiker
2 eetlepels asyn
dan 1 koppie olie stadig bygeklits tot als dik en romerig is), en gebruik dit toe vir ‘n pasta slaai –
ek sit net tamaties en gepekelde komkommers by myne.
RESEP EN FOTO: Leonie Overbeek
KERSFEES-AARTAPPELSLAAI
Die het ek by ‘n vriendin geleer. Nie my eie resep maar voorwaar n wenner. Dis Kersfeesslaai.
Slaaisous vir aartappelslaai:
1 blik ideal milk
1 blik kondensmelk
250 ml mayonnaise of na smaak
Voeg by:
2 fyngekapte agurkies
1 fyngekapte greenpepper
1 fyn gekapte ui
3 teelepels droë engelse mosterd
sprietuie
vars pietersielie
en so 4 kappertjiesade (capers)(opsioneel)
6 – 8 groot aartappels
Maak sous so 2 dae voor die tyd aan. Hoe langer dit staan, hoe lekkerder.
Kook die aartappels in die skil, koel af en trek skille af.
Sny blokkies en meng soveel van die sous by soos nodig.
Die sous hou baie lank in die yskas.
Die slaai hou ook lank in die yskas. Nuwe jaar sal dit nog smaaklik wees!
BRON – Jacques Marianne Van Niekerk
Dis hoe die slaaisous vir Kersfeesslaai moet lyk. Ek sou voorstel as mens dit dikker wil he om bietjie meer mayonnaise by te sit of om dalk een klein aartappel fyn te maak in die hoeveelheid sous wat jy nodig het. Onthou ook dat die slaai liefs ‘n dag voor die tyd gemaak moet word en so paar keer omgeroer moet word.
EEN MINUUT SLAAISOUS
5 ml mostertpoeier
2,5 ml sout
1 ml peper
125 ml kondensmelk
geel van 1 eier
60 ml slaai olie
60 ml asyn
Meng alles en laat paar minute op koel plek staan om te verdik.
Resep en foto: Marietjie van der Merwe
Ek kry hierdie resep in ‘n baie ou boekie wat deur die Rusoord ouetehuis uitgegee is.
Ek het dit gemaak, en dit is baie lekker, onthou net om dit lekker te kook sodat die asyn se smaak bietjie kan demp, maar ek moet se wanneer mens dit saam met die slaai eet, proe mens nie die asyn so skerp nie en is dit heerlik.
Hierdie slaaisous kan vir ‘n paar dae in die yskas gehou word.
Klits ½ kp water, ½ kp asyn en een eier goed saam en kook in ‘n dubbelkoker. Oppas vir skif, roer vinnig en aanhoudend totdat dit kook. (ek het dit in die mikrogolf gedoen en elke 30 sek geroer.)
Haal van die stoof af en gooi 5 teel. Suiker. ½ teel sout en 1 teel Mosterd by.
Roer goed en laat afkoel.
Gooi slaaisous oor gekerfde blaarslaai.
Hard gekookte eiers in skywe gesny is ook baie lekker hierby.
Foto: Rina Kleinhans
Bron: Resepte uit Rusoord se herinneringe
FANIE SE JOGURT SLAAISOUS
Heerlike saam met beet en butternut slaai.
Die resep vir die sous loop só:
250 ml dubbeldik plein jogurt
25 ml asyn
1.5 teelepels mosterd
knippie gedroogte soet basieliekruid (sweet basil)
2 oondgebakte knoffelhuisies uitgepers
25 ml sjerrie
Sout na smaak
Meng alles baie goed en bêre in yskas en gebruik soos nodig.
Resep Fanie Smit
Rina ek het een aand ‘n slaai gemaak met beet, gesnyde appel en gesnyde aarbeie. Die smaak kombinasie is om oor huis toe te skryf.
