KERRIETJOPS
1,5 kg skaaptjops
4 groot uie
2 koppie asyn of suurlemoensap
2 eetlepels kerriepoeier
3 eetlepes kookolie
1 eetlepel mielieblom
2 teelepels suiker
1 eetlepel blatjang
Kap uie grof en braai liggies in kookolie. Voeg kerriepoeier en mielieblom by en meng goed.
Voeg nou asyn en suiker by. Roer.
Verdun mengsel met 1 koppie water.
Stowe stadig tot uie gaar is en mengsel gebind is.
Laat afkoel en gebruik om tjops in te marineer.
Pak vleis in skottel en giet koue mengsel oor. Laat staan vir 1 – 2 dae en braai soos gewoonlik
Meng kerrie, suiker, mielieblom en voeg by uie. Kook vir 5 minute en voeg asyn by wanneer afgekoel.
Gooi sous oor vleis sodat alles bedek is.
Laat 2 – dae op koel plek. Roer 1 keer per dag.
Ryg vleisstukkies, stukkies uie en appelkoos aan stokkies.
Rooster oor kole.
Gooi sous deur sif, verdik met mielieblom en kook.

GESTOPTE SKAAPBOUD

Maak genoeg knoffelhuisies skoon, sny genoeg lekker stukke ui, hou die swartpeperkorrels by der hand, en sny so 2 repe spek in stukkies, Maak nou lekker gate in die boud met ‘n skerp mes, en steek in elke gat een van elk van die bogenoemde.
Draai die boud om en doen dieselfde aan die agterkant. Sprinkle nou lekker genoeg speserye van jou keuse oral oor die boud, sit bietjie vars kruie bo-op en daar is hy reg vir die oond. (roosmaryn takkie en tiemie ens)

Bak in die oond teen 120 º C deur die nag, of so 3-4 ure in die oond teen 180ºC. tot die been los voel binne, met ‘n deksel op. Draai gereeld. Haal uit, laat rus so rukkie en sny op en bedien met lekker gegeurde rys, en groente.
Nota:
Jy kan hom ook in ‘n bak sakkie sit en ‘n botteltjie Franse slaaisous oorsit voor jy hom gaarmaak..
Heerlik heerlik
Resep en foto:  Rina Kleinhans

SKAAPSKENKELS IN DIE OOND GEBAK
6 skaapskenkels
Marinade:
3 groot uie fyn gesny
½ koppie blatjang
½ teelepel fyn gemmer
2 huisies knoffel, fyn gekap
12.5 ml heuning
½ koppie bruin asyn
½ koppie tamatiesous
25 ml appelkooskonfyt
1 blokkie biefekstrak
5 ml mosterdpoeier
‘n Knypie fyn naeltjies, neutmuskaat en tiemie
Sout en peper na smaak
25 ml sjerrie

Braai die uie en knoffel in ‘n klein bietjie olie tot sag en voeg die ander bestanddele by. Prut stadig vir sowat ‘n halfuur en roer. Plaas die skenkels in ‘n oondbak en giet die marinade bo-oor. Maak die bak toe en los oornag in ‘n oond gestel op 100ºC. Voor opdiening, bedruip weer en plaas vir 20 minute oop in ‘n baie warm oond 220ºC. Draai na tien minute en bedruip weer.

Foto en resep: Nellie van den Berg

LAMSBLAD IN DIE OOND GEBAK
Neem ‘n lamsblad en besprinkel goed met sout, swart peper  en kruie van jou keuse soos roosmaryn ens.
Neem ‘n ½ bottel Ina Paarman  “creamy salad dressing” en meng dit met ongeveer 30ml balsamiese asyn.
Sny ‘n groot ui fyn. Plaas die vleis in ‘n kasserol met deksel, sprinkel die fyn ui en sous oor die vleis, sit die deksel op en bak in die oond teen 160 ºC vir ongeveer 2.5 ure.
Draai gereeld om en so uur voor die einde van die bak tyd kan jy aartappels bysit indien verkies.

Resep en foto:  Rina Kleinhans

SOET LAMSKERRIE
olyfolie
1 ui, grof gekap
30 – 40 ml matige kerriepoeier
5 ml borrie
± 1 kg lamsvleis (rib of stowevleis)
sout en varsgemaalde swartpeper
40 ml perskeblatjang
100 ml vleisaftreksel
125 g sagte appelkose

Verhit die olie in ‘n diep kastrol en braai die ui vir ‘n paar minute.
Roer die kerriepoeier en borrie by en braai tot geurig.
Roer die lamsvleis by en braai tot bruin en geurig. Geur met sout en peper.
Roer die blatjang en aftreksel by en prut vir sowat 30 – 40 minute of tot gaar.
Sit die appelkose by en prut vir nog ‘n paar minute. Sit voor met rys en groente.
Genoeg vir vier mense.

Foto:  Zelda Fouche

SKAAPAFVAL
1 skaapafval, skoon gemaak
1 liter water (4 koppies)
12,5 ml botter of margarien (l dessertlepel)
2 uie, gekap
10 ml kerriepoeier (2 teelepels)
5 ml borrie (1 teelepel)
5 ml sout (1 teelepel)
10 ml suiker (2 teelepels)
12,5 ml asyn-opsioneel (l dessertlepel)
mielieblom, aangemaak met ‘n bietjie water

Plaas die afval in ‘n kastrol, voeg die water by en plaas die deksel op. Laat die vleis opkook en skep
dan die skuim wat bo-op vorm, af. Kook die afval ongeveer 4 tot 6 uur oor lae hitte. Vul die water
aan, indien nodig. Voeg die sout en asyn, asook die uie en aartappels by, en laat dit met die deksel op
prut totdat die aartappels gaar is. Skep die oortollige vet af. Verdik die sous met aangemaakte mielieblom. Kook ongeveer 45 minute lank in ‘n drukkastrol. Die gaarmaaktyd van afval hang af van die ouderdom van die skaap. Kyk liewer gereeld hoe sag die afval al is, ook wanneer dit in die drukkastrol gaargemaak word, anders kook dit dalk te pap. Smelt die botter of margarien en soteer die uie daarin totdat dit deurskynend is. Voeg die kerriepoeier en borrie by en braai dit effens. Voeg die
uie en aartappels by die afval, strooi die sout oor en voeg die suiker by. Roer dit goed deur. Kook dit totdat die aartappels gaar is. Proe, en voeg nog geurmiddels na smaak, asook die asyn, by. Verdik die sous met mielieblom (indien nodig).

RESEP:  Tiana Botes Familie resep

 
SAPPIGE SKAAPBOUD
Vir Agrilla Pot gebruikers
1 middelmatige ontbeende skaapboud
½ pakkie versnipperde spek
vars knoffel na smaak
Pietersielie
Paprika
Tiemie
Sout en Peper
10 klein aartappels

Meng spek, knoffel en pietersielie.
Stop boud eweredig met mengsel.
Plaas boud in Large Roaster of Large Gourmet Roaster (afhangende die grote).
Gooi paprika en tiemie oor boud.
Plaas bak met deksel in oond teen 180ºC vir 1 uur lank.
Haal bak uit oond na 1 uur en plaas aartappels rondom boud.
Gooi sout en peper oor aartappels en boud.
Onthou om matig met sout te werk met betrekking tot die boud aangesien die spek alreeds soutsmaak aan boud gee,
Plaas terug in oond vir 1½ ure.
Indien boud en aartappels bleek voorkom, hou oond op 180ºC, haal deksel af en hou in oond vir nog 15 tot 20 minute.

LAMB-BEEF-PORK STEW
(Serves 4)
4 -6 lamb/beef/pork chops
1 large onion, chopped
1 red capsicum, sliced
1 green capsicum, sliced
5 medium potatoes, sliced
3 rashers bacon, sliced
1 jar Bolognaise sauce
5 cloves garlic, whole
4 carrots, sliced
1 pkt Mushroom soup powder
250 ml tasty grated cheddar cheese
Salt and pepper to taste

Sprinkle a tablespoon of the Soup powder in the bottom of the X/L Bowl. Then the Sliced Potatoes. Again a tablespoon Soup powder. Then the red and green capsicums, half of the bacon and the onion. Sprinkle soup powder. Then the sliced carrots and the garlic cloves. The rest of the soup powder, if any left Last the Meat and the other half of the bacon. Pour the Bolognaise sauce over and add the grated cheese. Cover the bowl and put in the oven. Switch the oven on at 160ºC and bake for 90 minutes or until done.

Recipe: Carol Elliott Claassen