PEPPERMINT ROOMYS WAFELS

Meng 2 koppies room, styf geklits met blik karamelkondensmelk. Rasper peppermint sjokolade in. Sit in plat bak en smeer 2 cm dik. Vries. Sit tennisbeskuitjies op. Sny en sit dan ander tennisbeskuitjie onder. Vries weer.

Idee: Elize de Kock

Foto: Andri du Toit

4 koppies sneeu
1 koppie melk
1/4 koppie suiker
1 teelepel vanilla

Metode: Roer en eet

Lenka Belanger

KARAMEL ROOMYS POEDING

Genoeg vir ‘n mediumgrootte bak.

1 pak Nutty Krust koekies
1 houertjie room, verkil
1 blikkie caramel kondensmelk
1 sjokolade (Flake, Pepermint Crisp of waarvan jy hou)
Sjerrie

Pak die beskuitjies op bodem van bak.
Sprinkel genoeg sjerrie oor.
Klits (yskoue) room tot styf.
Roer karamel kondensmelk by.
Giet bo-oor koekies.
Rasper sjokolade oor.
Sit oornag in vrieskas.

BRON: Estie Herholdt

PYNAPPEL ROOMYSTERT
Kors:
375 ml verkrummelde Marie- of Tennisbeskuitjies
50 ml suiker
125 g margarien
Meng beskuitjiekrummels, suiker en margarien goed saam, druk met agterkant van metaal lepel teen wand en boom vas van ‘n tertbak (1.5 liter bak) Verkoel die kors tot benodig.

Vulsel:
1 blik (410 g) pynappelstukke
1 pakkie (80 g) lemmetjiejellie
500 ml vanilla roomys
125 ml room, effens versoet en styfgeklits

Dreineer die pynappelstukke en vul die sap aan met water tot 300 ml.
Verhit die stroopwater tot warm en los die jellie daarin op.
Sny die roomys in stukke en klits stuk vir stuk by die warm jellie tot alles ingeklits is.
Plaas die mengsel in die koelkas en laat dit afkoel tot so dik soos eierwit en net net wil stol.
Hou ‘n paar van die pynappelstukke eenkant vir versiering.
Maak die res in ‘n versapper/voedselverwerker fyn of sny baie kleinstukkies met ‘n mes.
Vou dit by die roomysmengsel in en skep bo-op die kors. Plaas die tert in die yskas om styf te word.
Versier net voor bediening met styfgeklitste room en pynappelstukkies.
Foto: Leanne Thurston Coetzer

MANGO ROOMYS
( Maak dit aand voor die tyd)
250 ml gewone jogurt
200 ml mangosapkonsentraat
1 blikkie kondensmelk
1½ houertjie vars room, styf geklop
vars mangoskywe vir garnering
plastiekbak met deksel vir vries (ou roomysbak werk lekker)

Plaas die kondensmelk in ‘n mengbak
Voeg die sapkonsentraat en jogurt by en meng baie goed deur
Vou die geklopte room in
Giet die mengsel in die diep plastiekbak, maak toe met die deksel
Vries oornag
Skep bolletjies roomys uit in lang glas en garneer met vars mangoskywe!!!

Resep: Joey Badenhorst Lotter

MAASKAAS ROOMYS

Genoeg vir 4 mense
1 houer (250 g) gladde laevet-maaskaas
125 ml (½ koppie) melk
2 ekstra-groot eiers, geskei
50 ml strooisuiker
10 ml (2 teelepels) vanilla geursel
Klits die maaskaas en melk saam tot glad. Klits die eiergele by.
Klits die suiker en vanieljegeursel by. Klits die eierwitte styf en vou in by die mengsel. Giet in gepaste houer en plaas in vrieskas.
Roer elke halfuur tot bevries om groot yskristalle te voorkom.

BRON- Marè Nieuwoudt

ROOMYS MET VARS ROOM

1 x 397 g blik kondensmelk
125 ml water
5 ml vanilla
250 ml vars room

Meng die kondensmelk, water en vanilla in ‘n 2 liter houer. Verkoel 1 uur lank.
Klits die room styf en vou by die verkoelde mengsel in.
Plaas in die koudste deel van die vrieskas.
Verwyder die roomysmengsel uit die vrieskas wanneer ‘n rand van 25 mm bevrore is.
Klop die mengsel om die bevrore deeltjies deur die mengsel te versprei.
Plaas vir minstens 4 uur in die vrieskas tot bevrore.
Resep geplaas deur Linda Venter