TANNIE SOEKIE SE ROLKOEK
Die resep kom oorspronklik van Tannie Soekie van Bothaville distrik af, maar ek ken ongelukkig nie haar van nie. Sy het die resep meer as 40 jaar gelede vir my ma gegee.
Sif saam:
1 koppie koekmeel
1 teelepel bakpoeier
¼ teelepel sout
Meng saam en klits:
4 eiers
1 koppie suiker
3 eetlepels water

Voeg die droë bestanddele by die nat bestanddele en meng goed.
Smeer plat oondpan en sit waspapier in en smeer dit ook.
Sit oond aan op 190°C.
Giet mengsel bo-op waspapier en bak vir 10 min.
Maak ‘n vadoek klam en strooi versiersuiker daarop.
As koek uit oond kom, rol dadelik op in klam vadoek en hou so vir 2 minute.
Rol dan koek weer oop, haal waspapier af en smeer karamel of konfyt op en rol koek dan weer stadig toe.
Sprinkel bietjie versiersel oor.

Foto:  Sheila Marsburg Troskie

SJOKOLADEROL MET KERSIEVULSEL
300 ml strooisuiker
160 ml kakao
8 eierwitte
1 ml kremetart
5 ml vanilla geursel
Strooisuiker om in te rol

Sif helfte van die strooisuiker en kakao saam. Hou eenkant.
Klits die eierwitte en kremetart saam tot dit sagte punte vorm. Voeg die res van die strooisuiker lepel vir lepel by en klits tot styf en blink. Vou die kakaomengsel en die vanilla in.
Skep in die voorbereide pan en maak gelyk. Bak ongeveer 25 minute.
Strooi strooisuiker oor ‘n skoon vadoek en keer die rol daarop uit. Laat die rol effe afkoel en trek dan die bakpapier af. Sny die kante gelyk en rol op met die vadoek. Laat heeltemal afkoel.

Vulsel:
500 ml natuurlike jogurt, oornag dreineer
500 g vars kersies, ontpit.

Rol oop, smeer jogurt oor en strooi die kersies oor. Rol weer op

Foto: Christa Vd Heever Grobbelaar

APPLE STRUDEL
3 apples peeled and core removed thinly sliced, (granny smith appels )
½ teaspoon cinnamon
2 tablespoons castor sugar,
1 tablespoon cake flour
¾ cup sultanas, or raisins
1 sheet of puff pastry
1 egg
icing suger to dust

Combine cinnamon, sugar, flour, raisins and apple in bowl and toss to coat all over.
Lay the pastry on a board with some flour, spoon the mixture on the pastry leaving a 1 inch border.
Roll the pastry up like swiss roll, leaving the join underneath and place on baking tray. (spray and cook)
Mix a dash of water with the egg and brush over.
Make a few 1” inch cuts on the top of pastry and place in pre-heated oven for 35 min or till brown.
ENJOY!!

Recipe posted by John Gattinger
Photo:  Rina Kleinhans

MARISKA SE ROLKOEK
4 eiers geskei
200 ml strooisuiker
250 ml koekmeel
10 ml bakpoeier
3 ml sout
50 ml melk
aarbeikonfyt
500 – 750 ml vars room
½ plak sjokolade
Klits die eierwitte styf, maar nie droog nie.
Klits die eiergele met die strooisuiker.
Meng koekmeel, bakpoeier, sout en die melk by die eiergele.
Roer die geklitste eierwit by.Verdeel in 2 rolkoekpanne uitgevoer met bakpapier.
Bak vir 5 min. teen 180ºC.
Strooi bietjie strooisuiker op ‘n vaddoek en keer die warm rolkoek daarop uit, rol dadelik op en laat effens afkoel.

Rol oop en smeer binne met aarbeikonfyt.
Room:
Klits 500-750 ml vars room tot styf. Smeer ‘n gedeelte op die konfyt en rol toe. Smeer die res van die room bo-oor die rolkoek.
Smelt die sjokolade met bietjie room of melk en maak zig-zag patrone oor die room. Sit aarbeie op wat in die oorblywende sjokolade gedoop is.

Dit is regtig HEERLIK!!! Die volgende dag is dit op sy lekkerste.

Resep en foto: Mariska Rossouw

SPOGGERIGE TUNAROL
VULSEL:
1 blikkie tuna (200 g), gedreineer
1 ui, fyn gekap
1 koppie gerasperde kaas
6 eetlepels grofgerasperde botter
6 eetlepels mayonnaise
1 eetlepel blatjang
1 eetlepel aangemaakte mosterd
Meng alles en hou eenkant.

ROLL:
4 eiers
3 eetlepels  suiker
1 teelepel sout
6 eetlepels koekmeel
Voer rolkoekpan uit met waspapier. Skei eiers, klits witte tot styf. Voeg suiker en sout by. Klits eiergeel, voeg gesifde meel by, vou geklitste eierwit by en vou in. Skep in rolkoekpan en bak vir 8 min. Keer uit op klam doek, verwyder waspapier. Smeer vulsel oor en rol op.

BEDEKKING:
½ koppie fyn maaskaas
6 eetlepels  Cheddar smeerkaas
fyngekapte pietersiesie
gekapte pekan neute
Meng kase en smeer oor rol. Strooi pietersielie en gekapte neute oor. Verkoel en sny in skywe.

Foto en Resep:  Martie Fourie Moolman
2de foto:  Alberta van Wyk

Nota: Alberta van Wyk
Hier het ek nog ‘n eier by meel/eier mengsel bygevoeg want ek dink die eiers wat ek gebruik het was nie regte grootte nie. En ek het dit teen 200 grade gebak.

MELKTERT ROLKOEK
4 eiers geskei
175 ml strooisuiker
2 eetlepels warm water
1 koppie koekmeel
Klits die eierwitte medium styf.
Klop eiergeel en strooisuiker met 2 eetlepels water tot liggeel. Sif meel bo-oor en vou saggies met ‘n metaallepel in eiermengsel. Vou medium geklitste eierwitte in en sprei in ‘n rolkoek pan wat met bakpapier uitgevoer is – nie ‘n koekie pan nie. Daar’s ‘n verskil in grootte en rolkoerk sal dun en papperig wees as jy nie so pan gebruik nie.
Bak vir 12-15 min in 200 ºC.
Voel aan rolkoek voordat jy uithaal. Moet sponsagtig terugspring.
Rol op in vadoek wat met strooisuiker gestrooi is op en laat ‘n rukkie rus.
Melktert vulsel:
750 ml melk
2 eiers
30 ml maizena
20 ml vlapoeier
20 ml koekmeel
Warm melk op tot net onder kookpunt. Meng die res van die bestanddele tot glad met bietjie meel en klits ‘n klein bietjie melk in om pasta te vorm. Verhit alles tot kookpunt en maak gaar tot dik. Laat afkoel (koud), rol die rolkoek af  en sprei op rolkoek. Sprinkel bietjie kaneel oor en rol op.

Bo-laag
Klop room tot styf met bietjie suiker en spuit oor rol. (Kan nie onthou waar ek die resep gekry het nie)

Resep en foto: Amanda Conradie‎

SKROPHOENDER ROULADE MET SUURLEMOEN EN ROOSMARYNSOUS
Resep geplaas en foto:  Martie Fourie Moolman  –
FOOD LOVERS RECIPES
Hierdie is my eie foto, aartappel koekies en gestoofde kweper repies, die bykos is my eie ding, daar kom suurlemoen skil en roosmaryn in die vulsel.
10 porsies
2 heel hoenders, vel verwyder
2 teelepel fyngekapte roosmaryn
200 ml dik witsous
200 ml cheddar/mozzarellakaas
15 ml fyn sout
10 ml suurlemoenskil
250 g hoenderlewers
100 g streepspek
1 knoffelhuise
1 ui, gekap

Deeg
500 g meelblom
250 g botter, yskoud
5 ml sout
250 ml yswater

Voorverhit oond tot 220ºC
Kook hoender tot sag met speserye en verwyder bene
Voeg witsous en kaas by.
Braai uie en spek en voeg lewers by.
Maak hoenderlewers gaar in uie en spek tot pienk en nie oorgaar.
Meng meelblom en sout.
Rasper yskoue botter by en maak deeg aan met yswater tot gemeng.
Druk aan mekaar en laat rus in yskas vir halfuur.
Rol deeg uit in ‘n groot reghoek en pak hoender in ‘n lang strook op die deeg.
Sit lewers op die hoender.
Rol op tot deeg net oormekaar val en plak die vou met water vas.
Draai om sodat die vou onder is en verf met eier.
Bak vir 45 min. tot goudbruin en gaar.

MAKLIKE ROLKOEK – SWISS ROLL
Leza Du Toit Mienie sê “Ek kan nie bak om my lewe te red nie… Maar swiss roll kan ek maak. Hierdie is ‘n baie maklike resep”
1 koppie koekmeel
 ½ teelepel sout
6 eiers (geskei)
1 koppie strooisuiker
2 eetlepels suurlemoensap
1 teelepel vanilla geursel
konfyt
Klits eiergeel en suiker saam tot liggeel en romerig.
Voeg droë bestanddele by.
Klits eierwit styf (maak seker klitser is skoon en droog).
Vou eierwitte in die mengsel in.
Skep in ‘n gesmeerde pan (ek gebruik sommer ‘n klein koekie bakplaat wat met bakpapier uit gevoer is).
Bak teen 200 ºC vir 10 tot 15 minute.
Toets pen moet skoon uit die middel kom.
Keer uit op ‘n klam vadoek wat met strooisuiker gestrooi is.
Trek versigtig die bakpapier af .
Maak konfyt effens warm in mikrogolf oond.
Smeer oor die koek. Kan ook gekookte kondensmelk gebruik.
Vat die vadoek aan die punte naaste aan jou lyf en rol versigtig op.
Sny die punte versigtig af en eet dit vinnig, anders wil die kinders dit he…

Resep: Leza Du Toit Mienie
Foto:  Cindy Dowling

HEERLIKE ROULADE
45 ml botter
60 ml koekmeel
250ml warm melk
125 ml gerasperde cheddarkaas
3 eiers, geskei

Voorverhit die oond tot 200 °C. Smeer ‘n vel bakpapier met botter of olie en gebruik dit om ‘n middelslag-rolkoekpan mee uit te voer sodat die kante van die papier bo die rande van die pan uitstaan.
Smelt die botter in ‘n kastrol en voeg die koekmeel by. Verhit, terwyl jy roer, tot die mengsel borrel. Voeg die melk geleidelik by en hou aan roer tot die mengsel glad is en begin kook.
Verwyder van die hitte en roer die kaas en eiergele by. Klits die eierwitte tot stywe punte vorm. Vou ‘n groot lepel eierwit by die kaassous in om die mengsel ligter te maak. Vou nou die res van die eierwit versigtig in tot net deurgewerk. Skep die mengsel in die voorbereide pan en smeer gelyk. Bak vir 12-15 minute tot opgepof en goudbruin. Haal uit die oond en keer die rollade uit op ‘n skoon teedoek. Trek die bakpapier versigtig af en laat effens afkoel.
Smeer jou eie souterige vulsel of vulsel van jou keuse op en rol versigtig op

Resep: Maria Liebenberg

MARTIE SE TUNA ROULADE
Voorverhit die oond tot 200 ºC.
Vulsel:
1 blikkie tuna (200g) gedreineer
1 ui fyn gekap
½ koppie gerasperde chedder kaas
6 eetlepel grof gerasperde koue botter
6 eetlepel mayonnaise
1 eetlepel blatjang
1 eetlepel aangemaakte mosterd
Meng alles en hou eenkant.

Rol:
4 eiers
3 eetlepel suiker
½ teelepel sout
6 eetlepel koekmeel
¼ teelepel peper

Rol koekpan 38 x 25 cm.
Voer die pan uit met bakpapier.
Skei eiers en klits witte tot skuim.
Voeg suiker en sout by en klits tot styf.
Sif meel, peper en sout en vou in.
Klits eiergele en vou by eierwitte.
Bak rolkoek vir 8 min.
Keer uit op klam doek.
Verwyder die bakpapier.
Smeer vulsel oor warm basis en rol op.
Bedekking:
½ koppie fyn maaskaas
6 eetlepel chedder smeerkaas
fyn gekapte pietersielie
grof gekapte pekaneute
Meng kase en smeer oor rol.
Strooi pietersielie en pekaneute oor.
Verkoel rol tot nodig.

Foto en resep:  Martie Fourie Moolman