EIERROULADE MET TUNA EN MAASKAAS
8 eiers
1 koppie melk
1/3 koppie koekmeel
1 fyn gekapte soetrissie
2 eetlepels gekapte sprietuie
1 eetlepel gekapte kruisement blare
1 bakkie gladde maaskaas (250 g)
1 blikkie tuna
sout na smaak

Meng die meel, eier en melk in ‘n mengbak en voeg dan die soetrissie, kruisement, sprietuie en sout daarby.
Plaas ‘n strook bakpapier in ‘n plat bakplaat met randjies sodat ‘n deel van die papier oor die een kort end uitsteek en spuit met spray and cook. Giet die eiermengsel oor die papier en bak vir ongeveer 20 minute op 180ºC tot die eiers gestol het. Smeer of sprinkel jou keuse van vulsel oor (ek het die maaskaas en tuna mengsel gekies). Neem dan die lang kant van die papier en rol die roulade op terwyl jy die papier terselfdertyd aftrek. Doen dit dadelik terwyl die mengsel nog warm is. Sny in skywe en bedien.

Wenk. Indien jy dit netjies kan doen, keer die klaargebakte roulade eers onderstebo uit op ‘n ander vel bakpapier sodat die onderkant bo is. Die rede is dat die groente in die vulsel bo wys as dit klaar gebak is, terwyl die onderkant net eier wys. Indien jy dit omkeer sal jou vulsel op die dowwe kant kom en die buitekant van die roulade sal mooi kleurvol vertoon.
Resep geplaas deur Adam Cloete
Foto: Adam Cloete

ROLKOEK MET KONFYTVULSEL
Die is ‘n klein rolkoek.
2 Ekstra groot eiers, geskei
1 ml vanilla geursel
10 ml suurlemoensap
100 ml strooisuiker
125 ml koekmeel
knippie sout
5 ml bakpoeier
15 ml melk
Appelkooskonfyt
Versiersuiker

Voorverhit die oond tot 220ºC.
Berei ‘n bakplaat van 30 x 20 cm voor deur dit te smeer en te voer met bakpapier wat daana weer gesmeer is.
Klits die eiergele, vanieljegeursel en suurlemoensap saam.
Voeg die strooisuiker geleidelik by terwyl geklits word. Klits tot liggeel en lig.
Sif droë bestandele (koekmeel, bakpoeier ens sout) drie keer saam.
Vou die droë bestandele by die eiermengsel, met metaallepel in.
Vou melk in.
Klits die eierwitte in groot mengbak tot styf.
Vou die styfgeklopte eierwitte in die deeg in.
Skep die deeg in die voorbereide bakplaat en maak gelyk.
Bak vir ongeveer 10-12 minute tot gaar.
Berei ‘n klam skoon vadoek of klam bakpapier voor om die rolkoek te rol.
Maak seker die werksoppervlakte waarop gewerk word is deeglik skoon.
Keer die rolkoek uit die bakplaat en verwyder die bakpapier.
Sny nie korsies af met skerp mes en rol liggies op(Sit die “naat” an die onderkant) Laat afkoel.
Rol die rolkoek weer af, na dit afgekoel het, en smeer met appelkooskonfyt. Rol qweer die rolkoek op.
Plaas die rolkoek in ‘n lugdigte houer om uitdroging te verhinder tot opdien.
Plaas op ‘n geskikte bord en strooi versuiker bo-oor.
Foto het gesmelte sjokolade oor in plaas van versiersuiker.
Bron: Montana Hoërskool gebak deur Chanté van der Colff
Foto: Meisie van der Colff

TUNAROLLADE
Resep geplaas en foto: Benhet Nieuwenhuis
FOOD LOVERS RECIPES
4 eetlepels botter
125 ml koekmeel
312 ml warm melk
sout en varsgemaalde swartpeper na smaak
5 eiers, geskei
45 ml grasuie, gekap

Smelt botter in kastrol, roer koekmeel by tot gemeng. Gooi warm melk stadig by en roer tot sous begin vorm. Kook 3 min. Geur met sout en peper na smaak.
Verwyder kastrol van hitte en roer eiergele en grasuie by.
Klits eierwitte styf en vou by meelmengsel in tot net gemeng.
Skep beslag in bakplaat wat met bakpapier uitgevoer is.
Bak 18 min of tot goudbruin bo-op. Keer op skoon, klam vadoek uit. Trek bakpapier af en rol met behulp van ‘n vadoek op en hou eenkant.

Meng Vulsel – lees nota onderaan
1 bakkie roomkaas
4 eetlepels mayonnaise
2 eetlepels blatjang
2 blikkies tuna gedreineer
sout en varsgemaalde swartpeper.
Rol die rolade af en smeer die vulsel op, rol weer op.  Wanneer bedien sny in skywe.

Benhet se Nota: My opinie dit is baie lekker maar die vulsel kan jy net die helte gebruik.

KOOS SE STEAK ROL
Ek het dit maar weer probeer.
Stukkies spek, kaas en uie gemeng – alles rou
Fillet steak die een helfte ‘n gat in gemaak en toe gestop met die mengsel
Fillet steak ander helfte in die middel oop gesny en die mengsel in gesit
Sout en growwe peper buite oor gestrooi.
Toegedraai in “puff pastry” deeg en gebak in die oond op 160 ºC vir 1 uur lank.

Resep en fofo:  Koos van der Merwe

TUNA EN EIER ROLADE
(Idiaal vir ligte middag etes of voorgereg)
(roulade):
60 g botter of margarien
75 ml koekmeel
400 ml melk
4 eiers (geskei)

Smelt die botter in n kastrol.
Voeg die meel by en roed goed.
Kook vir 2 minute.
Voeg melk by en roer aanhoudend tot die mengsel romerig is (geen klonte)
Kook op matige hitte terwyl dit aanhoudend geroer word.
Wanneer die sous dik is en geen klontjies het nie verwyder van die hitte af en laat afkoel.
Voeg eiergele by en meng goed deur.
Klits eierwitte tot styf.
Roer ‘n derde van die eierwit mengsel by die witsous meng goed deur.
Vou die res van die eierwit by. Vou stadig en egalig in tot daar geen eierwit kluitjies is nie.
Skep die mengsel in n uitgevoerde rolkoek pan (bakpapier moet bo die kante van die pan uitsteek en moet met olie of spray and cook gesmeer wees).
Bak vir 15 minute in n voorverhitte oond 190°C of tot goudbruin.
Laat effens afkoel. Keer die rol uit op n teedoek en rol op met waspapier na binne. Laat heel koud word

Vulsel:
5 eiers gekook en grof opgekap
1 blikkie tuna gedreineer
85 ml mayonaise
Sout en peper na smaak
5 ml italiaanse kruie. (Of gemengde droë kruie)
5 ml knoffel olie (opsioneel)

Meng alles goed deur.
Rol die afgekoelde rol oop en verwyder die bakpapier versigtig.
Smeer die vulsel oor die rol. Laat 1cm om alle kante oop.
Rol weer op en plaas in yskas om te stol (ongeveer 30 tot 60 minute).
Sny in 2cm skywe en bedien met n vars slaai.

Tuna and egg roulade
(Ideal for light lunches or as starters)
(roulade):
60 g butter or margarine
75 ml flour
400 ml milk
4 eggs (separated)

Melt the butter in a saucepan.
Add the flour and stir until a ball forms.
Cook for 2 minutes.
Add milk and mix until the sauce is creamy and lump-free.
Simmer on medium heat while stirring.
When the sauce has thickened up and there are no lumps remove from heat and allow to cool.
Add the egg yolks and mix well.
Whisk egg whites to stiff peaks.
Stir a third of the egg whites into the sauce.
Fold the rest of the egg whites into the sauce gently until it is well combined with no egg white lumps.
Pour mixture onto a lined jellyroll pan. (The parchment or baking paper must stick out over the pan and must be lined with oil or spray and cook).
Bake for 15 minutes in a preheated oven at 190°C or until golden brown.
Let it cool down. Turn it out on a tea cloth and roll up with parchment paper being inside. Let it cool down completely.

Filling:
5 boiled eggs roughly chopped
1 can tuna drained
85 ml mayonnaise
Salt and pepper to taste
5 ml italian herbs. (Or mixed dried herbs)
5 ml garlic oil (optional)

Mix all ingredients well.
Unroll the roulade and gently remove the parchment paper.
Spread filling on top leaving 1cm open on all sides.
Roll it up and place in fridge to set (30 to 60 minutes).
Cut into 2cm thick slices and serve with a crisp salad.
Resep en foto:  James Gillespie
2de foto: Clinton Elsa Swart
Nota:  Net bietjie verander:
2 blikke tuna ipv 1 en gerasperde kaas bygevoeg
Eerste keer wat ek n roulade gemaak het.
My familie en bure was mal daaroor!

HOENDERROULADE
4 hoenderborsfilette
sout en peper
4 salotte, gekap
60 g botter
80 ml koekmeel
300 ml melk
4 ekstra groot eiers
Vulsel:
1 handvol elk pietersielie en basillie, gekap
2 knoffelhuisies, gekap
45 ml (3 eetlepels) okkerneute
30 ml (2 eetlepels) gerasperde Parmesaankaas
60 ml (¼ koppie) olyfolie

Voorverhit oond tot 200°C.
Voer ‘n groot bakplaat of 2 kleineres uit met bakpapier en bespuit met kossproei.

Roulade:
Plaas hoender in mikrogolfvaste bak. Geur met sout en peper.
Voeg salotte by, bedek liggies en mikrogolf 1 min per 100 g vleis op hoog en dan net so lank op matige hitte.
Verwerk die hoender saam met die pansap in voedselverwerker tot fyn.
Berei ‘n witsous met die botter, koekmeel en melk. Geur met sout en peper.
Skei die eiers en klits eierwitte styf.
Klits eiergele goed en vou dit stelselmatig in by die witsous.
Roer hoender by witsous in en vou dan die eierwitte in.
Giet die mengsel in die bereide pan(ne) en bak 20 – 25 min tot net gaar.
Vulsel:
Verwerk die kruie, knoffel, okkerneute en kaas tot fyn, giet die olie deur die tuit by en meng goed.
Maak ‘n skoon vadoek nat, wring goed uit en plaas op jou werkbank. Sprinkel ekstra parmesaankaas ruimskoots oor.
Keer die rollade uit op die vadoek.
Laat effens afkoel en trek die papier af.
Smeer vulsel oor die rollade en rol op met behulp van die vadoek.
Sit voor saam met slaai as ‘n ligte ete. Genoeg vir 4 mense.

Foto: Elsie Jacobs Dreyer

HEERLIKE MARMITE ROL

Rol deeg oop.
Meng marmite met botter smeer op deeg.
Strooi gerasperde kaas  en pietersiel bo-op.
Rol op, sny in skywe en pak op gesmeeede bakplaat.
Oond 220°C vir 15 minute.

Bron: Emma Beetge

DELICIOUSLY LIGHT AND FLUFFY SWISS ROLL
Thought i’d share this Swiss roll…
It’s quick, easy and always hits the spot. Ours was finished in less than 24 hours!
3 eggs
1 cup sugar
½ teaspoon vanilla essence
1 cup selfraising flour
½ teaspoon baking poowder
¼ cup boiling water

Pre-heat oven to 180ºC.
Whisk eggs, sugar and vanilla essence until light and fluffy and pale in colour.
Add flour, baking powder and water. Mix well.
I use spray and cook in my flat pan,
Layer the batter and bake  for 8-10 minutes – depending on your oven
Then loosen the edges, cover the top with some sugar then a layer of wax wrap, use a wooden board to secure it, then flip it over, roll and unroll before adding my layer of jam and re rolling.
Sometimes, I add a tablespoon of cocoa to make a chocolate one and add coconut to the sprinkling of sugar.
And add cream and caramel to a thin layer of strawberry jam.
Deliciously light and fluffy
Perfect everytime!

2 nd PHOTO: Sa-eeda Daniels
Photo:  Zelda Els
Someone asked me this morning for a swiss roll recipe so I looked on the blog….I must mention that I have never had success with making a swiss roll before. I found this recipe and tried it….came out very nice.
Going to try it next time with caramel.

DANEL SE MAALVLEISROL
1 rolletjie puff pastry
400-500 g mince
gemengde groente (soveel soos jy verkies)
speserye na smaak
Spur se bbq sous
1 ui

Rol die deeg uit en smeer van die sous as n basis.
Plaas uie oral op die deeg.
Meng die groente, maalvleis en speserye en versprei dit bo oor die deeg.
Skep nog sous bo oor die verspreide maalvleis na smaak.
Begin op een punt en rol die deeg op, laat dit lyk soos ‘n rolkoek.
Bak by 180ºC vir 45 minute.

RESEP: Danel de Bruin
2de foto’s:  Frances Smith

TUNAROL MET CHAKALAKA EN MIELIES OF BOTTERSKORSIE
Gebruik enige vleis soos gevlokte hoender, bully beef, gebraaide gesnipperde spek, spinasie en fetakaas, enige oorskiet vleis, stukkies gekapte koue vleise soos polony en ham,

1 skilferkoersdeeg (puff pastry)
1 blikkie tuna chunks in water (gedreineer)
1 blikkie chakalaka with sweetcorn of met bottersskorsies
1 koppie kaas gerasper
1 eetlepel mayonnaise
1 teelepel mosterd
1 ui gekap
Vars pietersielie
Meng al die bogenoemde en smeer bo-oor die deeg.
Rol dit op soos ‘n “jamroll” en seël die kante en onder mooi. Sit op ‘n bakplaat en vou die kante mooi onder die rol in – dit keer dat die tunamengsel uitkook. Maak 3 kepe – vertikaal – bo-op rol

Verf eier of melk of mayonnaise bo-oor en sprinkel bietjie droë pietersielie bo-oor.
Bak in oond vir 45 min by 180ºC tot gaar en goudbruin.
Resep en foto: Esme Slabs