KOOS SE WILDS POTJIE OP DIE STOOF
Ysterpot op die stoof
3 groot uie, gesny en toe gebraai saam met vark spek
Uie uit gehaal en in ‘n bakkie gelos.
2 kg wildsvleis gebraai. ‘n Paar stukkies op ‘n slag net om te seël.
Stoofplaat se hitte af gestel na no 3 en al die vleis in gegooi.
Vir 3 ure laat stoom-kook geen water in die pot gegooi nie.
Voeg by:
32 gram sout
2 gram nutmeg
3 gram naeltjie
2 gram swart peper
5 gram koljander

Plaas dan daai gebraaide uie bo in die pot, maak toe en los om te stoom-kook vir nog ‘n uur.
Toe ek sien die vleis wil begin lyk of dit wil afkook van die bene af het ek klein aartappels middel deur gesny en bygesit.
Nou wag ek tot daai aartappels sag gekook is en daai klein aartappels vat gewoonlik so ure.
Daar moet nog wortels in kom, kook tot sag en sit solank die rys op vir die lekker eet.
Wanneer alles sag gekook is, gooi die sous oor.
Dit was 1 pakkie bruin uie sop poeier gemeng tot ‘n pasta met koue water, daarna 250 ml vars room gemeng met Worcestersous tot ‘n bruin kleur. Gooi in potjie, roer goed deur en laat net stadig deurkook tot die sous lekker dik is.
Bedien saam met rys en slaai van jou keuse.
Resep en Foto: Koos Van Der Merwe

RIANA SE LEKKER MOSSELPOTJIE
250 ml Dewfresh room
1 groot ui, fyn gekap
30 g botter
15 g vars pietersielie, fyn gekap
4 knoffeltone, fyn gekap
2 cm gemmer, fyn gerasper
sap van 1 suurlemoen
100 g vinkel, fyn gekap
15 ml botter
sout en peper
1.2 kg mossels
250 ml witwyn
800 ml rys, gaar gekook
80 g geroosterde neute
handvol gekapte pietersielie
15 ml Willow Creek basiliekruid gegeurde olyfolie
Begin met die sous:
Braai die uie, knoffel, gemmer en pietersielie in botter. Gooi die room by en laat kook vir ‘n paar minute. Geur met sout, peper en suurlemoensap.
Braai intussen die vinkel in botter saam met sout en peper vir so 5 minute. Verwyder van die plaat en plaas eenkant.
Stoom die mossels in die witwyn vir 4 minute en voeg dit by die roommengsel saam met die vinkel.
Braai die rys saam met die neute en pietersielie in olie vir ‘n paar minute.
Bedien met mossels bo-op die rys en vars pietersielie bo-op.
Resep geplaas deur Riana Havenga

BOERBOKPOTJIE
2 kg bokvleis
¼ k worcestersous
2 uie fyn gekerf
2 groot aartappels, in skywe gesny met ‘n slicer
bietjie meel om vleis in te rol
bietjie olyfolie om vleis in te braai
Sout en peper na smaak
Braai die vleis in die olie.
Haal uit en koel af en sny die vleis van die bene af.
Pak ‘n laag van die aartappelskywe sodat dit oormekaar lê en besprinkel met sout en peper en olyfolie.
Meng die uie met die vleis en gooi dit nou oor die aartappel laag.
Besprinkel met sout en peper en ook die worcestersous en weer ‘n bietjie olyfolie.
Pak dan weer ‘n laag aartappels oor die vleis en weer ‘n bietjie sout en peper asook ‘n bietjie olyfolie.
Kook dan stadig vir twee en ‘n half uur tot die vleis lekker sag is.
Plaas ook ‘n paar kole bo-op die deksel.
Ek het ‘n bietjie sprietuie bo-oor gesnipper net vir kleur.
Ons het dit geniet saam met soetpatat en was heeerlik.
Resep geplaas deur Gideon Louw
Foto: Gideon Louw

CHARLEEN SE SKAAP EN TAMATIE POTJIE

1.5 kg skaapvleis
1 ui, opgekerf
1 groot prei, opgekerf
1 seldery, opgesny
250 g bacon bits
4 wortels, opgekerf
250 ml rooi wyn
3 liter bees aftreksel
2 blikke kersie tamaties
1 eetlepel tamatie paste
1 tlp gekneusde kniffel
1 eetl tiemie
1 eetlepel oreganum
1 eetlepel paprika
1 eetlepel cumin
1 eetlepel coriander
2 tlp suiker
Sout en peper na smaak
Braai uie, seldery,preie en bacon bits vir so vyf minute. Skep uit pot en bere eenkant. Verbruin vleis in pot. Voeg al die speserye by. Roer goed deur. Voeg uie en bacon mengsel by. Gevolg deur res van bestandele. Behalwe die wortels. Meng baie goed deur. Laat vir sowat 3 ure prut op medium hitte. Gooi wortels by op die laaste uur van prut. Sit voor saam met kapok aartappels.

Bron en Foto: Charleen Nieuwenhuizen

JOEY SE MOSSELPOT
3 houertjies room
1 pakkie wit uiesoppoeier
Volgende hoeveelhede hang af van die hoeveelheid mossels wat jy gaan gebruik:
melk
koekmeel (genoeg vir n bietjie dikker tekstuur)
botter
fetakaas
cheddarkaas
baie knoffel
uie
sout
peper
visspeserye
1 pak gevriesde mossels ( kan met of sonder dop wees)

Plaas al die bestanddele behalwe die mossels en uie in ‘n pot.
Kook tot die koekmeel gaar is en die sous dikkerig is.
Kook die mossels vir so 10 minute in ‘n ander pot en gooi die water af.
Braai die uie en voeg die mossels by. Gooi die sous bo-oor en prut nog ‘n ruk saam.
Dis heerlik saam met savoury rys of knoffelbrood.
Bron: Joey Du Pisanie

LAMSBREDIE POT
Hierdie lams stew pot prut in my oond vir more.
1.5 kg lams pot vleis
2 uie in ringe gesny
1 kg gemengde groente
250 g sampioene
Sous
750 ml droë rooiwyn
1 x 410 g blik gekapte tamaties
10 ml knoffel
10 ml suiker (ek het dit nie bygevoeg nie)
10 ml gedroogte origanum
10 ml gedroogte basilliekruid
5 ml suurlemoenpeper
15 ml aromat
5 ml knoffelsout
Sap van ‘n halwe suurtemoen

Geur die meel sout, peper. Rol lamskenkels daarin. Verbruin die skenkels oor matige hitte voeg uie by en braai dit tot sag. Voeg brandewyn tydens die braai proses by.
Gooi skenkels en uie en ‘n casserol.
Meng die bestanddele vir die sous saam en bedek skenkels. Ek het dit oornag in die oond stadig laat prut teen 70°C. Voeg 1 kg gemengde groente by en prut vir uur of tot groente sag maar nog ferm is. Sampioene kan in die tyd ook bygevoeg word.  Bedien met koeskoes of stysel van jou keuse.

RESEP EN FOTO:  Elna Erasmus

WORSPOT MET KLUITJIES
Resep en foto: Frieda Greyling
FOOD LOVERS RECIPES
Heerlike worspotjie en dumplings…ek is verslaaf aan my braaiplek!
WORSPOT
500 g wors, 2 cm stukkies gesny
1 ui, ringe gesny
¼ kool, fyn gesnipper
2 aartappels, in blokkies gesny
botterskorsie, paar skywe gesny
250 g gevriesde groente
paar resep groen- en rooi soetrissie, blokkies gesny
sout, peper, aromat, naeltjies en neutmuskaat
Braai wors en uie tot half gaar.
Roerbraai die aartappelblokkies by.
Dan kool repies en gevriesde groente.
Sny botterskorsie skywe en pak bo op.
Giet so ½ koppie water oor en laat prut.
Skep dumplings oor en laat 15-20 min prut sonder om oop te maak.
KLUITJIES
1 koppie bruismeel
1 ml sout
3o ml botter
10 ml pietersielie
+- ½ tot ¾ koppie water
Vryf die botter in die meel, sout en pietersielie en maak aan met water tot ‘n deeg.
Skep lepelsvol op potjiekos.
Laat stadig prut 20-25 min tot gaar.

VELLA SE HOENDERPOTJIE

8 stukke hoender
1 groot ui- soteer ui en seel hoender stukkies in pot in margarine
gooi 750 ml coke in hoender pot vir so uur
voeg groente en sampioene by
500 ml room en 2 hoender ekstrak blokkies gerasper en gemeng met die room asook een pakkie sampioeneoomsop (room mengsel word bygevoeg wanneer groente sag is)
voeg sout en varsgemaalde peper by
sodra sous verdik het, verwyder van vuur en bedien met basmatic rys.

FOTO:  Christelle Grobler
RESEP: Christell Grobler se vriendin Vella

AMANDA SE OTJIE POTJIE

Hierdie was vanmiddag se otjie potjie – toe nog in wording – nou halfpad opgeëet!:

Potjie varkvleis gerol in mengsel van “sweet & Sour” souspakkie en so halwe koppie meel by.
Dan lekker bruin gebraai in vlak olie.
Alles teruggesit in pot, met 3 mini eisbeins.
Bietjie water bygevoeg en gaar geprut in oond.
Ek het heelwat later eers die aartappels, uie en toe ook wortels bygevoeg en hom net sy eie gang laat gaan in die oond.
Bedien saam met rys en lekker soet pampoen.

Resep en foto: Amanda Struwig

BAREND SE BEESSTERT POTJIE

Hi ek het R250 se bees stert gekoop, op kole in no 3 Falkirk potjie,
3 groot uie fyn gekap, in egte botter gebraai in potjie.
Beestert net so ingesit,
250 ml Douglas Green Port,
1 koppie Ms Ball’s chutney gewone een, laat prut vir 3,5 ure.
Na dit gooi ‘n groot bekker dik beesstert sop aangemaak met water in, groente , mielies , wortels , klein aartappels, yellow panzies, in vir 30 min bo-op vleis , maak groot seker dat sekelhout bos charcoal lig brand nie te warm nie, skep op en iets soos Port wyn, of Jack Daniels, geniet dit julle.

Bron en Foto: Barend Van Heerden