D SE HOENDER MAYO PANNEKOEKE
4-6 hoender stukke van die been af gekook (kan ook fillets gebruik, maar kook moeilik sag)
¾ koppie mayonnaise
± 4 eetlepels tamatiesous
2 teelepels suiker
2 eetlepels Sweet Chilly sous
speserye na jou keuse, sout en pepper
½ gekerfte ui, of 1 klein ui
Kook die hoender van die been af en kerf so fyn moontlik, braai die ui liggies en meng al die bestanddele saam in ‘n potjie, kook alles saam vir so 5 min max.  Sous verdun sodra dit gekook word, maar verdik weer sodra dit van die stoof af kom. Pak dan so 2-3 eetlepels binne jou pannekoek en rol toe.
Ek gebruik dieselfde mengsel in ‘n pastry en bak as ‘n pie, net so heerlik en gebruik selfs vir lunch die volgende oggend. Dit stol baie lekker koud of warm.

Pannekoek beslag:
2 koppies koekmeel
2 teelepls bakpoeier
3 groot eiers
2 koppies melk
1 koppie water
1 eetlepel suiker
Meng al die droë bestanddele, dan die melk, eiers en suiker saam en dan stadig meng die melk mengsel in jou meel, as dit te dik voorkom, gebruik die water om by te meng totdat dit dun genoeg is na smaak, as dit te veel vasbrand, sit ‘n extra eier by dan brand dit nie vas nie.
Foto: Dominique Oosthuizen

KOTIE SE BEPROEFDE PANNEKOEK MET VLAPOEIER
‘n Baie ou beproefde resep wat vir baie lank ‘n groot geheim was, aangesien ek dit in my Coffee Shoppe gebruik het.
Sif saam:
3 koppies koekmeel
3 eetlepels vlapoeier
1 teelepel bakpoeier
½ teelepel sout
Klits saam:
6 eiers
5 koppies water
1 eetlepel asyn
¾ koppie olie

Voeg eiermengsel by meelmengsel.  Meng goed en bak soos hieronder verduidelik.
Dis lekker indien dit ‘n rukkie kan staan maar in die winkel was daar nie rêrig tyd vir staan.
Bak ongeveer 18 pannekoeke.
Baie mooi kleur en besonders met die vlapoeier, rêrig ‘n sterresep.
Nota:  Ek gooi die meel sommer alles by die eier terwyl ek dit goed klits. Spuit net die pan vir die eerste pannekoek. Wanneer mooi bruin aan beide kante, gooi uit in ‘n houer met ‘n deksel om dit lekker warm te hou. Dis die tyd wanneer hulle lekker sag en fluffy word. Kan ook gebruik word vir gevulde pannekoeke of kaneelsuiker of wat jy ookal daarop wil hê.
Foto en resep deur Kotie Barwise Coetzer

Delene Breytenbach:
Ek meng nat- en dan al die droë bestanddele op een slag. Dan klits jy tot al die klontjies uit is. Dit moet goed geklits word sodat die gluten kan ontwikkel. Dan staan dit vir ten minste 10 min. (in die tyd kry ek my kaneelsuiker reg, pan met water met bord bo-op. Die water moet basies net stoom om pannekoek warm te hou). Die pan moet warm wees, as jy die eerste beslag ingooi moet dit sis. Draai pan met pols sodat al die oppervlak bedek is. As die boonste gestol het draai om en bak vir paar sekondes gooi uit in ander bord. Maak dit toe met deksel sodat dit heerlik warm en klam bly.

LIZ SE STAATMAKER BRANDEWYN PANNEKOEK
500 g pakkie bruismeel
500 ml melk
3 eiers
125 ml kookolie
knypie sout
2 sopies brandewyn

Klop alles saam. As dit te dik is, gooi bietjie water by. Bak dadelik, hoef nie te rus. Spuit pan en gebruik so 1 teelepel olie met elke 3de pannekoek. Perfek, ek bak dit al baie jare.
Resep: Liz Terblanche

ROMERIGE SPINASIE EN HOENDERVULSEL VIR PANNEKOEK
Aandete: Net reg vir ‘n koue aand, pannekoeke gevul met ‘n romerige spinasie en hoender vulsel. Die soetes bêre ek vir nagereg.
http://www.foodloversrecipes.com/…/petre-se-klein-maat-pan…/
2 hoenderdye gekook en gepluis
8 medium spinasieblare
½ ui fyn gekap
1 knoffelhuisie, fyngekap
6 stingels sprietuie, fyn gesnipper
1 basilie blaar, fyngekap
grof gemaalde swartpeper na smaak
sout na smaak

Soteer uie en knoffel tot uie deurskynend is. Voeg gekapte spinasie by en braai goed deur. Voeg res van van bestanddele by en meng goed. Voeg 2 koppies kaassous by en roer goed deur. Skep vulsel in middel van pannekoek en vou op sodat dit ‘n pakkie vorm. Pak in bak, gooi res van kaassous oor. Pannekoekpakkies – rasper kaas oor en bak in oond tot kaas goed gesmelt is, bedien warm.
Foto en resep:  Petré Van Jaarsveld

ARGENTYNSE PANNEKOEKE
2 koppies melk
3 eiers
2 koppies koekmeel
½ koppie strooisuiker
2 teelepels fyn kaneel
15 ml vanilla
knippie sout
1 groot bottel nutella smeer
1 blik karamel kondensmelk
100 ml melk
olie vir bak

Meng die melk, eiers, meel, strooisuiker, sout en kaneel saam. Laat staan vir ‘n uur.   Roer die vanilla by en meng goed.
Terwyl die deeg staan, smelt solank die karamel kondesmelk en die melk in ‘n klein pot oor ‘n lae hitte. Klop met ‘n draadmenger tot gesmelt en glad.
Maak ‘n kleefwerende pan warm. Gebruik kombuis papier om ‘n dun lagie olie te smeer. Giet ‘n lepel deeg in die pan en versprei. Bak tot lig bruin aan albei kante. Smeer die pan met olie na elke pannekoek.
Smeer gesmelte nutella oor die pannekoek. Vou 2 buitekante tot in die middel en rol op soos ‘n sigaar. Skep die sous oor.
Resep geplaas deur Wayne Dugmore
Foto:  Wayne Dugmore

BRUISMEEL PANNEKOEKE
250 ml bruismeel (1 koppie)
bietjie sout
bietjie suurlemoensap
200 ml melk
175 ml water
2 eiers
125 ml olie

Sif meel en sout. Klits eiers, melk, olie en suurlemoensap saam. Voeg meelmengsel by en meng goed, laat ‘n rukkie staan. Bak jou pannekoekies nou, ek kry altyd so tussen 10 en 14 uit.
Resep: Martie du Toit
Foto: Stien Rust

NO FLOP FLAPJACK PANCAKES
2 eggs
3 cups milk
2 ½ cups cake flour
1 ½ tablespoons baking powder
1 cup water
5 ml vanilla essence
pinch of salt

In a mixing bowl add the flour, salt and baking powder.
Add the eggs, 2 cups of milk, water and vanilla essence and mix with a whisk till just mixed.
Set the aside for 45 min.
Add the last 1 cup of milk and mix till just mixed.
In a non-stick pan, spray with spray and cook.
On high heat in a soup spoon add a ¼ of the mixture in the pan.
Turn all over till the whole pan is covered.
If the flapjack pancake makes holes on top and begin to dry a little and the mixture is not wet on top, turn over to the other side till also golden brown.
Can be served with cinnamon and sugar, some mince or with any filling you like!
Makes 12 flapjack pancakes.
Serve and enjoy!
Photo and recipe:  Kristie Townsend
Second Photo:  Mareli Dahl –  Dankie dis heerlik 😋

NIEKIE SE GROOTMAAT PANNEKOEK
52 koppies meel
52 teelepels bakpoeier
13 teelepels sout
52 eiers
52 koppies water
13 koppies olie
13 eetlepels asyn

Meng die droë bestanddele saam.
Meng die nat bestanddele.
Meng dan alles saam.

WENK: As jy in groot hoeveelhede bak, smeer vooraf jou pan of panne olie. As die olie in die panne ingetrek het, dan het ‘n mens nie die probleem dat jou pannekoek vassit nie
Bron: Niekie Bushby

FLUFFY PANCAKES WITH KEFIR
Today the recipe for Fluffy pancakes which I use to do for my kids:
200 g  of kefir
2 eggs
150 g of cake flour
1 teaspoon of baking powder
½ teaspoon of baking soda
2 tablespoons of brown sugar
2 tablespoon of oil

Mix the kefir in with the eggs. Add the sieved flour, baking powder, baking soda, sugar and oil. Mix them in thoroughly. Fry on a low heat until golden. When small holes appear on top of the pancakes it is a sign that you should turn them over. Serve at once, richly doused with maple syrup.
PHOTO AND RECIPE:  Katarzyna Posłuszny
https://www.home-madepatchwork.com/

WILMA SE HEERLIKE PANNEKOEKE
2 koppies koekmeel
3 teelepels bakpoeier
2 eetlepels sonneblomolie
1 eetlepel asyn
1 ½ koppies melk
1 ½ koppies water
2 groot eiers
1 teelepel sout

Meng saam (klits) tot sonder klonte en bak in warm pan.  Gebruik bietjie olie in die pan vir die eerste een en dan is dit nie weer nodig nie, of soos jy verkies.
Hierdie resep maak so ongeveer 12-14 pannekoeke.
Resep en foto: Wilma Batt