HEUNINGPOEDING

3 kop Meel,
3 kop melk.
3tl asyn.
3tl koeksoda
3tl botter
1 en 1/2kop suiker
3 eiers,
3 etl stroop/heuning. Room botter en suiker en stroop. Voeg eiers 1×1 by.
Voeg meel en melk beurtelings by. Voeg koeksoda en asyn laaste by.
Bak 1 en half uur op 180. Maak n groot poeding

Bron en Foto: Issie Snyman

SJOKOLADE POEDING MET SOUS
Foto: Jessica Jessiebaby Dale‎
FOOD LOVERS RECIPES
Heilie se vinnige resep.
Niks kom by sjokoladepoeding as jy lus is vir ’n lekker bederf nie. Dit bly ’n treffer vir kinders – om van die manne nie eens te praat nie! Die poeding het sy eie sous en dus is dit nooit droog nie. Maar vla of room daarby is altyd ’n opsie!
Maak die poeding in ’n groot bak sodat die sous nie oorbak nie.
Lewer 4 – 6 porsies
80 g botter of margarien
125 ml (½ koppie) suiker
1 ekstragroot eier
375 ml (1½ koppie) koekmeel
10 ml (2 teelepels) bakpoeier
2 ml (¼ teelepel) sout
45 ml (3 eetlepels) kakao
200 ml (¾ koppie) melk
Sous
80 ml (1/3 koppie) suiker
15 ml (1 eetlepel) kakao
375 ml (1½ koppie) warm water

Room die botter en suiker saam.
Voeg die eier by en klits tot romerig.
Sif die meel, bakpoeier, sout en kakao saam.
Voeg by die eiermengsel, om die beurt met die melk.
Meng goed en skep in ’n groot, gesmeerde oondvaste bak.
Sous:
Meng die suiker en kakao saam en sprinkel oor die deeg.
Giet die warm water stadig oor die deeg, moenie roer nie.
Bak vir omtrent 45 minute in ’n voorverhitte oond teen 180°C of tot gaar.
Sit voor met vla of geklopte room indien verkies.

PYNAPPELTERT
Ek het die naweek hierdie tert gemaak en dit is heerlik, lekker klam en saam met bietjie styfgeklopte room is dit ‘n heerlike tert of nagereg.
45 ml margarien
250 ml strooisuiker of Zylitol
2 ekstra groot eiers
250 ml koekmeel
5 ml bakpoeier
2.5 ml sout
60 ml melk
1 blik (432 g) fyn pynappel
1 peer of appel geskil en in half maantjies gesny, kook so rukkie in die mikrogolf in bietjie water net om dit sag te maak, hou eenkant
Stroop:
250 ml suiker of Zylitol
250 ml room
5 ml vanilla geursel
Voorverhit die oond tot 180°C. Berei tertpan of losboom koekpan voor, selfs ‘n vierkantige glasbak sal reg wees. Dit is nie groot belag nie, so as jy dit nie dun wil hê nie gebruik so 20 cm pan.
Room die margarien en strooisuiker tot lig en donsig. Voeg die eiers een een by en klits goed na elke toevoeging. Sif die meel, sout en bakpoeier saam en vou in die mengsel in alternatiewelik met die melk. Gooi die pynappel in ‘n sif en druk al die sap uit, meng die pynappel by die mengsel in. Gooi in jou voorbereide pan. Pak nou die peer/appel bo-op die tert in ‘n mooi patroon. Bak vir ongeveer 1 uur tot toetspen skoon uitkom. (Myne het langer gebak.)
Terwyl die tert in die oond is, kook die stroop se bestanddele saam tot suiker lekker opgelos is. Steek die warm tert met ‘n tandestokkie vol gaatjies wanneer hy uit die oond kom. Gooi warm stroop oor warm tert. Help maar so teen die kante dat die stroop lekker kan intrek.
Bedien afgekoel saam met lekker styf geklopte room.
Yummies verby.
Foto: Rina Kleinhans

4 thin slices of bread buttered
Thinly sliced banana
50 ml sugar
2 eggs
500 ml milk
5ml vanilla essence
Ground nutmeg

METHOD:

Grease pie / casserole dish
Make sandwiches with bread and banana slices and then cut into squares and arrange in dish
Beat egg, sugar, vanilla and milk and pour over bread,
Sprinkle with nutmeg
Preheat oven to 180 and bake for 25-30 minutes or till brown
Serve hot and ENJOY

Recipe and Photo:  John Gattinger

Vla gevulde appels met soet broskorsdeeg

Sny appels oop soos jy ‘n pampoen sou kerf en uithol.

Vul met vla en sit deeg bo-op smeer met melk of eier sprinkel met suiker en bak op
200 grade Celsius vir 30-35min tot deeg goudbruin is.

Wenke:
As jy appels voorberei voor die tyd kan jy met ‘n kwas suurlemoensap in verf om bruinword te voorkom.
Gebruik afgekoelde vla.
Resep en foto:  Marna Earl

Marna Earle O ja… En jy kan natuurlik ‘n Brannefyntjie by jou vla inroer

MY VRUGTE NAGEREG

Ek het n pynappel geskil en in ringe gesny, 3 appels geskil in skyfies gesny, een groot lemoen, en 2 naartjies .

2 koppies suiker en vier koppies water saam gekook tot suiker opgelos het, en die vrugte alles daarin gesit en saam gekook vir 40 minute, en bedien met vla

GEBAKTE APPELS MET GEMMERKOEKIES

Het dit vandag probeer. Heerlik saam met vla of roomys.
4 tot 5 appels, suur groen appels werk die beste
4 eetlepels bruinsuiker
15 gemmerkoekies
4 eetlepels botter
4 eetlepels rosyne

Verwyder die appel se klokhuis, maar los die skil aan.
Meng die suiker, rosyne, gemmerkoekies, botter en stop die mengsel in die appel.
Pak in swaarboom pot op matige hitte en wag tot suiker en botter aan die onderkant begin smelt.
Voeg paar eetlepels water by om stoom te maak met deksel op.
Kook vir 10 – 15 min, skep uit sodra appels sag is.
Bedien saam met vla of roomys.
Foto:  Christina En LP Louw

GESTOOMDE KERSPOEDING
250 ml suiker
60 ml sagte bruinsuiker
1 eier, geklits
10 ml koeksoda
250 ml water
250 ml margarien
2 ml gemmer
250 ml melk
250 ml vrugtekoekmengsel
30 ml appelkooskonfyt

knypie sout
500 ml ongesifte koekmeel
Plaas suiker, water, vrugtemengsel en bruinsuiker in n stoompot en kook 5 minute saam.
Meng botter, konfyt, eier, gemmer en sout.
Los koeksoda op in melk en roer  beurtelings met meel by bottermengsel.
Skep deeg op vrugtemengsel, sit deksel van stoompot op, plaas in ‘n kastrol gevul met water.
Laat 3 ure stoom.
Vul water met kookwater aan wanneer nodig.
Keer poeding op ‘n opdienbord uit en versier met room, vlasous of roomys.

Petro Calitz

KITS KOEK MET LEMOENSTROOP
1 groot koppie koekmeel
¾ koppie melk
2 teelepels bakpoeier
1 teelepel vanilla geursel
¾ koppie suiker
2 eetlepels olie
2 eiers
Meng alles in n bak en klits goed. Bak by 180º C vir 20 minute.
STROOP.
1 klein koppie lemoensap
¼ koppie suiker
Kook saam en giet oor koek wanneer uit oond kom.
Bedien warm
BRON- Petro Calitz

DOMPEL KOEKTERT
Resep: Lynette Puren
Ek vertaal die resep, want die Amerikaners noem dit “Dump Cake”. Dit is nie regtig ‘n koek in die tradisionele sin nie, want dit word met ‘n blik “pie filling” of ingelegde vrugte gemaak met die koekmengsel bo-oor die vrugte gestrooi en dan in die oond gebak. Ek het die resep vandag weer op Foodnetwork gesien en het dit ook al gebak. Dit is baie maklik!
1 blik ingelegde vrugte soos perskes of vrugtekelkie (ongeveer 470 – 550 g) of enige vrugte van jou keuse
1 pak wit of geel koekmengsel
± 150 g margarien / botter, dis ongeveer 12 eetlepels

Voorverhit die oond tot 350ºF / 180ºC.
Gebruik ‘n groot plat glasbak, foeliepan of ‘n groot ronde plat bak, ongeveer 24 x 34 cm (dit is ‘n groot bak) of 9 x 13 duim, smeer of spuit die bak met kleefwerende kossproei.
Giet die vrugte met die stroop in die gesmeerde bak. Sprei die vrugtemengsel redelik egalig oor die bodem van die bak.
Strooi die inhoud van die koekmengsel egalig oor die vrugte. Sny die margarien in stukke en plaas dit soortvan eweredig op die droë koekmengsellaag. Plaas die bak in die oond en bak vir 45 minute to 1 uur tot bruin bo-op en borrellend. Bedien met geklopte room, vla, vanilla-roomys of net so!
Eksperimenteer en gebruik ‘n blik fyn pynappel en kersie tertmengsel gemeng en gebruik ‘n sjokolade koekmengsel of blik gesnipperde perskes met sjokolade koekmengsel ens.
Die resep is baie maklik en letterlik flopvry, die vrugte moet net ‘n laag vorm op die bodem en die koekmengsel word net so droog bo-oor gestroei en margarien bo-op en dis heerlik.
Nota: Lynette Puren – As ek van vrugte praat in die resepte is dit altyd geblikte vrugte in stroop of natuurlike vrugtesap en nie vars vrugte nie. Die resep het die stroop nodig om te werk!