APPELKOOSKONFYT IN DIE MIKROGOLFOOND
(WERK SOOS ‘N DROOM!)
My beproefde mikrogolf appelkooskonfyt resep:

1 kg appelkose, gesnipper of net die pit verwyder
1 eetlepel botter
1 kg suiker
1 suurlemoen se sap

Plaas die appelkose in ‘n diep glasbak. Voeg botter  en suurlemoensap by. Mikrogolf op hoog vir 13 minute. Haal uit, maak fyn met masher indien verkies, of los net so, roer net deur. Voeg suiker by en roer goed tot suiker opgelos is. Mikrogollf weer op hoog vir 13 minute. Haal uit en roer weer goed deur. Mikrogolf weer vir 13 minute op hoog.

Baie mense gebruik ‘n roomysbak om dit in te kook in die mikro, want dis dan maklik om die konfyt in die potjies te “skink”, want die bak buig lekker. Ek gebruik egter ‘n glasbak, want ek hou nie van die idee van plastiek in die mikro nie, maar dis net persoonlike smaak.

Die kooktye is perfek vir 1 kg appelkose.

Foto en resep: Louise Groenewald

ROOSKONFYT (Mikrogolf Metode)
MOENIE ROSE GEBRUIK WAT MET GIF GESPUIT IS NIE.

2 koppies roosblare, lossies ingedruk
Breek die wit stukkie onder af en breek die blare in kleiner stukkies.
Plaas dit in ‘n glasbak en strooi 30 ml suiker en 30 ml suurlemoensap oor.
Druk blare plat sodat alles bedek is.

STROOP
Smelt 200 ml water saam met 500 ml suiker op 50% krag.
Kook dit vir 3 min lank op 100% krag, nadat suiker opgelos is.
Sit die roosblare by, druk dit onder stroop en kook dit 15-25 min op 100% krag.
Haal uit die mikrogolf en voeg 15-20 ml suurlemoen sap by. Roer.
Laat effens afkoel voor dit in gesteriliseerde botteltjie geskep word.
Kan weer in botteltjies gekook word vir paar minute as dit nog te dun lyk en dan weer afgekoel word.
Wenk:
Gebruik gekleurde blomblare en wit bymekaar, kleurkombinasies is baie mooi.

Naomi le Roux

MIKROGOLF PYNAPPELKONFYT
Vermeng in ‘n diep mikrogolfvaste bak:
500 g gerasperde, geskilde pynappel
500 g wit suiker
5 ml gemmerstroop

Mikrogof die mengsel ongeveer ‘n kwartier lank by 50% krag tot dik.
Roer af en toe. Bottel die konfyt warm, plaas die flesse 5 min in ‘n kastrol met warm water, sodat die lugblasies kan styg. Haal flesse uit en verseël dit dadelik.

APPELKOOSKONFYT (mikrogolf)
1 kg appelkose (gewas en in kwarte gesny)
1 teelepel sout
2 eetlepels suurlemoensap
800 ml witsuiker

Gooi die sout en suurlemoensap oor die appelkoos kwarte (in ‘n mikrogolfbak) en mikrogolf vir 10 min.
Haal uit, roer, gooi suiker oor, roer en mikrogolf weer vir 10 min.
Roer en mikrogolf laaste 10min.(totaal van 30 minute mikrogolf)
Bottel dadelik in warm voorbereide bottels.

Resep: Nadia du Toit

MIKROGOLF SPINASIE EN TUNA BROODJIE

275 ml gekapte gekookte spinasie
1 ui, fyngekap
1 suurlemoen se sap
2 x 200 g blikke tuna in olie
4 snye wit brood
120 ml room
2 groot eiers

Braai uie in tuna olie.
Krummel brood. Meng met res van bestanddele. Skep in mikro broodpannetjie. Maak toe met waspapier en bak in mikrogolf op hoog vir 9 min. Lekker as ligte ete of voorgereg.

Foto en resep Martie Fourie Moolman

SARDYN TERT
Resep en foto: Benhet Nieuwenhuis ( (Rita skoonsus)
FOOD LOVERS RECIPES
Kors:
3 groterige aartappels, sag gekook
50 ml water
30 ml botter
1 eier
2 ml sout
knypie peper
5 ml bakpoeier
(Maak mash, klop laaste die bakpoeier by) smeer mash mengsel in bak!
Vulsel:
2 uie
1 ml sout
25 ml botter
knypie rooi peper
25 ml koekmeel
200 ml melk
1 groot blik sardyne in tamatiesous
2 eiers
25 ml fyn pietersielie
12,5 ml asyn

Skil en kap uie fyn en mikrogolf dit saam botter vir 3 min op 100% krag. Roer die koekmeel, sout en rooipeper by en daarna die melk, mikrogolf 3 min by 100% krag en roer elke minut! Vlok sardyne! Meng dit met uiesous, eiers en die helfte van die pietersielie en die asyn! Giet die vulsel in die aartappelkors. Strooi pietersielie oor! Mikrogolf die tert ongeveer 20 min by 70% krag tot feitlik gestol! Laat staan ‘n paar minute en skep op!!!!!!
HEERLIK

MIKROGOLF ‘POPCORN’ KARAMELSTROOP
250 ml suiker (1 koppie)
62,5 ml Water (1/4 koppie)
12.5 Stork margarien (1 eetlepel)
2 ml kremetart (Knippie)
5 ml karamelessens (1 teelepel)
2 ml sout ( knippie)
2.5 ml asyn (1/2 teelepel)

Kook vir 7 minute saam in mikrogolf op hoog, roer ‘n paar keer.
Gooi Karamelessens in.
Roer springmielies by sous in.

Resep geplaas deur Marie Rheeder Troskie

PATAT IN DIE MIKROGOLF

Glo dit as julle wil, maar ek sit my patats (nadat ek al die knoetse en vuilheid verwyder het) in ‘n winkelsak (natgemaak onder die kraan afgespoel met skil aan) en strooi bruinsuiker oor en so 1 eetlepel botter gemeng met 1 eetlepel heuning in die sak.
Knoop sak liggies toe en plaas in mikrogolfoond.
So 3-4 minute per patat (mediumgrootte).
Heerlik sag en ek gooi die sak weg. ‘n Moet saam met snoek op die kole

Bron- Lorraine Weitz Brand