AARTAPPELS EN KOOL GEREG IN MIKROGOLF

Kerf kool in fyn repies en gooi kookwater oor en laat staan paar uur met deksel.
Ongeveer 2k fyngekerfde kool
1 soetrissie in repies gesny
1 grt uie in ringe gesny
1 groterige babymarrow in julienne repe gesny
1 pakkie veggie bake van keuse
So paar klein aartappeltjies met skil en al
Dreineer die kool goed en meng babymarrow en pepper by, strooi bietjie sout oor. Skep in vuurvaste bak en sy aartappels in dun skyfies bo-oor tot die koolmengsel goed bedek is. Maak veggie bake volgens aanwysings op die pakkie aan en giet oor die mengsel. Bedek en mikrogolf 20min by 70 persent krag. Dit sal afhang van hu dik jou aartappels gesny is. Kook langer indien die aartappels na 20min nog nie sag is nie. Na die eerste 10 min het ek die bak effe geskud om seker te maak niks sit onder vas.
Bron / Foto Marianne De Beer

MIKROGOLF SKAAPHARTPASTEI
Naand almal. Nou ja ek het toe pastei in die mikrogolf probeer en is heel ingenome en trots op myself.
Gebruik n kleibak met deksel.
Sny 3 skaapharte en 1 grt ui in blokkies, voeg klein bietjie water by en sout na smaak en mikrogolf 20 min by 60 persent krag.
Sny 1 groot aartappel in klein blokkies en voeg by vleis. Mikrogolf weer 20 min by 60 persent krag.
Voeg water by indien nodig maar net so 1/4 koppie op ‘n slag. Los 1 opgehoopte teelepel bisto op in so kwart koppie water en voeg by. Roer deur en mikrogolf 3 min by 100 persent krag. Giet nou die deeg oor en mikrogolf sonder die deksel vir 10 min by 60 persent krag.
Deeg:
1 koppie koekmeel
1 teelepels bakpoeier
Knippie sout
1/4 teelepels mosterdpoeier
Strooisel gedroogde pietersielie
1 eeetlepel kookolie
1 eier

Voeg water by tot redelik slap beslag.
Strooi bietjie paprika bo-oor of rooipeper vir meer pikante smaak.

Nota:   Enige vleis kan natuurlik gebruik word, pas dalk net die gaarmaaktyd so bietjie aan. Steak en kidney sal dieselfde tyd neem, maar taaier snitte sal langer vat

Foto en resep:  Marianne de Beer

MIKROGOLF LUI-HUIS-VROU-DEGIE
Hier is myne:
ek vat een eier en meng dit met meel en bakpoeier meel hoeveelheid hang af hoe groot jou bak vleis is.
Meng dit en gooi dan water by roer alles dit moet loperig wees want ek gooi dit oor met maatbeker oor vleis.
Strooi gerasperde kaas bo oor en bak in mikrogolf of oond tot degie bruin is, dis heerlik!

RESEP: Estelle Coetzee
FOTO: Benhet Nieuwenhuis

MIKROGOLFWENNER SE VLAKOEK
Beslag 250 ml water
100 ml botter / marg
4 eiers
400 ml witsuiker
500 ml koekmeel
20 ml bakpoeier
10 ml sout
vanilla
Vulsel –
500 ml melk
75 ml vlapoeier
sout
125 g botter / marg 250 ml
strooisuiker
5 ml vanilla
paar druppels amandelgeursel
[HALVEER BESTANDDELE EN MAAK ELKE KOEKLAAG APART AAN! Glo my, dit flop as dit saam aangemaak word en in 2 panne verdeel word. Het dit ook op die moeilike manier geleer 🙂 ]

Mikrogolf water en marg in diep bakkie by 100% krag. Klits eiers en suiker tot lig en sponsagtig. Sif meel, bakpoeier en sout saam en vou by eiermengsel. Voeg water en vanilla by em meng liggies tot ‘n dunner beslag. Bak by 100% vir omtrent 5 min. Laat afkoel in pan. Maak 2e koeklaag aan en halveer byde wanneer afgekoel. Vulsel – Verhit 400ml van melk tot kookpunt. Maak vlapoeier met res van melk aan en voeg sout by. Klop dit by kookmelk en verhit tot dik en gaar. Laat vla afkoel en roer gereeld om te keer dat daar ‘n velletjie vorm (ek hou van my velletjie,so ek los myne net om af te koel!) Verroom botter en strooisuiker en voeg geursels by. Klop dit geleidelik by koue vla. Smeer die vulsel tussen koeklae en aan die kante.

Geplaas deur Cheryll Geldenhuys

GERDA SE KITS MIKROGOLF MELKTERT
1 blik kondensmelk
700 ml warm water
50 ml koue water
100 ml maizena
2 eiers
5 ml vanilla geursel
Bietjie sout
15 ml margarine
1 pak tennisbeskuitjies
Kook water en kondensmelk margarine en bietjie sout saam in mikrogolf oond vir 6 min op hoog.
Maak maizena met die koue water aan, voeg eiers een vir een by saam met vanilla geursel.
Skep warm mengsel by koue mengsel en kook in mikrogolf tot dik.
Pak koekies in ‘n tertbak as kors, skep die vulsel in die bak oor die koekies en strooi kaneel oor na smaak.
Laat afkoel om heeltemal te stol.

Resep en foto:  Gerda Venter

ANDOLYNE SE MIKROGOLF FUDGE
1 blik kondensmelk
125 g margarien
500 ml strooisuiker
5 ml vanielje

Plaas die strooisuiker, kondensmelk en margarien in n 13 cm mikrogolf bak.
Mikrogolf vir 2 min, haal uit roer goed, plaas terug in mikrogolf oond en mikrogolf vir nog 2 min. Haal uit en roer weer. Plaas terug in mikrogolf en mikrogolf vir 4 min. Haal uit roer goed deur, plaas terug en mikrogolf vir 2 min, haal uit en roer . Plaas terug en mikrogolf vir nog 2 min. Haal uit, roer voeg nou die vanielje by en roer goed deur. Gooi uit in ‘n gesmeerse bak. Laat staan vir so 5 min, sny in blokkies en laat staan tot koud. Haal uit pan uit en sit in n ligdigte bak.

RESEP EN FOTO:  Andolyne Annelie Masser Bothma

MIKROGOLF KAASSKONS
½ koppie koekmeel
10 ml bakpoeier
2 ml sout
Knippie rooipeper
Knippie mosterd poeier
½ koppie gerasperde cheddar kaas
1 eier geklits
30 ml margerine
melk om te meng

Sif droë bestanddele saam, vryf margerine in. Voeg kaas en eier by, meng met melk tot die regte tekstuur.  Nie te slap nie.
Skep lepels vol op verbruiningsbak wat 7 min warm gemaak is.
Bak 1 min, draai om en bak nog 1 min op hoog.
Ek het die mikrogolf muffin pan gebruik.

BRON: Suzette De Beer Souwitzsky‎

COCONUT ICE IN THE MICROWAVE
1 tin condensed milk
200 g desiccated coconut
500 g icing sugar
Pink food colouring
Warm condensed milk on High for two minutes in microwave
Add coconut and icing sugar and mix well
Microwave on High for a further four minutes stirring every minute
Add food colouring and stir well
Pour mixture into a greased glass dish
Cut into bite size pieces before mixture sets

RECIPE:  Elize Smit

2 MINUTE MIKROGOLF MILO POEDING
Weet nie eers of daar so ‘n nagereg bestaan nie. Sommer net goed bymekaar gegooi en dit is heerlik!
4 eetlepels bruismeel
2 teelepels bakpoeier
4 eetlepels suiker
4 eetlepels milo
4 eetlepels kookolie
1 eier

Gooi alles in ‘n bak en klits goed.
Skep in sop/poedingbakkie en mikrogolf op hoog vir 2 minute.
Genoeg vir 2 persone. Bedien saam met vla of roomys.
Die tyd hang ook af van hoeveel watt jou mikrogolf is.. Myne is 1200 W.
Petré Van Jaarsveld – Gewoonlik is dit maar 1 teelepel bakpoeier op ‘n koppie meel, maar dink jy moet maar 2 ingooi. Is net bang dit het ‘n bakpoeier smaak omdat dit so kort bak in die mikrogolfoond. Dit rys nie baie nie.

BRON – Petré Van Jaarsveld

Linette White – Jinne Petre jy het ‘n wenner beet, het dit nou gemaak, ek het nie milo nie maar het die cocao gebruik
Petré Van Jaarsveld – Dankie. Ek het eergisteraand Hot chocolate gebruik, vandag milo.

JOHANITA SE 7 MIN RINGKOEK
2 eiers
2 eetlepels olie
1 teelepel vanielje
1 koppie water
2 eetlepels kakao
1 koppie koekmeel
2½ teelepels bakpoeier
1 koppie suiker
¼ teelepel sout
Klits eiers, olie, vanielje en water saam.
Sif kakao, bakpoeier, suiker en sout saam.
Meng alles deeglik saam en giet in gesmeerde gelring.
Bak 5 – 7 minute in mikrogolfoond.
Keer dadelik uit laat afkoel.
Versier volgens eie keuse.
Resep en foto: Johanita Reinhardt
2de foto:  Meisie van der Colff