EILEEN SE SAGOMELKKOS-MIKROGOLF

100 ml (70 g) sago
1 L melk
30 ml (25 g) botter of margarien
2 eiers
75 ml (40 g) volkoring of gewone koekmeel
20 ml vlapoeier
2 ml sout
125 ml water
kaneelsuiker
Voeg die sago by 250 ml van die melk in `n diep 3,5 L bak.
Mikrogolf dit 2½ minute oop by 100% krag.
Roer die mengsel goed en laat dit ‘n rukkie staan.
Voeg die oorblywende 750 ml melk en die botter of margarien by die sagomengsel.
Mikrogolf dit 15 minute oop by 100% krag en roer dit na elke 5 minute
Skei die eiers en klits die eiergele, meel, vlapoeier, sout en water saam tot gemeng.
Roer dit by die sagomengsel.
Mikrogolf dit 6 minute oop by 100% krag en roer dit na die eerste 3 minute goed.
Klits die eierwitte tot styf en vou dit liggies by die sagomengsel in.
Sit die melkkos warm met kaneelsuiker voor.

Resep:  Eileen Geldenhuys
Foto:  Rina Kleinhans

MELKKOS MET ‘N VERSKIL
My ma se resep!! Hy smelt behoorlik in jou mond!!
6 eiers
2 liter melk
125 ml koekmeel
125 ml suiker
125 ml vla poeier
2 ml sout
60 gr botter

Skei 6 eiers,  klits die wit tot styf en donsig hou eenkant. Meng 250 ml van die melk met die meel, vla, sout en suiker tot gladde pasta. Kook res van 2 liter melk tot begin skuim en opkook haal van plaat af sit die botter in.  Voeg een-een eiergeel by terwyl jy heeltyd klits. Plaas terug op stoof,  laat kook tot borrel. Klits pasta bietjie, bietjie in. Haal van plaat af vou die wit van eier in met ‘n metaal lepel, moenie die pap klits nie!!!!! Bedien met kaneelsuiker na smaak
Genoeg vir 4 mense-
BRON: Jeanette van Leeuwen

MAKLIKE MELKSNYSELS
1 rol “pastry” deeg
1,5 liter melk
½ koppie suiker
1 teelepel sout
Pypkaneel

Bring melk en sout tot kookpunt.
Sny deeg in dun repies.
Plaas die deeg by die kokende melk en draai hitte af tot dit net prut.
Laat prut vir 15 minute en voeg suiker by en prut nog 5 minute. ( Onthou om gereeld te roer). Skep in bakkies en strooi kaneel oor.
BRON:  Christo Haughton.