ESMARIE SE BRAAIRYS
Soos aangevra hier is die foto van my braairys. Ek het laas sommer groente met knoffel en kruie in die oond gebraai en saam voorgesit. My huismense jaag my gewoonlik aan om die gereg te kan eet. My seun van 20 wat glad nie lief is vir rys nie vra elke keer ‘n tweede porsie.
Net weer die resep:
Ek kook my rys vooraf amper gaar, moet nog effens hard wees, nie pap nie.
3 gekerfde uie
125 – 250 g maalvleis
5 ml oreganum
2.5ml gemengde kruie
speserye na smaak

Braai die uie in ‘n olie en botter mengsel in ‘n braaipan tot sag en begin bruin word.
Voeg die maalvleis by en roerbraai tot vleis lekker los en bruin is.
Voeg die oreganum, gemengde kruie en speserye na smaak by.
Voeg nou die gaar rys by en roerbraai tot lekker gemeng.
Ek braai dit tot dit so effens vasbraai aan die bodem van die pan op ‘n medium hitte. (Dit gee dit so effense krakerige tekstuur en neuterige smakie)
Ek braai ook soms gesnyde sampioene en fyn gekapte greenpepper by die uie wanneer ek dit braai, maar gereg is net so lekker sonder dit. Geniet dit.
Resep  en foto: Esmarie Friedrichs

YOLANDE SE “POT PAAI”
Die ready made rolletjies deeg het nie werk nodig nie. Afhangende van hoeveel mense gaan bepaal of jy 1 of 2 rolle gaan nodig he. Haal uit die vrieskas-laat buite le tot dit kamertemperatuur is
Rol oop bo op die plastiek waarin dit toegerol is. Smeer met tamatiepasta-
los so 2 cm reg rondom oop op die rante. Plaas ‘n laag rou spek bo op uitgesprei-kan enige polonie in die plek daarvan gebruik. Braai maalvleis, uie en greenpepper en geur na smaak.
Laat afkoel en skep in dun laag bo op. Sit ‘n paar blare gewasde spinasie bo op.
Rasper kaas oor die helfte.
Rol die deeg met die vulsel van die smal kant af op. Druk die kante toe. Smeer met geklitste eier en bak  +- 1 uur teen 180ºC.
Jy kan enigiets binne in in lae pak vir die vulsel..afgekookte vleis, stir fry vark, hoender of bully-net wat jy wil!
Maak net eers jou vleis gaar en laat dit afkoel. Alternatief is ook net groente en geblikte bone..
Seël die rol se punte net mooi sodat die vulsel nie “uitbak” nie… Gebruik jou verbeelding en enjoy!

Resep en foto deur Yolande L Fourie

“TUNE-UP” TUNA SLAAI
Ons eet weer vanaand ons spesiale Tuna slaai.
Die basiese resep is 2 blikkies tuna (water of olie afgegooi),
gerasperde of blokkies kaas,
fyngekapte ui en ‘n groot pak Kaas en Uie chips (fyngedruk).
Daarby kan jy enige iets anders voeg waarvan jy hou.
Tamatieblokkies,
‘n blikkie ertjies,
hardgekookte eiers,
mielies (pitmielies),
blaarslaai.
Meng met Mayonniase of maak ‘n pienk sous van Mayo, Tamatiesous, Chutney en aromat.
Ons eet dit met vars rolletjies. Geniet! (O ja, ons noem dit Tune-up).

Foto en resep:  Jeanette Martins

TUNA EN RYSNOEDELSLAAI
Hierdie is my familie en vriende se gunsteling pasta slaai. Jy kook rysnoedels sag, spoel af onder kou water. Gooi in ‘n bak en meng in een of twee (na gelang van die hoeveelheid noedels) blikkies pynappel stukke met sap en een of twee blikkies tuna in sout water en meng deur.
Laat staan vir so uur sodat die noedels die sap absorbeer.
Meng dan mayonaise (na smaak) deur en siedaar heerlike tuna, pynappel en rysnoedel slaai.

Resep:  Anette Van de Merwe

HOENDERLEWERTJIES OP PANINI BROODJIES
hoenderlewers
1 fyngesnyde knoffel huisie
2 eetlepels kerriepoeier
warm water
± 1 teelepel Tabascosous
1 teelepel suiker
250 ml room

Braai die knoffel huisie in olyfolie, voeg hoenderlewers by en braai tot gaar.
Meng die kerriepoeier met warm water en voeg by die lewertjies.
Voeg Tabascosous by, asook die suiker.
Roer gereeld op lae hitte, voeg dan die room by en laat prut vir om en by 15 minute.
Resep en foto: Cecil Dunhin

GEROOKTE HOENDERSLAAI MET SELDERY
3 seldery stingels opgesny
600g gerookte hoender in blokkies gesny
300g druiwe gehalveer of heel indien dit klein korrels is
3-4 spriet uie in ringetjies gesny
1 medium advokado in blokkies of skywe gesny
1 engelse komkommer gesny
Slaaisous:
125 g gewone yoghurt
125 ml mayonaise
15 ml korrel mostert
15 ml heuning
10 ml suurlemoensap
15 ml varsgekapte pietersielie
Sout en pepper na smaak
Plaas al die slaai bestanddele in slaaibak.
Meng slaaisous en gooi oor slaai.
Meng liggies deur.
Genoeg vir 4 porsies.

resep en foto: Elsabé Mulder Barnard

BAKGAT BROOD VIR AAND ETE OF ONTBYT
6 snye brood, korsies afgesny
botter
Marmite
1 koppie gerasperde Cheddar kaas
2 eiers
sout en peper
tamatieskyfies
3/4 koppie melk
1 pakkie spek, gesnipper en bruin gebraai
Smeer die snye brood met die botter en Marmite en sny elke snytjie in die helfte. Klits die eiers en melk saam en voeg sout en peper by na smaak. Smeer ‘n vuurvaste oondbak met smeer en pak ‘n lagie brood onder in die bak.
Rangskik die spek en tamatie bo-op die brood en strooi die kaas bo-oor. Giet die eiermengsel bo-oor die spek en tamatie en bak die gereg in ‘n voorverhitte oond by 180ºC vir 30 minute tot goudbruin.
Nota: Die resep kan verdubbel word, maar pak bestanddele dan in 2 lae en giet net laastens die melk- en eiermengsel bo-oor.

MIKROGOLF TUNA GEREG

Jare gelede het my sus hierdie resep vir my gegee en het ek dit gereeld vir my seuns gemaak vir ete na skool.
Meng die volgende saam :
2 blikkies tuna
2 blikkies Tamatiesous spaghetti
1 blik hoender of sampioenroomsop

Krummel 1 groot pak kaas en uie skyfies en strooi bo-op en mikrogolf tot warm of warm op in oond. Heerlik op roosterbrood.
Foto en resep geplaas deur Anita Steyn

Andre Grove – Ken hom sonder spagetti en met kaas en post toasties gemeng bo oor

Joan Schubert – Ek gebruik Lays’ Balsamic Vinegar skyfies en 2 eiers+125ml melk in die plek van die sampioen sop, maar ek ken nie die weergawe met die Spaghetti nie – gaan probeer.

BULLY BEEF EN KAASPASTEI
1 blikkie bully beef gerasper
1 koppie kaas
2 eiers geklits
4 eetlepels chutney
4 eetlepels chilli sous
2 eetlepels olie
1 teelepel bakpoeier
1 telepel sout
3 koppie koekmeel
Halwe koppie water
Meng die meel,bakpoeier en sout deur.
Voeg die die kaas en beef by meng goed deur.klits die eiers goed voeg die chutney en chilli sous by meng deur voeg dna die olie by.meng die mengels by die meel mengels,as alles goed deur gemeng is voeg water by tot dit slap genoeg soos jy dit verkies.gooi in pan van keuse bak op 180c vir 30-40 minute
Bron:  Christa Flemming

ELSA SE TUNA ROL

1 blikkie tuna ( die in water)
1 ui fyn gekap
halwe koppie gerasperde kaas
3 eetlepel mayonniase
3 eetlepel tamatiesous
3 eetlepel chutney
sout en peper na smaak
1 gekoopte rol skilferdeeg
Meng bestanddele saam, rol die deeg oop en smeer die bestanddele oor die rol. Rol versigtig op, en plaas in oondbak. Sny ‘n paar kepies bo-op die rol. Bak by 200°C. Bedien saam met n groenslaai.
Bron:  Elsa Rossouw Combrinck