LEWER KOEKIES
1 kg gemaalde lewer (skaap, bees of volstruis)
4 groot aartappels gerasper
2 uie, gerasper
2 eetlepels asyn
1 koppie koekmeel, gesif
2 eiers
6 teelepels bakpoeier

Meng alles goed saam.
Maak koekies en bak in ‘n bietjie olie.
Dit vries baie goed.
Lewer ongeveer 50 koekies.
Foto: Linda Diedericks

RISSIE HOENDER LEWERTJIES MET BLOMKOOL EN BROCOLLI MASH
Hoender lewertjies:
500 g hoender lewertjies
1 groot ui
½ green pepper
1 klein blikkie tamatie paste
1 koppie room
1 tot brandewyn (secret ingredient)
rissie na smaak
knoffel na smaak
sout en peper

Braai uie en green pepper saam (ek het klapper olie gebruik) tot sag, sit hoender lewertjies by en braai tot bruin. Gooi room, tamatie paste, brandewyn, rissies en knoffel by en prut vir so 30 minute.

Blomkool en broccoli mash:
½ kop blomkool en broccoli elk
2 eetlepels room
1 eetlepel botter
sout en peper

Kook tot sag en voeg room, botter, sout en peper by en mash tot romerig.
Foto en resep: Chireen Buitendag

SOUS VIR HOENDERLEWERTJIES
Onse middagete, pap vir manlief, gebraaide uie, dan gebraaide spek, gebakte tamatie met sout en swartpeper en bietjie oreganum, en klein bietjie suiker, braai aan alkante.
Hoenderlewertjies:
Maak mooi skoon, laat lê in bietjie suurlemoen sap en braai speserye. Rol lewertjies in meel en bak lekker bruin, haal uit pan en hou eenkant.
Sous:
1 teelepel Bisto
swart peper en sout, na smaak
1 Eetlepel Worcestersous
½ suurlemoen se sap

Gebruik nou die bietjie meel wat jy lewertjies in gerol het en meng die Bisto daarmee, voeg swart peper, sout, Worcestersous en suurlemoen se sap by.
Meng saam met water en maak ‘n lekker dik, suur sousie.
As sous deurgekook het, plaas lewertjies terug, hou warm en dien op.
Foto en resep: Alta Gunter Van Dyk

HOENDERLEWERTJIES EN SPEK
500 g hoenderlewertjies
1 ui, opgesny
200 g spek, in repies gesny
knoffel

Braai ui in olie, voeg bietjie knoffel by.
Roer spek by wat in repies gesny is.
Roerbraai op hoë hitte.
Voeg skoongemaakte lewertjies by saam met knippie fyn naeltjies, pienk sout en swart peper. Roerbraai tot net gaar en nog effentjies pienk in die middel.
Die geure is heerlik saam. Voedsaam. Bedien saam met groen groente. Low carb!
Nota:  En as jy hierdie in ‘n food processor verwerk, het jy heerlike hoenderlewer patee.
Resep en foto: Louise Groenewald

SOETSUUR HOENDER LEWERTJIES
1 ui, gekap
½ groen soetrissie, gekap
½ pakkie sampioene, opgesny
1 tamatie, gekap
500 g skoongemaakte hoenderlewertjies
1 eetlepel Worcestersous
1 eetlepel tamatiesous
1 eetlepel blatjang
bietjie Aromat
paar druppels soyasous
sout en peper

Braai die uie en soetrissie saam tot dit verkleur.
Voeg dan tamaties en sampioene by en braai nog ‘n klein bietjie.
Ek gebruik olyf olie en botter (opsioneel) saam, maar baie min.
Voeg ‘n skeut wit asyn oor die mengsel en voeg dan geurmiddels na smaak by.
Voeg Worcestersous, tamatiesous, chutney, paar druppels soyasous en aromat, sout en peper na smaak by.
Onthou soyasous het baie sout, wees maar versigtig vir te veel.
En laaste so ‘n knippie suiker met maas of karringmelk of selfs room kan gebruik word.
Kook net deur en bedien.
Resep en foto: Susan Sussiena Wagenaar Mitchell

HOENDERLEWER PASTA
500 g pasta
500 g hoender lewers
250 ml room
vars knoffel, gekap
100 g sampioene, gesny
½ ui en green pepper, gesny
vars suurlemoensap
½ teelepel van die volgende; paprika, nutmeg, fyn koljander, naeltjies, cumin, sout, peper, hoender speserye.

Kook jou pasta in soutwater met bietjie olie tot sag.
Braai jou gekapte ui, green pepper, sampioene en knoffel in bietjie olie en botter tot sag.
Voeg jou hoenderlewers by en braai tot bruin, maar nie doodgaar nie, gooi suurlemoensap en speserye by.
Voeg laastens jou room by en meng deur tot romerig.
Moenie oorgaar maak nie.
Kan nog room byvoeg indien te droog.
Dreineer jou pasta.
Meng lewermengsel liggies deur.
Garneer met Parmesan kaas.
Bedien saam slaai en knoffel brood.
Resep en foto : Lelane van der Walt

VOLSTRUISLEWER KOEKIES
Die resep is vir 5 kg gemaalde volstruis lewer, pas resep aan. Die gemaalde lewer en die gaar koekies vries ook baie goed. Kan ander lewer ook gebruik.
2 greenpeppers, opgekap
1 klein plastiek sakkie uie, opgekap
1 bossie wortels, gerasper
2 pakkies fyn swartpeper
1 pakkue rooipeper
knoffel na smaak, opgekap
broodmeel om te bind
sout na smaak
5 kilogram volstruislewer, gemaal
12 eiers

Meng alles goed deurmekaar (meng die knoffel en uie by net voor jy dit gebruik).
Skep lepelsvol in warm olie in ‘n pan en braai albei kante bruin.
Resep: Jan Lotz

PETRE SE HOENDERLEWERTJIES IN ROOIWYN
Hoenderlewertjies in rooiwyn, knoffel en harissa, met roosterbroodjies.
1 bakkie hoenderlewertjies
½ ui, fyngekap
stukkie groen soetrissie, fyngekap
grof gemaalde swartpeper
1 huisie knoffel, fyngekap
¼ koppie rooiwyn
1¼ koppie tamatiesous
helfte van ¼ koppie bruinsuiker
paar skeute sojasous
1 teelepel harissa, dit hang af van hoe sterk jy dit wil hê

Braai uie en groen soetrissie tot uie deurskynend is.
Voeg lewertjies en gekapte knoffel by en braai goed deur.
Voeg res van bestanddele by en kook/braai deur tot ‘n dik sous vorm.
Foto en resep: Petré Van Jaarsveld

NICO SE PIKANTE SKAAPLEWER MET PYNAPPEL
Ek hou van iets soet-suur wat ‘n effens branderige na-smakie agterlaat. Die lewertjie is dan ook minder wild.
(My eetlepels en teelepels is hoogvol)
500 g skaaplewer
300 g maalvleis
1 medium pynappel, opgesny
1 gekapte ui
1 blikkie tamatie en uie smoor
½ koppie asyn
2 eetlepel suiker
1 teelepel gekapte knoffel
2 teelepels sout
2 teelepels swartpeper
2 teelepels kerrie
2 teelepels paprika
1 teelepel komyn
1 teelepel koljander
1 blokkie skaap ekstrak

In ‘n medium pot/kastrol, braai ui, pynappel en knoffel in bietjie olie totdat ui glasig is en skep uit.
Braai lewer vinnig in dieselfde pot met sout en peper totdat lewer se bloederigheid weg is, en skep uit.
Braai maalvleis in dieselfde pot met sout en peper tot bruin.
Voeg uiemengsel en lewer by maalvleis tesame met al die ander bestanddele en prut vir 5 minute.
Proe en verstel sout, peper, asyn en suiker na smaak. (Dis belangrik).
Foto en resep: Nico Conradie

BEEF LIVER BHUNA CURRY
This is a spicy dish of beef liver curry. It is a served with plain rice tortilla, parathas, rice or pulao.
1 tablespoon of vegetable oil
2 cups of sliced onions
2 bay leaves
1 teaspoon of turmeric powder
1 teaspoon of cumin powder
1 teaspoon of red chili powder
salt
1 tablespoon of ginger paste
1 tablespoon of garlic paste
2 tablespoon of onion paste
4 cardamoms
4 cinnamon sticks
1 teaspoon of Garam Masala Powder
water as needed
500 g beef liver, cubed
500 g potatoes, peeled and chopped into cubes

Heat a pan with oil and fry the onions and bay leaves.
Add the turmeric, cumin and red chili powder and stir. Also add salt, ginger, garlic and onion pastes, cardamoms, cinnamon and garam masala powder
Continue stirring add 1 cup of water and potatoes and cook until almost tender.
Add the cubed beef liver and mix well with the spices. Cook for 10 minutes with extra water or until done.
Serve with plain rice or pulao/biryani.
Recipe and photo: Elize de Kock