ALTA SE EIER ROULADE
3 eiers
2 eetlepels water
sout en varsgemaalde swartpeper na smaak
Klits goed, voeg by:
fyngekapte ui
rooi belpeper
pietersielie
(so eetlepel vol van elk)

Ek gebruik n klein pannetjie, kleinbortjie grote, dan verdeel dit om 3 omelette te maak.
Bak eenkant van omelette, keer om en bak ander kant, keer uit op bord, rasper bietjie kaas in en rol op.
Bron en foto: Alta Gunter Van Dyk

RONEL SE KAAS EN BULLYBEEF POFFERTJIES
2 koppies meel
2 eiers
2 teelepel bakpoeier
½ koppie melk
1 koppie kaas
uie
sout en peper na smaak

Sif al die droë bestanddele saam.
Meng eiers met melk.
Sny uie  baie fyn.
Druk bullybeef met vurk fyn.
Meng die eiermengsel met droë bestanddele. Voeg bullybeef, uie, kaas , sout en peper na smaak by. Meng goed, it is ‘n stywe beslag!
Skep lepelsvol in warm olie en bak tot gaar en mooi bruin. Geniet dit warm of koud.
Bron en foto: Ronel Blignaut

MICHELLE SE GRAANKOS SMULHAPPIES

Honey Hoops
Corn Flakes
Marshmallow
1 etl botter
1etl water

Sit groot pak marshmallows, botter en water in bak,
Mikrogolf op hoog vir 30 sec, roer en sit weer in vir 30 sec. Jy gaan dit aan hou doen tot als gesmelt is.
Gooi nou Corn Flakes en Honey Hoops by.
Roer deur.
Sit in bak wat uitgelê is met baking paper.
Laat oornag stol.
Sny in skywe en geniet.

Resep en foto: Michelle Botha

TWINKIES
Klits met n papklitser:
2 koppies meel
3 teelepels bakpoeier
sout
1½ koppies suiker
1 koppie water
½ koppie olie
6 eiergele

Klits met elektriek klitser:
eier witte
½ teelepel kremetart

Klits eierwitte styf en vou witte by boonste beslag in.
Skep in masjientjie.
Bak 10 min.
Jy kan enige vulsel in sit ek gevind kits poeding werk beter as carameltreat.
Ek het holte gemaak met n dik breinaald en toe vulsel ingespyt.

RESEP EN FOTO: Nicoliende de Waal

WASGOEDBONDELTJIES MET MAALVLEIS

Vulsel:
10 ml botter of kookolie
2 uie, opgekap
2 knoffelhuisies, gekap
750 ml gemaalde vark of beesvleis
2 – 3 aartappels, in blokkies gesny
½ teelepel fyn gemmer
1 knippie fyn koljander
2 tamaties, geskil en gekap
2 teelepels sout
1 knippie peper
2 eetlepels asyn
½ koppie vleisaftreksel

Broskorsdeeg:
2 koppies koekmeel
½ teelepel sout
2 teelepels bakpoeier
½ koppie botter
yswater
peuselstokkies en kruienaeltjies om die deegvierkant vas te steek
braaivet of olie

Vulsel:
Verhit botter of kookolie in ‘n kastrol en soteer die uie en knoffel. Voeg die vleis by en braai liggies bruin. Voeg aartappels, speserye, tamaties, sout, peper, asyn en vleisaftreksel by die mengsel. Sit deksel op en prut vir 45 minute totdat dit sag is. Laat afkoel voor gebruik.

Broskorsdeeg:
Sif die meel, sout en bakpoeier saam in ‘n mengbak. Vryf die botter liggies in. Voeg die water by soos benodig en meng tot ‘n maklike hanteerbare deeg. Rol die deeg uit en sny dit in vierkante van 75 x 75 mm. Skep ‘n bietjie van die vulsel in die middel van die deegvierkant.Vou die punte na binne en steek dit met ‘n stokkie en ‘n kruienaeltjie vas. Braai goudbruin in die diep vet of olie. Dreineer op ‘n papierhanddoek en sit dit koud of warm voor.

Foto: Petro van Genderen

PASTA-EN-WORSIE-TERTJIES HAPPIES
Halwe pak (dus 250g) elmbogie pasta, gaar gemaak, effens afgekoel
4-6 worsies, gesny
6 eiers, geklits
50ml olie
1-2e tamatiesous
1-2e blatjang
Sout, peper, knoffel (en ander sulke goodies) na smaak
1-2k kaas, gerasper
Meng alles saam
Skep in muffin pannetjies
Sprinkel met kaas
Bak teen 180C vir 20min
Laat afkoel, skep uit, geniet

BRON EN FOTO:  Meyer Combrinck

PIESANG-EN-WORTELMUFFINS
FOTO:  Benhet Nieuwenhuis
FOOD LOVERS RECIPES
Muffins in die kosblik is ‘n wenner. Boonop vries hierdie muffins goed.
LEWER SOWAT 24 MUFFINS
500 ml (2 koppies) koekmeel
15 ml (1 eetlepel) bakpoeier
5 ml (1 teelepel) gemengde speserye
500 ml (2 koppies) volgraanmeel
100 ml semels
100 ml muesli
50 ml klapper
50 ml sonneblomsaad
100 ml pitlose rosyntjies
50 ml lynsaad
250 ml (1 koppie) sonneblomolie
3 eiers
10 ml (2 teelepels) vanieljegeursel
250 ml (1 koppie) melk
500 ml (2 koppies) gerasperde wortels
6 fyngemaakte piesangs
10 ml (2 teelepels) fyn kaneel
5 ml (1 teelepel) sout
5 ml (1 teelepel) koeksoda
gevlokte amandels

Voorverhit die oond tot 180 °C. Spuit twee muffinpanne.
Sif die koekmeel, bakpoeier en speserye saam.
Voeg die volgraanmeel, semels, muesli, klapper, sonneblomsaad, rosyntjies en lynsaad by.
Klits die olie, eiers, geursel en melk saam. Meng die wortels en piesangs by.
Voeg die droë bestanddele by; roer tot net gemeng.
Skep in die panne, strooi die amandels oor en bak 25-30 minute.

SPEK EN KAAS TWISTS

Vat ‘n pak ontvriesde blaardeeg (puff pastry). Smeer Hot English Mustard oor. Ek het die mosterd gevolg met ‘n dun lagie blatjang. Sprinkel gerasperde kaas oor. Nou vat jy repe “streaky bacon” en lê dit in rye oor die kaas. Sny nou die deeg tussen die stroke spek.

Nou vir die tricky deel: vat ‘n gesnyde strook aan die punte en begin in teenoorgestelde rigtings te draai/twist tot jy net deeg sien en sit op ‘n bakplaat. Bak teen 160°C vir 20 tot 25 min tot goudbruin.

Bron: Wayne Dugmore

BARBARA SE GRANOLA BARS
Resep en foto:  Barbara Bullock
FOOD LOVERS RECIPES
375 g margarine
3 koppies suiker
45 ml gouestroop
3 eiers
15 ml koeksoda (roer goed in ¼ koppie melk)
15 ml bakpoeier
3 koppies klapper
3 koppies oats (ek gebruik 1 koppie oats en 2 koppies Granola)
3 koppies koekmeel

Maak beslag oggend aan en plaas in toe houer en bak laat middag of aand, moet ongeveer 5 ure staan eers. Room margarine, suiker, stroop. Voeg eiers een vir een by. Voeg koeksoda by. Sif meel en voeg klapper en oats by asook bakpoeier. Meng alle bestanddele saam. Druk die mengsel in bakpan vas.
Bak vir ongeveer 15 tot 20 minute by 180 ºC. Haal uit oond en sny blokkies terwyl nog warm. Laat vir ongeveer 10 tot 15 minute in pan staan, haal uit

Nota: Pieter Cornelius van Niekerk – ons het net granola gebruik en 20min langer gebak!

VLEIS BROODJIES VIR DIE KOSBLIK

Hier is bietjie n kosblik idee, ek het soutvleis en kaas  toebroodjies gemaak.
Toe sny ek dit in sirkels met n “cookie cutter”.
Doop in geklitste eier en dan in broodkrummels en vlakbraai tot goudbruin in bietjie olie.
Dis heerlik!!!
Ek het een gesny om julle te wys smile emoticon jy kan enige vulsel gebruik, ek dink hoender en mayo sal veral lekker wees.

FOTO EN IDEE:  Chantelle Venter