BESTE KOEKSISTERS OOIT

tested
BESTE KOEKSISTERS OOIT

Resep en foto: Susan Steyn, Chal Font St Peter – Londen
2de foto: Anna-Marie Cronje
Ek deel graag my skoonsus, Susan se heerlike koeksister-resep met julle – sy bly in Londen en sy bak gereeld.

SUSAN SE KOEKSISTERS
STROOP
14 x 250 ml suiker
7 x 250 ml water
¼ koppie suurlemoensap
1 hoogvol teelepel fyn gemmer

Kook en roer tot suiker gesmelt.
Draai plaat af en kook nog 12 min.
Gooi 2 eetlepels gliserien by.
Laat afkoel en vries.

DEEG
4 hoogvol koppies meel
20 ml (rond geskep) bakpoeier
1 groot eier
55 g stork margarien
± 375 lou water
3 ml sout

METODE
Sif meel, bakpoeier en sout.
Vryf margarien in.
Klits eier en voeg lou water by en klink tot skuimerig. Gooi bietjie bietjie by meel. Knie goed.
Maak toe in ligdigte houer. Laat staan vir minstens ‘n uur.
Rol en vleg koeksisters.
Bak in warm olie.
Doop nou die warm koeksisters in die yskoue stroop.

CRONUT

wildebees kaings

CRONUT

Hierdie is lekkerder as koeksisters, maar verg bietjie meer tyd. Ek het die resep by Mari du Preez gekry.
Die eindproduk lyk baie soos die CRONUT (doughnut/croissant) maar klein soos ‘n vingerhappie.
BAIE BAIE LANK gelede laas gemaak.
Syrup:
200 g white sugar
250 ml water
5 ml lemon juice
25 ml golden syrup
Batter:
300 g cake flour
12.5 ml baking powder
1 ml salt
12.5 ml butter
2 eggs, beaten
100 ml milk
cornflour
extra butter, softened (you can use ghee)
sunflower oil for deep frying
Syrup:
Bring the syrup ingredients to the boil and stir until all the sugar has dissolved.
Cook syrup for 8 minutes over a moderate heat.
Let it cool and place it in the fridge till it’s ice cold.
Batter:
Sift the flour, baking powder and salt together.
Rub the butter into the mixture.
Beat the eggs and milk together and cut this mixture into the flour mixture with a spatula.
Add a little extra milk if the dough is too stiff.
Step 5 – Shape the dough into a sausage and divide it into 6 equal lengths.
6 – Roll each length into a thin oval shape on a flour strewn surface.
7 – Spread softened butter/ghee on the dough ovals and sprinkle them with cornflour.
8- Stack the ovals on top of each other until you have a stack of 6 ovals.
9 – Now roll the stack out into a rectangle.
Repeat step 5 – 9 three times more.
Roll the stack out into a thin rectangle. Roll up the rectangle lengthways.
Using a sharp knife, cut the roll into 2 cm slices.
Moisten the ends of each roll and press them together to prevent the roll from unravelling when they’re fried.
Fry a few rolls at a time in moderately hot, deep, sunflower oil till they’re golden brown.
Remove from the oil with a slatted spoon and dip them immediately in the ice-cold syrup.
Drain on a wire rack or tray. Chill before serving. Makes about 50.
Recipe tested: Annetjie van Huyssteen

RIA SE VINNIGE BRUISMEEL KOEKSISTERS

2013-07-26-warmstroopkoeksisters

RIA SE VINNIGE BRUISMEEL KOEKSISTERS
Resep – MUSHAVI – Deon Huysamen
Foto- Brunhilda Venter
3,5 dosyn koeksisters van normale grootte
Deeg:
500 g bruismeel (self raising)
2 ml sout
1 ekstra groot eier
250 ml water
10 ml gesmelte botter
genoeg kookolie vir diep braai

Stroop:
800 g suiker
500 ml water
15 ml goue stroop
12,5 ml gliserien
5 ml kremetart
knyppie sout
2 tot 3 stukke pypkaneel

Sif bruismeel en sout saam, klits eier en water en voeg gesmelte botter by, meng meelmengsel met vloeistof tot sagte deeg, smeer hande liggies met kookolie, en knie deeg goed, of gebruik ’n menger, bedek deeg met klam doek, laat 10 min staan.
Kook intussen stroop:
Plaas al die stroop bestanddele in groot kastrol, verhit tot kookpunt, roer 2 keer, laat 7 – 10 min kook. Haal af en laat effens afkoel.
Rol deeg uit, sny in repe, vleg of draai. Braai hulle in kookolie tot bruin, skep uit en dompel in die warm stroop, haal uit en plaas op draadrak. Verkoel in yskas en dien op. Bewaar wat oorbly in ’n toe houer in vrieskas of oop houer in yskas.

KOEKSISTERS – MET CHILLIE SOUSIE

koeksisters petra
KOEKSISTERS – MET CHILLIE SOUSIE
genoeg vir 36 klein koeksisters
STROOP:
5 koppies suiker
3 koppies water
125ml sweet chilli sauce (mild)(Wellington’s)
60ml sweet chilli fruity sauce (hot)(Wellington’s)
Verhit die suiker en die water saam oor matige hitte en roer tot die suiker opgelos is. laat prut die suikerstroop vir 19 min. Haal af laat afkoel en sit oornag in yskas. Voeg die chillie souse by.
DEEG:
4 kop meel
15 ml bakpoeier
knypie sout
30 ml botter
1 eier
375ml melk
olie vir braai
sif meel , bakpoeier en sout saam. Vryf die botter by meelmengsel, tot dit soos broodkrummels lyk
Klits die eier en die melk saam en voeg bietjie vir bietjie by meelmengsel om sagte deeg te vorm
Knie tot elasties en laat vir so 30 min rus.
Rol deeg uit en maak vlegsels
verhit olie en braai tot goudbruin
DOMPEL IN YSKOUE STROOP
(TAN Maria) Riana du Plessis

FLORAINE SE KOEKSISTERS

koeksisters floraine
FLORAINE SE KOEKSISTERS

4 koppies koekmeel
4 teelepel bakpoeier
1 teelepel sout
1 groot eetlepel Holsum
1 eier
250 ml water
250 ml melk
Vryf Holsum in droë bestandele in. Meng eier in melk, voeg by, dan water, maak aan tot elastiese deeg, nie te slap nie. Laat rus 1 uur. Rol uit en vleg. Braai in kookolie tot bruin. Dreineer en dompel in yskoue stroop.
STROOP
5 koppies water
8 koppies suiker
1 suurlemoen in skyfies
Kook al die stroopbestanddele saam 10 – 15 min. met toe deksel.
Voeg 2,5 ml sout en 2,5 ml kremetart by sodra dit begin kook.
Verkoel oornag.
ENJOY!

Resep en foto: Floraine Wasserman Venter

KITS KOEKSISTERS

KITS KOEKSISTERS
Ek het ‘n blommetjie koekiedrukker gebruik, dit normaalweg in olie gebak en in stroop gedompel.
Stroop:
625 ml witsuiker
250 ml water
12,5 ml suurlemoensap
5 ml vanieljegeursel

Deeg:
375 ml koekmeel
22 ml bakpoeier
1 ml sout
25 ml botter/margarien
150 ml melk
750 ml sonneblom olie

Verhit die suiker en water in ‘n diep kastrolletjie oor lae hitte sonder ‘n deksel tot kookpunt en roer dit kort-kort totdat die suiker gesmelt het. Kook die stroop 7 – 8 minute stadig sonder ‘n deksel – dit moenie te vinnig kook nie, want dan gaan dit te dik wees. Haal van die stoof af, roer sap en geursel by. Hou eenkant.
Sif meel, bakpoeier en sout saam. Frummel die smeer daarin. Sny die melk met ‘n slaplemmes in die frummels totdat ‘n deeg gevorm het – werk liggies. Rol die deeg op ‘n meelbestrooide plank sowat 5mm dit uit. (Ek rol dit dikker uit omdat ek dit nie vleg nie). Sny smal repies en vleg koeksisters daarmee. (Ek gebruik ‘n blommetjie motief koekiedrukker).
Verhit olie in kastrol tot taamlik warm. Bak tot goudbruin. Skep met gleuflepel uit olie en dompel dadelik in die stroop wat nou al tot louwarm afgekoel het. Wanneer die stroop deurgetrek het, skep uit en laat afdrup op ‘n afkoelrak wat bo-oor ‘n skinkbord geplaas is. Eet dit yskoud!

Resep en 2de foto: Joey Venter
1 ste foto: Kiti de Jager

KOEKSISTERS MET WARM STROOP

KOEKSISTERS MET WARM STROOP
Ek kry hierdie koerant uitknipsel van 1947 tussen my Oorl. Mammie se resepte.
2 koppies meelblom
1 desertlepel bakpoeier (12,5 ml)
1 desertlepel suiker (12,5 ml)
1 desertlepel botter (12,5 ml)
1 eier
Knippie sout
¾ koppie melk
Olie vir gaarmaak

Vryf die botter met die vingerpunte in die meel in, gooi dan die bakpoeier en suiker by. Maak aan met melk waarin die eier geklits is. Meng goed en laat rus die deeg.(uur of langer as jy tyd het)
Rol die deeg uit, sny en vleg. Moenie deeg teveel hanteer en rek nie….
Bak in warm olie tot ligbruin.

Stroop
4 koppies suiker
2 koppies water
1 eetl goue stroop
Knippie wynsteensuur

Kook die bestanddele saam vir 5 min en dompel die warm koeksisters in die warm stroop. Haal uit en laat koud word voor bediening. Bere in die vrieskas en bedien yskoud
Nota:
Kan ook bietjie suurlemoensap by die stroop sit nadat dit klaar gekook het, om die soet bietjie te breek, begin maar by so 30 ml en proe, moenie teveel insit nie.

Resep geplaas deur: Rina Kleinhans
Foto: Elaine Steyn Steyn‎ – Wou vinnig koeksisters bak, nie tyd gehad vir my gewone resep nie. Het hierdie resep van julle probeer en dit is absoluut awesome. Ek het 15 ml suurlemoensap by stroop gevoeg. Deeg is baie pap, so ek het baie meel vir uitrol gebruik. Sal dit beslis weer maak. Dankie vir resep☺
2de foto: Retha Fouche – Smaak héérlik!! Dankie vir die raad en resepte!!

EKONOMIESE KOEKSISTERS VIR DIE BASAAR

EKONOMIESE KOEKSISTERS VIR DIE BASAAR
12 dosyn
Stroop:
2 kg suiker
3 liter water
5 ml sout
30 ml suurlemoensap
30 ml gouestroop

Deeg:
1 kg wit broodmeel
5 ml sout
10 g kitssuurdeeg (1 pakkie kitsgis)
50 g suiker (62 ml)
60 g botter of margarien (60 ml)
500-600 ml louwarm water

Stroop:
Berei stroop die vorige dag en plaas oornag in die yskas. Verhit suiker, water en sout oor matige hitte en roer tot suiker opgelos is. Maak seker dat suiker teen die kante ook afgeverf is, sit deksel vir paar minute op sodat stoom die suiker kan afwas. Verhit stroop tot 110ºC of ongeveer 15 minute vanaf kookstadium. Voeg sap by en kook nog 2-3 minute en verwyder van hitte, roer stroop by tot opgelos. Laat afkoel en plaas in yskas. Maak ongeveer 4 liter stroop. Verdeel stroop in 2 dele, dan is daar altyd koue stroop. As die 1 helfte warm word, plaas warm stroop in vrieskas om weer gou koud te word.
Deeg:
Sit meel en sout saam, voeg suurdeeg en suiker by en meng goed. Vryf botter in. Voeg eers net 500 ml water by om ‘n sagte deeg te vorm. Indien nog water nodig is, maak net jou hande met die orige 100 ml water nat en knie dit by die deeg in. Knie vir ‘n paar minute met oorvou-en-kniebeweging totdat deeg nie meer aan jou hande vassit nie. Laat deeg rys tot dubbeld die volume. Knie deeg af, knyp ‘n stuk deeg af en rol in worsvorm en sny 10 mm skyfies. Rol skyfies in worsies tussen hande en draai in teenoorgestelde rigtings, vou dubbeld en druk punte stewig vas. Dit behoort vanself op te rol. Hou koeksister toe onder ‘n klam doek sodat dit nie uitdroog. Laat 30 minute rys. Verhit olie tot 180ºC en bak koeksisters ‘n paar op ‘n slag en doop dadelik in stroop. Koeksisters vries goed.
Resep gelaas deur Nicolien van Schalkwyk

KAAP-MALEISE KOESISTER

KAAP-MALEISE KOESISTER
Lewer 36 koesisters
6 middelslag aartappels, geskil en in blokkies gesny
250 ml melk
60 ml olie
60 ml botter, gesmelt
1 groot eier, liggies geklits
1 x 10 g pakkie kitsgis
60 ml suiker
700 g (5×250 ml) koekmeel
5 ml sout
7 ml gemaalde kaneel
5 ml gemaalde gemmer
2 ml gemaalde naeltjies
2 ml gemaalde kardemon
5 ml heel anyssaad
5 ml fyngdrukte of gemaalde naartjieskil
olie vir diepbraai

Stroop:
250 ml water
200 g (250ml) suiker
2 kardemompeule, opgeskeur

Kook aartappels in water tot sag. Dreineer water af en druk fyn. Voeg melk
olie, botter en eier by en druk fyn sodat daar geen klonte is nie (druk deur
sif indien nodig).
Plaas kitsgis, suiker, meel, sout al die speserye en skil in ‘n groot mengbak.
Voeg aartappelmengsel by en meng goed tot ‘n gladde deeg.
Bedek met kleefplastiek en laat op ‘n warm plek tot dubbel die volume rys
(sowat 1 uur). Knie deeg af en keer op meelbestrooide oppervlak uit.
Rol stukke deeg in langwerpige vorms (6 cm x 2.5 cm) en laat 15 min eenkant rys. Diepbraai in warm olie tot goedbruin. Haal uit met gaatjieslepel en dreineer op kombuispapier.

STROOP:
Plaas intussen al die bestanddele, behalwe klapper in n kastrol en verhit tot kookpunt. Roer totdat suiker heeltemal opgelos is het. Hou aan roer en prut oor lae hitte tot stroop lagie op die agterkant van n lepel vorm.
Dompel koeksisters in warm stroop en rol in klapper tot goed bedek. Sit met koffie en tee voor.
Wenk:
Hoe gladder en sagter die aartappel-meelmengsel,hoe beter die eindresultaat.
Resep en foto: Peggy Devine

NAGEMAAKTE KOEKSISTERS-BROODSISTERS

NAGEMAAKTE KOEKSISTERS-BROODSISTERS
Resep: Christina Stienie Breed
FOOD LOVERS RECIPES
4 koppies suiker
1 teelepel asyn
knippie sout
2 koppies water
1 teelepel vanilla geursel
ou brood
klapper vir rol

Voeg die suiker, asyn, sout en water in ‘n kastrol en verhit stadig, roer aanhoudend tot die suiker opgelos is.
Brin die mengsel tot kookpunt en kook vir 1 min, plaas eenkant en laat afkoel. Voeg die vanilla by en roer deur.
Sny die brood in vingers en braai in diepolie tot goudbruin.
Dompel dit dan direk in die koue stroop en rol dan in klapper.
Kan ook vir nagereg gebruik word saam met vla en gesnyde piesang.
Nota: Mens kan ook ‘n stroop kook soos vir koeksisters en dit daarin dompel, heerlik verby,