GOUE VANILLA KOEK

2 koppies suiker
3 ¼ koppies meel
2 ½ teelepels bakpoeier
1 teelepel sout
¾ koppie botter (168 g, sag maar nie gesmelt nie!)
1 ½ koppies melk
1 eetlepel vanilla
4 groot eiers

Maak seker die botter, melk en eiers is kamer temperatuur!
Verhit oond tot 180°C. Voer die bodem van 3 koekpannetjies (20 cm groot) met bakpapier uit, en botter die papier. Moenie die kante botter nie! (Jy kan ook 2 x 23 cm panne gebruik).
Plaas al die droë bestanddele in jou mengbak. Meng saam tot alles eweredig versprei is. Voeg die botter by en klits tot dit sanderig lyk.
Voeg die melk en vanilla by end klits vir 30 sekondes op lae spoed, en 30 sekondes op medium spoed. Skraap die bodem en kante van die bak.
Voeg een eier by en klits vir 30 sekondes op medium spoed. Skraap weer die bak.
Herhaal tot al 4 eiers bygevoeg is. Klits op medium-hoog vir 30 sekondes.
Gooi die beslag in die koekpannetjies en sprei dit eweredig uit.
Bak 30 – 35 minute (vir die 3- 20-cm panne) of 35 – 40 minute (vir 2- 23-cm panne).
Toets met ‘n tandestokkie om seker te maak dis heeltemal gaar.
Haal uit die oond en verkoel vir 5 minute. Maak kante met ‘n mes los en keer uit op draadrakke.
Verkoel heeltemal voordat jy dit versier.
Foto:  Debbie Edwards
Resep geplaas deur Debbie Edwards

ANNELIZLE SE SJOKOLADE KOEK
Resep en foto 1: Annelizle Botha
2 koppies suiker
6 eiers
1 teelepel vanilla
knippie sout
2 koppies koekmeel
4 teelepels bakpoeier
4 eetlepels hoogvol kakao
1 ½ koppie warm water
6 eetlepels olie
Voorverhit die oond tot 180ºC.
Klits die eiers en suiker tot lig en romerig. Voeg die vanilla, sout en koekmeel by en meng goed deur.
Meng die kakao, warm water en olie saam, strooi die bakpoeier oor die kakao-mengsel en wag tot dit begin bruis.
Voeg die nat bestanddele by die meelmengsel en meng deur.
Verdeel die beslag in 2 voorafbereide koekpanne van 22 cm elk en bak in die voorverhitte vir 30 minute of tot die gaar toets met ‘n tandestokkie.
Keer die koeke uit op ‘n afkoel rakkie en laat heeltemal koud word.
Nota – Die koek is redelik klam en baie lig. Ek gebruik ekstra donker en bitter kakao. Heerlik.

Sjokolade versiersel:
3 koppies versiersuiker
1 koppie botter
150 ml melk
1 koppie kakao
Room botter en voeg die res van die bestanddele by. Klits deeglik tot lig en romerig. Versier die afgekoelde koek soos verkies.
Foto 2 en nota – Ronell Muller Boshoff‎ – Ekt dit 2 x aangemaak, apart en ‘n dubbellaag koek gemaak.

Foto 3 – Frances Smith, ek het ‘n ½ resep aangemaak vir nie so groot koek nie

SPONSKOEK OF KOLWYNTJIES
575 ml koekmeel
15 ml bakpoeier
2 ml sout
4 eiers geskei
125 ml kookolie
125 ml water
375 ml suiker
5 ml vanilla essense

Sif droë bestanddele saam. Sif droë bestanddele saam. Klits eiergele, suiker, vanilla, olie en water saam vir sowat 3 minute. Voeg droë bestanddele bietjie vir bietjie by. Klits eierwitte tot dit pieke vorm. As jy die klitser uittrek moet die pieke se punte omval anders is dit te droog. Vou die geklitste eierwitte versigtig by die meelmengsel in en skep twee derdes vol in jou kolwyntjie papiertjies. Bak by 180°C tot dit goudbruin begin raak en ‘n toetspen skoon uitkom. Pasop vir te droog bak. Los om goed af te koel voor dit versier word.
Bron: Barbara Swart

GEWILDE WORTELKOEK
500 ml (2 koppies) koekmeel
10 ml (2 teelepels) bakpoeier
10 ml (2 teelepels) fyn kaneel
5 ml (1 teelepel) gemengde speserye
5 ml (1 teelepel) sout
4 eiers
125 ml (½ koppie) margarien
62 ml (¼ koppie) olie
375 ml (1 ½ koppies) strooisuiker
25 ml (2 eetlepel) water
5 ml (1 teelepel) vanilla geursel of
3 ml (½ teelepel) gerasperde lemoenskil
200 ml (⅘ koppie) gekapte okkerneute
500 ml (2 koppies) fyn gerasperde geelwortels

Sif die droë bestanddele saam in ‘n mengbak.
Klits die margarien, olie, suiker en water saam tot lig en romerig in ‘n aparte mengbak.
Voeg die geklitste eiers geleidelik by en meng goed deur. Voeg die geursel by.
Vou die droë bestanddele by die eiermengsel en roer die neute en wortels by die meelbeslag.
Giet die beslag in ‘n voorbereide  ringvormpan of langwerpige oonpan.
Bak die koek in ‘n voorverhitte oond by 180°C (350 °F) vir 35 tot 40 minute.
Giet karamel glansversiersel oor die gaar koek en sprinkel gekerfde amandels of gekapte okkerneute bo-oor.
Resep: Sanet Meiring Burger

GRANNY’S CHOCOLATE CAKE WITH CHOCOLATE GANACHE
Phase 1: Cake Sponge
80 g cacao powder
375 ml boiling water
750 ml cake flour
500 ml white sugar
30 ml baking powder
8 eggs separated
Preheat the Oven to 180˚C.
Whisk together the cacao powder and the boiling water. Let it cool down completely.
Sieve together the flour, sugar and baking powder in a big mixing bowl.
Separate the egg yolks from the whites.
Whisk the egg whites till stiff peaks.
Fold the cacao mixture and egg yolks into the dry mixture.
Fold in the egg whites, use a big spoon to do this, Scoop the mixture into 2 greased cake tins.
Tap the tins on the counter top to get rid of any bubbles in the cake batter.
Place into the oven for 30 minutes.
Let the cake sponges cool down completely.
Slice each sponge in half.
Pipe your chocolate ganache between the sponges, I also added a layer of caramel treat. It is up to you.
Phase 2: Chocolate Ganache
250 g dark chocolate chopped
100 ml cream
280 g white chocolate chopped
100 ml cream
Place a glass or stainless steel bowl over a pot of boiling water.
Add cream and chopped chocolate.
Stir till there are no lumps in the chocolate ganache
Let the ganache cool down till thick
Do the white and dark chocolate seperately
I like to make the white chocolate ganache a bit thicker because it needs to carry the weight of the sponge.
Nota:  ek hou die twee sjokolades apart. Dieselfe hoeveelhede vir elke tipe sjokolade. Mens kan caramel treat (wat ek bietjie suurlemoensap en droë geroosterde kaneel inmeng) tussen die lae sit
Author: Erik du Preez
Servings: 8
Recipe info: My grandmother Ella van Zyl made this cake on special occations

DIE BESTE SJOKOLADE BESKUITJIE KOEK
(Chocolate Biscuit Cake)
Hierdie is een van my gunsteling resepte. Ek weet daar is baie van die resepte op die internet maar hierdie een is die BESTE. Baie hier in Ierland het my al gesmeek om die resep te gee maar wou nooit dit deel nie want dis my eie resep wat ek oor die jare volmaak het. Dis die maklikste ding om te maak maar waar die geheim in kom, is in die mates en manier. Probeer dit en laat weet.
600 g Nuttikrust (Die beste is die wat hawer en klapper in het) ***
300 g 50% donker sjokolade
200 g melk sjokolade
350 g botter (nie margarien nie)***
100g goue stroop (sit blikkie of botteljie in warm water. Dis beter om mee te werk)***

Breek al die koekies ‘n bietjie kleiner en sit eenkant. In ‘n plastiek bak, voeg sjokolade, botter en goue stroop en plaas in mikrogolfoond. Stel dit vir 2 minutes op ‘n slag en meng dan elke keer as die tyd om is. Moenie bekommerd wees dat die sjokolade gaan brand nie, want die botter en stroop sal dit verhoed.
As alles gesmelt is, kry ‘n vierkantige bak en sit bakpapier in. Ek smeer gewoonlik ‘n bietjie botter aan die bak sodat die papier nie moet rond beweeg nie.
Gooi ¾ van die sjokolade mengel by die koekies en roer lekker goed deur. Plaas in vierkantige bak en druk lekker plat met ‘n aartappel drukker. Gooi dan die res van die sjokolade mengsel bo-oor en maak gelyk. Verkoel tot dit hard is and sny in stukke. As jy wil kan jy bietjie wit sjokolade smelt en bo-oor strooi met ‘n vurk vir ‘n mooi effek.
Bron en foto: Kyle Jensen

KATHLEEN SE KONDENSMELK KOEK

4 eiers
blik kondensmelk
2 eetlepels sagte botter
1 koppie meel
1/2 teelepel bakpoeier.

Meng goed gooi mengsel in enige tipe bakpan, bak in oond vir 40 minute op 180 grade C. Haal uit en versier met versiersuiker.

Bron en Foto: Kathleen Oliveira

VANILLA SPONSKOEK MET MANGO GRANADILLA MOUSSE VULSEL
Mousse
1 blikkie ingelegde mango gedreineer en verpulp
1 blikkie granadilla pulp
2 koppie room
2 pakkies vanilla kitspoeding
1 bakkie roomkaas (230 g)
½ koppie strooisuiker

Maak die kitspoeding aan met die room en roer die roomkaas by asook die strooisuiker.
Roer die mango en granadillas by die mengsel, sal dadelik dikker word terwyl jy klits.
Verkoel tot benodig.

Ek het die vulsel die vorige aand gemaak om seker te maak hy is styf genoeg en dat die mango geur lekker kan meng met die ander bestanddele.

Vanilla Sponskoek
3 eiers geskei
1 koppies suiker
1 koppies koekmeel
Knippie sout
5 ml vanilla
125 ml olie
125 ml kookwater
3 teelepel bakpoeier

Klits eiergeel en suiker tot lig en donsig.
Voeg olie en warm water asook vanilla by eiermengsel.
Sif droë bestanddele by en meng deur.
Klits eierwitte styf tot sagte punte vorm en vou by die beslag in.
Skep in ‘n gespuite koekpan en bak vir 40 min by 180 ºC of tot sosatie stokkie skoon uitkom.

Ek het die koek in lae gesny en begin om ‘n laag koek terug te plaas in die koekpan toe het ek mousse opgespuit uit spuitsak. Weer ‘n laag koek, weer mousse en geeindig met ‘n sponslaag.
Ek het hom oornag in die yskas gelos om seker te maak die lae stol mooi.
Ek het daarna hom uitgekeer op my opdienbord en ‘n laag mousse bo op gespuit en net mooi glad gemaak met my slaplem mes.
Ek het nie onder ‘n laag mousse gesit nie. Dit wat jy sien is die mousse wat ek rondom gesmeer het wat maar net die gaping opgevul terwyl ek dit gesmeer het.

Bron en Foto: Willem Bierman
Foto: Frances Smith – versiersel vir blomme is die versiersel op die stoof resep.
http://www.foodloversrecipes.com/2014/09/heerlike-versiersel-op-die-stoof/

SUURLEMOEN VREUGDE KOEK
Verhit oond vooraf 180°C.
2 koppies koekmeel
1 teelepel bakpoeier
1 teelepel koeksoda
3 eetlepels melk
(Los koeksoda in melk op)
½ koppie suiker
½ koppie kookolie
½ koppie mayonaise
1 koppie karingmelk
½ teelepel sout
3 teelepels gerasperde suurlemoen skil
3 eiers
1 pakkie suurlemoen jellie
5 ml suurlemoen geursel

Room suiker, eiers, mayonnaise saam, voeg kookolie, sout, gerasperde skil by. Voeg meel en bakpoeier bietjie vir bietjie by. Voeg opgeloste koeksoda melkmensel by. Vou nou 2 derdes van die jelliepoeier by mengsel in
Let wel (moenie te veel roer, vou in).
Bak tyd:
Verskil na gelang van tipe pan / oond.
Cupcakes – 15 min
Laagkoeke – 25 /30 min
Oond pan – 35 / 45 min (bazaarkoek)
Flan 20 min
Ring koek pan in mikrogolf oond 6.30 min op vol krag.
Laat koek rus/afkoel in pan. Keer uit en versier.
Versier room:
½ koppie botter/margerien
¼ koppie room
3 ml suurlemoen essens
2 tot 3 koppies versiersuiker (gesif)
2 teelepels gerasperde suurlemoen skil
Oorblywende jelliepoeier

Room botter, room en geursel saam tot lig en donserig voeg versiersuiker bietjie vir bietjie by -vou suurlemoenskil in en laastens vou oorblywende jelliepoeier in. Laat mengsel rus vir 30 min in yskas. Versier reeds afgekoelde koeke – met laagkoeke kan ‘n laag ‘lemon curd’ tussen lae gebruik word vir extra *zing* flan gaan ek vul met lemon curd en versier met geklopte room.
Bron en Foto: Tessie Pretorius

MELT IN THE MOUTH CHOCOLATE CAKE
Chocolate Cake:
3 cups flour
320 ml castor sugar
1½ cups cocoa powder
1½ tablespoons baking powder
pinch of salt
4 eggs
1½ cups boiled water
½ cup sunflower oil
2 cups full cream milk
5 ml vanilla essence

Icing:
250 ml orley whip cream dessert topping whipped
2 cans of caramel treat
some chocolate is optional

Chocolate Cake:
Put the oven on 180 ºC
In a mixing bowl, add the flour, cocoa powder, castor sugar, baking powder and salt and mix with a whisk.
Now in a jug add the sunflower oil, boiling water, full cream milk and vanilla essence and mix well till combined.
Now slowly add the wet ingredients from the jug to the dry ingredients while mixing, till it is all mixed well.
Add the eggs to the cake mixture and mix well till the mixture is smooth.
In 3 small round cake tins spray with cook and spray and put the cake mixture into each cake tin in even amounts.
Bake in the oven for 45 min, till the cake tester comes out clean.
Let the 3 layers of cake cool down.

Icing:
Put some treat on one layer thick of treat.
Now add the other half of the can of treat on the second layer.
Now add the 2nd can of treat to the whipped cream and mix well.
Now add the cream and treat mixture on the top layer, the excess cream and treat mixture can be served aside with a slice of cake.
Sprinkle some grated chocolate on top.
Photo and Recipe: Kristie Townsend