3 BESTANDDELE EAT SOME MORE KOEKIES
4 koppies koekmeel
1 x 500 g botter
1 koppie versiersuiker
knippie sout

Meng deur met vingers tot sagte deeg. Rol balletjies en druk plat met vurk of enige patroon drukkertjie. Bak in voorverhitte oond (180º C) tot bruin ongeveer 8 min.
Ek maak ‘n holtetjie met my kneukel en sit bietjie konfyt ook in as ek lus is vir iets anders.
Foto en resep:  Rina Vermaak
Foto 2: Christelle Bartsch
Foto 3: Lelane Van Der Walt‎

Lelane Van Der Walt: Ek het ‘n ekstra koppie suiker by gegooi.

Ria Peters: Ek het myne 2 keer gedoen eenkeer met margarien en een keer met ongesoute botter en albei smaak heerlik, die een met margarien proe net bietjie meer souterig as die een met botter. En glo my suiker verhouding is reg, koekie is soet genoeg.

Christa Botha van Zyl  – Gister gebak…..ek gebruik
4 koppies koekmeel
2 koppies Maizena
2 koppie versiersuiker
500 g botter/margarine
en ja definitief ‘n knippie sout…Ek gooi altyd knippie sout in enige soet gebak.

Elaine Steyn Steyn
5 x 250 ml Koekmeelblom
250 ml versiersuiker
500 g sagte botter

Meng alles saam. Rol in balletjies druk plat en bak op 180 grade tot ligbruin. Ek het deeg uit gerol en vorms uitgedruk.

MEXICAN WEDDING CAKES (GRIEKSE BROSBROOD)
Hulle staan ook bekend as Mexican Wedding cakes of Russian tea cakes. Ek maak hulle elke Kersfees. Baie lekker koekie om ook weg te gee as geskenke. Hy kan met ander neute ook gemaak word, maar die pecan se hoë vet inhoud maak hom lekker.
Maak ongeveer 32 koekies
1/2 koppie (4 oz botter), kamer temperatuur
2 eetl suiker
1 tl vanilla extract
1 koppie pecan stukkies
knippie sout
1 koppie meel, gesif
versiersuiker
Room die botter tot sag. Voeg die suiker by en hou aan met klop tot baie lig in kleur.
Voeg die vanilla en sout by.
In ‘n voedselverwerker blits die pecans en meel saam totdat die pecans fyn is.
Voeg nou die neut mengsel by die bottermengsel.
Maak die mengsel in clingwrap toe en plaas in die yskas vir ten minste 30 min.
Neem twee bakplate en voer met waspapier uit of smeer met botter. Sit op sy.
Neem die deeg en rol in 3/4 tot een duim balletjies ( 2.5 cm)
Plaas op bakplaat en los in die yskas terwyl die stoof warm word.
Sit die stoof aan 300 grade Fahrenheit/ 150 grade Celsius
Bak die koekies tot ‘n ligte goue bruin kleur ongeveer 35 min.
Terwyl die koekies nog warm is rol hulle is gesifde versiersuiker.
Wees versigtig, hulle is nog bietjie broos terwyl hulle warm is.
Sprinkel weer met versiersuiker as hulle koud is.
Stoor in lug digte houer met waspapier tussenin.
Resep geplaas deur Wilanda Räsänen
Foto’s:  Wilanda Räsänen

ANEEN SE GRIEKSE ROLBALLETJIES
Hier is n reseppie wat ek al baie jare maak., maar hier kom n halweblokkie sjokolade in middel. Heerlik.
200 gr botter/margarien ( 225 ml)
50 ml strooisuiker
15 ml water
500 ml koekmeel
100 gr heelneutsjokolade
Versiersuiker gesif.

Verroom smeer en strooisuiker. Voeg water en koekmeel by en meng goed. Breek sjokolade blokkies los en sny elke blokkie deur. Rol elke sjokoladeblokkie met ongeveer 7 ml deeg toe. Bak op 180 gr vir 15 -20 min. Rol koekies in versiersuiker sodra uit oond kom. Lewer sowat 50 koekies.
Ek maak deeg gewoontlik dubbel aan en gebruik 3 sjokolades. Ek gebruik Peppermint , heelneut en plain sjokolade.
Resep en foto: Aneen Ferreira

GRIEKSE AMANDELKOEKIES, KOURABIETHES
Ek het Jamie O se resep effens aangepas en die volgende gedoen:
75 g fyn amandels of amandelmeel
250 g sagte botter of by kamer temperatuur
125 g versiersuiker plus ekstra vir strooi
30 ml brandewyn
1 groot eier geel
300 g koekmeel
1/2 teelepel bak poeier
Room botter tot lig en romerig. Sif die versiersuiker daarby in en voeg brandewyn en eiergeel by en meng nog paar minute.
Voeg die amandelmeel, koekmeel en bakpoeier by en meng met metaallepel tot al die meel ingevou is. Dit mag lyk of die mengsel nog krummelrig is maar dit sal bymekaar druk om deeg te vorm.
Ek het deeg in drie stukke gedeel en elk op meelbestrooide oppervlak uitgerol tot so ongeveer 4cm dik en toe 4cm stukkies gesny sodat al my bolletjies ongeveer dieselfde grootte kan uitbak (kyk my fotos vir verwysing).
Plaas op bakpapier op bakplaat so paar cm uitmekaar en bak in voorverhitte oond by 160°C vir 15-20 minute of tot baie ligbruin.
Maklikste manier om die versiersuiker storie te doen is sit foelie op werksoppervlak neer en sif ‘n laag versiersuiker oor. Sodra die koekies uit oond kom pak hulle op die versiersuiker en sif nog versiersuiker bo-oor. Laat dit so staan tot afgekoel en pak in houer met versiersuiker op bodem en gooi die versiersuiker op die foelie wat oorgebly het bo-oor en sit deksel op wat goed seël.
Resep lewer sowat 60 koekies.
Nota:  Ek sal volgende keer stukkies amandel insit. Dis al wat ek mis in hierdie resep.
Resep en foto: Elsabe Templeton

ANNELIZLE’S GREEK SHORTBREAD
250 gram unsalted butter
1 heaped tbsp. sugar
1 heaped tbsp. vanilla sugar ( ek gebruik suiker = vailla essense)
½ cup roasted almonds, crushed (optional)
1 cup plain flour, sifted
2 cups self-raising flour, sifted
Icing sugar
Pre-heat oven to 200°C and before baking reduce to 165°C (fan forced).
Lightly melt the butter and put into a large bowl.
Add sugar, vanilla sugar and almonds. Mix thoroughly, with your hand until the sugar has dissolved.
In a separate bowl mix the two flours together and proceed to add small amounts of flour into the butter/ almond mixture until the mixture became firm (not hard).
Line baking tray with baking paper. Roll small boll into palm of hand.
Bake for 15-20 minutes or until golden brown.
Allow to cool on tray overnight.
Roll biscuits in icing sugar. Place on platter and enjoy.
Recipe by Annelizle Botha (posted by Madeleine Meintjes)

ELIZNA’S CHEESECAKE TIM TAM BALLS
250g tim tams (any kind)
250g cream cheese
400g chocolate of choice (I use dark)
Optional 1.5 teaspoon of coconut oil
Crush tim tams in processor till fine, mix in cream cheese. Roll in bite size balls or to your liking and freeze for at least an hour depending on size.
Melt chocolate with coconut oil if you using. Dip balls in chocolate and I out it back in freezer on the same plate I used to set chocolate nicely.
Ps. I don’t take any responsibility for any tim tam cheesecake balls addicts as this is a warning these things are addictive.
Recipe posted by Elizna Willemse Tinone
Photo: Elizna Willemse Tinone

“KANNIE OPHOU” OUTYDSE SOETKOEKIES
Resep en foto: Amanda Conradie
2de foto: Anita Smit
FOOD LOVERS RECIPES
Outydse soetkoekies gebak. Nou kan ons nie ophou eet nie – Elize!
Stel oond op 180°C.
Sif saam:
7 ½ koppies koekmeel
1 teelepel kaneel
1 teelepel fyn naeltjies
1 teelepel gemengde speserye
1 teelepel sout
3 teelepels bakpoeier
Voeg 3 koppies bruin suiker by
Vryf 250 g margarine en 125 ml vet daarin tot lyk soos mieliemeel-tekstuur.
Klits 7 eiers.
Voeg 3 teelepels koeksoda in 40 ml brandewyn en roer dit met eiers en bakpoeier saam met 100 ml melk by meelmengsel.
Meng goed.
Laat 15 min staan en rol dan op meel bestrooide oppervlak uit, (nie te dik) en druk af met koekiedrukker.
Sit op gesmeerde bakplaat en bak 10 min tot gaar.
Koel af en pak in lugdigte houer.

NATHAN SE GRONDBOONTJIEBOTTER KOEKIES
Resep geplaas deur Emma Beetge
Foto: Emma Beetge
1 koppie grondboontjiebotter
1 koppie suiker ( Wit of Bruin)
1 eier
5 ml Vanilla geursel

Meng goed, rol in balletjies en rangskik in gesmeerde plaat. Druk met vurk liggies plat.
Bak in ‘n oond teen 160ºC vir 10 / 15 min.

KONDENSMELK KOEKIES IN GROOTMAAT
Sandra baie dankie vir jou resep. Dis lieflike deeg om mee te werk. Kinders sal te lekker kan koekies bak. En dit maak BAIE! Ek het so lekker gespeel en helfte van die deeg moet maar eers vrieskas toe
12 koppies koekmeel
4 eiers
1 pakkie kremetart (12 g)
1 eetlepel stroop
1 blik kondensemelk (385 g)
1 pakkie koeksoda (14 g)
900 gram botter
2 1/2 koppies suiker
Meng suiker en botter voeg eiers een vir een by.
Voeg stroop en kondensemelk by en meng goed. Sif meel en koeksoda en kremetart saam en voeg by mengsel. Meng tot stywe deeg rol uit en bak in matige oond. (Die dun uitgerilde koekies bak so 10 min. Die balletjies bietjie langer.

Resep:  Sandra Gardiner
Foto:  Erna Van der Merwe en Frances Smith – halwe resep gemaak

LELANE SE PEANUTBUTTER KOEKIES
1 Kop peanutbutter
½ k bruinsuiker
1 eier geklits
1 teelepel bakpoeier
Meng alles saam en rol in balletjies en druk plat met vurk.
Bak 10-15min op 180°C
Foto en resep geplaas deur Lelane Van Der Walt