GRANADILLA YSLOLLIES
60 ml (4 eetlepels) water
60 ml (4 eetlepels) suiker
250 ml (1 koppie) granadillapulp
125 ml (½ koppie) granadilla-vrugtesap

Verhit water en suiker saam in kastrol oor matige hitte. Roer tot suiker oplos.
Verhoog hitte en kook nog vier minute tot effens taai.
Verwyder kastrol van stoofplaat en roer granadillapulp by. Roer tot goed gemeng.
Roer vrugtesap by en meng goed.
Giet mengsel in yslollievorms en los vir drie uur in vrieskas.
Druk stokkies in en laat oornag vries.
Resep en foto: Melissa Ann Vermeulen

SPEEL KLEI
My dogter maak die resep vir kinders in haar klas.
2 koppies maizena
1 koppie haarversagmiddel (conditioner)
paar druppels koek kleursel

Gooi die versagmiddel in die bak, drup ‘n paar druppels kleursel daarby, meng die maizena by.
Meng dit totdat so dik blob vorm dit is sysagte klei en ruik vreeslik lekker.
Ons verpak dit in zip lock sakkies binne ‘n roomysbak.
Resep: Miemsie De Klerk

2 BESTANDDELE KLEI – MOON SAND
8 koppie meel
1 koppie baba olie

Meng goed.
As dit te droog is na jou sin, kan jy nog olie by gooi.
Resep en foto: Anzelle Du Plessis
Mens kan blinkers bysit vir die mooi.

Antionette Britz
As jy ornamentjies wil maak wat moet droog.
4 koppies koekmeel
1 ½ koppie sout
1 ½ koppie water
Meng en vorm jou vormpies, sit neer om droog te word.

MALVALEKKER SPRINGMIELIE HORINKIES
‘n Namiddag soetdingetjie gemaak.
1 pakkie popcorn in die mikrogolf gepop vir drie minute. Moenie te lank nie en dit kan brand en pasop vir brand, dit maak stoom in die sakkie as jy dit oopmaak.
1 groot pak gekleurde malvalekkers
En roomys horinkies

Smelt die malvalekkers in ‘n groot genoeg mikrogolf-bestande bak vir 3 minute in die mikrogolfoond.
Voeg die springmielies by en meng goed, moenie te lank talm nie dit raak gou taai.
Skep met ‘n teelepel ‘n bietjie van die gesmelte malvalekkers in die horinkie.
Maak jou hande klam met water en rol balletjies bietjie groter as gholfballetjies en plaas dit op die horinkie wat ek geplaas het op ‘n kartondoos met gate in om dit regop te hou. Met die mengsel kan jy omtrent 11 tot 12 balletjies maak afhangende van die groote wat jy maak.
Laat dit afkoel en koud raak vir ten minste ‘n uur.
En siedaar ietsie virrie soettanne!
Foto en resep deur Gideon Louw

RICE KRISPIES BEDERF KOEK
3 groot eetlepels margerien (1 eetlepel per laag)
12 koppies Rice Krispies (4 koppies per layer)
3 verskillende geure Malvalekkers 150 g pakke (1 pak per laag)

Smelt die margerien in ‘n pot op die stoof. Gooi een pak Malvalekkers by en roer aanhoudend tot gesmelt is. (Dit brand baie vinnig vas)
Haal van stoof af en meng 4 koppies Rice Krispies by en meng goed deur.
Druk die mengsel vas op die bodem van ‘n koekpan en druk mooi vas.

Wenk: Gebruik ‘n koekpan waarvan die kante los knip. Gebruik ‘n lepel wat jy in kook water druk om die rice krispies mooi vas te druk.
Die warm water maak dit makliker om die mengsel te beheer.
Volg die boonste stappe vir die ander twee lae.
Los die koek om te set vir so halfuur.
Haal die koek uit die pan en sit op bord.

Versiersuiker:
1 koppie versiersuiker
2 eetlepels Maizena
2 eetlepels suurlemoen sap
2 eetlepels melk

Roer alles mooi saam en gooi oor die koek. Indien jy nog nodig het kan jy net weer aanmaak. Ek het 3 keer aangemaak vir my koek.
Versier met sprinkles en mini Malvalekkers
ENJOY!!!!!
Foto en resep: Malanie Tolmay
Nota:  Annatjie Heydenrych  – As ‘n mens bak papier bo-op plaas is dit vrek maklik om die mengsel te beheer en plat en gelyk en styf vas te druk, want dit sit nie vas aan die bakpapier nie, en mens kan dieselfde stuk papier gebruik vir al drie lae 🙂

SOET SPRINGMIELIES MET STROOP
1 pakkie popcorn, klaar gespring

Stroop:
2 koppie suiker
½ koppie koue water
1 teelepel asyn
4 eetlepels stork
2 knippies kremertart
enige voedsel kleursel

Kook al die stroop bestanddele vir 8 min in mikrogolf.
Voeg kleursel by.
Gooi oor popcorn en meng deur en versprei nou op ‘n skinbord of twee om droog te word.
Wanneer droog vryf los en bere in koekblik.
Resep en foto: Engela Olckers

WAATLEMOEN RICE CRISPIES
Vir my kleindogter se eerste verjaarsdag met ‘n waatlemoenpartytjie, het ek waatlemoen-rice crispies koekies gemaak. Resep gehalveer. Een helfte pienk en die ander met groen kleursel.
3 eetlepels margarien
40 marshmallows
6 koppies Rice Crispies

Smelt margarien en marshmallows, voeg blerts kleursel, roer Rice Crispies vinnig by.
Druk vas in houer.
Kon sjokolade chips opgesit het vir “pitte”. Sny in skywe as hard en plaas in sakkies.
Resep en foto: Ria Dendum

MARIETJIE SE TWIN POPS
Het sjokoladekoek gekrummel, botterversiersel gebruik om die krummels te bind
Balletjies gemaak en in die yskas gesit vir so ‘n uur of meer.
Sosaties stokkies(20cm)se boonste stukkie eers met sjokolade gesmeer en toe versigtig deur balletjies gedruk.
Gesmelte sjokolade oor die balletjies gesmeer en laat droog word.
Weer sjokolade oor gedrizzel en in 100/1000’s gedip.

Resep en idee:  Marietjie Le Sueur‎

JELLIE GLASIES
Dit is net gewone jellie wat jy laag vir laag gooi.
Sodra 1 laag gestol het gooi jy die volgende kleur bo op en laat stol
en so gaan Jy aan tot jy al die kleure op het.
Ek het gelatien in kondensmelk gemeng sodat die wit stukkies tussen in is dan staan die kleur meer uit.
N/B….Dit moet heeltemal gestol wees voor jy volgende laag opgooi anders meng die kleure…
Oh ja. En ek het bietjie ekstra kleursel by elke kleur gevoeg. Sommer gel kleursel

Resep en foto: Vanessa Jacobs

SUIKER POPCORN
Resep en foto: Erna Van der Merwe
FOOD LOVERS RECIPES
My ma se lekker suiker popcorn reseppie waarmee ek grootgeword het.
1 koppie suiker
1/3 koppie water
1 eetlepel kleursel
½ teelepel kremetart
Meng alles en roer tot opgelos en kook dan vinnig vir 5 min.
Roer vinnig deur die popcorn.
Die stropie is min. Maar jy kom nogal ver daarmee. Dit hang maar af hoe dik jy die suiker lagie wil he. Ons spring gewoonlik in my gewone groot kastrol, dan is dit so min of meer 10 koppies. Dit hoef nie heeltemal toe met stroop te wees nie. Anders is dit baie soet. Raak vinnig ‘n suikerlagie

WHITE CHOCOLATE MUD CAKE
300 g white chocolate (we use Cadbury Dream white chocolate)
200 g butter (if using unsalted butter, add ¼ teaspoon fine table salt with the butter)
250 ml (1 cup) milk
165 g (¾ cup) caster sugar
2 teaspoons (10ml) vanilla extract
2 large eggs, lightly beaten (we use eggs with a minimum weight of 59 g)
100 g (2/3 cup) self-raising flour
150 g (1 cup) plain flour
Sour Cream and White Chocolate Ganache
200 g white chocolate
88 g sour cream
Preheat oven to 160 ºC(145 ºC fan-forced).
Grease a 20 cm square cake pan and line the base and sides of the pan with baking paper.
Place chocolate, butter, milk and sugar in a large saucepan over low heat, stirring frequently. Remove from heat when chocolate and butter have melted, and stir mixture until completely smooth. Allow mixture to cool at room temperature for 15 minutes.
Add vanilla and eggs to chocolate mixture and stir until well combined. © exclusivelyfood.com.au
Stir flours together in a large bowl. Add one cup of chocolate mixture to the flour and stir until a smooth paste forms.
Add remaining chocolate mixture and stir until mixture is smooth. This gradual method of combining the wet and dry ingredients helps prevent lumps.
Pour mixture into prepared pan.
Bake for about 1 hour 10 minutes to 1 hour 20 minutes. When the cake is ready, a fine-bladed knife inserted into the centre of the cake should come out without any batter attached.
Loosely cover cake with greaseproof paper or a clean tea towel and allow it to cool to room temperature in pan.
The cooled cake can be iced with the white chocolate ganache immediately (see directions below), or stored and then iced on the day of serving.
Store cake in an airtight container in the refrigerator and bring to room temperature before serving. The cake is suitable to freeze iced or uniced.
Sour Cream and White Chocolate Ganache
Melt white chocolate in a small saucepan over very low heat, stirring frequently. When chocolate has completely melted, remove from heat and quickly stir in sour cream. Use immediately, or if your ganache is quite runny, set it aside at room temperature to thicken slightly before using.
The cake is suitable to freeze.

Photo and recipe posted by Ilse Foote
Ilse se nota:
My dogtertjie is mal oor hondjies – het haar verras met hierdie koek op haar 9de verjaarsdag. My man en ma het omtrent gehelp om die fondant hare te rol
Ek het twee 25cm ronde koeke gebak vir die hondjie koek. Vir die hond se kop het ek ‘n “Rice Krispie” koekie resep gebruik en die kop gevorm met die beslag.