KARAMEL KONDENSMELK KAASKOEK
Kors:
2 x2 00 g pakkies klapperkoekies
160 ml gesmelte botter
Voorverhit oond tot 160ºC en smeer ‘n losboomkoekpan van 26cm met botter. Verwerk klapperkoekies in ‘n voedselverwerker tot fyn en voeg gesmelte botter by. Pols tot krummels aanmekaar begin kleef. Druk krummelmengsel op boom en teen kante van die koekpan vas. Verkoel tot benodig.

Vulsel:
2 x 230 g houers geroomde maaskaas
250 ml suurroom
1 x 397 g blik kondensmelk
100 ml suurlemoensap
4 eiers –geklits
½ blik (190 g) karamelkondensmelk
3 blokkies (sowat 40g ) fudge

Klits geroomde maaskaas, suurroom, kondensmelk en suurlemoensap saam tot glad. Voeg die eiers by en klits deur. Giet mengsel versigtig in voorbereide krummelkors. Skep teelepelsvol van die karamelkondensmelk in die kaaskoekmengsel en maak seker jy versprei dit egalig. (Van die karamelkondensmelk sal afsak tot onder en van dit sal in die middle van die beslag bly as die koek bak).
Krummel fudge baie fyn en sprinkel oor kaaskoekmengsel. Bak vir 1 uur tot ferm. Skakel oond af, maak oonddeur oop en laat kaaskoek in oond afkoel tot kamertemperatuur.

Foto: Malie Louw

EENVOUDIGE YSKAS KAASKOEK
Kors:
1 pakkie marie / tennis biscuits, fyn gedruk
3 – 4 eetlepels bottter, gesmelt
1 houer gladde maaskaas (230 – 250 g)
1 blikkie kondensmelk
½ koppie suurlemoensap

Meng die beskuitjies en botter saam.
Druk teen die bodem van ‘n gesmeerde middelmatige tertbak vas.
Sit in die yskas vir afkoeling.
Meng die maaskaas, kondensmelk en suurlemoensap tot redelik styf
Skep oor die beskuitjiekors en sit in die yskas.
Laat stol vir minstens 1 uur.

Resep: Arina Potgieter Vd Berg

“MOET PROBEER” GEBAKTE KAASKOEK
Foto: Adam Cloete
FOOD LOVERS REICPES
Kors:
1 pakkie (300 g) beskuitjies
100 g botter, gesmelt
5 ml gerasperde suurlemoenskil
Vulsel:
500 g roomkaas
2,5 ml vanilla geursel
sap en gerasperde skil van 1 suurlemoen
3 eiers, geskei
150 ml strooisuiker
30 ml mielieblom
150 ml suurroom

Suurlemoenbolaag
45 g botter
100 g strooisuiker
1 eier, geklop
5 ml gerasperde suurlemoenskil
10 ml suurlemoensap

Berei kors:
Meng al die bestanddele en druk dit op die bodem en effens teen die kante van ‘n losboomkoekpan of oondvaste tertbak vas. Plaas in die yskas terwyl jy die vulsel berei, of bak dit vir sowat 10 minute in ‘n voorverhitte oond teen 180 °C.

Berei vulsel:
Klop die roomkaas, geursel en suurlemoensap en -skil tot glad. Voeg die eiergele, 60 ml strooisuiker, mielieblom en suurroom by en klop tot goed gemeng. Klop die eierwitte styf, voeg die res van die suiker by en klop tot glad en blink. Vou dit by die roomkaasmengsel in. Skep dit op die kors en maak die oppervlak gelyk. Verlaag die oondtemperatuur na 170°C en bak vir sowat 55-60 minute of tot goudbruin. Die middel sal nog effens loperig wees, maar dit sal stol met die afkoel. Skakel die oond af en laat die kaaskoek in die oond afkoel.

Berei suurlemoenbolaag:
Meng al die bestanddele in ‘n glasmengbak oor ‘n kastrol met warm water. Roer deurgaans oor warm water totdat die suurlemoenbolaag ‘n lagie op die agterkant van ‘n lepel vorm. Verwyder van die hitte en laat dit afkoel.
Smeer die suurlemoenbolaag oor die kaaskoek. Verkoel in die yskas vir 4-12 uur voordat jy dit voorsit.

EXPO KAASKOEK 1960 (DRIEHOEK)
125 g sagte Botter
100 g suiker
1 eier
250 g roomkaas
10 ml vanilla geursel
1 pak tennisbeskuitjies
1 blok donker sjokolade
Room botter en suiker baie goed en voeg dan die eier by. Voeg room kaas en vanilla by. Meng goed. Pak 12 beskuitjies soos in skets op n vel foelie. Smeer ongeveer n derde van die vulsel op eerste laag beskuitjies. pak tweede laag nou daar bo op en smeer die res van die vulsel bo op.
Pak jou rooi en groen kersies in n ry soos op die skets beskryf.
Vou nou die die buitenste koekies na mekaar met die foelie om ‘n driehoek te vorm. Druk die form mooi reg en bind toe met foelie en vries.
Om op te dien sny in skyfies en hou in vrieskas en haal uit soos jy dit nodig kry. Laat staan vir so 10 min afhangende van hoe warm die dag is en bedien. Gewoonlik haal ek dit uit en sit dit in die bordjies teen die tyd dat ek tee bedien is die driehoek kaas koek ook gereed om te eet.

Bron:  Emelia Lans-Brown (Melk raad)
Foto:  Venita Van Wyk

BAR ONE CHEESECAKE WITH PEACHES
Hierdie een sit mens net ‘n geblikte perskes in die middel van die kaaskoek en maak kleiner kaaskoekies
Yes, you read correctly. This fridge cheesecake is made of Bar-One, on the list of South Africa’s most loved chocolate bars and bursting with caramel, nougat and cocoa goodness.
Chocolate base

250 g chocolate coated digestive biscuits
150 g melted butter
2 tablespoons brown sugar
20 g extra butter

Filling:
300 ml cream
50 g milk chocolate (chopped finely)
3 teaspoons gelatine
60 ml water
500 g cream cheese
110 g castor sugar
120 g Bar One, chopped finely

Blend biscuits into breadcrumbs and add butter to combine. Press biscuit mixture into a 20cm tin (bottom and sides or just bottom). Cover and refrigerate till firm.
Combine brown sugar with the 20g extra butter and 2tbs cream in small saucepan, heat on low until sugar dissolves to make butterscotch sauce.
Combine chocolate and 2 tablespoons of cream in small saucepan and stir over low heat until chocolate melts to make chocolate sauce.
Sprinkle gelatine over water in a small bowl over simmering water. Stir until gelatine dissolves. Cool for 5 minutes.
Beat cheese and castor sugar in medium bowl until smooth. Beat remaining cream in another bowl until soft peaks form. Stir slightly warm gelatine into cheese mixture and add in Bar-One and fold in cream.
Pour half cheese mixture into prepared tin and drizzle half butterscotch and half chocolate sauce over cheese mixture. Repeat the process with remaining cheese mixture and sauces.
Cover and refrigerate for at least three hours or until set but best to make the day before.

Recipe and photo: Ella Badenhorst
Tweede foto: Dawie Vd Heever

FLORAINE SE KAASKOEK
500 ml roommaaskaas
500 ml suurlemoensap
2 blikkies kondensmelk
4 koppies room
250 ml warm water
8 teelepels gelatien

Kors
1 pakkie fyn Tennisbeskuitjies
125 ml gesmelte botter
20 ml klapper

Meng kondensmelk en suurlemoensap saam. Klop room styf, meng gelatien in water. Meng roomkaas, room, kondensmelk en gelatien mengsel alles saam, sorg dat mengsel goed deurgeroer is.
Maak kors deur die kors bestanddele goed te meng en op die bodem van die pan vas te druk.
Gebruik 28 cm losboom pan.
Giet die vulsel op die kors en verkoel in yskas. Versier soos verkies.

AARBEI STROOP VIR KAAS KOEK
500 ml aarbeisap
5 ml maizena
15 ml vlapoeier
20 ml suiker
500 ml vars aarbeie

Verhit 400 ml sap tot kookpunt.
Neem 100 ml oorblywende sap en voeg die maizena, vlapoeier en suiker daarin, roer, voeg by warm stroop en laat 5 minute stadig prut.
Gooi dan die vars aarbeie in stroop, verwyder van hitte en laat afkoel.
Wanneer koud, skep op kaaskoek.
Variasie:
Fyngekapte vars mintblare en vars blomblare kan ook by stroop geroer word, sit dan versuikerde gemmer skyfies tussen in. Geniet! Ek het hierdie een mooi versier, want dit is vir ‘n verjaarsdagtee.
Resep en foto: Floraine Wasserman Venter

KEURIGE KAASKOEK
Kors:
1 pak (200 g) volkoring-beskuitjies, fyn gemaak
60 ml gesmelte botter
5 ml fyn kaneel
Vulsel:
500 g Tusser’s-kaas, fyn gerasper
200 ml suiker
250 ml koekmeel
Knippie sout
1 ekstra groot eier
6 ekstra-groot eiers, geskei
180 ml suurroom
sap en skil van 1 suurlemoen
100 ml strooisuiker

Voorverhit die oond tot 160 ºC. Spruit ‘n 23cm losboompan met kleefwerende middel.
Meng al die bestanddele vir die kors goed saam en druk op die bodem van die voorbereide pan vas. Hou in die yskas tot benodig.
Klits die kaas en suiker saam tot goed gemeng (ons het dit sommer in die voedselverwerker gedoen).
Sif die koekmeel en sout by en klits goed.
Voeg die eier, asook 6 eiergele by en klits goed.
Voeg die suurroom en sap en skil van die suurlemoen by en meng deur.
Klits die eierwitte tot dit sagte punte vorm en voeg die strooisuiker bietjies-bietjies by terwyl dit aanhoudend geklits word.
Vou in by die kaasmengsel en giet in die voorbereide kors.
Bak 1 uur lank tot die kaaskoek stewig is.
Skakel dan die oond af en laat die koek in die oond afkoel.
Verwyder uit die pan en plaas op ‘n mooi dienbord.
Lewer ‘n groot kaaskoek.

Geplaas deur Katie Heine

GEBAKTE KAASKOEK
FOOD LOVERS RECIPES
1 pk mariebeskuitjies fyngedruk
12,5 ml suiker
100 g botter
2 ml kaneel
Meng suiker, kaneel, beskuitjies en botter saam. Voeg  2 druppels Rum geursel by en meng deur. Voer pan uit met mengsel.
Vulsel:
2 x 250 g maaskaas
2 eiers
250 ml suurroom
25 ml koekmeel
10 ml vlapoeier
1 ml sout
125 ml suiker
Meng maaskaas en eiers. Meng vlapoeier, sout en meel by maaskaasmengsel. Voeg suurroom by en klits goed. Voeg nou suiker by en klits weer. Skep die mengsel in die kors.
Bak vir 30min by 180°C en 20min by 150°C

Kan ook in muffin panne gebak word en versier word met sjokolade ganache

MAASKAASTERT MET SJOKOLADE BOLAAG
met donker sjokolade is die tert nie so soet nie
1 pakkie  sjokolade tennisbeskuitjies of enige sjokolade beskuitjies
500 ml room
1 bakkie gladde maaskaas
1 blikkie kondensmelk
15 ml gelatine opgelos in klein bietjie kookwater (laat afkoel)
100 ml suurlemoensap
90 g Donker sjokolade om te smelt
Pak laag Tennisbeskuitjies onder in langwerpige tertbak (of maak beskuitjies fyn en meng met botter vir ‘n kors)
Klits room tot styf.
In aparte bak meng kondensmelk met gelatine, voeg maaskaas en suurlemoensap by. Meng goed.
Vou nou geklopte room liggies in
Verdeel die beslag in twee en meng die gesmelte sjokolade by die een deel, gooi beslag in bak, eers die wit laag en dan die donkerlaag bo op.

Versier met sjokolade krulle of gerasperde sjokolade.

Resep en foto: Sonja Young