PETRé SE SOUSBOONTJIES
Sousboontjie Slaai
1 pak suikerbone (Lion)
6 eetlepels asyn
6 eetlepels suiker
Sout na smaak

Laat bone oornag in kookwater staan
Kook die volgende dag vir 10 minute
Water bone af tot skoon water afkom
Kook bone tot sag sonder sout
Haal van stoof af en druk van die bone fyn
Gooi asyn en suiker by
Kook tot dik
Die bone moet stadig van die lepel afgly
Gooi sout na smaak by, en kook goed deur
Bottel warm
RESEP EN FOTO: Petré Van Jaarsveld

PETRE SE PERSKE ATJAR

Ek het geblikte perskes gebruik … In blokkies gesny om dit makliker in die bottels te gooi …. Vroeer jare het jy Allspice gekry, asook Pimento … Pimento was altyd die groter balletjie, en Allspice die kleiner een …. Maar nou sien ek dat Pimento nou sommer Allspice ook is … Die resep kry albei in….. Kon nie Allspice kry nie …Ek het net Pimento gebruik …..
2kg perskes – in skyfies gesny …
1 kg uie – baie fyn gekerf (half ring) …
3 koppies suiker …
1 eetlepel Kerrie …
1 teelepel gemmer …
1 eetlepel sout …
3 koppies witasyn …
2 eetlepels mielieblom …
1 eetlepel borrie …
4 heel naeltjies …
1 teelepel all spice …
1 teelepel pimento …
1 teelepel peperkorrels …
Kook uie in asyn tot sag … Hou deksel op …. Gooi perskes by … Kook tot sag … Meng alle droe bestanddele in beker saam met n bietjie water … Meng goed en gooi by perskemengsel … Kook goed deur en bottel warm …

Foto en resep:  Petré Van Jaarsveld

BENHET SE KOKKEDOOR PAMPOENPIEKELS
750 g geskilde pampoen in blokkies gesny
180 g piekeluitjies, geskil en in kwarte gesny (ekt gewone uie gevat)
50 g sout
ysblokkies
1 koppie asyn
250 g suiker
7 ml mosterdsaad
3 ml anys
2 ml fyn naeltjies
7 ml piekel spice
150 g murgpampoentjies, in blokkies gesny
2 ringe fetakaas
paar peper korrels

Plaas die pampoen en uitjies in ‘n groot bak en strooi van die sout oor. Plaas ysblokkies bo-op en laat 2 ure staan.
Kook asyn, suiker, mosterdsaad, peper, anys en kruienaeltjies 10 min lank saam. Giet dit deur ‘n sif om die heel speserye uit te haal. Giet die asynmengsel terug in die kastrol.
Spoel die ys en sout af, dreineer die groente en voeg die murgpampoentjies by! Voeg by die asynmengsel en verhit tot kookpunt.
Pak die groente en fetakaas in lae in gesterliseerde flesse en giet die kokende piekelmengsel bo-oor!
Seël.

Resep geplaas deur Benhet Nieuwenhuis
Foto: Benhet Nieuwenhuis

MARION SE INGELEGTE PERE
Skil pere en halveer verwyder die klokhuisie
Sit in water met sout en asyn oplossing laat le solank jy die sous voorberei

Kook saam
4 koppies suiker
3 koppies water
Sodra dit kook sit pere in en kook tot amper sag. Die pere lyk deuskynend
Pak pere in gesterilseerde bottels
Gooi stroop tot bo vol
Sit deksel styf op hy moet seel.
Die voorbereiding vat lank.
Wees rustig speel goeie vanmelewe se musiek en geniet die inle fees!!!!!
BRON:  Marion Barnard Mussmann

GEROOKTE RISSIE BLATJANG
60 ml wit wyn asyn
1 groot blik appelkoos of perske konfyt (fyn)
8 habenero rissies fyn gekap met pitte en al vir ekstra byt
5 ml gerookte paprika
5ml paprika
2 fyn knoffel huisies
Meng die asyn en konfyt tot ‘n gladde pasta. Voeg res van bestanddele by en meng goed deur. Plaas in gesteriliseerde bottels en laat in donker kas staan vir ‘n week. Gaan goed met enige dis.

Resep:  Franco Dippenaar

INGELEGDE AARBEIE
Was die aarbeie skoon af en verwyder alle onnodige blaarjies en sand.
Kook ‘n koppie water met ‘n koppie suiker vir so 10 min in oop kastrol. Afhangend van hoeveel aarbeie jy het, anders kook meer stroop.
Sit skoongemaakte ferm aarbeie by. Kook tot aarbeie sag, maar nie pap is.
Haal af van hitte.
Voeg 100 ml brandewyn by.
Pak aarbeie en stroop in voorbereide skoon, warm bottels en deksels.
Seël dadelik.
Baie lekker roomyssous !

Kommentaar:
Marietjie Nel: dankie Marleen Basson Niemandt ek jou resep gemaak en rose syrup bygevoeg…. heerlike geure.
Resep: Marleen Basson Niemandt
Foto: Marietjie Nel en Elna Erasmus

KARIN SE PERSKEBLATJANG
2.5kg geskilde geelperskes
2 groot uie opgesny
750g pitloses gebleikte sultanas/rosyne
750ml wit asyn
1kg witsuiker (ek gebruik bruin of helfte wit en helfte treacle)
2t fyn sout
2E kerriepoeier
1t fyn gemmer
1t droë mosterd
2t peper
2E gemaalde koljander of in plaas van koljander vir bietjie byt ‘n 1/2t naeltjies
Maal die perskes, uie en rosyne. Voeg asyn, suiker en sout by en kook tot sag en dik. Voeg die res van die bestanddele bymekaar, maak aan met bietjie asyn en voeg by gekookte mengsel. Kook goed vir 5min. Indien dit baie sappige perskes is kan mezina bygevoeg word om te verdik. Bottel so warm as moontlik.
Bron en foto: Karin Klinck Pitout

KERRIE-WORTEL-BOONTJIE-PRUIMSLAAI
Resep kan aangepas word volgens smaak.
500 g wortels in wieletjies gesny
500 g gekerfde boontjies
500 g pruim in stukke gesny (met skil en al)
2 groot gesnipperde uie
700 g suiker
1 teelepel sout
2 teelepels kerrie
3 teelepels borrie
½ teelepel rooipeper
1 teelepel mosterdpoeier
½ koppie asyn
2 hoog eetlepels Maizena
Stowe pruim apart met van die suiker maar nie te sag. Hou eenkant.
Voeg res van bestanddele behalwe Maizena, alles in pot met bietjie water en kook tot nog effens krakerig.
Maak Maizena aan met bietjie koue water, voeg by en kook net tot stropie dik is na smaak.
Voeg gestoofde pruime by en meng net liggies deur anders roer vrugte te fyn.
Bottel en bêre.
Heerlike vakansieslaai.
Die pruim gee slaai ‘n heerlike vrugte geur.

Resep en foto: Cornelia Schlechter

GOEDKOOP TUISGEMAAKTE SOUSBONE

500 g gedroogde sousbone
1 teelepel sout
1 koppie suiker
1 koppie asyn

Week die sousbone oornag.
Volgende oggend:
Bedek met skoon water en kook vir 10 minute. Plaas in vergittes en spoel die bone onder lopende kraan. Herhaal die proses. (Proses is belangrik om om winderigheid te voorkom.) Bedek dan met genoeg water en kook tot sag (ek gebruik ‘n drukkoker, gaan vinnig). Voeg al die ander bestanddele by en kook weer vir 10 – 15 minute maar pasop om te lank te kook. Laat effens afkoel en bottel. Hou goed tot drie maande. Sit in yskas as die bottel oopgemaak is.

Hierdie resep het ek omtrent 40 jaar gelede by my sus Elize White gekry (sy het dit weer by haar skoonma, tannie Anna White gekry) en ek is nooit sonder my botteltjies sousbone nie. Dit vul enige gereg aan en is heerlik saam met pasta geregte. Ook lekker om byderhand te he as onverwagte gaste opdaag. Dis gesond, lae GI en baie voedsaam.
Bron en foto:  Corrie Davel

PETRE SE PAMPOENPIEKELS
1 medium pampoen, geskil en in blokkies gesny
Laat lê pampoenblokkies oornag in water en 2 koppies asyn.
Dreineer die pampoenblokkies die volgende dag.
Stroop:
4 koppies asyn
2 koppies water
7 ½ koppies suiker
20 pimento
10 heel naeltjies
sap van 1 suurlemoen
1 kaneelstok 

Bring stroop tot kookpunt en gooi pampoenblokkies by.  Sit deksel op en laat prut totdat blokkies sag is – gebruik tandestokkie om te toets. Sit blokkies in flessies en gooi stroop oor terwyl nog warm en seël.
Laat staan vir ‘n week of 2 voor gebruik, gebruik in slaaie of netso.
Heerlik saam met feta en biltong.

VARIASIE
Resep so ‘n bietjie verander
Pimente en naeltjies met die helfte verminder.
Halwe pakkie Pickling Spice en 1 rissie by die stroop gevoeg.
Bron:  Petré Van Jaarsveld