JOHAN SE MANGO ATCHAR
3.6 kg mango vleis, pitte reeds verwyder (MOET GROEN wees, anders gis die atchar)
3 liter olyf olie/kook olie
30 ml sout
7.5 ml swart peper
50 g pickle speserye
300 ml bruin asyn
60 ml kerrie poeier
90 ml Masala, rooi (Ek gebruik Durban Pride se mango atjar marsala mengsel)
90 ml gekapte rissies
30 ml mosterd saad
10 ml knoffel korrels (korrels nie vlokkies nie) of 10 toontjies knoffel, fyn gekap

Sny die mangoes van die pit af, en in klein stukkies en gooi alles in die olie wanneer die olie begin kook.
OLIE:
Gooi die olie, asyn en die speserye in ‘n pan en verhit todat die olie begin kook.
Gooi nou die mango by en roer totdat dit weer begin kook.
Haal af en laat bietjie afkoel, en skep in bottels terwyl dit nog warm is en maak dig toe.
Maak seker dat die mangoes in die bottels goed onder die olie is.
Laat staan vir 10 – 14 dae.
Bron en foto: Johan Du Preez Snr

JOHAN SE ROU MANGO ATJAR
Om die masala te maak:
100 g fenugreek sade
100 g growwe sout
6 g borrie
100 g droë rissies
15 g astoefida (hing)( vervang met 15 g uiepoeier )
150 ml olie
1 hele rooirissie
Verhit die olie, voeg die droe rissies by. Bring die hitte af en voeg die fenugreek sade en sout by. Roer deeglik vir so 1 minuut. Sit al die ander bestandele in behalwe die astoefida( of uiepoeier ). Roer elke minuut vir die volgende 10 min, Haal af en voeg die astoefida ( of uiepoeier ) by. Laat afkoel.

Om die atjar te maak:
3.5 kg groen mango’s
12 korrels swart peper
15 ml mosterdpoeier
15 ml sout
500 ml olie
1 hele bol knoffel of 50 ml gedroogte knoffelvlokkies
6 klein groen rissies
180 ml bruin asyn
30 ml mosterd saad
30 ml kerrie
100 ml methi masala soos bo aangemaak
Versnipper die mango’s, en sit al die bestandele saam in ‘n bak, meng goed. Bedek en plaas in yskas vir 3 dae.
Elke dag roer die mengsel. 3de dag kan gebottel word.
Resep en foto: Johan du Preez Snr

GEPIEKELDE KERSIE TAMATIES
Bron en foto: Johan Du Preez Snr
FOOD LOVERS RECIPES
1.5 kg kersie tamaties
180 g sout
6 knoffelhuisies
6 rooi brand rissies
1.25 liter wit wynasyn
150 g witsuiker
15 ml (Pickeling Spice)
15 ml kruie-naeltjies
15 ml swart peperkorrels
1 stokkie pyp kaneel

Keep ‘n kruisie aan die wortel kant van die tamatie in.
Verhit die bestanddele saam behalwe die tamaties tot kookpunt en kook 10 min.
Haal die pyp kaneel uit.
Pak die tamaties in warm flesse.
Giet die mengsel oor die tamaties in die flesse en verseël dadelik.
Laat nou ryp word vir tenminste 3 weke

INGELEGDE PEPPADEWS MET HEUNING
2.5 liter wit druiwe asyn
250 ml heuning
5 ml sout
2.5 kg suiker
50 g “pickle spice” ( Een pakkie )
peppadews

Vir die stroop:
Voeg al die bestanddele saam behalwe die peppadews.
Kook oor lae hitte tot ʼn stroop.
Kook nou die stroop baie vinning en gooi genoeg peppadews in, alles moet met stroop bedek wees.
Kook vir slegs 5 minute.
Belangrik MOET nie meer as 5 minute kook nie Dan word die peppadews pap.

Skep in skoon bottels.
Maak seker dat die bottels behoorlik vol is met die kokende stroop.
Verseël goed.
Laat ‘n paar dae rus.

Peppadews is in 1993 in die Oos Kaap ontdek. Dit is ‘n eg Suid Afrikaanse plant. Sy index op die
“scoville scale” 1177.
Bron en foto: Johan Du Preez Snr

PEPPADEW BLATJANG
Resep: Amanda Marais
FOOD LOVERS RECIPES
2 blikke appelkooskonfyt (410 g elk)
2 groot uie
½ koppie bruin asyn
½ koppie bruin suiker
8 Peppadews, ontpit en opgesny

Plaas al die bestanddele in ‘n pot en kook oor middelmatige hitte totdat uie deurskynend en die sous bietjie minder is.
Bottel dadelik in gesteriliseerde bottels en seël.

MARIETJIE SE PIEKEL UITJIES
Ek het die klein uitjies in kookwater gedompel met sout en klein bietjie gekook ongeveer 2 min.
Laat afkoel.
Kook die volgende saam:
½ bottel wit asyn (375 ml)
½ bottel bruin asyn (375 ml)
pickle spice
whole Pimento
bayleaves
1 koppie bruin suiker – hang af hoe soet jy dit wil hè- pas aan.
Skep die uie in fles wat gesteriliseer is, en vul op met die sous tot bo.  Seël dadelik.

Resep en foto: Marietjie Nel

PETRE SE KERRIE KOMKOMMERS
10 groot komkommers in ringe gesny en gehalveer
1.5 kg uie in dun halwe ringe gesny
2 rissies opgekap
2 knoffelhuisies fyngekap
5 koppies asyn
1 eetlepel sout
2 eetlepels gemmer
5 teelepels kerriepoeier
2 teelepels borrie
1 teelepel rooipeper
1 pakkie pickling spice
1.5 kg suiker
Kook uie, gekapte rissies en knoffel saam totdat die uie deurskynend is in water… Voeg komkommerstukke by,asook die asyn… kook tot komkommers sag is, maar nogsteeds stewig…. meng die res van die droe bestanddele…. Voeg by, en kook goed deur.. verdik met maizena gemeng met water… Bottel warm…

FOTO EN RESEP:  Petré Van Jaarsveld

INGELEGTE PEPPADEWS
Stroop
9 koppies suiker
6 koppies asyn
3 koppies water
Los suiker op, en kook vir 10 minute… Voeg 2 kg ontpitte peppadews by, en bring tot kookpunt en kook 1 minuut…. Pak peppadews in gesteriliseerde flessies… giet kokende stroop oor peppadews in flessies, en draai deksels onmiddellik op…

FOTO EN RESEP: Petré Van Jaarsveld

JOHAN SE SULTANA CHUTNEY
3 kg Sultana korrels
1.25 kg uie
800 ml wit asyn
1 t Raja spicy kerrie
4 e mielieblom
1 kg suiker
1 e borrie
1 e mild kerrie
5 ml sout
Kook asyn uie suiker en sout saam vir 15 min
Voeg korrels en speserye by en kook vir nog 20 min
Bind met mielieblom
Bottel warm
Resep en Foto: Johan Coetzee

PORK SHANK WITH LIME PICKLES

Lime Pickles

Wash limes and cut into rounds. Sprinkle with coarse salt, and leave overnight. Next morning rub the salt of and cut each round in half. Put the slices into sterilised bottles and sprinkle with “pickling masala” as much as you like. Cover with oil and seal. Should be ready within 2-3 weeks.

Pork Shank

Take one smoked pork shank and remove the skin. Bake for 40 minutes at 180ºC. Baste with mustard before serving.
Recipe and photo: Rina Smit