VROULIEF SE INGELEGDE KWEPERS
Foto en resep:  Gideon Louw
FOOD LOVERS RECIPES
Dit is baaaaie lekker, voor ek die fodie kon neem is die helfte opgeëet.
5 kwepers, geskil ontpit en in skywe gesny
1 liter  water
1 kg suiker
4 steranys peule
Sap van een suurlemoen

Voeg alles behalwe die kwepers in ‘n kastrol en verhit tot kook.
Voeg dan die kwepers by en kook vir 45 tot 60 min en tot die kwepers pienk is.
Bottel warm in gesteriliseerde flesse.

MADELEINE SE APPELKOOS OF GEELPERSKE BLATJANG
2 kg appelkose of geelperskes
375 ml asyn
6 koppies suiker
4 groot uie
1 teelepel peper
1 eetlepel sout
1 eetlepel hoogvol kerrie
1 teelepel mosterd

Kook saam vir ongeveer 45 min en bottel warm.
Resep: Madeleine de Beer

KAROO VYE EN PRUIME BLATJANG
Ek het Karoo vye en pruime present gekry. Toe kap ek dit saam op en maak blatjang. Lip-lek-lekker.
2.5 kg vye en pruime saam opgekap
8 koppies suiker
4 uie opgekap
10 ml sout
25 ml  fyn gemmer
20 ml mosterd
4 koppies asyn

Gooi alles in kastrol en kook stadig tot suiker opgelos is, nou kan jy bietjie vinniger kook.
Kook hom maar tot jy sien hy raak donkerder en dik. Maar ek sal skat 2 ure geprut.
Ek het dit redelik lank gekook, medium hitte, pasop vir aanbrand.  Wanneer dikte reg is na jou smaak, bottel warm.
Foto en Resep: Elsabe Le Roux

BLATJANG VAN GEELPERSKE SKILLE
Geelperske se skille gebruik vir blatjang,
Die idee van die perske skille blatjang by Ben Rautenbach gekry, maar my eie mik, korrel en proe resep gemaak
8 kg skille
6 grooterige uie in stukke gesny
6 peppers,(ek het 2 van elk gebruik ,rooi, groen en geel)
2 hoogvol koppies rosyne
6 koppies bruin asyn
2 hoogvool teelepels sout
1 kilogram suiker
2 hoogvol teelepels fyn gekapte knoffel
2 hoogvol teelepels gekapte vars gemmer
6 teelepels aromat
3 Eetlepels medium kerrie
2 teelepels borrie
1 teelepel chilli flakes
1 teelepel droë mosterd
1 teelepel peper
1/4 teelepel fyn naeltjies

Smaak verskil so as jy nog bietjie asyn by wil voeg of suiker doen so
Als kom in kastrol
Kook als goed deur tot skille sag is
Ek het my blenderstok gebruik om alles fyn te maak, maar jy kan ook jou liquidiser gebruik of jou voedsel verwerker,
Sit terug op stoof tot dit net begin opkook, haal af ,bottel warm in gesteriliseerde flesse of blatjang bottels
Foto en Resep: Alta Gunter Van Dyk‎

MAE’S SPICY MANGO CHUTNEY
Homemade mango chutney, it’s sweet, sour, and spicy.
3 tablespoons olive oil
1 big onion, chopped
1 tablespoon crushed garlic
3 tablespoons Apple Cider vinegar
2 lemons juiced
2 tablespoons Worcestershire sauce
½ cup brown sugar
½ teaspoon Cayenne pepper
½ teaspoon ground ginger
½ teaspoon cumin
½ teaspoon cloves
½ teaspoon coriander
½ teaspoon turmeric
½ teaspoon mixed spice
½ teaspoon curry powder
3 large mangos, peeled and chopped into cubes
1 cup currants
1 cup raisins
1 cup water

Heat oil over medium-high heat.
Add onions and saute until translucent and just beginning to brown around the edges.
Add garlic. Cook for an additional minute.
Whisk together vinegar, lemon, Worcestershire, brown sugar, and all spices.
Add to the onions. Add mango, currants, raisins and water to the pot.
Bring to a boil and reduce heat to medium-low.
Cook covered for 20 minutes, until the mangos have softened.
Using a spoon, smash the mangos a bit.
Cook uncovered until almost all of the liquid has reduced.
Taste for seasoning – add salt or additional brown sugar, to taste.
Let cool and transfer to a jar or airtight container. Store in the fridge.
Recipe and photo: Mae van der Westhuizen

INGELEGTE HEEL TOLLETJIE PERSKES
Tolletjie perskes ingelê (heel klein perskes, benaming geleer by my ouma: sy het droë perskes ook so gedoen). Die pitte is in die perskes, daarom “tolletjie perskes” jy eet rondom die pit.
Medium stroop:
2 koppies water
1 koppie suiker

Kook stroop, voeg perskes by, net ‘n klompie op ‘n slag, kook vinnig vir 2 min.
Haal uit en bottel in warm gesteriliseerde flesse, seël fles dadelik.
Ek maak elke keer net 2 hoeveelheid stroop aan, hang ook af hoeveel vrugte jy het.
Foto en resep:  Alta Gunter Van Dyk

Tweede foto en variasie: Alta Gunter van Dyk
Voeg perskes by kokende stroop, kook tot effe sag maar nie pap,so ±15 min. (die perskes bietjie langer gekook, nog effe groen gewees)
Jou stroop hang af van jou hoeveelheid vrugte.
Ek maak elke keer vars stroop aan.
Ek kook ook net soveel perskes wat kastrol se boom toemaak, anders kook dit pap.
Skep warm perskes in bottels, gooi stroop tot vol, steek pen in vir lug blasies, vul dan verder aan met stroop tot dit oorloop, sit deksel op en draai toe.

KERRIEPERSKESLAAI
1 blik (825 g) taaipitperskes, gedreineer
1 blik (250 g) appelringe of 2 appels, ontkern en in skywe gesny (opsioneel)
2 uie, gekap
5 ml (1 teelepel) gemengde speserye
2 heel naeltjies
5 ml borrie
5 ml kerrieppoeier
3 ml (‘n knippie) sout
3 ml fyn koljander
1 ml (‘n tikkie) rooipeper
250 ml (1 koppie) suiker
125 ml (1/2 koppie) witasyn
30 ml (2 eetlepels) mielieblom (Maizena)

Meng al die bestanddele behalwe mielieblom in ‘n kastrol. Bring mengsel tot kookpunt en laat 15 minute prut. Maak ‘n gladde pasta van mielieblom en ‘n bietjie water en roer sous in om te verdik. Laat slaai afkoel voor opdiening.
Variasies:
Gebruik 500 g vars perskes, ontpit en gehalveer, of 500 g droe perskes, geweek in 250 ml lemoensap, in plaas van geblikte perskes.
Wenk:
Hierdie slaai kan gebottel en gebêre word.
Resep en foto: Maria Kolesky

PERSKEBLATJANG MET SKILLE
3 kg geelperskeskille
4-6 groot uie, geskil en sny dit in stukke op
Maal of plaas skille en uie in voedselverwerker en maak grof.
Voeg by perskeskil mengsel:
750 ml witasyn
500 gr witsuiker
24 heel kruienaeltjies
24 elk wonderpeper en swartpeperkorrels
10 ml kerriepoeier
7 ml elk borrie
1 ml sout
2 ml rooipeper

Rasper 3 – 4 Granny Smith appels grof in.
Verhit dit stadig tot kookpunt, roer tot suiker opgelos is en prut dan tot dik. (roer gereeld)
Bottel en verseël blatjang warm.
Gemaalde knoffelhuisie en soetrissie kan ook bygevoeg word as jy wil!
Bron: Ben Rautenbach

Resep  en foto geplaas deur Alta van Dyk
Die idee van die perske skille chutney by Ben Rautenbach gekry, maar my eie mik korrel en proe resep gemaak.
8 kg skille
6 groterige uie, in stukke gesny
6 peppers, (ek het 2 van elk gebruik, rooi groen en geel)
2 hoogvol koppies rosyne
6 koppies bruin asyn
2 hoogvol teelepels sout
1 kg suiker
2 hoogvol teelepels fyn gekapte knoffel
2 hoogvol teelepels gekapte vars gemmer
6 teelepels aromat
3 eetlepels medium kerrie
2 teelepels borrie
1 teelepel chilli flakes
1 teelepel droë mosterd
1 teelepel peper
¼ teelepel fyn naeltjies
Smaak verskil so as jy nog bietjie asyn by wil voeg of suiker, doen so.

Alles kom in kastrol.
Kook goed deur tot skille sag is.
Ek het my blenderstok gebruik om alles fyn te maak, maar jy kan ook jou liquidiser gebruik of jou voedsel verwerker,
Sit terug op stoof tot dit net begin opkook, haal af, bottel warm in gesteriliseerde flesse of chutney bottels.

ELNA SE APPELKOOS BLATJANG
5 kg appelkose
8 groot uie
2 teelepels gedroogte rissievlokkies
2 liter bruin asyn
2 kg bruin suiker
15 ml sout
15 ml koljander
1 teelepel naeltjies
250 g gekapte pepadew pepers
25 ml knoffel

Was die appelkose en verwyder pitte, sny in kwarte.
Ek het die uie in ‘n voedselverwerker fyn gekap.
Meng alles in groot kastrol.
Kook vir 1 uur op matige hitte.
Haal van hitte af as kleur ligte bruin is of na smaak.
Bottel terwyl warm.
Laat staan tot koud.
Fotos: Elna Erasmus

GRANNY SMIT APPELJELLIE

Hi Rina hier is n meer volledige resep wat ek gebruik.
Jy kan Kweper, appel of koejawel gebruik om die jellie te maak, het ook al appel gebruik en kruisement jellie hiermee gemaak.

2 kg appels of enige bo genoemde vrugte
2 liters water
600 g suiker (750 ml)
Was vrugte af onder lopende water en sny in stukke (onthou vrugte skille en pitte)
voeg water by en kook ongeveer 1 tot 1½ uur lank oor matige hitte
Syg sap deur vir 5 uur lank of oornag, met ‘n moeslien doek (moenie druk om sap vinniger uit te kry nie, dit moet self deur syfer) laat sap afkoel.
Meet af; 1 liter sap en voeg suiker by, roer tot opgelos.
Verhit tot kookpunt, syg sap weer deur moeslien doek.

Kook die helder stroop totdat dit stol punt bereik, (moenie roer nie) skep skuim af.
Bottel warm in gesteriliseerde bottels.
Om te toets vir jellie, vat ek ‘n piering en bietjie spiritus, skap ‘n teelepel jellie in die piering by die  spiritus, as dit ‘n soliede klont vorm, is jou jellie reg, as dit klomp klein klontjies maak, kook nog bietjie en voeg so 2 eetlepels suurlemoen sap by.
As jellie lyk of dit begin braai (so geleer by my moeder) dan is dit reg, hoop die resep is meer volledig, vra maar weer asb?

Resep en foto deur Alta Gunter Van Dyk