PYNAPPELRINGE OF STUKKE INGEMAAK

Skil die pynappel, sny alle ogies en merke uit. Sny die stronk met ‘n pitboorder uit. Sny die vrugte in ringe of stukke.
Kook stroop vooraf oor matige hitte: 200g wit suiker vir elke 500ml water.
Kook die pynappelringe/stukke 20-30 min lank in matig vinnig in die stroop. Pak dit in die flesse en maak die flesse tot oorlopens toe vol met die stroop. Verwyder die lugblasies indien nodig. Verseel die flesse dadelik.
*Lekker vir later*

2.5kg ryp pynappels
2 groot uie
300g melassesuiker
125ml bruin asyn
15ml goue stroop
7ml kerriepoeier
5ml mostertpoeier
5ml sout
2ml borrie
METODE:
Skil die pynappels en uie en kap dit fyn op. Voeg die res van die bestandele by, verhit tot kookpunt en roer dit aan die begin totdat al die suiker opgelos is. Prut mengsel tot dik en roer gereeld. Bottel die blatjang warm en verseel dit dadelik.
*Lekker vir later*

KERSIE BLATJANG

1.2 kg kersies
375 g sultanas
125 ml asyn
160 ml suiker
5 ml wonderpeper (Allspice)
2 ml fyn gemmer
125 ml sweet chilli sous

Ontpit kersies.
Verhit stadig saam met al die ander bestanddele tot die suiker opgelos is.
Kook vir 5 minute vinnig en laat dan prut tot jou mengsel lekker dik is.
Bottel dit warm en verseël wanneer dit koud is.
Baie lekker veral saam met koue vleise of braaivleis.
Elda Lombard
HC GOUWS

KERSIES IN BRANDEWYN

500 g kersies, steeltjies verwyder
1 klein stukkie pypkaneel
250 g suiker
125 ml water
15 ml suurlemoensap
150 ml brandewyn

Was en droog die kersies af. Pak in ‘n warm gesteriliseerde glasfles met pypkaneel.
Meng die water, suiker en suurlemoensap in ‘n bak.
Mikrogolf 3 minute op volle krag en roer elke minuut.
Mikrogolf 4 minute sonder om te roer. Laat effens afkoel en voeg brandewyn by.
Giet oor kersies, verseël, plak etikette op en bewaar in ‘n donker plek.
Hou minstens een maand voor gebruik.
Sit kersies voor saam met ‘n skeppie roomys.
Die vloeistof kan ook deurgegiet en as likeur gedrink word.

FOTO:  Liza Venter Steyn  – Dit is regtig ‘n super maklike resep en as jy net die versoeking kan weerstaan om dit te eet raak dit net lekkerder met tyd. Ek het geel kersies en pers kersies ingele.

KERSIEBLATJANG

SUURKERSIEBLATJANG

1 kg ryp suurkersies
375 g gebleikte sultanas
125 ml wit asyn
150 g wit of karamel suiker
5 ml gemaalde wonderpeper
2 ml gemaalde gemmer

Was en ontpit die kersies.
Verhit dit stadig saam met die ander bestanddele in ‘n emaljekastrol tot kookpunt, roer die mengsel aan die begin todat die suiker opgelos is.
Laat ongeveer 5 min lank vinnig kook en prut dit dan verder totdat die mengsel dik is.
Bottel die blatjang warm en verseel dit wanneer koud.
*Lekker vir later*

HEEL GROEN VYE KONFYT
BRON- HILDA HARVIE
2de foto:  Tanya Rossouw
3de foto:  Retha Collett
FOOD LOVERS RECIPES

3 kg vye
3 kg wit suiker
1 groot suurlemoen, so 8 eetlepels sap
wynsteensuur, omtrent derde van ‘n teelepel

Laat vye oornag in 8 liter koue water en 2 eetlepels kalk of koeksoda staan.
Volgende dag spoel dit goed af en maak stingels skoon met skerp messie en maak kruisie by die blommetjie.
Druk  ook water wat in vy agterbly uit.
Maak stroop met suiker, suurlemoen en wynsteensuur en 4.5 liter water.
Gooi vye in kokende stroop en kook op hoë temperatuur vir omtrent 1 ½ tot stroop dik is.
Bottel en vul bottels met stroop.
Haal lugborrels uit en verseël.
(Gewoonlik waneer skuim opkom in pot en mooi geel kleur het, is dit gereed, toets maar eers die dikte van die stroop voor jy dit afhaal)

SOETRISSIES IN OLIE
7 soetrissies
300 ml olyfolie
sout
4 knoffelhuisies
takkies roosmaryn
5 ml peperkorrels
30 ml suurlemoensap
3 brandrissies

Halveer en ontpit soetrissies.
Bestryk met bietjie olie en bak vir ± 20 min by 200°C totdat swart en opgepof.
Trek skille af en sny vleis in groterige repe. Sout liggies.
Skil en kneus knoffel. Pak rissies, roosmaryn, en peperkorrels in gesteriliseerde flesse.
Giet suurlemoensap oor en bedek met olyfolie. Verwyder lugblasies.
Verseël en bewaar in koelkas. Gebruik na 3 dae en binne drie maande.
Ek het ekstra virgin olyfolie gebruik, geen brandrissies nie.
Het knoffel, peper en roosmaryn na persoonlike smaak bygevoeg.
Onthou die rissies raak heelwat kleiner as die oorspronklike vorm na dit gebak is en ‘n mens het dus heelwat nodig om ‘n bottel vol te maak.
Ek het ‘n appelboks vol gebruik en het 5 middelmatige bottels uitgekry.

Lekker vir later Anette Human
Foto: Brunhilda Venter

My eie mengsel

Kook 1 kg beet tot sag.
Laat afkoel tot hanteerbaar.
Trek velletjies af.
Rasper of sny in skywe.
Skep in bottels tot so om & by 3/4 vol.

2 k asyn
2 k water
1 k suiker (jy kan die suiker uitlos as jy wil)
1/2 t naeltjies
1/2 t koriander
1 t swartpeperkorrels
3-4 lourierblare
Sout na jou smaak

Kook die bogenoemde speseryemengsel vir so 5-10 minute saam.
Gooi nou die kokende mengsel oor die beet in die bottels. (Versigtig! Moenie brand nie)
Maak mooi toe

BRON- Cecilia Woest Hunwick

PICKLED PEARS
1 lemon or orange
10 cloves
2 tsp black peppercorns, lightly crushed
1 tsp allspice berries, lightly crushed
5 cm piece fresh root ginger, sliced
1 litre/1¾ pints cider or white wine vinegar
2 cinnamon sticks
1 kg bag caster sugar
2 kg small pears

Pare the zest from the lemon or orange and put in a pan with the cloves, peppercorns, allspice berries, root ginger, lemon or orange juice, vinegar, cinnamon sticks and sugar. Stir over a gentle heat until the sugar has dissolved.
Peel, core and halve the pears, then add to the pan and simmer for 15 mins, until the pears are tender. Remove the pears with a slotted spoon and put in a colander to drain. Meanwhile, increase the heat under the syrup and boil rapidly for 15 mins, until the syrup has reduced by about a third and slightly thickened.
Pack the fruit into warmed jars and pour over the hot syrup to cover. Seal, label and store in a cool dry place for a month before using

SUURLEMOEN-ATJAR
Dié atjar is die perfekte bykos vir enige spesery-gereg.
12-15 klein suurlemoene of lemmetjies
45 ml growwesout
60 ml atjar-masala
45 ml fenegriek (methi)
15 ml selderysaad
2 – 4 groen brandrissies, ontpit en gekap
300 ml suurlemoensap
Verhit ‘n groot kastrol vol water tot kookpunt. Verwyder van die stoofplaat, voeg die suurlemoene by en laat dit vir ‘n paar uur week tot sag.Sny die bo- en onderpunte van die suurlemoene af en sny die suurlemoene in agt wiggies. Verwyder die pitte. Plaas die wiggies in ‘n bak wat nie van metaal is nie. Meng die sout en speserye saam en sprinkel dit oraloor die wiggies.
Plaas die wiggies in gesteriliseerde flesse. Verhit die suurlemoensap tot kookpunt en giet dit oor die suurlemoene. Seël die flesse en laat dit vir ‘n paar dae staan voor gebruik. Hou die atjar in die yskas nadat dit oopgemaak is.
Nota:
Die resep gee 4 medium groot flesse.
Bereidingstyd is 30 minute, plus weektyd.