MEV KOOY SE INGELEGTE UIE
3 kg uie, gesny soos verkies, gekook vir ‘n rukkie, maar nie pap nie
5 koppies suiker
1 ½ teelepel sout
9 XL eiers
6 teelepels mosterdpoeier
2 baie hoogvol eetlepels maizena (hierdie is die outydse ou aanslaan eetlepels so kyk net en verdik soos verkies)
650 ml wit asyn

Meng droë bestanddele.
Klits eiers, suiker en asyn.
Voeg nat en droog bymekaar.
Meng deur dat dit klontvry is (ek meng van die suiker met die maizena en voeg bietjie asyn by. Die grof van die suiker help dat daar nie klonte vorm nie)
Verhit stadig en soos dit begin verdik, voeg uie by en kook deur dat alles warm is, pasop vir aanbrand.
Bottel warm.
Hierdie is baie heerlik en selfs kinders lief dit.
As die mosterd te sterk deurkom, roer net kondensmelk by wanneer jy opdien, heerlik!
Resep geplaas deur Rene Haasbroek
Foto:  Annatjie de Klerk

RISSIE PERI PERI “RELISH”
Dit is baie lekker.
125 ml asyn
45 ml tamatie pasta
30 ml sonneblom olie
15 ml suiker
10 ml sout
3 groot uie, fyngekap
2 knoffelhuisies, fyngekap
20 na 30 groen en rooi rissies, fyngekap

Meng alles in ‘n pot en bring tot kookpunt. Laat dan verder op ‘n lae hitte vir ongeveer 1 uur prut totdat die meeste vog verdamp het. Bottel warm. Bêre in yskas as bottel oopgemaak is.
Resep en foto: Stoney Steenbergen

VEELSYDIGE TAMATIE EN UIE SMOOR
2 kg tamaties, in stukke gesny
500 gram gekapte uie
1 ½ (een en ‘n half) koppie suiker
1 koppie asyn
1 gekapte soetrissie
2 teelepels fyn gekapte knoffel
peper en sout indien verlang

Kook alles saam vir 30 tot 40 min.
Meng en voeg by:
1 eetlepel mosterdpoeier
1 eetlepel kerrie
1 eetlepel sout (indien jy alreeds ingegooi het, proe eers)
1 hoogvol eetlepel maizena
1 eetlepel hoogvol koekmeel
½ (halwe) koppie asyn

Kook goed deur.
Skep in gesterliseerde bottels en seël.
Nota:  Kan ook in vrieskas gevries word.
Resep en foto: Georgie van der Walt

MAKLIKE BEET BLATJANG
500 ml asyn
750 ml suiker
6 x 250 ml gaar beet, in blokkies gesny
15 ml kerrie poeier
5 ml sout
45 ml mielieblom

Kook alles saam behalwe die mielieblom vir so 10 min.
Maak mielieblom aan met bietjie water en gooi by en kook verder vir 5 min.
Bottel warm, heerlik saam met enige vleisgereg.
Resep: Mariska Rossouw
Foto: Susanna Kruger

RISSIE PERI-PERI SMOOR
125 ml asyn
45 ml tamatie pasta
30 ml sonneblom olie
15 ml suiker
10 ml sout
3 groot uie fyn gekap
2 knoffelhuisies fyn gekap
20 na 30 groen en rooi rissies fyn gekap

Meng alles in n pot en bring tot kookpunt. Laat dan verder op n lae hitte vir ongeveer 1 uur prut
totdat die meeste vog verdamp het. Bottel warm. Bêre in yskas as bottel oopgemaak is.
Resep geplaas deur Stoney Steenbergen
Foto: Stoney Steenbergen

PETRÉ SE UIE MARMELADE
1 kg uie, in dik skywe gesny
½ koppie Balsamiese asyn
½ koppie bruin asyn
1 ½ koppies bruin suiker
1 teelepel sout
¼ koppie olyf olie

Plaas alles in ‘n groot genoeg kastrol.
Plaas op stoof en kook vir om en by 1 uur tot ‘n lekker dik stroop vorm.
Bottel warm.
Foto en resep: Petré Van Jaarsveld

INGELEGTE WORTEL, UI EN MURGPAMPOEN GROENTE
So speel ek met murgpampoen
1 kg groente. Wortel, murgpampoen en uie lang repies gesny .Groente is alles rou.
Piekelsous gemaak.
3 koppies asyn
3 koppies water
sout na smaak
2 teelepels knoffel
1 eetlepel mosterd
1 eetlepel swartpeper korrels
1 koppie olyfolie.

Ek het die bestanddele vir die piekelsous bymekaar gemeng en in die fles gegooi en dan die bewerkte rou groente bygevoeg en goed gemeng. Deksel opgesit en gebere in die yskas.
Resep en foto: Maritha Blaauw

INGELEGDE PEPPERDEWS
Ek het ‘n botteltjie ingelegde peppadews (pikante rissiepepers) by my vriendin Hanlie Cronjé Swart gekry.
200 g skoongemaakte ryp peppadews
1 koppie asyn
125 ml suiker
2.5 ml sout

Kook bogenoemde tot suiker opgelos is. Sit die stoof af en gooi die peppadews in die oplossing terwyl dit warm is. Laat afkoel en bottel.
Resep: Hanlie Cronjé Swart
Foto: Elna Erasmus

GEROOSTERDE GEBOTTELDE KNOFFEL HUISIES
Vat soveel knoffel bolle as wil of het. Sny die bo punt van die bol af sodat elke huisie oop is. Sit die knoffel bolle op foelie. Maal swart peper en sout bo op elke bol. Gooi nou olyfolie op elke bol – moenie skaam wees met die olie nie: dit moet by al die huisies in. Maak die foelie toe en bak teen 200°C vir so 45 minute to ‘n uur totdat die knoffel sag is.
As jy grlukkig is, behoort jy nou die onderkant van die knoffel bol te kan druk en die huisies sal na boonto uit peuel. Indien jy sukkel daarmee breek jy die huisies uit mekaar uit en druk dan aan die onderkant en die knoffel sal uit glip.

Pak nou jou knoffel lae in gesterriliseerde botteltjies met krui en speserye na jou hart. Ek het juniper bessies, pimento bessies, naeltjies, swart peper korrels, koljander korrels, lourierblare, roosmaryn en basilie gebruik. Na elke laag wat jy gepak het gooi jy olyfolie tot die bottel vol is.
Hierdie geroosterde knoffel gaan nou lekker geur opbou tot jy dit gaan gebruik.
Dit is heerlik op oondgeroosterde broodjies en saam kaas op ‘n kaasbord. Na die tyd kan jy die olie gebruik om mee te kook.
Ek het 8 knoffel bolle gebruik vir die 2 botteltjies.
FOTO: Wayne Dugmore

OORNAG PICALILLY
Vir die pekel:
2 liter koue water
100 g sout
Was en kap die volgende groente in stukkies. Onthou jy smeer die picalilly op n broodjie en moet dit lekker kan hap.
Gerkins, wortels, murgpampoentjies, komkommer, blomkool in stukkies gebreek en 2 groot uie. Als saam so +-2kg.
Week die groente met die pekel oornag vir +-12 ure. Dreineer goed volgende oggend.

Vir die sous:
1.5 liter asyn
750 g suiker
30 g koekmeel
30 ml fyn gemmer
30 ml mosterdpoeier (Colemans hot english mustard)
30 ml borrie (Tumeric)
30 ml kerriepoeier matig
150 ml appelkooskonfyt
bietjie sout
bietjie swart peper na smaak

Meng al die sous bestanddele in die pot bymekaar en bring tot kookpunt.
Sous is te dun, los 120 ml maizena in bietjie water op en voeg by. Jy sal weet hoe dik jy sousie wil hê. Proe eers of die sous na jou smaak is. As dit te suur is voeg suiker by tot jy daarvan hou.
Sit nou die groente by en kook vir +-10min of tot groente sag is. Ek het my groente gekook dat dit nog ‘n crunch het. Roer dat dit nie brand nie..
Skep warm picalilly in vooraf gesteriliseerde bottels. Seël terwyl warm.
Foto en resep: Marié Fourie