BOBOTIE IN OONDPANNE
Die resep het ons by NG-kerk Tafelbaai in Table View gemaak en elke selleier moes 2 oondbakke bobotie gemaak het. Die resep is dus vir ‘n klomp mense, maar ek halveer dit soms of ek deel alles deur 4 as ek bv net 1 kg maalvleis gebruik.

GROEP A :
120 ml gemaalde gemmer
120 ml sagte bruin suiker
60 ml kerriepoeier
60 ml borrie
40 ml sout
8 ml peper
240 ml margarien
10 uie, gekap

Plaas al die bestanddele in ‘n pot en verhit sonder om te brand. Voeg die margarien by en sorteer die uie daarin.

GROEP B
8 snye witbrood in water geweek
4 kg maalvleis
1 koppie blatjang
½ koppie appelkooskonfyt
½ koppie asyn
½ koppie worcester sous
½ koppie tamatiepasta

Druk die ergste water uit die brood en roer dit saam met al die ander bestanddele van groep B by die uiemengsel. Kook die mengsel vir 20 min oor matige hitte en roer gereeld. Skep in ‘n oondvaste bak

GROEP C:
6 koppies melk
8 eiers

Klits die melk en eiers saam en giet oor die vleismengsel. Bak ongeveer 45 min by 180°C. Ek gooi nie baie uie in nie, want dan wil die kinders dit nie eet nie. Jy kan ook 200 g pitlose rosyne ingooi by GROEP B, maar ek los dit uit vir die kinders se onthalwe. Terwyl dit bak, kyk ek maar gereeld, want soms vind ek dat 45 min te lank is, veral as jy die resep halveer. Maak maar redelik baie, want dit vlieg redelik vinnig. Hoop julle vind dit net so lekker soos ons gesin.
Bron- Cecilia Dumas Nortje

PANNEKOEK BY DIE GROOT MAAT
(lewer 120 pannekoeke)
16 koppies koekmeel
125 ml wit suiker
80 ml bakpoeier
20 ml sout
12 eiers
4 koppies (1 liter) kookolie
250 ml asyn
18 koppies water
kaneelsuiker

Sif meel en meng dit deeglik met suiker. Voeg bakpoeier en sout by die meelmengsel en meng goed. Klits eiers en voeg die olie, asyn en ‘n bietjie water daarby. Voeg die eiermengsel by die meelmengsel en roer. Voeg die water bietjies-bietjies by en klits die mengsel deurentyd tot so dik soos room en sonder klonte is.
Verhit olie in pan, gooi uit (hierna word nie weer olie in pan gegooi nie) en bak die pannekoek. Sit die pannekoek voor met kaneelsuiker of bêre en verhit oor ‘n kastrol met kokende water. (Die pannekoek word nie taai nie.)
Resep geplaas deur Marie Rheeder Troskie‎

KERRIE-EN-RYS (grootmaat)
(100 porsies)
24 medium uie, geskil en gekap
9 knoffelhuisies, geskil en gekap
190 ml sonneblomolie
20 wortels, geskil en in blokkies
25 aartappels, geskil en in blokkies
3 soetrissies, gekap
12,5 kg vleis, in blokkies
5 koppies sultanas
90 ml matige kerriepoeier
80 ml borrie
15 ml fyn koljander
swartpeperkorrels
kruienaeltjies
lourierblare
150 ml asyn
115 ml wit suiker
90 ml fyn appelkooskonfyt
100 ml sout
115 ml tamatiepuree
62,5 ml mielieblom
37,5 ml Worcestersous
125 ml blatjang
vleisaftreksel
30 koppies water om rys in te kook (sout)
13 koppies rou rys

Soteer uie en knoffel in olie in groot swaarboomkastrol. Voeg die wortel en aartappelblokkies asook die gekapte soetrissies by en braai liggies. Skep uit en hou eenkant. Braai die vleis vinnig in dieselfde kastrol.

Meng kerriepoeier, borrie, koljander, swartpeperkorrels, naeltjies en lourierblare, roer by die vleis en braai ‘n minuut lank.

Meng asyn, suiker en appelkooskonfyt, sout, tamatiepuree, mielieblom, Worcestersous en blatjang tot ‘n pasta. Voeg die pasta saam met die gebraaide groente- en vleismengsel en sultanas in die kastrol. Voeg vleisaftreksel by soos nodig en prut tot gaar. Roer nou en dan om te keer dat dit aanbrand.

Kook die rys in die water waarby sout na smaak bygevoeg is.
Wenk: Vergroot die resep deur ‘n groot, ryp boerpampoen sag te kook, deur ‘n sif te druk, en saam met ses gerasperde Granny Smith-appels en 10 fyngedrukte ryp piesangs by die mengsel te voeg.

RICE KRISPIE-KOEKIES
MAAK + 200 koekies
500 g margarien
4 koppies suiker
2 teelepels vanilla
4 koppies klapper
4 koppies rice crispies
4 koppies hawermout
5 koppies meelblom
2 teelepels sout
3 teelepels bakpoeier
3 teelepels koeksoda gemeng met bietjie melk
4 eiers, voeg sodamelk by

Room margarien en suiker.
Voeg vanilla en eiers by, en dan ander bestanddele in volgorde.
Meng goed. Maak balletjies en druk plat met vurk.
Bak by 180°C vir sowat 12 min.

LOUISE’S BUTTERNUT SOUP
(4 LITRES – SERVES±16)
100 g butter
2 big or 3 medium onions – sliced
1,5 / 2 kg butternut (peeled weight) cut into small pieces
2 tablespoons (30 ml) cake flour
3 ml medium curry powder
3 ml fine nutmeg
5 twists of freshly ground black pepper
3 ml Aromat
1 litre fullcream milk
1 litre chicken stock (1 Litre boiling water made up with 4 tablespoons of Ina Paarman or Woolworth’s Chicken Stock Powder)
chopped parsley
cream for garnish (optional)
yoghurt

Use a big enough pot to make the soup in to prevent the soup from boiling over. A horrible mess to clean!
The recipe can be halved, if preferred.

Sautè the onions in the butter over medium heat, until done. Keep the heat low, the onions must not brown. This will take about 15 tot 20 minutes. Add the butternut pieces and mix well. Add the flour, curry powder, nutmeg, black pepper and Aromat and mix again. Add the milk and chicken stock. Increase the heat and bring to the boil. Do not walk away, watch carefully so the soup does not boil over. Lower the heat and cook the soup slowly for 15 minutes. Test with a sharp knife if the butternut is done. This never takes more than 20 minutes. The soup does not look very appetising at this stage do not panic! Process the soup in a food processor, about 2 cups at a time. Garnish with chopped parsley and slightly whipped cream or yoghurt, if desired.

Notes:
Serve with cheese muffins or savoury cheese loaf as a starter.
The soup freezes very well. Defrost in the fridge overnight. When reheating the soup do not boil vigorously.

Recipeand photo: Louise Groenewald

GUIDELINES FOR SERVING TASTIC RICE

Q: What are the guidelines for serving Tastic Rice?
A: For Parboiled 1 kg serves 10 people and 2 kg serves 20 people. For brown and white rices 1 kg serves 20 people and 2 kg serves 40 people. (Tastic website)

‘n 2 kg pak Tastic rys het 10 koppies rou rys in.
Louise Groenwald

GROOTMAAT FRIKKADELLE
± 30 frikkadelle
1 kg maalvleis
1 g ui, gekap
1 koppie hawermout
1 blik (410g) spagetti in tamatiesous
2 pakke verskillende soppoeiers (bv. groentesop en bruinuiesop)
1 dik sny witbrood, in water geweek en droog gedruk
15 ml kerriepoeier
sout en varsgemaalde peper

Verhit oond tot 180°C en spuit oondpan. Meng al die bestanddele en vorm frikkadelle.
Rangskik in oondpan en bak bedek ± 40 min en maak oop en bak nog tot bruin bo-op.
NB: Dit kan ook ongebak in houers gepak en gevries word tot nodig.
Haal vooraf uit, ontdooi en bak tot gaar.
NS: soppoeiers kan verander word om dan smaak te verander.
Resep:  Annerise Augustyn

EKONOMIESE KOEKSISTERS VIR DIE BASAAR
12 dosyn
Stroop:
2 kg suiker
3 liter water
5 ml sout
30 ml suurlemoensap
30 ml gouestroop

Deeg:
1 kg wit broodmeel
5 ml sout
10 g kitssuurdeeg (1 pakkie kitsgis)
50 g suiker (62 ml)
60 g botter of margarien (60 ml)
500-600 ml louwarm water

Stroop:
Berei stroop die vorige dag en plaas oornag in die yskas. Verhit suiker, water en sout oor matige hitte en roer tot suiker opgelos is. Maak seker dat suiker teen die kante ook afgeverf is, sit deksel vir paar minute op sodat stoom die suiker kan afwas. Verhit stroop tot 110ºC of ongeveer 15 minute vanaf kookstadium. Voeg sap by en kook nog 2-3 minute en verwyder van hitte, roer stroop by tot opgelos. Laat afkoel en plaas in yskas. Maak ongeveer 4 liter stroop. Verdeel stroop in 2 dele, dan is daar altyd koue stroop. As die 1 helfte warm word, plaas warm stroop in vrieskas om weer gou koud te word.
Deeg:
Sit meel en sout saam, voeg suurdeeg en suiker by en meng goed. Vryf botter in. Voeg eers net 500 ml water by om ‘n sagte deeg te vorm. Indien nog water nodig is, maak net jou hande met die orige 100 ml water nat en knie dit by die deeg in. Knie vir ‘n paar minute met oorvou-en-kniebeweging totdat deeg nie meer aan jou hande vassit nie. Laat deeg rys tot dubbeld die volume. Knie deeg af, knyp ‘n stuk deeg af en rol in worsvorm en sny 10 mm skyfies. Rol skyfies in worsies tussen hande en draai in teenoorgestelde rigtings, vou dubbeld en druk punte stewig vas. Dit behoort vanself op te rol. Hou koeksister toe onder ‘n klam doek sodat dit nie uitdroog. Laat 30 minute rys. Verhit olie tot 180ºC en bak koeksisters ‘n paar op ‘n slag en doop dadelik in stroop. Koeksisters vries goed.
Resep gelaas deur Nicolien van Schalkwyk

BOTTERSKORSIE GEBAK
Hier is ‘n wenner vir jou! Genoeg vir een bain marine en vreeslik lekker, het dit Saterdag gemaak vir die 21st.
Genoeg vir 40-50 mense
4 pakke botterskorsies
4 pakke murgpampoentjies
6 pakkies bruin uie soppoeier
2 liter room gemeng met 500 ml melk
500 g cheddar kaas, gerasper

Sny botterskorsies in groot stukke, murgpampoentjiesin 3 gesny. Meng soppoeier en botterskorsies in aparte skottel, gooi in gespuite bain marine. Gooi die room mengsel bo-oor, strooi kaas bo-oor. Trek foil bo-oor.
Bak 4 ure in oond by 180°C.
Vreeslik lekker!!!
Resep: Peggy Devine