JOHAN SE LASAGNE
Ek het hierdie Lasagne gemaak vir Debonairs in Springs (Selcourt) en ek wil hom graag met julle deel, Dit is ‘n masiewe resep met ‘n MASIEWE SMAAK.
24 – 30 Porsies
50 ml kookolie
120 g botter / margarien
4 groot uie, fyn gekap
4 wortels, gerasper)
4 selery stingels, fyn gekap
2 kg maer beesmaalvleis
600 g hoenderlewer, fyn gekap
3 groot blikke tamatie puree
1 bottel rooiwyn
100 ml pietersielie, fyn gekap
sout
swartpeper
1,5 kg lasagne velle
500 g Cheddar kaas, fyn gerasper
500 g Mozarella kaas, fyn gerasper
Béchamel Sous:
240 g botter / margarien
160 g koekmeel
2.25 liter melk
20 ml neutmuskaat
Verhit olie en botter in ‘n groot pot, voeg uie, wortel en sellery by en roer aanhoudend tot alles sag is.
Verhoog die hitte en voeg maalvleis by, verbruin en maak seker dat daar nie klonte is nie.
Voeg die hoenderlewer by en braai tot dit gaar is.
Voeg tamatie puree, wyn, pietersielie en sout en peper (na smaak) by en wag tot dit kook.
Verlaag die hitte en laat prut vir 45 minute. Verwyder van die plaat en laat staan.
Kook lasagne in groot pot met sout en bietjie olie tot dit sag is.
Gooi deur vergietes en spoel af met koue water.
Béchamel sous:
Smelt botter in pot oor lae hitte tot dit begin skuim.
Voeg koekmeel by en roer aanhoudend vir 2 minute.
Verwyder van plaat af en roer die melk bietjies-bietjies by.
Plaas terug op plaat en bring tot kook terwyl jy aanhoudend roer tot dit dik begin word.
Haal van plaat af.
Voeg sout en peper by na smaak en meng neutmuskaat in.
Plaas ‘n stuk plastiek op die sous sodat dit nie ‘n kors maak nie.
Voorverhit oond tot 180°C.
Gooi dun lagie vleissous in die bodem.
Smeer jou oondpan en lê stringe lasagne teenmekaar op die bodem.
Pak laag vleismengsel bo-oor, en herhaal met lasagne.
Smeer lagie béchamel sous oor.
Strooi kaasmengsel liggies bo-oor.
Bak 35 – 40 minute of tot die kaas goud-bruin verkleur.
Laat staan sowat 15 minute voor jy dit sny en verpak.
Bron: Johan Snyder
