HEERLIKE GROENTE-GEBAK

1 – 2 botterskorsies, in skywe gesny
1 pakkie murgpampoen, in lang repe gesny
1 pak sampioene, in skywe gesny
1 blik Ideal Melk
1 pak potato bake van u keuse

Pak groente in lae in gesmeerde oondbak. Meng blik Ideal Melk met potato bake en giet oor groente. Bak teen 180°C tot gaar. Strooi kaas oor en braai tot kaas gesmelt en goudbruin is.

Hhmm, te lekker vir woorde. Probeer ook gereg maak van aartappels in skywe gesny, uie in ringe gesny en sampioene in skywe gesny. Pak ook in lae en maak soos bo.

Cornelia Myburgh

MURGPAMPOENKOEKIES
Terwyl ek eendag gewag het vir my afspraak by dr, het ek die resep uit ‘n tydskrif afgeskryf, so lank gelede ek kan nie eers onthou uit watter een nie. Ek maak groot hoeveelheid en my dogter vries dit in haar koshuiskamer, gesonde vullende versnappering as tyd min is vir eetsaal.
Meng die volgende:
4 murgpampoentjies gerasper (ek neem tot 8)
5 sprietuie fyngekap
250 g fetakaas grof gerasper
1 handvol gekapte pietersielie
1 handvol gekapte ment
1 teelepel paprika
1 koppie meel
3 eiers geklits
sout en peper (onthou die Feta is sout)

Meng alles en bak lepels vol in vlak medium hitte olie tot ligbruin.
Nie te warm nie – so 3 tot 4 min aan elke kant, dreineer.
Eet dit koud of warm.
My vriendin het dit al gemaak met “gems”, lemoenpampoentjies wat sy geskil en gerasper het, dit was net so lekker.
Resep: Lettie van der Merwe

SPINASIEROLLADE
ROLLADE
100 g Stork Bake
125 ml (½ k) koekmeel
500 ml (2 k) warm melk
250 ml (1 k) gerasperde
cheddarkaas
sout en vars gemaalde swartpeper
4 ekstra groot eiers, geskei
300 g spinasie, gewas, gestoom en fyn gekap

VULSEL
125 ml (½ k) songedroogde
tamatie- of basiliepesto
375 ml (1½ k) gekrummelde
ricottakaas
60 ml (¼ k) gekapte vars
pietersielie of basilie

Voorverhit die oond tot 160 °C.
Spuit ’n pan van 35 x 25 cm met kleefwerende kossproei. Voer die pan met bakpapier uit en spuit weer.

ROLLADE
Maak ’n witsous met die STORK BAKE, koekmeel en warm melk. Haal van die plaat af. Voeg die kaas by en roer tot gesmelt. Geur met sout en peper. Voeg die eiergele en spinasie by en meng. Klits die eierwitte tot stywe punte vorm en vou versigtig by die spinasiemengsel in. Giet in die pan en maak bo-op gelyk.

Bak 25-30 minute tot goudbruin en gepof. Keer uit op ’n klam teedoek, rol versigtig op met die hulp van die teedoek en laat afkoel.

VULSEL
Meng die pesto, ri-cotta en kruie. Rol die rollade oop wanneer dit effens afgekoel het en smeer die vulsel oor.
Rol weer op, sny in skywe en sit voor met slaai.

Genoeg vir 8.

Adam Cloete se weergawe
Soos ek belowe het, het ek toe ‘n spinasie roulade probeer maar met ‘n maalvleis vulsel. Ek het dus die vulsel van die resep vervang met ‘n maalvleis vulsel wat ek gekook het soos ‘n redelike droë bolognese. Dit het egter nie lekker gesny nie en ek sou voorstel as iemand dit doen om liewer worsvleis, wat ‘n vaster tekstuur het, te gebruik. Maar lekker was dit lekker!!!!

GIDEON SE HEERLIKE AARTAPPELS

Die aartappels word gaar gekook en dan net oop gekneus of breek !
Meng dan een eetlepel olyf olie en een eetlepel rooiwyn asyn en een eetlepel heelkorrelmostert en swartpeper na smaak skep dan die sous oor die aartappels !
Hierdie is vir vyf kleinaartappetjies !

RESEP EN FOTO: Gideon Louw

Pommes fondant, or fondant potatoes are a real old school, classic French side dish that you see now and then on restaurant menus, but people rarely make it for themselves at home. They are surprisingly easy to make and once you try them I guarantee they will find a place in your regular repertoire. They have a nice caramelized crust on the outside and a soft, mashed potato texture on the inside. They are cooked in chicken stock, which will be absorbed by the potatoes, giving them a deep, rich flavour. Any chicken stock that isn’t absorbed will reduce down to a nice glaze that will coat the golden crust of the potatoes. Pommes fondant are a great accompaniment to all sorts of meat dishes.

Ingredients
4-6 large yukon gold potatoes
500ml chicken stock
100g butter
3 sprigs thyme
salt & pepper
Preheat the oven to 375F/190C
1. Peel the potatoes and then cut into 2cm (3/4″) slices. Season with a healthy amount of salt & pepper.
2. Heat 50g butter in a frying pan, then add the potatoes. Start on high heat, then when the butter starts to foam, reduce to medium heat. Brown the potatoes on each side, about 3 minutes per side.
3. Add the chicken stock, thyme and remaining butter to the pan, then transfer to the oven. Cook until a knife passed through the potatoes with no resistance, about 30 minutes.
Derek
Post Elize Grobbelaar

MAKLIKE FONDANT AARTAPPELS

Maklike fondant aartappels vir die gewone kok:
8 geskilde aartappels,
2 KNORR chicken stock pots,
800ml kookwater,
20g botter,
5ml droë tiemie.
Oond op 200 grade. Sny n plat bodem vir aartappels op langste kant, plaas in oondvaste bak. Los chicken stock op in kookwater, gooi oor aartappels. Plaas klein blop botter op elke aartappel, strooi tiemie oor. Bedek met foelie, bak 25 minute. Verwyder foelie, bedruip met sous. Bak oop vir nog 10 minute tot sag en goudbruin. Pansappe maak heerlike sous. Het nog altyd gedrool oor Masterchef se fondant aartappels, maar hierdie is heerlik en maklik!
Bron: KNORR Whats for dinner?
Foto:  Alta Holtzhausen

GROENBOONTJIE GEREG
Maak 1 pak simba chips fyn en gooi in bak!  (chutney chips werk goed)
Dreineer 2 blikkies groen boontjies, gooi bo-op die chips,  strooi kaas oor, gooi 1 koppie room oor! Strooi paprika oor! Bak 15 min by 180ºC
BAIE LEKKER
Foto en resep: Benhet Nieuwenhuis

AANPASSING

Letisia Griessel
Dankie vir die inspirasie Benhet. Het dit vanaand as bygereg saam met braaivleis gemaak.
1 Blikkie groenbone met groen aspersies vervang.
3/4 pak chips onder gegooi en die ander 1/4 voor die kaas bo-oor.
Mengsel van Cheddar en Mozarella bo-oor.
Soveel komplimente gekry. Was uit die boeke lekker.

LEKKERSTE PAMPOENTERT
4 koppies gekookte pampoen
1 koppie bruismeel
1 koppie suiker
1 koppie melk
1/2 koppie olie
1 teel sout
2 eiers
2 teel bakpoeier

Meng bogenoemde bestanddele goed en skep in gesmeerde oondbak.
Bak teen 180 grade C tot gaar. Maak volgende sous op stoof en gooi oor warm
pampoentert wanneer uit oond kom.

Sous
1 koppie suiker
½ koppie water
½ koppie melk
4 teel botter
2 teel maizena
knypie sout

Kook saam tot ‘n dikkerige sous vorm. Gooi dan oor warm tert.
Geniet dit hoor. Smaak nes ‘n malva-poeding.
Foto en resep: Cornelia Myburgh

1 Bos spinasie, was en snipper
300 ml Gerasperde Kaas
125 ml Melk
4 Eiers
1 Aartappel gerasper
Sout en peper na smaak.

Smeer oondbak met olie. Klits melk en eiers saam. Meng meng spinasie, aartappel en kaas. Hou bietjie kaas oor om bo-oor te strooi. Bak so +/- 30 min. @ 190 c tot gestol.

Foto en resep:  Cornelia Myburgh

LEKKER SOET PATATS
Lekker soet patats ~ jy sal jou lippe aflek
200 ml suiker
25 ml botter
2 ml fyn kaneel of 2 – 3 kaneelstukkies
1 ml fyn gemmer
4 – 5 middelslag patats, geskil en in skywe gesny
knippie sout
12,5 ml gouestroop
50 ml water
2.5 ml mosterdpoeier (opsioneel)

Plaas die suiker, botter, gemmer, kaneel en gouestroop in ’n kastrol en laat kook oor lae hitte totdat dit begin verbruin. Voeg die patats, sout en water by. Kook oor matige hitte tot die patats sag en die sous taai is.

Maryna Viljoen
En dan sit jy hierdie gaar patats in warm voorbereide bottels, maak goed toe en hou op koel plek.
Ek bere myne vir so lank as 5 jr.
Verhit net weer voor ete, ‘n wenner vir bottel!!

Resep: Ria Grobler Mc Carthy
Foto: Amanda Conradie