GEBAKTE PAMPOEN- EN PATATKOEKIES
3 koppies gaar gemengde pampoen en patats
250 ml pitlose ingelegde kersies, gehalveer
250 ml room
125 ml bruismeel
1 eier

Pampoen en patats mengsel kan volgens eie keuse gaar gemaak word.
Meng pampoenmengsel, kersies, room, bruismeel en eier saam.
Skep van die mengsel in kolwyntjie panne.
Strooi kaneelsuiker oor.
Bak by 180°C vir 25 min.
Resep geplaas deur Elna Erasmus
Foto: Elna Erasmus

SPINASIE EN FETAKAAS GEREG
400 g spinasie
250 g sampioene, gesny in skyfies
1 groot ui, gekerf
5 ml knoffel
3 wieltjies fetakaas met songedroogte tamaties en basil, in blokkies gesny
peper na smaak

Braai ui tot sag, voeg sampioene by en braai tot amper gaar.
Voeg spinasie by en braai tot gaar, spinasie moet nog ferm wees.
Gooi peper na smaak by.
Meng fetakaas blokkies by en bedien.
Ek gooi nie sout by nie omdat fetakaas reeds souterig is.
Resep geplaas deur: Ansune Erasmus
Foto: Ansune Erasmus

GEBLOMDE UI – BLOOMING ONION
Die ui iewers op die internet gesien, maar kan nie onthou of dit met iets gestop moet word nie.
Wat ek gedoen het, is om die ui te sny, die lae van mekaar los te maak.
Gesprinkel met aromat en Ina Paarman se Italian cheese sprinkle gegeurde meel.
Geklitste eier oor gegooi, in die vrieskas vir ‘n paar minute gesit en daarna in diep olie gebak tot goudbruin.
Resep en foto: Petre van Jaarsveld

JOEY SE EIE GEBAKTE AARTAPPELS
2 pakkies 3 Kase sous ( 3 cheese sauce)
1 kg strepies spek of stukkies (own choice)
Aartappels – hang af van die aantal porsies
2 eetleppels knoffel

Sny aartappels in ronde dun skyfies, sprei dit uit in oond pan.
Sprinkel knoffel oor aartappels.
Gooi gesnyde spek oor die aartappels.
Meng 1 pakkie kaassous met warm water volgens die aanwysings, laat dit amper soos ‘n sousie maak en gooi dit oor aartappels en herhaal dieselfde met die ander pakkie.
Sit foil bo-oor bak.
Sit in oond so vir ‘n half uur op 140°C  of tot die aartappels sag en gaar is.
Note:  Al die bestanddele is rou.
Resep en foto: Jolene Smith

LASAGNA EN BUTTERNUT
1 boksie knorr mince lasagna
1 pakkie noedels (nodig vir baie mense)
1 kg gemaalde vleis
1 ui
1 blokkie kaas

Butternut
1-2 pakkies winkel butternut / 2 groot butternuts
2 eetleppels kaneel
2 teeleppels suiker (tot soet genoeg)

Braai ui saam maalvleis tot bruin.
Voeg noedels in pakkie en ander pakkie noedels by en voeg so 500 ml water by en kook tot sag.
Voeg dan jou speserye mengsel by wat in pak is en kook tot droog.
Skep in oond pan.
Voeg dan die kaas sous wat in pakkie is bo-oor maalvleis mengsel.
Rasper dan blokkie kaas alles oor.
Sit in oond op 180°C en bak tot kaas lekker bruin is.

Butternut:
Pakkies: In microwave.Volg instrukkies op pakkie.
Of
Heel: sny in stukkies
Voeg sout by
Voeg water by
Kook tot sag en droog of gooi vloeistof af
Voeg suiker by tot soet na smaak en bietjie kaneel
Bedien saam met lasagne
Foto en resep: Jolene Smith

UIERINGE IDEES
Sam-Annique Lowry
Het iemand asb vir my ‘n resep vir deeg vir uie ringe?
Ané Ace Kok
Hoe ek dit maak. Ek sny uie in dun skyfies. Maak effens klam met sprite en dan gooi ek dit in ‘n bak wat kan toe gaan. Gooi meel oor en skud baie goed. Dit maak ‘n dun crispy lagie. Gooi ook sout en pepper by die meel voor jy skud. Gee ‘n lekker smaak.
Zelda Ellis
Ek gebruik Chilli Bite Mix. Meng soos wat sê op pakkie. Sny ui in ringe. Doop in die mix en braai. Dit is heerlik! Doen ook my mushrooms en vis so.
Susanna Kruger
Sit net eers uie ringe in ys water vir so 30 minute in yskas.

Lesdee Gloak Bam
Equal part self-raising flour to beer, for example if you use a cup of flour, add a cup of beer. Mix until smooth, chill batter in fridge for ½ hour. Slice your onion into rings and separate, sprinkle with salt, pepper and cayenne pepper. Dip your onion into batter, fry in hot oil.

Lisa Pretorius
Ek het altyd gesukkel met uie ringe. Hierdie resep is Guy Fieri se resep en sal geen ander resep ooit weer gebruik nie.
1 ⅓ kop koekmeel
1 teelepel sout
2 groot uie, in ringe gesny
1 eetlepel olie
¼ teelepel sout
2 eiergele
340 ml bier/soda water
Meng meel, sout, peper, olie en eiergele saam. Meng bier / soda water stadig by. Maak toe met kleefplastiek en sit in yskas vir so ¾ uur. Voeg uieringe in deeg en diepbraai tot goudbruin.

Marie Gerretsen
2 uie
250 ml sodawater
250 ml bruismeel
knippie sout
Meng goed, doop uie in beslag en braai.
Adele Horn
Die heel maklikste uie ringe is soos dié soortgelyk aan spur. Sny 2-3 uie in ringe (nie te breed nie) meng 1 koppie meel met sout en peper na smaak, ek sit altyd ‘n teelepel chicken spice by. Plaas uie in ‘n plastiek bak, strooi die meel oor. Sit deksel op die bak (seël goed) en skud totdat al die uie goed bedek is. Braai in warm olie tot bros en goud bruin.

Sonica Basson
150 ml bruisemeel
±100 ml Soda water/sparkling water
Kyk net die tekstuur dat dit nie te loperig is nie. Ek werk maar op gevoel daar. En dan sout en spices. Dis dit. En baie lekker! Oja en braai in olie.
Foto: Gideon Louw

IDEES MET SPINASIE
Nicolene Adams
Hi wat kan ek alles met spinasie maak behalwe room spinasie, asb. Baie dankie.
Leonie De Lange McIlroy
Ek vat opgekookte hoenderfillets en sny in stukkies en meng met gebraaide uie, gekookte spinasie en room en chicken a la king poeier.
Meng alles saam met daai balle pasta. Heerlik!
Lizz Engelbrecht
Slaai: Spinasie, aarbeie, sagte Feta kaas met heuning, vars gedrukte suurlemoensap, swart peper en sout na smaak. Diep gebraaide lemoen ringe (staan net ‘n entjie weg as jy dit in olie sit) werk ook lekker vir kleur en smaak.

Elizabeth Barnard
Ek braai spinasie en uie en bacon. Meng 500 ml melk en 3 eiers en pakkie wit uie soppoeier en gooi oor spinasie. Rasper kaas oor en bak in oond vir 45 min.
Carla Botha
Soos Elizabeth se resep hierbo gooi ek dit oor mieliepap vir my paptert. Delish.
Martie Brits
Gewone outydse spinasie met aartappel en uie gekook, fyngemaak met bietjie botter, sout en genoeg peper. Soos groenbone.
Belinda Botha
Ek maak soms ‘n lekker herderspastei met ‘n twist – ek kook spinasie saam met die aartappels vir die mash deel. Heerlik!
Lorett Brittnell
Ons eet nie meer pasta nie maar vrek oor lasagne en ek gebruik die geblansjeerde blare in plek van die pastavelle.
Michelle Taljaard
My ouma was Portugees, sy kon die lekkerste spinasie sop maak.
Sy het aartappels geskil en in kleiner stukkies gesny. Uie ook kleiner opgesny en so twee knoffel huisies ook. Sy het die drie saam gekook met knorr se hoender blokkies. As die aartappel en uie sag gekook was, het sy dit gepuree, dan het sy sommer so ‘n klomp gesnipperde spinasie ingegooi en sommer ‘n handvol rys korrels, dit hang natuurlik af van die hoeveelheid sop wat jy verlang. As die rys basies gaar is, net nie pap nie, het sy die pot van die stoof afgehaal en so ‘n lekker blerts GOEIE olyf olie ingegooi, deur geroer en so ‘n halfuur laat staan, daarna kon ons die pot leegmaak.
Oh jinne – ek mis my ouma se lekker kossies.
Mense besef nie wat hulle het voordat hulle nie meer daai spesifieke persoon of persone in hulle lewens het nie. Lekker aand vir almal.
Gillian Kruger Vermeulen
Ek maak spinasie gaar met ui, sout en peper. Sny tramezinnis oop, skep spinasie, gaar bacon en mozarellakaas in. Rooster in “sandwich press” en bedien met aartappelwiggies wat liggies met olyfolie besprinkel word en in oond gebak word tot gaar en effens bruin. Vrydagaand-tipe etes in ons huis.
Foto: Ben Herbst

ADAM SE CHAKALAKA AARTAPPELS
Resep geplaas deur Adam Cloete
Foto: Adam Cloete
FOOD LOVERS RECIPES
5 aartappels
1 groot ui in ringe gesny
1 blikkie Chakalaka (sterkte van jou keuse)
1 pakkie potato bake (geur van jou keuse)
1 geklitste eier

Skil die aartappels en kook tot gaar maar nog baie styf. Sny dit in skywe en hou eenkant. Braai die uieringe in bietjie olie tot dit begin karameliseer. Rangskik die aartappelskywe in ‘n oondbak en strooi die uie daaroor. Meng die potato bake met die chakalaka en voeg ‘n halwe koppie water of melk daarby om dit te verdun. Meng die geklitste eier daarby in. Giet oor die aartappels en bak in die oond vir ongeveer 20 minute by 180ºC tot dit gestol het.

ROBYN SE SOUT EN ASYN AARTAPPEL GEREG
Ek deel graag met julle. Hierdie is altyd ‘n wenner in ons huis.
-afhangend van hoeveel tyd ek het maak ek aartappels op een van twee maniere gaar: klein blokkies gesny en in diep olie gebraai tot goudbruin of baba aartappels in kwarte gesny en in sout water gekook tot gaar.
1 pak gesnipperde spek
1 ui, fyn opgesny
gaar aartappels
Aromat/asyn/peper na smaak/Italian herbs

Braai spek lekker uit
Gooi ui in en braai tot gaar
Voeg asyn by om en by so 4 tot 5 eetlepels
En speserye
En dan gaar aartappels
Laat so paar minute prut op laag
Hierdie is regtig ‘n moerby resep, so geen vaste hoeveelhede nie – verander na smaak

Foto en resep: Robyn Koudstaal

BEES FILLET MET BLOMKOOL PUREE
(Gebraaide babawortels, aspersies en eksotiese sampioene, Wasabi room en rooiwyn reduksie.)
Vir die blomkool puree:
1 groot blomkool kop
500 ml melk
sout
tiemie, vars takkie
Kook saam tot blomkool sag is. Dreineer en haal tiemie tak uit.
Blits in voedselverwerker. Werk dit deur ‘n sif. Bêre eenkant.

Vir wasabi room:
1 eetlepel wasabi paste
250 ml suurroom
80 ml vars room
Meng bestanddele saam en sit in ‘n spuitbottel.

Rooiwyn reduksie:
350 ml rooiwyn
350 ml port
2 lourierblare
5 peperkorrels
tiemie – vars takkies
1.5 liter beesaftreksel
1 ui, grof gekap

Braai ui in olyfolie tot deurskynend. Voeg rooiwyn, port, lourierblare, peperkorrels en tiemie by.
Kook af tot mengsel met helfte verminder het.
Voeg aftreksel by en kook weer af tot mengsel met helfte verminder het.
Vryf mengsel deur ‘n sif en sit terug in ‘n pot. Voeg 1 eetlepel egte botter by en roer deur.
Vir die groente:
babawortels
baba aspersies
pak eksotiese sampioene
egte botter
olyfolie
Braai groente apart in ‘n bietjie botter en olyfolie. Skep uit en bêre eenkant.
Vir die bees fillet:
Sny fillet in 6 cm skywe.
Smeer met bietjie olyfolie. Vryf met gerookte Maldon sout en growwe peper.
Braai in ‘n pan tot al die kante geseël is.
Plaas in ‘n oondpan in ‘n voorverhitte oond teen 180°C vir sowat 8 – 9 minute.
Haal uit en laat dit rus vir sowat 7 minute.
Smeer blomkool puree op bord. Plaas fillet bo-op, en rangskik groente soos verkies.
Spuit van die wasabi room op die bord.
Bedien saam met rooiwyn reduksie. Garneer met eetbare blommetjies.
Resep geplaas deur Charleen Nieuwenhuizen
Foto: Charleen Nieuwenhuizen