KAPOKAARTAPPEL BALLE
Resep geplaas en foto: Maryke Jonck
FOOD LOVERS RECIPES
2 koppies koue kapokaartappels
1 eier, liggies geklits
¾ koppie gerasperde cheddarkaas
½ koppie gekapte groen uie (spruituie)
¼ koppie stukkies spek (bros gebraai)
½ koppie droë broodkrummels
Olie vir braai
Plaas aartappels in ‘n groot bak en laat staan tot kamertemperatuur – ongeveer 30 minute. Roer die eier, kaas, uie en spek stukkies in. Vorm in balle, rol in broodkrummels. Sit in yskas vir 15 minute.
Verhit olie tot 180 ºC Braai-aartappel balle, slegs ‘n paar op ‘n slag vir 2 tot 3 minute of tot goudbruin. Verwyder met ‘n gaatjieslepel en drieneer op handdoek papier

PATAT- EN MALVALEKKERTERT
Ons het vir die resep 4 pakkies patats gebruik
Patats
4 kruienaeltjies
5 ml neutmuskaat
2 ml gemmmer
200 ml gesmelte margarien of botter
15 ml kaneel
100 ml bruinsuiker

Kook patats en naeltjies tot amper gaar (onthou die patats moet nog in oond bak vir so 15 min)
Smelt die botter en suiker. Voeg die neutmuskaat, gemmer en kaneel by die bottermengsel.
Pak die patats in ‘n gepaste oondpan en skep die sous bo-oor die patats.
Maak toe met foelie en bak vir ongeveer 15 -20 min.
Haal uit die oond en pak die gesnipperde malvalekkers bo-oor die patats.
Bak weer tot die malvalekkers ‘n goue bruin kleur het.

Geniet saam snoek!
Ps. Die malvalekkers smelt in die patats in, as dit ‘n rukkie afgekoel het, is die gereg dan op sy lekkerste. Enjoy!!!!
Resep en foto: Danjo Olivier

PLAT AARTAPPELS
aartappels, 1 groot vir elke persoon of 2 kleintjies per persoon
kruie en speserye
olyfolie

Kook aartappels sag, sit dit op ‘n bakplaat, en vat die “masher” en druk dit lekker plat met ‘n harde druk. Gooi bietjie olyfolie en kruie en spesrye oor, sout en swart peper en as verkies feta kaas of net wat jy van hou. Sit dit in die oond op 220°C vir so ongeveer 15 min tot lekker bros en bruin. Ek het dit vandag sommer onder die grill gehad, want ek was haastig, maar in die oond raak dit lekker bros.

Nota: Vir ‘n ligte maaltyd kan mens ‘n lekker stukkie hoender  of hoendermayo of tuna ook opsit, kaas oor rasper en bak.  Dit is ‘n heerlike ligter ete.
Foto en idee:  Rina Kleinhans

“BABY MARROW” SOUFLE

Mens moet maar die resep aanpas vir die hoeveelheid mense.
Hierdie is genoeg vir 4 mense.  As jy dit nie in die klein brood pannetjies wil bak nie, kan dit in ramekins gebak word, dan het jy sommer ‘n lekker porsie per persoon.

4 – 5 groterige “baby marrows”, gerasper
1 groot wortel, gerasper
1 prei, ongeveer 10 cm of na smaak, gerasper
2 eiers, goed geklits
50 ml melk
60 ml koekmeel (¼ koppie)
1 eetlepel bruinsuiker
½ teelepel bakpoeier
sout en vars gemaalde swartpeper
½ teelepel Ina Paarman vergetable seasoning
gerasperde kaas vir bo-oor

Meng gerasperde groente met die meel, bakpoeier en suiker.
Klits eier en melk saam en meng by groente in.
Gooi sout/peper en kruie by en proe vir smaak, pas aan indien nodig.
Skep in klein broodpannetjies of ramekins, strooi bietjie kaas bo-oor.
Bak by 180°C vir ongeveer 20 min of tot gaar.
Keer uit en bedien saam met enige warm ete of steak.
Resep en foto: Rina Kleinhans

2k hoenderaftreksel;
1 lourieblaar;
3 swartperperkorrels
1kg brusselse spruite;
bietjie olie;
1 ui, fyn gekap;
1/2t vars gekapte knoffel;
1pak spek in blokkie gesny;
1/2t droe gemengde kruie;
sout en peper na smaak;
sous
1k mayonnaise;
3e suiker;
knippie sout
verhit hoenderaftreksel, lourierblaar en peperkorrels saam. voeg brusselse spruite by, plaas deksel op en stoom ongeveer 15min. dreineer. verwyder lourierblare en peperkorrels. verhit olie en sorteer ui en knoffel tot sag. voeg spek en kruie by. sorteer tot gaar. geur met sous en peper. meng spekmengsel met spruite.
sous
meng bestanddele vir sous en sit saam voor of skep bo-oor net voor opdiening.

Benhet Nieuwenhuis

Maak lekker diep snye in die koolkop soos op die foto hieronder

Ek het plaasbotter met knoffel, roomkaas en cheddar gemeng en gegeur en saam met bacon in die snye gesmeer. Bacon bo-op gesit. Lekker swartpeper oor gemaal en in die oond in foelie gebak. Ek het dit in my gasstoof op 375 grade vir so ‘n uur gebak. Dit was baba kool wat ek in die oggend gepluk het. ‘n Groot kool gaan seer sekerlik langer vat. Moet dit net nie te lank bak nie, want hy moet nog lekker bros wees.
Heerlik verby.

CAROL SE PAMPOENTERT
2 koppies gaar pampoen
4 eetlepels suiker
3 eetlepels botter
2 eiers
½ koppie koekmeel
1 teelepel bakpoeier
sout
½ koppie melk
gerasperde neutmuskaat
fyn naeltjies en kaneel

Maak die pampoen heeltemal fyn. Laat afkoel.
Voorverhit die oond tot 180 ºC.
Klits die suiker en botter tot romerig. Voeg die eiers een vir een by – klits aanhoudend. Sif die meel, bakpoeier en sout saam en voeg om die beurt met die melk by die eiermengsel. Voeg die gaar pampoen by. Moenie te veel roer nie. Skep die mengsel in ‘n gesmeerde oondbak en strooi speserye bo-oor. Bak vir 30-45 minute.
Persoonlike wenk: Ek strooi allerhande pitte bo-op asook growwe bruin suiker – hierdie pampoentert is heerlik warm of koud en vries ook baie goed!
Resep en foto:  Carol Visser

GEVULDE AARTAPPELS

Op die eerste foto is die uie, aartappels en ham, sny die aartappels soos op die prentjie,  sit ‘n skyfie ui en ham in elke gleuf, sit bietjie sout oor en bak in die oond, sodra die aartappels sag is, gooi gerasperde kaas oor en bak tot kaas gesmelt. Dit is hoe ek dit verstaan, hoop dit kom lekker
n/s ek is seker mens kan ook knoffel of net waarvan jy hou hier by sit