1 bottel Grapetizer
1 bottel Rooi druiwesap
2L Sodawater
2L Limonade
2 tot 3 eetlepels rooswater
Meng alles en sorg dat jy genoeg rooswater in het, sodat dit na rose proe.
Wanneer jy dit in n glas bedien, sit so 1 tot 2 roosblare in die drankie…

BRON- Marion Lowings

AARTAPPELWYN
Skil 2 groot aartappels en rasper dit fyn.
Voeg daarby:
5 liter louwarm water
2 kg karamelsuiker
1 kg rosyne
350 g koringkorrels
die fyngerasperde skil en sap van 2 groot suurlemoene
30 g aktiewe droëgis.
Bedek die houer met ‘n doek en laat die mengsel gis. Roer dit af en toe. Syg die mengsel na 3 weke deur en bottel die filtraat. Die wyn sal na ‘n maand helder word. Voeg ‘n bietjie witsuiker by in elke bottel en kurk toe. Die wyn is nou reg om gedrink te word, maar hoe langer dit verouder, hoe lekkerder smaak dit.

Bron: Onthou jy nog? Anna Eksteen

LEMOEN SLUSH PUPPY

Het die reseppie gekry hoe ek dit toerentyd gemaak het.
5 liter water
4 koppies suiker
2 teelepels wynsteensuur
4 teelepels kremetart
15 – 20 ml geursel

Meng alles saam tot suiker opgelos is, voeg kleusel by, vries, skraap soos roomys. Enige geursel en voedselkleursel kan gebruik word. Ek het sopas 5 liter gemaak, lemoengeursel gebruik.

NOTA:  Jy kan enige vrugte verpulp en ook bysit.

Resep en foto: Annelie van Niekerk

SUURMELK/DIKMELK [MAGOU]

As mens wil egte dikmelk maak dan is dit beter om met ongepasturiseerde melk te begin, en dit vir ‘n paar dae buite die yskas te las om suur te word. Dit is nogal moeilik om ongepasturiseerde melk te kry, maar soek gerus na ‘n melkboer in die omgewing.
Om dikmelk van plaasmelk te maak moet jy die vars melk (vars warm melk) buite laat staan vir ‘n paar dae, dis nou buite die yskas. Toets maar gereeld deur te proe hoe dit vorder. Dit neem so 24-48hr  sodra dit lekker dik is, loer goed deur en sit in die yskas.  Geniet dit, my oorl. Pa het dit met suiker in gedrink, dit is heerlik

DRIE IN EEN MAROELA RESEP
Graag stuur ek vir jou ‘n resep wat om alles met maroelas te doen. Die beste van alles is jy gebruik dieselfde maroelas!!
3 kg maroelas (2.5 kg ryp en 500 g groenerig)
Kneus maroelas en maak ‘n snit so halfpad oor elkeen. Sit in plastiese skottel.

Maroela koeldrank:
Smelt die volgende saam:
10 koppies suiker
10 koppies kookwater
3 teelepels Engelse sout
3 teelepels wynsteensuur
4 teelepels sitroensuur

Gooi hierdie mengsel kokend oor maroelas. Laat oornag staan.
Syg die volgende oggend deur. Hou sap in yskas en verdun na smaak met yswater om te drink.
Let wel! Jy kan dieselfde maroelas weer gebruik en die resep weer oor maak. Dit kom net so lekker. Of jy kan die volgende daarmee doen:

Maroela jellie:
Bedek maroelas met water en kook stadig tot sag. Laat afkoel. Gooi deur ‘n sif. Met hierdie vloeistof kan jy nou maroela jellie kook.
Gebruik 2 koppies van die vloeistof en 1 koppie suiker. Bring tot kookpunt oor matige hitte.
Voeg 1 eetlepel suurlemoensap by en kook tot jellie stadium.
Skep bietjies op piering uit om te toets tot jellie.

Maroela konfyt:
Gebruik dieselfde maroelas. Druk die pitte uit en gooi weg.
Gebruik die pulp en skille (gemors) om heerlike konfyt te kook.
Gebruik 1 koppie suiker vir elke 2 koppies gemors.
Verhit oor matige hitte en kook tot konfyt.
Baie lekker en mens het net die pitte weggegooi.

HOENDERKOP MAROELAS

Nog iets met maroelas.
Neem lekker ryp maroelas, prik oral met ‘n stopnaald, pak in gesterileerde fles, gooi enige wit drank oor tot die bottel amper vol is. (Cane , vodka of Gin)
Gooi ongeveel ‘n halwe koppie strooisuiker bo-oor, maak die bottel heeltemal vol met die drank en seël.
Skud die bottel en bere in donker kas vir so twee weke. Heerlik op roomys.

Resep:  Martie Fourie Moolman

GEBRUIKE VIR TURKSVYSTROOP
Vermeng 350 ml turksvystroop en 150 ml rum, bottel die mengsel en kurk dit toe. Laat 6 maande verouder. Skink dit as Likeur

Gebruik Turksvystroop die die plek van suiker oor melkkos of mieliepap.

Versoet bruismelk daarmee

Giet dit oor wafels of roomys

Stowe groente soos patats, wortels en pampoen en vrugte soos kwepers of droe perskes in turksvystroop.

GEMMERBIER KRISTAL PLANTJIE
PLANTJIE
56 g bakkersuurdeeg – die blokkies
1 koppie water
2 gelykvol teelepels suiker
2 gelykvol teelepels fyn gemmer

KRISTALLE
2 suurlemoene
2 koppies kookwater
2 koppies suiker

BIER
1 koppie kristalle
2 koppies suiker
2 teelepels gemmer
24 rosyne
8 koppies water

PLANTJIE
Sit suurdeeg in ‘n glasfles.
Voeg die res van bestanddele by.
Hou die plantjie in die yskas.
Voer die plantjie vir 7 tot 10 dae elke tweede dag met 1 teelepel suiker en 1 teelepel gemmer.
Dreineer deur gaasdoek en hou die afsaksel. (Moenie die vloeistof weggooi nie!!)
Die afsaksel kan weer gebruik word.
Dit word gevoed met 1 teelepel suiker en 1 teelepel gemmer (soos hierbo).

KRISTALLE
Neem nou die vloeistof wat jy afgegooi het en voeg die sap van 2 suurlemoene, 2 koppies kookwater en 2 koppies suiker by.
Roer tot die suiker opgelos is.
Vul aan met water tot daar 4½ liter vloeistof is.
Gooi in bottels.
Laat staan oop vir 2 uur en skroef dan toe.
Wanneer die kristalle klaar gevorm is en jy wil nie die suurlemoen water gebruik nie, kan jy jou bier maak.
Gooi dit deur gaasdoek om kristalle te bekom.

BIER
Meng al die bestanddele en gooi in bottels.
Dis reg vir gebruik ná 2 dae.

BRON- Sonja Mulder

GINGER BEER
Makes: 3-4 bottles
635 g (750 ml) sugar
15 ml ground ginger
7 g instant dried yeast
12 sultanas

Heat 2 ½ litres of water along with the sugar in a saucepan. Stir until the sugar has dissolved and then remove the saucepan from the heat.
Add two litres of cold water and stir in the ground ginger.
Leave the mixture to cool until it is lukewarm, then pour 125 ml of the liquid into a bowl or jug. Add the yeast and stir until dissolved. Stir in the rest of the liquid.
Use a funnel and pour the liquid into cleaned and sterilised bottles that have screw tops. Add a few sultanas to each bottle.
Close the bottles tightly with a lid and leave at room temperature for about 24 hours. Transfer the bottles to the fridge. When the sultanas rise to the surface, the ginger beer is ready to drink.