NEDERIGE HOENDERVLERKIES
Kook op stoof of in ‘n bak in die mikrogolf tot net gaar. Dreineer en druk droog met’ n lappie. Diepbraai in olie tot net crispy. PASOP DAT DIE OLIE NIE SPAT NIE.

Dreineer en plaas op medium kole of gasbraaier. Sprinkel jou gunsteling hoender speserye oor en smeer af en toe met wat jy ookal in die kas het. Ek het Champion braai sous gebruik. Ander werk net so goed.
Draai gereeld om en kyk dat die vlerkies nie brand nie. Voor jy dit afhaal smeer een laaste keer.
As jy haastig is en jy het ‘n gasbraaier is die baie gou reg.
Resep en foto:  Nicolaas Martinus Swanepoel

Vlek hoender borsies en geur met paprika, knoffel, suurlemoen, vras gemaalde swart peper, gemengde kruie.   Pak baba spinasie blare, fetta kaas en rol toe.   Ek gebruik foil bakkie om in te pak.    Bedruip met suutlemoen en olyf olie.    Laat dit maar staan tot dit moet vuur toe.   Draai toe in foil en laat gaar word op die kole.

Hendrik Markgraaff

VARKRIBBETJIE MET BLATJANGSOUS
Genoeg vir 6 mense
Marinade:
100 ml olie
250 ml (1 koppie) matige blatjang
60 ml (¼ koppie) suurlemoensap
60 ml (¼ koppie) lemoensap
60 ml (¼ koppie) worcestersous
10 ml (2 teelepels) heelkorrel mosterd
1 knoffelhuisie, fyn gedruk
Vleis:
1 varkribbetjie van 2,5 kg
sout

Marinade:
Meng al die bestanddele en giet oor die vleis.
Laat staan terwyl die kole gereedgemaak word, of oornag indien verkies.
Vleis:
Geur die ribbetjie met die sout en braai dit 1 – 1½ uur hoog bo warm kole.
Verf gereeld met die marinade.

Foto:  Nella Kootstra
Ek het dit in die oond gebak en kort kort die sous oorgeskep.

PETRO SE AARTAPPELKOEK
6 eiers, lig geklits
60 ml olyfolie
3 aartappels, gerasper
150 g spinasieblare, geskeur
sout en swartpeper
250 ml melk
250 ml koekmeel
2 uie, gerasper
30 ml tiemie, gekap
olie

Klits eiers, melk en olie. Sif meel by en roer stadig by eiermengsel in om sagte deeg te vorm. Voeg aartappels, uie, spinasie en tiemie by en geur goed met sout en peper. Verhit olie in groot pan en giet mengsel daarin. Kook oor warm kole tot geset aan onderkant. Bedek bokant met foelie, plaas warm kole bo-op en verhit tot bruin en gesit, ongeveer 15 – 20 minute. Bedien met fetakaassmeer en bros gebraaide baconrolle of rashers.
Resep:  Petro Calitz

GEROLDE SKAAPRIB OP KOLE
1 ontbeende Skaaprib
Spek
Kaas
Sout en peper
Plaas die kaas en spek op die rib.  Rol op en bind vas.
Sout en peper na smaak buite om. Draai toe in foelie.
Braai oor kole of plak foelie binne en buite in n groterige kartondoos en plaas bo-oor rib sodat dit as oond dien.
Braai ongeveer 2 ure.
Sny in skywe en bedien.
Resep:  Petro Calitz

GEKRUIDE SKAAPRIBROL
1 ontbeende skaaprib
15 ml koljandersaad
1 liter kookwater
2 uie, halveer
15 ml vars roosmaryn
5 ml sout
250 ml droë witwyn
50 ml asyn
250 g gemengde droëvrugte
250 g spek
125 ml broodkrummels
30 ml pieterselie
swartpeper

Sny oortollige vet af.  Vryf asyn en koljander oor rib en laat staan 2 ure lank.   Week droëvrugte 30 minute in kookwater, dreineer en sny fyn.
Braai spek en dreineer.
Braai uie, voeg by spek met broodkrummels, droëvrugte, kruie, sout, peper en wyn.  Prut tot effens verdik en laat afkoel.
Rol rib oop, skep vulsel oor lengte en rol styf op. Bind vas.
Braai oor warm kole tot bruin.  Lig rooster hoër en bedek vleis met tinfoelie en braai tot gaar. Draai gereeld om.
Resep:  Petro Calitz

GEMMERPATATS
Resep:  Petro Calitz
FOOD LOVERS RECIPES

6 patats, geskil
50 ml olyfolie
½ pakkie gemmerkoekies, fyn gemaak
5 ml sout
sap van 1 suurlemoen
250 ml gouestroop
60 ml bruinsuiker

Sny patats in wiggies en plaas op tinfoelie. Giet sap en helfte van olyfolie oor.
Meng stroop, koekkrummels, suiker, en sout en sprinkel oor.  Giet res van olyfolie oor.
Vou toe en braai oor matige hitte.

KERRIE BRAAIHOENDER
± 1,2 kg hoender
15 ml kerrie
15 ml suurlemoensap
50 ml botter
sout en swartpeper
½ ui, gekap
½ hoender aftrekselblokkie, gekrummel

Plaas hoender met borskant na onder. Sny hoender deur. Druk plat. Geur met sout en peper. Maak vel los oor borsbeen en dye deur hand onder vel in te druk. Meng bestanddele en druk dit onder vel in. Plaas hoender oor matige kole met velkant na bo en bedek met foelie. Rooster ongeveer 1 uur.

Resep:  Petro Calitz

GEBRAAIDE SNOEK OOR DIE KOLE
lekker kort kort gesmeer met egte botter en appelkoos konfyt wat gesmelt is sout en peper.

Rina Neethling :
As ons snoek braai maak ek n sousie van:
Gesmelte Botter
Mayonaisse
Appelkoos Konfyt
1 suurlemoen se sap
Bietjie fyn Knoffel

Smeer dit heeltyd op snoek terwyl dit braai
Heerlik!!!

Foto:  Marie Rheeder Troskie

GEVLEGDE VARKFILETTE (VARKSISTERS)
Neem ‘n vark fillet en sny plat stroke +- 300mm lank en 75mm wyd.
Sny dit dan oor die lengte in drie ewe wyd stukke, maar nie heeltemal deur nie en dan vleg jy die drie punte soos jy ‘n ponytail vleg en steek die drie eindpunte met ‘n tannestokkie vas.
Marineer dan in jou eie keuse van marinade of speserye.
Resep en foto: Gideon Louw