AANPASBARE KARRINGMELKBESKUIT
Dis ‘n resep wat ek altyd gebruik van my vriendin. Het vandag net muesli en sonneblom sade ingesit.
1 kg bruismeel
250 g botter
2 eiers
5 ml sout
10 ml bakpoeier
250 ml suiker
250 ml karringmelk

Smelt botter in kastrol. Voeg suiker by en roer tot opgelos. Voeg melk by en laaste geklitse eier. Voeg by droë bestanddele en meng goed. Jy kan enige iets by sit soos 1 koppie semels of All Bran, klapper enige iets. Druk in pan plat en sny met sny apparaat. Bak vir 30 min by 180 ºC.

Foto: Marlene Minderon

HEIDI SE KONDENSMELKBESKUIT
1 blikkie kondensmelk
2 x 25 g koekies vars suurdeeg, gekrummel
400 ml kookwater
250 g botter
2.5 kg koekmeel
500 ml koue water
3 eiers geklits
25 ml sout
200 g suiker
(Ek sit my eie anys by – het nie hoeveelheid nie)

Giet kondensmelk in mengbak.
Spoel blikkie uit met 100 ml lou water.
Voeg suurdeeg by.
Laat staan tot skuimerig.
Voeg kookwater, botter en suiker by.
Roer tot botter gesmelt is en suiker opgelos is.
Voeg koue water, eiers en suurdeeg (geaktiveerde) en helfte van meel by.
Meng deeglik tot ‘n gladde beslag.
Bedek en laat rys vir +/- 1 – 2 ure, tot sponsig.
Knie insuursel af.
Voeg sout en res van meel by.
Knie tot sagte deeg vorm.
Strooi nog meel by indien nodig.
Bedek deeg.
Laat op effens warm plek rys vir 2 – 3 ure.
Knie deeg af en vorm balletjies so groot soos ‘n golfbal.
Die balletjies moet so groot wees dat dit ‘n 1/3 van pan se diepte lê.
Plaas balletjies styf teenmekaar in panne.
Laat weer rys op warm plek tot verdubbel in volume.
Bak +/- 45 – 50 min by 160° C.
Bedek beskuit met foelie (blink kant bo) as dit te gou verbruin.

Nou, ek het die lekker lang beskuite gekry met hierdie resep en koekie suurdeeg.
Met die kitsgis, sulke “stocky” beskuite.
Dit was my oorlede skoonma se resep vir jare.
Hoop jul geniet dit!!
Ek rys ook my beskuit in ‘n warm kar aangesien ek ‘n vrieskas vir ‘n huis het.
Resep: Heidi Olivier
Foto:  Nicolette Papas
Baie lekker!

WEETBIX BESKUIT
650 gram of 5 x 250 ml koekmeel
50 ml bakpoeier
10 ml koeksoda
10 ml sout
750 ml nutty wheat meel
500 ml gekrummelde weetbix
500 gm botter
500 ml karringmelk
500 ml suiker
10 ml bruin asyn
2 eiers

Smeer oondpan, stel oond op 200º C.
Sif droë bestanddele sonder suiker.
Voeg weetbix by en meng.
Vryf botter in tot krummels gevorm is.
Voeg by meelmengsel en meng tot sagte deeg.
Druk deeg vas in gesmeerde oondpan.
Sny in stroke vooraf met mes in meel gedruk.
Bak 30 min tot bruin en gaar.
Breek op en droog uit.
Nota:  Ek het sommer handvol sultanas ingegooi.
Vars filter koffie en beskuit.
Geniet.
Easy peasy en maak ook baie.
Resep: Nina Meyer

BUTTERMILK/CRANBERRY BRAN RUSKS
7 cups self-raising flour
1 1/2 cup sugar
5 cups All Bran flakes
1 cup sunflower seeds
1 cup mixed seeds (use any seeds you like)
1/2 cup cranberries (or raisins)
1/2 cup coconut flakes
1 teaspoon baking powder
1 teaspoon salt
3 eggs, lightly whisked
2 cups buttermilk
2 cups butter, melted

Preheat the oven to 180*C and grease a large oven dish with butter.
Mix all the dry ingredients together in a large mixing bowl.
Make a big hole in the centre and add the eggs, buttermilk and butter. Mix well using a wooden spoon or your hands until it forms a dough.
Place the dough into the oven dish and press evenly.
Bake for 30-40 minutes or until golden brown.
Once ready, remove from the oven and immediately turn out on a working surface.
Cut into finger shapes and place back onto the oven dish.
Dry in a 100*C oven overnight or for at least 9 hours, leaving the oven door slightly open for moisture to exit.
Store in a airtight container.

* Replace the sunflower seeds with any nuts or seeds available.

Recipe and photo:  Amanda Conradie – Was net in ń bui om iets te bak. Het al die bestanddele gehad en toe besluit om iets lekker te maak. Defnitief die moeite werd!

OUTYDSE KARRINGMELKBESKUIT
1.5 kg bruismeel
10 ml sout
250 ml suiker
375 g botter
500 ml karringmelk
3 eiers

Meng meelblom, sout en suiker in groot mengbak. Vryf botter in of smelt botter en meng goed. Klits karringmelk met eiers en voeg by. Knie goed. Hou aan knie tot deeg ‘n bal vorm.
Rol in balletjies dubbel grootte van golfbal. Pak in 2 gesmeerde broodpanne van 26 x 9  x7.
Ek moes 3 gebruik.
Bak 30 min by 200ºC en dan nog 30 min by 180ºC in vooraf verhitte oond.
Keer uit, breek los en breek dan met mes in beskuite.
Rangskik op koekieplate en droog uit by 120ºC of in lou oond.
Nota:  Ek het bolle in helfte gesny. Lewer regtig baie, en soos ek my dogter sê, gee nie sooibrand soos winkelbeskuit.
Foto en resep:  Nina Meyer

HEERLIKE MUESLI BESKUIT
Foto en resep: Elaine Steyn Steyn
FOOD LOVERS RECIPES
Het hierdie resep uit ‘n paar ander resepte saamgestel gisteraand.
7 x 250 ml nutty wheat meel
10 x 5 ml bakpoeier
5 ml sout
5 x 250 ml Muesli met neute en rosyne
2 x 250 ml treacle suiker
500 ml karringmelk
2 eiers
500 g botter / bak margarien

Meng droë bestanddele saam. Smelt botter en suiker saam. Klits eiers en karringmelk. Meng alles saam en druk vas in gesmeerde pan. (Ek het ‘n groot oondpan gebruik). Bak vir sowat 1 uur by 180 °C tot gaar. Sny soos verkies en droog oornag uit by 80 °C.

MAKLIKE SEMELBESKUIT
2 x 500 g bruismeel
5 koppies semels
3 teelepels bakpoeier
2 teelepels sout
500 g Stork Bake
2 koppies suiker
½ koppie olie
2 eiers
500 mℓ karringmelk

Sif droë bestanddele saam. Smelt margarien. Voeg suiker, olie, eiers en karringmelk by margarien en roer tot suiker opgelos is. Gooi by meelmengsel. Bak vir 1 uur by 180⁰ C in ‘n oondpan. Sny soos verkies en droog uit.
Resep geplaas deur Yolandé Van Der Westhuizen

NICOLINE SE HEERLIKE BESKUIT
Suurdeeg:
3 pakkies pers kitsgis
1 blik kondensmelk
6 eiers
2 koppies louwarm water
4 koppies meel

Gooi water en kondensmelk in ‘n groot kastrol. Voeg eiers en gis by. Klits goed. Roer meel by en sit op warm plek om te rys tot kastrol vol gerys het.

Res van bestanddele:
21 koppies koekmeel
500 g botter/ margarien
2 koppies suiker
20 ml sout
3-4 kopppies louwarm water

Terwyl suurdeeg rys, voeg meel, suiker en sout bymekaar. Vryf botter in. Voeg nou sodra die suurdeeg gerys het dit by die meelmengsel en meng. Voeg louwater by tot deeg hanteerbaar maar redelik styf is. Knie tot deeg van vingers afval.
Laat rys op warm plek tot deeg dubbeld die grootte is. Min of meer ‘n uur. Smeer hande met gesmelte botter/ margarien of olie.
Maak bolletjies en sit in panne. Laat rys tot bo in panne. Bak in oond van 180°C vir 45 min. Ek sit foelie bo-op panne sodat die beskuit nie te donker bak bo-op nie. Ek het 3 groot panne beskuit volgemaak.
Resep en Foto: Nicoline Crafford

ALTA SE SADE BESKUIT
(120 stukkies)
500 g botter
2 koppies bruinsuiker
1 koppie olie
12,5 ml vanielje
500 ml karringmelk +¼ koppie
2 eiers
1 kg bruismeel
15 ml bakpoeier
5 ml sout
50 ml klapper
1 koppie semels
½ koppie Nutty Wheat
1 koppie Oats
½ koppie van elk, sesame saad, lynsaad, sonneblomsaad, poppysaad, (kan ook byvoeg), pampoensaad en pekaneute

Smelt botter en suiker saam. Klits, vanielje karringmelk, olie en eiers saam, voeg by botter mengsel, voeg by droë bestanddele en meng goed.
Bak 20 min in 180°C oond vir 20 min.
Dan 15 min by 160°C, of tot gaar, oonde en lugdruk verskil nogal.
Dit is ‘n baie sagte deeg.
Resep en Foto: Alta Gunter Van Dyk

MARANDA SE “OGGEND BEDERF” BESKUIT
Vir donkie jare lank al bak ek my Ouma se beskuit en toe kom my Ma eendag met die lekker resep by my aan. Ek bak die resep nou al uit my kop uit en het nog nooit ooit weer sulke lekker beskuit geëet nie.
3 eiers
625 ml suiker (2.5 koppies)
625 g (1.5 koppies) gesmelte botter
750 ml karringmelk (3 koppies)
1.25 liter bruismeel (5 kp) 748 g
500 ml (2 koppies) Nutty wheat highbran wheat flour (248 g)
15 ml bakpoeier (1 eetlepel)
5 ml sout(1 teelepel)
15 stafies Wheetbix, opgebreek
2 koppies Vanilla Muesli Woolies
125 ml sesame saad of sonneblomsaad

Verhit jou oond tot 180 grade C.
Klits eiers en suiker tot wit en lig.
Voeg afgekoelde botter en suiker by en hou eenkant.
Meng bruismeel, nutty wheat meel, bakpoeier en sout in bak.
Voeg by wheetbix, muesli en sonneblomsaad of sesame saad.
Voeg nou karringmelk mengsel by droë mengsel.
Skep in beskuitpan en bak vir 50 minute.
Breek in stukke en droog uit oornag teen 70°C.
Notas:
Die geheim is die muesli, moet dit nie vervang nie.
Jy kan 6 koppies All Bran gebruik in plek van Wheetbix.
Ek gebruik Cordon Blue botter.
Dit pas baie lekker in my beskuitpan.
Resep: Maranda Van Dam