KONDENSMELK BESKUIT
1,5 kg bruismeel (SR)
250 g botter
200 g suiker
1 blik kondensmelk (397 g)
10 ml sout
2 teelepels bakpoeier
2 eiers
2 kondensmelkblikkies met water (of bietjie meer)

Sif droë bestanddele saam.
Vryf sagte botter met vingers in tot soos broodkrummels lyk.
Maak holte in middel van mengsel en meng die kondensmelk, water en eier en gooi by.
Meng alles goed (met jou hande) om ‘n redelike stywe deeg te vorm.
Maak balletjie en trek langerig en pak in gesmeerde broodpanne.
Ek het sommer my hande met spray en cook gespuit, dan werk die deeg makliker.
Bak nou in voorverhitte oond van 180gr C vir 1 uur
Haal uit, laat bietjie afkoel en verdeel
Nou reg vir uitdroog
Voila… dit smaak lekker (ook nie te soet nie).
Bron: Beatrix Erasmus
aangepas en foto:  Louise Groenewald

BRUISMEEL-KONDENSMELK-BESKUIT
Resep:  Carol Elliott Claassen
Foto:  Johan Westenberg
FOOD LOVERS RECIPES
1.5 kg bruismeel
250 g margarien
200 g suiker (250 ml)
1 blik kondensmelk (397 g)
10 ml sout
1.5 – 2 kondensmelkblikke water (of meer)
15 ml anys

Sif droë bestanddele goed saam. Voeg anys by en meng.
Vryf margarien met vingers in tot soos broodkrummels lyk. Maak holte in middel van mengsel en gooi kondensmelk en water by. Meng goed om stywe deeg te vorm. Maak bolletjies en plaas in gesmeerde pan.
Bak in oond van 180°C vir 1 uur. Haal uit en laat afkoel, verdeel en droog in louwarm oond.
Foto:  Johan Westenberg – gebak sonder die anys

GOU BESKUIT
Resep: Riana Du Plessis
FOOD LOVERS RECIPES
4 x 500 g bruismeel of 3 x 500 g koekmeel en 4 koppies semels
4 eiers geklits
500 g botter gesmelt
1 ½ koppies suiker (ek gebruik 2)
knippie sout
1 teelepel bakpoeier
Sif meel , sout en bakpoeier saam.
Smelt botter en 1 koppie water.
Koel effens af.
Klits 4 eiers en 1 koppie koue water en suiker goed.
Voeg alles bymekaar. Skep in ‘n voorbereide pan.
Bak in oond by 180ºC vir 35 min.

ROLINE SE KARRINGMELK BESKUIT
1 kg bruismeel
5 ml bakpoeier (1 teelepel)
10 ml sout (2 teelepels)
2 eiers, geklits
190 ml suiker (¾ koppie)
190 g margarien, gesmelt
500 ml karringmelk
Sif die bruismeel, bakpoeier en sout saam.
Klits die eiers, karringmelk en suiker saam.
Voeg die eiermengsel in die droë bestanddele in.
Knie liggies en voeg die botter bietjie vir bietjie by terwyl geknie word.
Maak bolletjies van die deeg en pak in broodpanne.
Bak dadelik in die oond by 180°C vir 50 minute.
Keer uit, breek in stukke en droog uit.
VARIASIE:  Gebruik ‘n vol koppie suiker en 1 koppie klapper en bak in brood panne soos brood, sny dan beskuit en droog uit.

Resep: Roline De Beer
foto: Linda venter

SJOKOLADE BESKUIT
Resep geplaas: Jana Prinsloo
Foto 1 en nota: Erica Cosjin
FOOD LOVERS RECIPES
900 g bruismeel
75 g kakao
10 ml bakpoeier
1 koppie donkerbruin suiker
3 ml sout
375 ml klapper
250 g margarien (Stork bake)
500 ml karringmelk
2 ekstra groot eiers, geklits

Meng die droë bestanddele saam in ‘n mengbak en plaas eenkant.
Smelt die margarien en voeg die eiers en karringmelk by, roer tot gemeng.
Voeg die margarienmengsel by die droë bestanddele en meng deur tot goed gemeng.
Druk die deeg in ‘n gesmeerde beskuitpan en bak in ‘n voorverhitte oond vir 45 min by 160°C (waaier oond) of vir 1 uur by 165°C (gewone oond).
Sny die gaar beskuit in vorms van eie keuse en droog oornag uit by 50ºC.

Nota – Erica Cosjin – Vir die pan op die foto het ek die beslag 1.5 keer aangemaak. Smaak net soos “Romany creams”.

OAT BRAN EN ROSYNTJIE BESKUIT
1 kg bruismeel
1 boks Jungle Oats Bran
2 koppies suiker
500 ml karringmelk (500 ml melk + 3 eetlepels  wit asyn)
250 g koekmeel
125 g rosyntjies
3 eiers
500 g Storke Bake
1 eetlepel bakpoeier
sout

Smelt margarien en suiker in mikrogolf. Hoog vir 1 minuut of tot gesmelt en roer goed.
Meng meel, oat bran, bakpoeier en sout.
Klits eiers en melk saam.
Giet melkmengsel by suiker en margarine en roer goed.
Voeg meel by en maak aan tot ‘n sagte deeg.
Bak ongeveer 1 uur by 180ºC.
Laat afkoel en sny beskuitvingers soos verlang.
Resep geplaas deur Diane Roode Hancox
Foto: Diane Roode Hancox.