KARRINGMELKBESKUIT MET KITSGIS
Karringmelkbeskuit wat rys:
1 kg koekmeel
10 ml sout
1 koppie suiker
20 g Anchor-kitsgis
500 ml karringmelk
100 ml margarien
2 groot eiers (geklits)
lou warm water
geklitste eier om mee te bestryk
Meng die meel, sout en suiker.
Voeg die gis by en meng goed.
Verhit die karringmelk tot louwarm en smelt die margarien daarin.
Laat hierdie mengsel afkoel.
Voeg die karringmelkmengsel en geklitste eier by die droe bestanddele met genoeg louwarm water om ‘n sagte deeg te vorm.
Knie die deeg 10 min goed tot glad en elasties.
Bedek met gesmeerde plastiek en laat rys vir 30 minute. rol bolletjes en pak in gesmeerde panne.
Bedek weer met gesmeerde plastiek en laat rys tot dubbel so groot (ongeveer 60 minute).
Stel oond op 180ºC. bestryk deeg met geklitste eier en bak 30-35 minute of tot gaar en goudbruin.
Resep geplaas duer: Marietjie van der Merwe

MARIE SE GROWWE BESKUIT

1,5 kg bruismeel
300 g all bran flokkies, effe fyn gedruk
10 ml bakpoeier
5 ml sout
500 ml suiker
400 ml sagte botter of margarine
2 eiers, geklits
500 ml karringmelk
300 ml kookolie
1 koppie sonneblom pitte

Stoof op 180ºC vir 40 minute.

Sif bruismeel, bakpoeier en sout saam in groot skottel.
Voeg suiker en all bran vlokkies by en meng.
Meng en klits alle nat bestanddele saam, meng goed met droë bestanddele en knie verder goed tot ‘n ferm deeg. Bak en droog uit. 40 minute op 180ºC.

Resep en Foto: Marie Rheeder Troskie

MARLIZE SE BOERBESKUIT

INSUUR
lou water
1 teelepel sout
1 teelepel suiker
broodmeel
1 aartappel

Kook die water en laat afkoel tot amper lou, skil aartappel, sny in 3 en sit in water, voeg suiker en sout by. Strooi meel bo-oor nie baie nie “net water toe maak” en maak goed toe Laat rys tot volgende oggend

KNIE:
10 koppies meel
2 teelepels sout
ongeveer 100 g sagte margarien

Smeer panne en sit oond aan. Lou water byderhand ongeveer 500 ml
Meng meel en sout , haal aartappels uit suurdeeg en gooi suurdeeg in en knie deur water bietjie bietjie by te sit tot die deeg lekker knie en elasties is, nie pap nie. As jy klaar is met water geknie, knie margarien  in die deeg in voor opmaak in panne. Jy kan bolletjie maak en in die panne pak of jy kan dit soos ‘n brood bak.  Wanneer deeg in panne is smeer margarien bo-oor. Sit plastiek sakke bo-oor en laat rys tot amper vol by 70°C.
Maak oond dan warm tot 200°C, bak vir 30 min  draai oond af  na 180°C en dan weer 30 min. Wanneer jy op die brood klop sal dit hol klink dan is dit gaar, gooi dan uit. Sny in beskuite en droog uit of eet net so met botter en stroop.

Resep en foto:  Marelize Van Wyk

FRIKKIE SE KARRINGMELK BESKUIT

Meng saam en hou eenkant.
1 kg bruismeel
1 teelepel bakpoeier.
Smelt 250 botter oor lae hitte.
Voeg 1 koppie suiker en 1 eetlepel sout by en roer tot gesmelt.
Voeg 500 ml karringmelk en 4 geklitsde groot eiers by.
Meng natbestanddele met die droë bestanddele en knie tot glad.
Maak pan op en bak by 160 ºC vir ‘n uur.
Koel af, breek/sny en droog by 80ºC uit vir 4 tot 7 ure.

Resep: Frikkie Jones

BROS SEMEL BESKUIT

Meng 8k meel
8k semels
3ksuiker
1t sout
12 t bakpoeier
Vryf 750g botter (stoke) met die vingers in!! Voeg by 2-3k lou water by en meng! Dis n slap deegie druk In pan vas en
Bak 35min – 45min 180c
Sny en laat afkoel
En droog
Hierdie resepie maak 2 panne vol! !
BAIE LEKKER!!!!

Bron: Benhet Nieuwenhuis

DATE AND BRAN RUSKS
RECIPE
500 gr soft margarine/butter
1 cup sugar
3 large eggs
1 kg self-rising flour
½ teaspoon of salt
750 ml all bran flakes ( crush it roughly with a rolling pin
300ml milk
½ cup desiccated coconut
1 cup chopped dates (can add more)
1 cup chopped pecans
In a mixing bowl,beat the butter and sugar well..add in eggs and whisk well until incorporated.
Add the flour, salt and all bran flakes,dates and nuts mix, lastly add the milk and mix well.

Prepare a baking tray with nonstick spray, push the batter in the pan, level it out and cut it into the size of rusks you would like to have either with a pizza cutter or knife
Bake in the oven for about 45 minutes until brown. Remove the rusks, and arrange it on an oven tray to dry out and harden at 100 degrees for approx 20+ minutes

MASTER CHEF NAJIYA
http://halaal.recipes/recipes/details/4599/date-and-bran-rusks

JACQUI SE MOSBOLLETJIES MET HANEPOOT MOS
2,7 kg koekmeel
15 ml sout
40 ml anys (kan uitlos)
130 g botter
4 eiers
3 koppies (750 ml) suiker
750 ml melk
4-5 koppies druiwe mos
Smelt botter in melk en haal van stoof(moet louwarm wees wanneer gebruik word) Sif droë bestanddele saam.
Klits eiers en voeg by meel, meng effe in.Voeg melk en botter mengsel by en meng lekker in.
NB: Mos moet kamertemperatuur wees.
Proe ook, moet so prik op tong dan is dit reg vir gebruik. Meng nou mos koppie vir koppie by.
Knie vir 25 min.
Deeg moenie aan hande meer vas sit nie. Bedek en laat rys tot dubbel(verkieslik oornag) in warm plek.
Sit doek of kombers oor. Volgende oggend knie af.
Smeer of spuit panne, weeg bolle af en pak in panne. Laat weer rys.
Bak by 180ºC vir 20 min.
Draai panne om en bak verder op 160 ºC vir 40 min tot gaar en bruin bo-op.
Smeer met gesmelte botter en suiker sodra dit uit die oond kom.

Resep en foto : Jacqui Weich

KARRINGMELK BESKUIT MET WHEAT BIX
1.5 kg bruismeel
15 ml bakpoeier
5 ml sout
10 Wheat bix beskuitjies fyngerol
Meng bogenoemde saam in een bak.
400 ml margarine
500 ml karringmelk
300 ml kookolie
2 geklitste eiers
500 ml suiker
Meng natbestanddele en suiker met droë bestanddele. Druk deeg vas in pan en druk af met beskuitdrukker. Of maak ballletjies en pak in ‘n pan.
Bak by 180ºC vir 55-60 min! Laat afkoel en drooguit.

Resep en foto: Mariaan Hartman

TINKIE SE BOEREBESKUIT
2.5 kg koekmeel
375 g margarien
1 eetlepel anyssaad
2 koppies suiker
2 pakkies kitsgis
1 rondvol eetlepel sout

Smelt botter in 2 koppies kookwater, voeg suiker by en roer tot opgelos.
Voeg ± 4 koppies kouewater by tot louwarm.
Meng die droë bestanddele en maak ‘n dammetjie in die meelmengsel.
Gooi die bottermengsel in en knie tot droog, deeg moet nie te styf wees nie.
Laat rys tot skottel lekker vol is.
Knie af en pak in panne.
Laat rys tot panne vol is en bak by 150 ºC tot gaar, ± ‘n driekwart uur.

Resep en foto: Tinkie Theron

ANELDA SE LEKKER SEMELBESKUIT
Resep en foto: Anelda Botha
FOOD LOVERS RECIPES
1 kg bruismeel flour
2 koppies koekmeel
10 ml bakpoeier
5 ml sout
2 koppies semels of all bran
2 koppies oats
2 koppies klapper
1 koppie sade en rosyntjies/ cranberries (sonneblom en pampoen)
Meng dit goed deur.

500 bak margarien
2 koppies bruinrys suiker
Smelt op plaat tot margarien heeltemal gesmelt is.

Klits 3 eiers saam met 500 ml karringmelk.
Klits dit dan stadig by die margarien mengsel (maak seker margarien mengsel is afgekoel anders skif die eiers as by meng.

Voeg dan droë en nat bestanddele bymekaar.
Ek deel my mengsel in 2 bakplate, sny dit en bak dan teen 180°C vir half uur.
En dan droog ek dit teen 90°C, oonddeur moet bietjie oop wees sodat beskuit nie sweet in oond nie vir so 3 – 4 ure.
Geniet die wat wil!
Resep kry ongeveer so 180 stukkies van 2 x 2 cm.