FILLET IN DIE OOND
wat ek soos Biltong ingele het, en half drooggemaak het.
Bees Fillet…Gestop met Beesbrisket vet…Of sommer met beesvet en fetakaas.

Gemarineer met Olyfolie,
Balsamiese asyn,
en tuisgemaakte Engelse mostert,
Smeer in met Sout,
Growwe swart peper,
en droe pietersielie,
Dan “gedrapeer” in SKAAP BAKON,,,
en op n botterbed geplaas om stadig te bak teen 150 grade
vir so 30 minute…
Haal na 30 minute uit, en laat rus vir 5 minute voor dit gesny en opgeskep word
En dan saam met gebraaide groente
en Swakopmund se Olywe te eet..
Die marinade wat oorbly in die bak word in die bord geskep, en daai gaar Vleis kom dan Bo op dit…lekker mostert sous.
Dan SMAAK hy SOOO
BRON – STEFAANS BLAAUW

BEESVLEISBLOKKIES IN KOFFIE
1 Ui in ringe gesny
2 Knoffelhuisies gekneus
Olie
1,5 KG Stowebeesvleis in blokkies gesny
Sout en swart peper na smaak
250 ML Warm sterk swart koffie
125 ML Rooiwyn effens verhit
2 ML Droe Oreganum
5 ML Droe basielkruid
125 ML Room
Sorteer ui en knoffel in bietjie olie tot sag
Skep uit en hou eenkant.
Geur vleis met sout en peper
Braai bietjie bietjie in verhitte olie tot bruin.
Voeg uiemengsel weer by asook koffie en rooiwyn.
Verlaag hitte, bedek en laat prut tot vleis sag is.
Voeg geurmiddels en ook room by en laat prut tot lekker dik sous vorm.
Geur met ekstra sout en peper indien nodig.
Dien op met rys, noodles, ertjies en ‘n lekker slaai
Bron: Cornelia Myburgh

BERTIE SE SKAAPSKENKEL OF BEESSTERT POT

Ek gebruik dit ook vir oxtail ook.
6 groot skenkels,
sout en swart peper na smaak,
1 tl oreganum
plus2 tl paprika.
1 derde kp olyfolie,
2 uie gekap,
2 seldery stingels,
2 wortels in ringetjies gesny,
4 knoffel huisies gekneus,
een blik tamatie en uie,
6 beef stock in 6 kop. Kookwater opgelos,
2 gekneuste bay leaves,
gekapte pietersielie,
een pakkie tamatie puree.
Ek volg die maklikke manier, pak die skenkels of my oxtail in my Casserole bak. Gooi bg bestanddele oor. Bak 3ure by 180grade. Gooi sous af in kastrol, verdik met mazina as sous te sout is. Proe maar, andersins met n pakkie oxtail sous as dit nie te sout is nie. Een koppie rooiwyn kan ook werk. Baie mense hou nie van wyn by hul kos,dis heerlik maar gebruik jou beste rooi wyn. Geniet.

Resep:  Bertie DeWet

HAMBURGER PATTIES-VARIASIE
750 g maalvleis
3 snye brood krummels
1 klein ui
1 teelepel gemengde kruie
1 teelepel koljander
½ teelepel braaivleis speserye
1 pakkie beesstert soppoeier
1 teelepel pietersielie
1 eier
Swart peper
Meng goed en maak patties.
Resep geplaas deur Carien van Eck

Michelle van der Vyver
Gebruik goeie maalvleis, rasper 1 ui en 2 middelmatige aartappels in.
Sout en peper na smaak en bietjie pietersielie, en speserye
Klein bietjie blatjang en tamatiesous, meng goed deur, maak bolletjies, druk effens plat.  Bak in die oond of in ‘n pan met bietjie olie onder in.
Ek maak my pan toe met foelie, as halfpad gaar is draai ek dit om

Lelane Van Der Walt
2 snye brood brood geweek in melk, 1 pakkie maalvleis, 1 eier, brood krummels, Ina paarmans beesvleis stock droog, worcestersous, knoffel, sout, peper, tiemie ens. Meng alless liggies, sit in yskas om koud te word tot gebruik. Braai in olie/ air frier/ griller. Sit kaas op sodra reg en warm. Geweekte brood rek jou maalvleis en maak dit nie te droog nie.

NET VOOR PAYDAY WORS STEW

4 aartappels, geskil in kwarte gesny en gekook tot net gaar in ‘n pot met water
1 kg wors, in ringe gesny
½ pakkie garlic instant sous, die creamy een
1 eetlepel bruin uie soppoeier
½ koppie mayonnaise
2 groot uie

Braai uie en wors tot lekker bruin.
Voeg die aartappels by.
Meng mayonnaise, soppoeier en garlic sous saam met 1 koppie water en meng by wors.
Laat prut vir 10 min en bedien saam met rys of rolletjies.
Foto: Lisinda Blaauw
Note:  I added two cups of mix veggies.

CHAKALAKA HERDERSPASTEI

BESTANDDELE
15 ml olie
1 ui gekap
300gr maalvleis
15 ml tamatiepasta
1 blik chakalaka
250 ml ertjies
2 groot patats
1 groot aartappel
100 ml volroom melk
‘n klont botter

METODE
Braai ui in olie tot glansend. Voeg maalvleis by en braai bruin.Geur na smaak met sout en peper. Voeg tamatiepasta by en braai nog vir minuut of 2. Voeg chakalaka en ertjies by en laat prut vir 15 min. Voeg bietjie water by as sous te droog lyk……Skil aartappel en patats en sny in blokkies. Kook in soutwater tot sag, dreineer en maak fyn saam met die melk. Geur met sout en peper en neutmuskaat. Skep vleis in oondbak, bedek met patat en aartappelmengsel en stip met botter. Bak in voorverhitte oond vir 25-30 min tot goudbruin.

BRON: Rita Van Zyl
FOTO: Adam Cloete

STOWE BIEFSTUK MET SPINASIEKLUITJIES

Stowe biefstuk met spinasiekluitjies
Braai ongeveer 500g stowe biefstuk in bietjie olie tot bruin aan albei kante.
Voeg 2 gekerfde uie en 1 prei by en braai.
Los 1 biefekstrakblokkie in 500ml kookwater op en voeg 30ml tamatiepuree by.
Giet by vleis en prut tot sag met so 2 lorierblare by.
Voeg ongeveer 10ml bruinsuiker by.
Voeg water by indien nodig.
Maak sous dik met 15ml koekmeel.
Jou vleis moet lekker goed onder die sous wees want die kluitjies neem baie van die sous op.
Kluitjies:
Kook so 5 spinasieblare tot gaar,
dreineer goed en kap fyn in mengbak,
voeg 1 eier en 30ml kookolie by.
Meng goed.
Voeg 1k koekmeel, 1/2 teel sout en 10ml bakpoeier by.
Voeg water by tot redelik slap beslag.
Skep lepelsvol in die vleissous en sit deksel op vir 20 tot 25min sonder om deksel op te lig.
Bedien saam rys of fyn aartappel en n slaai.

RESEP EN FOTO: Marianne Van Niekerk

BEESRIB MET BALSAMIC DRIZZLE

Braai bacon,peppers en uie en rib in n swaarboom pot.
ooi klein bietjie bruinsuiker oor vleis en speserye.
Gooi Jimmys sous oor vleis….genoeg……en bietjie water.
Kook vir halfuur tot driekwart uur.
Die laaste 5min sit die mushrooms bo op.

Mash

Kook aartappels tot sag.
Maak fyn en gooi bietjie melk en botter by.
Roer pepper roomkaas in.

Skep vleis bo-op die mash en sprinkel met balsamic fig en roosmaryn drizzle.

Foto en resep:  Marian van Deventer

BEESTONG EN BRUSSELSPRUIT GEREG
Week 1/2 koppie rosyne in kookwater waarby 1 teelepel mosterd poeier en 1 eetlepel maynnaise gevoeg is.
Kook 1 beestong wat klaar gepekel is saam met:
1 wortel in ringe gesny,
1 gekerfde ui
omtrent 10 cm stukkie selderystingel fyn gekap
Die tong moet bedek wees met water wanneer jy begin en voeg water by indien nodig. Verwyder tong wanneer gaar en kook dan so 2 groot aartappels in dieselfde water tot gaar saam met 1 teelepel Ina Paarman aarsappel spice.  Skep aartappels en wortels uit met gaatjielepel. Voeg nou rosyntjiemengsel by en prut.Sny nou so 5 swart sampioene in die helfte en prut in dieselfde sous. Kook handvol brusselsprouts net so 5 min in die mikrogolf en voeg by sampioene in die sous.
Gooi 1 pakkie “lui huisvrou sous vir roasted chicken” se poeier by en roer goed deur.
Voeg ongeveer 1/2 teelepel growwe swartpeper by en prut so 5 min.

Sny nou die tong en aartappels in skywe en pak in oondvaste bak om die beurt met die sampioene ook by, skep wortelstukkies en brussel sprouts bo oor.
Gooi nou sous oor en bak in die oond by 180 ºC vir so halfuur.
Skep meeste rosyne af en meng met kaapse mosterd en bedien saam met die tonggereg.
FOTO EN RESEP: Jacques Marianne Van Niekerk

VARK OF BEESRIB IN STOOMPOT
My eie resep:

300 g vark ribs
2 groot aartappels
knoffel na smaak
1 rooi ui
1 beef stock cube in 300 ml water
1 lemmetjie se sap
knypie sout
½ teelepel suurlemoen peper

Bruin die ribs in die pot en gooi knoffel en ui saam in terwyl die ribs braai.
Gooi al die ander bestandele saam in en stoom vir 20 – 30 min op die hoë hitte.
Volgende keer sal ek wortels ook ingooi.

Resep en foto: Anette Scheepers