ALBERT SE PAELLA-DIE PROSES
Die kuns van Paella maak, lê eintlik in die proses en glo my, as jy die proses onder die knie het, hoef jy nooit weer ‘n resep daarvoor te gebruik nie. Dit klink na ‘n groot werk, maar dit is een van die maklikste geregte om onder die knie te kry. So hier gaan ons:

Stappe vir “Mise en place” (voorbereiding).

Stap 1:
Kies die vleis wat jy wil gebruik soos bv.:
2 porsies/stukkies hoender per persoon
2 porsies/stukkies haas of konyn per persoon
½ koppie Chorizo wors wieletjies per persoon
Enige vleis wat sal lekker wees, dis jou Paella
3 of 5 garnale (prawns) per persoon
3 of 5 mossels (in skulp) per persoon
3 tot 5 ringe Calamari per persoon
180 g Monik vis in blokkies gesny (enige stewige vis GEEN GRATE)
Julle kry die idee, kies so twee vleise en drie seekosse per persoon vir ‘n gemengde Paella of hou dit skoon, vleis of vis.

Stap 2:
Maak jou sofrito of (geur groente mengsel). Al die onderstaande in per persoon:
½ koppie gekapte ui
½ koppie gekapte groenrissies
½ koppie choriza wors wieletjies (bacon blokkies werk ook goed)
1 teelepel (5 ml) knoffel, gepers
2 eetlepel (30 ml) olyf olie
Tot hier toe is my sofrito, maar dit is jou Paella, as jy nog iets soos sampioene wil bysit, moenie dat iemand jou vertel dis verkeerd nie, dit is nie.

½ koppie tamatie blokkies 1 x 1 cm, hou eenkant
½ koppie groen ertjies, hou eenkant
1 teelepel (5 ml) gerookte paprika
‘n goeie knypie safraan, as jy wil uithang

Stap 3:
Dis hier wat jy jou rys moet afmeet:
½ koppie rys per persoon
As jy nie regte aftreksel het nie, maak nou jou aftreksel (stock) aan soos op die blikkie of pakkie, 1 ½ koppie per ½ koppie rys.

Proses:
In jou gekose pan, braai die sofrito in die olyf olie tot deurskynend.
Haal uit, maar los soveel as moontlik olie in die pan.
Sprinkel die hoender (of ander vleis) met sout, peper en bietjie gerookte paprika in die pan tot gaar, haal uit.
Roer die rys en oorblywende speserye in die olie wat oor is in die pan. Plaas jou sofrito in, gooi aftreksel oor en kook vir 15 minute.
Roer jou ertjies, tamatie en seekos in, bring weer tot kookpunt, plaas jou vleis bo op, draai jou plaat af tot sy laagste verstelling en los vir ‘n verdere 20 minute of totdat die rys gaar is.
En dis dit, ‘n regte Paella.

Resep:  Albert Buitenhuis

Hier is Albert se paella resep:
http://www.foodloversrecipes.com/2016/01/albert-se-paella/

THE ULTIMATE SOUTHERN CHEESE ROLL
Recipe and photo:  Albert Buitenhuis – vetsjef
FOOD LOVERS RECIPES
Makes: 36
500 g mild Cheddar
1 tin Nestle Carnation evaporated milk
1 packet onion soup mix
¼ cup cream
1 teaspoon mustard powder
white sandwich bread

Grate cheese and mix in the rest of the ingredients together and place in a microwave safe bowl
Heat for 6 minutes, stirring every 60 seconds.
Wait for the mixture to cool a bit, then spread on white sandwich bread that has been roll out to flatten a bit. (Not everybody roll the bread out, so it is up to you)
For best results spread butter on one side, spread the cheese mixture on the other side, leaving all four the sides open to seal the roll. Roll up, with the cheese on the inside, sealing the sides with the back of a knive. Toast in a sandwich press (change the lid setting so that you don’t flatten them to much). Or if you don’t have a sandwich press grill in oven until golden.

MARIE SE ONTBYT MUFFINS

Spek (bacon) klein opgesny en gebraai met uie, blokkies tamatie, sout en peper.
6 Eiers geklits met 1 koppie melken 1 opgehoopte teelepel bakpoeier.
Muffin pannetjie goed gespuit met “Sprau and Cook”. Maak drie kwart vol met spek mengsel. Strooi ń bietjie kaas oor en giet eier oor.
Bak vir 30 minute teen 180 grade C

Nota:  mens kan self gaar maalvleis gebruik

Resep ingestuur deur Marie Rheeder Troskie

ALBERT SE PAELLA

Ek maak hierdie Paella in my drukkoker omdat ‘n mens nie altyd ‘n Paella pan beskikbaar het, of die plek om een te gebruik nie.

2 koppies rys
2 groot uie, grof gekap
2 groot rooi pepers, in 2 x 2 cm blokkies gesny
2 – 4 huisies knoffel, fyn gedruk
1 blikkie (± 410 g) tamatie stukkies
1 Chorizo worsie van sowat 250 g, in wieletjies gesny
3 hoender aftreksel blokkies
2 eetlepels gerookte paprika
3 eetlepels olyf olie
1 koppie groen ertjies
1.5 kg hoenderstukke (ek verkies boudjies of te wel drumsticks)
500 g garnaal (prawn) sterte, lekker grootes, skoongemaak maar los die stertjies aan
500 g calamari ringe
500 g mossels in hul skulpe

So maak mens:
Braai die uie, rooi peper en Chorizo wors wieletjies in jou pot totdat die uie deurskynend is.
Voeg knoffel by en braai vir nie langer as ‘n minuut nie.
Voeg nou die blikkie tamatie plus 3 blikkies vol water in die pot.
Roer hoender aftreksel blokkies, sout en gerookte paprika in.
Plaas hoender in die pot en kook vir 30 minute.
Verwyder die hoender en plaas op ‘n bakplaat, besprinkel met sout en gerookte paprika en rooster in die oond tot goudbruin.
Gooi die inhoud van die pot deur ‘n sif en meet die vloeistof. Indien nodig, vul aan tot 1.25 liter deur water by te voeg.
Gooi die vloeistof, dit wat jy uitgesif het asook jou 2 koppies rys terug in jou pot. Kook totdat jy die rys net-net begin sien.
Voeg nou die calamari, ertjies en garnale by en roer in. Bring weer tot kook punt. Strooi die mossels oor.
Plaas deksel op. Verwyder vanaf die hitte en laat staan vir 20 minute voor jy die deksel afhaal.
Skep op in ‘n diepbord, plaas 2 stukke hoender bo-op en garneer met ‘n skyf suurlemoen en ‘n takkie pietersielie.

Resep en foto:  Albert Buitenhuis

Lees ook hier vir meer inligting:
http://www.foodloversrecipes.com/2016/01/albert-se-paella-die-proses/