NACHOS DORITOS CHIPS-TORTILLAS
1 tin tomato, chopped
Diced green chillies (your own amount)
½ cup chopped green pepper
1 chopped onion
¼ teaspoon hot pepper sauce
2 cups grated cheddar cheese
1 avocado
1 teaspoon lemon juice
½ cup sourcream

Combine tomatoes, chillies, greenpepper, onion and hot pepper sauce in a bowl. Let stand 15 minutes. Place Doritos in shallow baking dish. Pour sauce over chips, sprinkle cheese on top and bake 3 minutes till cheese melted. Just before serving , seed, peel and mash avocado, and stir in lemon juice. Spoon avocado mixture and sour cream on hot chips. Serve immediately.-

RECIPE: Carol Elliott Claassen

SELFGEMAAKTE GOUE STROOP
6 x 250 ml suiker
750 ml koue water
15 ml kremetart

Meng suiker, kremetart en die helfte van die water in ‘n kastrol.
Roer oor lae hitte tot die suiker opgelos is.
Kook oor matige hitte tot die stroop ligbruin van kleur is, sowat 15 – 20 minute.

Bron:  Shani Reader

BEHANDELING VAN NUWE GIETYSTERPOT
GESKRYF DEUR IAN LAING:
Die inbrand van ‘n nuwe pot:
Wanneer ‘n nuwe pot aangeskaf is, kan dit soos volg behandel word. Maak ‘n redelike groot vuur en gooi binne-in die pot ‘n klomp kole. Laat brand vir ongeveer 30 minute. Die rede hiervoor is om die tipe vernis wat die vervaardigers gebruik om te verhoed dat die pot roes, af te brand.

Haal dit dan van die vuur en laat dit stadig afkoel. (Wanneer daar koue water by ‘n baie warm leë pot gevoeg word, kan die pot kraak) Skuur die pot daarna met skuurpapier, sand of as totdat dit begin blink. Kook vervolgens een koppie sout en 2 koppies asyn met die pot driekwart gevul met water vir sowat 30 minute.

Herhaal nog ‘n keer. Spoel die pot deeglik uit en skuur alle growwigheid met skuurpapier tot ‘n redelike gladde oppervlak verkry is.
Kook nou groenteskille en blare in ‘n pot driekwart vol water, waarin daar weer ‘n koppie sout en asyn bygevoeg is, vir ‘n verdere halfuur. Baie mense beweer dat ‘n pot hierna met olie gesmeer moet word, maar dan is die kanse goed dat die pot galsterig kan raak. Spuit eerder die pot met Spray&Cook.  Die pot is nou gereed vir gebruik. Dit is egter belangrik om die pot elke keer voor gebruik goed skoon te kook.

Charl Nienaber”
Vir die potjie pot:
Toe ek my eerste een gekoop het, het my Oupa gesê ek moet dit met ‘n hoekslyper (angle grinder) bykom binne. Ja, ek het my gesig ook so getrek.
Ek het lekker warm vuur gemaak en die pot opgesit, toe dit nou mooi warm was, toe gooi ek so 4 grof opgekapte uie met ‘n klomp olie in. Die besigheid gaan vreeslik rook en moontlik aanbrand maar maak maar klein ogies en roer dat dit bars!
Wanneer jy dit nou nie meer kan hanteer nie (so 15 minute), haal die pot van die vuur af en laat dit staan en koud word. Was dit dan met goldy locks (daai growwe pot skuurder) en gewone sunlight seep. Was dit so 3 keer. As jy ‘n skoon papier handdoek binne vryf moet dit skoon uitkom. Smeer die pot bietjie olie dat dit nie roes nie en daar’s hy! Reg vir potjiekos!

Jan Wiehman:
Alle nuwe gietyster panne of potte skuur ek eers deeglik, was en smeer ‘n ligte lagie kookolie binne en buite, dan in baie warm oond vir 2 tot 3 uur. Nonstick vir lank! Bêre met koerantpapier binne tot volgende gebruik.

10 BAK EN BROU WENKE
Bestanddele is peperduur, en mens wil tog nie he jou klam sjokolade koek moet soos droog wurg beskuit afgaan nie.
OF hoekom proe my suurlemoentert dan nie soos tant Sannie s’n nie, ek het die resep dan by haar gekry?
1. Bestanddele MOET altyd vars wees. En as jy wil uithang, sorg dat jy die beste bestanddele gebruik al is dit ook bietjie duurder.
As jy jou vars koekmeel in houers gooi, skryf die datum met ‘n afvee-bare koukie pen op die houer.
2. Wanneer jy enige iets koop, sit jou leesbril op en kyk na die vervaldatum. Hoeveel brode het nie al NIE gerys nie en die suurdeeg was “vandag” gekoop nie?
Maak nie saak wanneer jy dit gekoop het nie, check die vervaldatum in die winkel ! Doen so met die meel en eiers en alles wat jy koop.
3. Wanneer die resep lees .. 250ml melk, MOENIE ‘n beker of een van jou koppies gebruik om af te meet nie OF erger nog, skat nie. Gebruik ‘n maatbeker en
en meet presies 250ml af. Twee teelepels bakpoeier, beteken 10ml. Ek het al dames gesien wat sommer 2 opgehoopte teelepels gebruik, dan rys die skons op die pannetjie.
4. Maak 100% seker jy het al die bestanddele in jou spens VOORDAT jy begin bak. Die resep lees 500ml suiker, skielik het jy net 300ml suiker, MOENIE
versiersuiker of bruinsuiker vir die ander 200ml gebruik nie. OF die resep se 4 eiers, manlief of die kinders het dalk al 2 geeet, en nou dink jy “ag ek gaan
maar net die 2 gebruik, dit sal nie skade doen nie” DIT DOEN. ‘n Resep is ‘n formule en jy moet by daai formule hou anders gaan dit inval of kluitjie raak ens.
5. Lou water is water waar jy jou vinger kan indruk en dit voel nie koud of warm nie. STERK louwater is warm water wat jy kan voel DIS nou warm. Dit is NIE kookwater nie.
6. As jou resep vra BOTTER gebruik botter en nie margarien nie. Baie resepte lees darem botter of margarien.
7. Maak seker jou oond werk reg.
8. Hou jou nuwe vars bestanddele vars deur hulle in ‘n lugdigte tupper houer te stoor met die datums opgeskryf.
9. LEES jou resep eers ten minste 2 maal deur voor jy enige iets begin doen en maak seker jy verstaan wat om te doen.
Nie hier en daar ‘n woord skiep nie. Lees hom, ek het op die harde manier geleer.
10. As jy al hierdie dinge doen, kan jou gebak nie flop nie. Lekker bak.

Petra Pretorius

BOERSEEP

1,75 kg harde beesvet (uitgebraaide vet)
250 g seepsoda
1 liter koue water
50 ml sitroenella olie (of olie van keuse )

Smelt die vet in ‘n stainless steel kastrol en hou eenkant totdat dit redelik afgekoel het. Jy moet jou vinger vir 10 sekondes daarin kan hou sonder om te brand. Gooi die vlokkies seepsoda in ‘n erde emmertjie en gooi dan die koue water daarop en roer paar kere met houtlepel, sit die deksel bo-op en laat staan op ‘n veilige plek. Laat staan totdat dit min of meer dieselfde hitte het as die vet (as jy ‘n kook termometer het is dit ‘n pluspunt). Gooi nou die seepsodawater by die vet (en sitroenella olie) en roer totdat dit soos versuikerde heuning begin lyk ( dit vat nogals ‘n rukkie, maar moenie moedeloos word nie) gooi uit in ‘n vierkantige plastiek bak wat uitgevoer is met ‘n linnelap (die lap kan net die bodem bedek en lank genoeg wees dat jy vatplek het wanneer jy die seep uitkeer). Die mengsel behoort warmer te word as gevolg van ‘n chemiese reaksie. Sit die bak met die mengsel bo-op in hout broodplank met ‘n stainless steel skinkbord bo-oor die bak en bedek met swartsak en met ‘n kombers. Maak die seep laatmiddag en laat dit staan tot die volgende oggend. Maak die kante van die seep los van die bak en trek nou die lap aan weerskante stadig totdat dit loskom van die boom, keer die seep uit en merk die stene uit en sny met skerp mes. Laat staan vir ‘n week of wat voordat jy daarvan gebruik.Jy behoort 12 stene uit te sny van 8 x 7 cm en omtrent 3 cm dik.

NEEM ASB KENNIS:  DIT IS BAIE GEVAARLIK OM MET SEEPSODA TE WERK, DRA BESKERMENDE KLERE EN MAAK SEKER DAT JY VERSIGTIG WERK.

Foto: Carrie Segar Malan
1ste foto:  Johan Röntgen –  Ek het dit gister probeer uit nuuskierigheid , Sandlewood olie vir reuk en bietjie koek kleursel vir die kleur bygesit

GOEIE EIER WENK

Tip wat werklik werk:- sit bietjie sout in die olie wat jy eiers in bak, dit laat die eier nie in die pan vas sit nie!

Geplaas deur Andrieshia Gray

OUMA MEELBOL
Hierdie is g`n grap nie.Heel eerste moet jy die regte blik kry om die meel in te bak. Dit moet n blik wees met n metaal deksel. Ek weet nie of mens nog so `n blik kry nie. Ons het self Ouma Meelbol vir ons kinders gebak toe hulle klein was. Dis eintlik babapap.`n Lactogen of Klim blik was vroeë jare reg. Mens het bakpoeier ook in so n blik gekry.Die pap word gebruik vir babas maar is heerlik. Ek en Babsie het omtrent tou gestaan om die oorskiet van die kinders te kry. Jy meng die gaar meel met warm melk met bietjie suiker. Ek glo die resep vir die poeding of vla sal dieselfde meel gebruik.
Druk koekmeel in die blik van onderaf af vas met n`n lepel. Dit vat `n tydjie. Laag vir laag tot bo. Dit moet baie styf ingepers en vasgedruk word anders bars die blik oop in die oond as die lug uitsit van die hitte. Maak hom vol tot bo en sit die deksel op. Ek het myne met `n draad bo-oor vasgedraai met `n tang sodat hy nie oop kan skiet nie. Bak hom dan in die oond vir `n uur. Laat afkoel. Die meel het dan so `n effe bruin kleur as hy klaar is. Dan is hy gaar. Hy raak dik as jy dit in melk gooi. Dis ongelooflik smaaklik. Glo my

BRON: David Vd Heever

Liesie Nel
Meelbol….Druk koekmeel styf vas in n blikkie en plaas blikdeksel op. Sit blikkie in matige oond totdat die meel n baie ligte karamelkleur het. Meng ‘n paar lepelsvol met melk en roer in by ‘n kastrol met kokende melk en ‘n knypie sout. Die lekkerste pap ooit. Maar ek glo nie daar is enige voedingswaarde in nie… o ja, natuurlik eet jy dit met suiker en ‘n klontjie botter daarby!

Maria Liebenberg
OUMA MEELBOL
Mens druk net meel styf vas in ‘n lee tuna blikkie en bak dan die blikkie in die oond vir ongeveer ‘n uur op 180ºC totdat die meel effens ligbruin bo op verkleur. Skep uit blikkie en kap met vermenger fyn. Gebruik 50 ml en knippie sout wat met ‘n koppie melk gekook word in Mikrogolf tot dik. Dis maar baie soos ‘n dik melkkos.. Heerlik met ‘n klontjie botter . Genoeg vir een porsie pap.

NOTA: My ma se mens plaas eers ‘n bietjie meel in blikkie en druk met ‘n swaarboomglas dit vas en dan weer biki meel en druk vas tot blikkie vol is. Syt sommer ‘n klomp gebak op ‘n slag . Dit bêre baie maklik in lugdigte houer.

PARAFIEN WAKS
Ai hoe laat jy my terug dink aan my kinderdae,my ma het altyd van die kerswas en parafien in die huis gehad.
Ons het nie net dit aangesmeer in die winter nie, maar as hakskene net ‘n bietjie grof gelyk het, moes ons dit aan smeer en kouse aan trek. Werk soos ‘n bom. Ek maak dit nog steeds, hier volg die resep..

3 kerse gesmelt, voeg ongeveer ¼ koppie parafien by en roer baie goed. Dit moet sag wees, sodat dit maklik gemeer kan word. Dit ruik nie te lekker nie maar help.

(Margaret Swanepoel)

PLAAS JOGHURT
My ma maak dit altyd op die plaas en vandag het ek dit gemaak dit is so lekker smooth.
Bring 4 liter melk tot net net onder kookpunt (moet nie kook nie).
Laat vinnig afkoel deur dit in ‘n wasbak met yskoue water in te sit!.
Laat afkoel tot sterkwarm (jy moet jou vinnger daar in kan hou).
Roer nou 1 liter plain jogurt in.
Maak pot toe en laat staan 5 ure in son.
Haal uit son en sit in yskas! Moenie roer of niks nie,
Los tot volgende oggend! Geur nou met sweeto. (Ek die oranje geur gebruik) Roer lekker en geniet.

Wenk:  Mens kan ook die jogurt versoet met ‘n pakkie jelliepoeier, neem bietjie jogurt meng die jelliepoeier deur en meng dit dan weer deur die groot hoeveelheid jogurt

Bron: Hettie Nieuwenhuis

CONVERT YEAST