YSKAS VRUGTEKOEK
Graag deel ek met julle vanoggend, so op ‘n pragtige Kersdag, hierdie heerlike yskas vrugtekoek.
100 g regte botter
1 blik kondensmelk
60 ml Rum/ Brandewyn
100 ml rooi kersies
100 ml sultannas
100 ml korente
100 ml gekapte gemengde neute
100 ml fyngesnyde dadels
100 ml wit suiker
5 ml vanilla geursel
2 x 200 g fyn tennisbeskuitjies

Verhit die botter, kondensmelk en Rum/ Brandewyn saam, voeg suiker by en roer goed (nie kook nie).
Verwyder van die hitte en meng met die res van die bestandele. Giet die beslag in ‘n gesmeerde broodpannetjie en druk vas, verkoel oornag. Sny die koek in skywe en geniet.
Resep en foto : Ou Familie gunsteling – Magda Van Der Merwe

Variasie:
Probeer gerus hierdie vrugtekoekresep, dis yummies!!
250 ml gekapte dadels
125 ml elk sultanas, korente, rosyne, kersies en gekapte neute
125 ml bruinsuiker
125 ml botter
1 blik kondensmelk
2 pakkies Tennisbeskuitjies, in stukkies gebreek
5 ml vanilla
Smelt die botter en suiker. Roer die kondensmelk by en verwyder van die hitte. Voeg die vrugte en beskuitjies by en roer deur. Spuit ‘n ringkoekpan met kleefwerende kossproei en druk die mengsel in die koekpan vas. Laat staan 24 uur in yskas. Heerlik!!
Resep:  Veronica Roux

GWEN’S HOTCROSS BUNS
Ek weet hierdie deeg maak heerlike hot cross buns.
Rich sweet yeast dough – very nice
2 litres milk
225 g sugar
450 g melted butter
3 – 4 packets dry yeast
2, 450 g cake flour
20 g salt
450 g eggs
60 g syrup/honey
Heat milk with sugar and butter. Mix dry yeast with flour and salt. Add warm milk mixture, eggs and honey to the flour and form into elastic dough using extra flour if needed.
Shape into buns en leave to prove till double its size. To make crosses on top:
Mix 100 g flour with 15 ml milk to form a piping consistency. Pipe it over the buns just before you put it in the oven.
As soon as the rolls comes out of the oven:

Glaze
dit dan met die vlge om dit lekker glans te gee:
1 1/3 cup icing sugar
1½ teaspoon finely chopped lemon zest (opsional)
1 teaspoon lemon juice
1-2 tablespoons milk

To make sticky buns, roll dough out flat and spread with a mixture made form butter melted into little milk with sugar. Sprinkle with cinnamon and raisins. Roll up into a sausage and slice like a bread. Arrange rounds tightly in a tin and prove till risen to at least double its size. Bake till brown. Boil milk with fair amount sugar and some butter and pour over buns as they come out of oven. Voila!

Source: Gwen Smith

CHELSEA BOLLETJIE VIR DIE PASE
(12 bolletjies)
625 ml koekmeel
2 ml sout
50 ml strooisuiker
10 g kitsdroë gis
60 ml margarine
50 ml melk louwarm
1 groot eier geklits
Ongeveer 100 ml louwarm water
60 ml margarine
50 ml strooisuiker
5 ml kaneel
125 ml droë vrugtekoekmengsel
geklitste eier
BOLAAG
250 ml versiersuiker
kookwater

Meng meel, sout en 50 ml strooisuiker saam. Voeg droë gis by. Smelt 60 ml margarine in louwarm melk. Voeg melkmengsel, geklitste eier en genoeg louwarm water by die droe bestanddele om ‘n sagte deeg te vorm. Knie die deeg vir 10 min totdat dit sag en elasties is. Plaas die deeg op ‘n meelbestrooide oppervlak, maak toe met gesmeerde plastiek en laat rus vir 15 min. Knie die deeg af. Rol die deeg in ‘n vierkant van 45 cm. Smeer res van die 60 ml margarine op deeg en besprinkel metoorblywende 50 ml strooisuiker, kaneel en droë vrugte. Rol deeg op in ‘n rol (soos rolkoek). Sny die rol met ‘n skerp mes, in twaalf gelyke snye. Plaas die snye op ‘n gesmeerde bakplaat. Bedek met gesmeerde plastiek en plaas in ‘n warmplek om te rys tot dubbel in volume (ongeveer 20min) Verf met geklitste eier en bak in vooraf verhitte oond van 180°C vir 20-25min. Laat afkoel op draad rakkie. Maak bolaag deur versiersuiker in mengbak te sif en te meng met genoeg kookwater om ‘n sagte drupbeslag te vorm. Drup bolaag oor bolletjies sodra afgekoel.
Bron: Rina Kleinhans
Foto: Jeanette Martins

KERSFEES “PENNIE” POEDING
Handvol munte in kastrol water gekook vir min 10 minute, skrop deeglik af
250 ml koekmeel
5 ml bakpoeier
100 g pekanneute, opgekap
250 g dadels, rof gekap
250 ml water
5 ml koeksoda
100 g sagte botter
200 ml strooisuiker
1 eier

Vir die stroop:
250 ml suiker
120 ml water
120 ml brandewyn ( die alkhol verdamp sodra dit kookpunt bereik, gee net die geur, dus gee gerus vir die kleinspan)
5 ml vanilla geursel
30 ml botter
½ teelepel fyn kaneel

Voorverhit oond na 180ºC
Berei oondvaste bak voor, smeer goed met botter.
Plaas dadels en water in kastrol, en laat vinnig kook vir 2 min.
Verwyder van plaat en voeg koeksoda by dadels, laat koud word.
Room saam botter, suiker en eiers.
Sif die koekmeel, bakpoeier saam en voeg by bottermengsel.
Voeg die koue dadelsmengsel by roer liggies deur.
Meng die neute by.
Giet mengsel in jou voorbeide oondpan.
Druk die munte oral binne die rou mengsel in.
Bak vir +- 1 uur lank, of tot toetspen skoon uitkom.
Stroop:
Plaas suiker, water, botter en vanilla saam in ‘n kastrol, bring tot kookpunt en laat goed vir 10 minute kook, hou aan met roer.
Voeg die kaneel en brandewyn by, laat vinnig opkook roer aanhoudend vir 1 min. Giet oor poeding sodra uit oond kom
Resep geplaas deur: Carol Elliott Claassen

BRANDEWYNSOUS
Maak die sous net voor jy jou Kerspoeding gaan bedien
125 ml bruinsuiker
15 ml mielieblom
250 ml kookwater
1 eetlepel botter
3 eetlepels brandewyn
Knippie sout

Meng jou suiker en Mielieblom in n kastrol
Verhit oor matige hitte, roer en voeg jou kookwater geleidelik by
Verhit tot dit kook so vir 3min en verwyder van hitte
Voeg jou botter, brandewyn en knippie sout by en roer tot jou botter gesmelt het

KERSFEES JELLIE
250 g vrugtekoekmengsel
250 ml water
125 g ontpitte dadels
250 ml gekapte okkerneute
125 ml gekapte glanskersies
1 pakkie portwyn jellie
250 ml warm water
125 ml port
‘n halwe pakkie marie Beskuitjies
5 ml gemengde speserye

Kook vrugtekoekmengsel in 250 ml water vir 5 minute.
Dreineer en voeg dadels, neute en kersies by.
Los jellie in 250 ml warm water op.
Voeg port by jellie.
Voeg gekrummelde beskuitjies en speserye by vrugtemengsel.
Voeg jellie by die vrugtemengsel en roer goed.
Giet mengsel in uitgespoelde tradisonele vorm.
Keer uit vorm en versier.
Wenk
Dien op met room wat gegeur is met Brandewyn of Rum

(Johan Bezuidenhout)

BEESTONG MET MOSTERDSOUS
1 kg beestong
1 klein ui
1 klein geelwortel
vars seldery of pietersielietakkies
knippie sout
4 peperkorrels
2 heel naeltjies
Sous
125 ml suiker
60 ml mosterdpoeier
30 ml koekmeel
250 ml kookwater
250 ml mayonnaise
125 ml witasyn
sap van 1 suurlemoen
Ongeveer 1 kp Vars broodkrummels

Kook die tong met die groente, geurmiddels en speserye tot sag.Verwyder die buitenste membraam en oortollige vet. Laat afkoel. Sny in skywe en pak in ‘n oondvaste bak.
Stel oond op 160°C.
Vir die sous:
Meng die droë bestanddele saam en voeg die res – buiten die broodkrummels – by. Kook stadig deur oor lae hitte. Giet sous oor skywe vleis in bak en strooi vars broodkrummels oor.
Bak 25 – 30 minute.
Wenk: Die gereg vries maklik en kan net voor opdiening teen ‘n lae hitte ontdooi word. Sit voor met ‘n lekker bros slaai.
Foto: Elize de Kock

KALKOENVULSEL
Ek gee vir julle my kalkoenvulsel, want kersfees is nie kersfees sonder kalkoen nie.
100 g botter
150 g ontvelde varkworsies
100 g fyn gesnipperde bacon
1 ui gekap
3 selderystokkies
1 klein groen en rooi soetrissie (dis nou die soet soort)
1 Granny Smith appel
3 eetlepel pietersielie
100 ml pekaneute
1 teelepel salie
150 g witbrood (korsies af)
1 groot eier
swart peper
Braai die worsvleis en haal uit pan.
Braai nou die ui, bacon, seldery en rissies.
Meng nou alles goed saam en stop jou kalkoen, maar hou `n bietjie om onder die borsvel in te stop.
Smeer nou kalkoen mildelik met botter en geur met sout, peper, paprika en suurlemoenpeper.
Sit nog stroke bacon oorkruis oor kalkoen se bors.
Stel jou oond 220°C en maak kalkoen met foelie, blink kant binne, toe.
Bak 30 min. Verlaag die hitte na 170°C en bak 3 ure.
Haal foelie af en stel oond na 200°C en bak nog 30 min terwyl jy hom gereeld bedrup.
HAPPY XMAS.

Resep: Louisa Prenzler

KERSBROOD
400 g droë pere
300 g pruimedante
400 g droë vye
150 g okkerneute
100 g rosyntjies
125 g sultanas
75 g gemengde, gesnipperde skil
200 g strooisuiker
15 ml gemaalde kaneel
3 ml gemaalde naeltjies
5 ml wonderpeper
3 ml sout
25 ml rum
1 kg koekmeel
40 g geperste suurdeeg

Brooddeeg
900 g broodmeel
150 ml warm melk
25 g geperste suurdeeg
10 ml strooisuiker
5 ml sout
25 g gesmelte botter
12,5 ml olie

Week pere en pruimedante in 900 ml water. Sit deksel op en kook tot sag. Dreineer en hou vloeistof. Ontpit pruimedante en kap pere, vye en okkerneute. Voeg rosyntjies, sultanas, gemengde skil, suiker, speserye,
sout en rum by en bedek.
Klits 300 ml van warm water en 50 g van broodmeel saam om meeldeeg te vorm. Bedek en laat staan vir 1 uur 30 minute.
Voeg dan warm melk by en klits goed. Meng suurdeeg, 150 ml warm water en suiker en laat staan vir 10 minute. Voeg by meeldeeg. Voeg sout, botter en olie by. Meng res van broodmeel by. Bedek en laat staan tot uitgerys.
Sit koekmeel in ‘n groot bak en maak ‘n holte in middel. Klits 40 g suurdeeg met 400 ml koue vrugtevloeistof en suiker en giet dit in meelholte. Strooi ‘n bietjie meelblom oor en laat staan tot skuimerig.
Voeg vrugte-enneutemengsel by en klits tot ‘n deeg gevorm word. Laat staan vir 15 minute. Verdeel vrugtedeeg in vier ovaal brode. Verdeel brooddeeg in vier en rol elke deel uit tot ‘n groot ovaal gevorm is.
Plaas vrugtebrood op uitgerolde deeg. Bestryk vrugtebrood met water en draai in brooddeeg toe. Plaas op ‘n gesmeerde bakplaat en verf met water. Laat staan vir 15 minute. Bak in voorverhitte oond van 190 ºC vir 1 uur en 20 minute.
Hierdie gereg is nie geskik om lank te hou nie. Eet dit binne ‘n week nadat dit gebak is

Resep geplaas deur Elda Lombard

KALKOEN MET VULSELS
Met ons gevulde kalkoen op die spyskaart vir Kersdag het ‘n mens geen ander vleisgereg nodig nie. Ons het ‘n geurige worsvulsel vir die nekholte gemaak en die liggaamsholte met ‘n brood-en-appelvulsel gestop.
Van die oorskietvulsel het ons spekrolletjies en frikkadelletjies gemaak om saam met die kalkoen voor te sit.
KALKOEN:
1 kalkoen
sout
suurlemoensap
50 g (60 ml) sagte botter/margarien
30 ml koekmeel
ontbytspekrepe
glanskersies

WORSVULSEL:
125 g onbytspek sonder swoerd
1 ui
15 ml botter/margarien
500 g varkwors
5 ml roosmaryn/salie

BROOD-en-APPELVULSEL:
25 g botter/margarien, gesmelt
250 g (4 x 25 ml) sagte witbroodkrummels
250 g (300 ml) geskilde, grof gerasperde Granny Smith appels
50 ml fyn gekapte pietersielie
fyn gerasperde skil van 2 suurlemoene
1 ml elk majolein en tiemie
sout en peper na smaak

Berei die kalkoen die vorige aand voor. As jy ‘n gevriesde kalkoen gebruik, sorg dat dit heeltemal ontdooi is. Verwyder die sakkie met afval in die liggaamsholte.
Skroei alle haartjies af en trek alle stukkies penveer uit wat in die vel afgebreek het. Sny die oliekannetjies uit. Was die kalkoen binne en buite met warm water waarin ‘n bietjie koeksoda opgelos is. Droog dit met papierhanddoek af en sout dit binne-in. Vryf die vel buite met suurlemoensap in. .
Snipper die ontbytspek en ui. Smoor dit in die smeer. Haal die vleis uit die worsderms. Voeg die spekmengsel en kruie by. Maal die kalkoenafval en voeg dit ook by. Meng alles goed.
Vul die nekholte met die worsvulsel en hou die vulsel wat oorskiet. Vou die nekvel na die rugkant om en steek dit met ‘n vleispen van of werk dit met ‘n dik naald en dun tou aan die rugvel vas. Swaai die vlerke oor die rug.
Meng al die bestanddele vir die brood-en-appelvulsel liggies saam. Stop die liggaamsholte lossies daarmee – moenie dit te styf stop nie, want dan is die gaar vulsel kluitjierig! Hou die vulsel wat oorskiet. Werk die opening met ‘n dik naald en dun tou toe of steek dit met peuselstokkies vas. Weeg die kalkoen om die gaarmaaktyd te bepaal.
Meng die 50 g (60 ml) smeer en meel en vryf dit aan die kalkoenvel. Bind die bene aanmekaar. Plaas die kalkoen op sy rug op ‘n groot, dik stuk aluminimfoelie in ‘n oondpan. Bedek die borsmet repies ontbytspek. Vou die kalkoen dig toe in die foelie. Plaas dit in ‘n koel oond by 160ºC (325ºF) en bak dit totdat driekwart van die baktyd verstryk het.
Die gaarmaaktye is soos volg:
3 tot 3 ½ uur vir ‘n kalkoen van 3 tot 4,5 kg
3 ½ tot 4uur vir ‘n kalkoen van 4,5 tot 6 kg
4 ½ tot 5uur vir ‘n kalkoen van 6 tot 9 kg
Verhoog die oondtemperatuur vir die laaste driekwart van die baktyd tot 200Cº (400ºF).
Haal die kalkoen versigtig uit die foelie en plaas dit in ‘n skoon bakpan. Verwyder die spekrepe op die bors. Bak die kalkoen tot mooi bruin en blink en bedruip dit gereeld met van die sous wat in die eerste pan agter gebly het. Bak terselfdertyd die spekrolletjies en frikkadelletjies tot gaar.
Dit word soos volg gemaak:
Rol frikkadelletjies van die oorskiet-vulsels. Fatsoeneer party van die frikkadelltjies in worsies, draai dit met ‘n reep ontbytspek toe en steek dit met ‘n peuselstokkie vas. Druk ‘n glanskersie deur die een punt van die stokkie. Plaas die rolletjies en frikkadelletjies op ‘n draadrak in ‘n bakpan en bak dit sowat 20 minute tot gaar en bruin.
Skep die vet van die oorblywende pansous af en maak ‘n lekker bruinsous om by die kalkoen op te dien.
Sit die kalkoen warm of koud voor.
Resepte geplaas deur Diane Roode Hancox