ELSA SE KITSPOEDING KOEKIES
1 pakkie kitspoeding (enige geur).
2 koppies koekmeel.
250 ml margarien
2 teel bakpoeier
2 eiers.
Knippie sout.
Verhit oond tot 180 grade C. Smeer bakplaat of spay met cook-bake.
Room marg en kitspoeding tot romerig. Klits eiers in. Voeg meel ,bakpoeier en sout by. Vorm n deeg. Die deeg kan in n koekiemaker gebruik word of rol uit. 8mm. Sit koekies effens uit mekaar op bakplaat ,want koekies rys nogal baie. Bak vir 15 min. Laat effens afkoel in pan. (Daar kom geen suiker in nie -kitspoeding klaar soet ).

Lewer 54 koekies.

Elsa Van der Westhuizen

KITSPOEDING KOEKIES
400 g/500ml suiker
250 g botter of margarien
2 ekstra groot eiers
500 g bruismeel
1 pakkie (90 g) kitspoeding (enige geur)
Verhit die oond 180ºC. Smeer bakplate. Verroom die suiker en botter of margarien saam en klop daarna die eiers een-een daarby in. Sif die meel en poedingpoeier saam oor die eiermengsel en meng dit tot deeg. Rol die deeg bolletjies van sowat 5ml deeg elk en plaas hulle uitmekaar op die bakplate.
Bak die koekies 15 minute lank of totdat hulle begin verbruin.
Geplaas deur Carin Ras Wilson
Foto:  Elrika Lesch

WARM SPEK- EN EIERSLAAI
Genoeg vir 4 mense
4 groot eiers
250 g strepiespek in 3 cm stukkies gesny
½ wit korsbrood of plaasbrood in happiegrootte stukkies gesny
1 pakkie gemengde slaaiblare
125 ml babatamaties, middeldeur gesny
125 ml mange tout ertjies, gekook en gedreineer
1 avokado, geskil en gesny
Vars parmesaanskaafsels en basielblare om voor te sit
SLAAISOUS
100 ml Mayonnaise van goeie gehalte
5 ml Dijon mosterd
25 ml gerasperde parmesaan
35 ml melk
25 ml sonneblomolie
Verhit `n kastrol met water tot kookpunt. Sit die eiers in die kokende water en kook dit vir presies agt minute. Dreineer dit en giet koue water oor die eiers. Haal dit uit die water en dop dit af.
Verhit `n groot pan. Plaas die spek in die pan en braai dit vir ‘n paar minute totdat dit begin sis. Voeg die stukkies brood by en braai dit saam oor lae hitte totdat die spek en brood bros is. (dit sal 10 tot 15 minute duur.) Voeg ‘n bietjie sonneblomolie by as die pan te droog is.
Meng al die bestanddele vir die slaaisous saam.
Meng die slaaiblare, tamaties en ertjies saam en rangskik dit op ‘n opdienbord. Sny die eiers middeldeur en pak dit bo-op. Sit die avokado, spek en croutons bo-op en geur dit na smaak. Drup die slaaisous oor. Strooi parmesaankaasskaafsels en basielieblare oor en sit dit dadelik voor.

EIERSLAAI MET ROOMSOUS
3 Hardgekookte eiers
Sout en Peper na smaak
120 ml Dik Room
25 ml Asyn
1 Slaaikop
5 ml Maggi Fondor
10 ml Suiker
Metode
Was slaai en spoel deeglik af in soutwater.
Rangskik binneste slaaiblare in slaaibak.
Kerf res van blare in dun repies.
Plaas gekerfde slaaiblare in middel van die bak.
Sny eiers in dun skyfies en plaas op gekerfde slaaiblare.
Strooi sout, peper en fondor oor.
Meng room, suiker en asyn deeglik en gou oor die eiers.

Resep:  Kotie Naude

EIERSLAAI IDEES

Ek gebruik altyd na smaak die volgende:
Lekker romerige mayonaise, geel aromat, bietjie suiker, ‘n paar druppels asyn en as jy wil kan jy nog fyngekapte ui en augurkies insit. My kinders verkies dit sonder ui en augurkies.
Sunita Fourie de Villiers
My ma maak hare met gaar fyngesnyde aartappel, opgesnyde eiers, kropslaai, gekerfde tamaties en mayonnaise met klein bietjie chutney by om die suur soet te maak.
Louis Bronwen Bekker
I make a whole lot of hard boiled eggs chopped, add crispy fried bacon and some chopped up spring onions and then mix it altogether with a creamy mayonnaise and some salt & pepper.

KAPOKAARTAPPEL BALLE
Resep geplaas en foto: Maryke Jonck
FOOD LOVERS RECIPES
2 koppies koue kapokaartappels
1 eier, liggies geklits
¾ koppie gerasperde cheddarkaas
½ koppie gekapte groen uie (spruituie)
¼ koppie stukkies spek (bros gebraai)
½ koppie droë broodkrummels
Olie vir braai
Plaas aartappels in ‘n groot bak en laat staan tot kamertemperatuur – ongeveer 30 minute. Roer die eier, kaas, uie en spek stukkies in. Vorm in balle, rol in broodkrummels. Sit in yskas vir 15 minute.
Verhit olie tot 180 ºC Braai-aartappel balle, slegs ‘n paar op ‘n slag vir 2 tot 3 minute of tot goudbruin. Verwyder met ‘n gaatjieslepel en drieneer op handdoek papier

GEURIGE AVOKADOKOEK
2 ¼ koppie koekmeel
¼ teelepel koeksoda
½ teelepel gemengde speserye
¼ koppie botter
2 eiers
1 koppie ryp avokadopeer deur ‘n sif gedruk
3 teelelep bakpoeier
½ teelepel sout
1 teelepel suurlemoensap
1 koppie suiker
3 eetlepel melk
¼ koppie fyngekapte neute

Sif die koekmeel, bakpoeier, sout, koeksoda en speserye saam. Room die botter en voeg suiker geleidelik by, room goed na elke toevoeging. Roer die eiers, melk, suurlemoensap en advokadopeer daarin. Voeg die gesifte droë bestandele en die neute geleidelik by. Roer tot glad en goed gemeng. Bak in twee gesmeerde laagkoekpanne by 180°C vir 30-35min tot gaar. Haal uit die panne en laat afkoel op draadrakkie. As heeltemal koud, plaas opmekaar en versier met suurlemoen-botter versiersel en strooi gekapte neute bo-op.
SUURLEMOEN-BOTTERVERSIERSEL
4 eetl botter
3 eetlepel suurlemoensap (Ongeveer)
2 koppie versiersuiker
Paar druppels geel koek kleursel
Room die botter en voeg die suiker geleidelik daarby, klits totdat dit lig en skuimerig is. Voeg die suurleoensap by om dit tot ‘n smeerdikte te kry. Kleur tot ‘n delikate geel met koek kleursel.-
Foto:  Rina Kleinhans

PLAT AARTAPPELS
aartappels, 1 groot vir elke persoon of 2 kleintjies per persoon
kruie en speserye
olyfolie

Kook aartappels sag, sit dit op ‘n bakplaat, en vat die “masher” en druk dit lekker plat met ‘n harde druk. Gooi bietjie olyfolie en kruie en spesrye oor, sout en swart peper en as verkies feta kaas of net wat jy van hou. Sit dit in die oond op 220°C vir so ongeveer 15 min tot lekker bros en bruin. Ek het dit vandag sommer onder die grill gehad, want ek was haastig, maar in die oond raak dit lekker bros.

Nota: Vir ‘n ligte maaltyd kan mens ‘n lekker stukkie hoender  of hoendermayo of tuna ook opsit, kaas oor rasper en bak.  Dit is ‘n heerlike ligter ete.
Foto en idee:  Rina Kleinhans

SUIWELVRYE KONDENSMELK
Ek het gelees dat mense wat ‘n suiwel alergie het ook die vlg resep kan gebuik ipv kondensmelk.
40 ml water
80 ml Orley-Whip
160 ml suiker
15 ml mielieblom
200 ml cremora (1 op 3 aangemaak)
Knippie sout
2 ml xanthan
5 ml vanilla geursel
Maak cremora aan en meng die water en Orley-Whip in ‘n mengbak.
Klits mielieblom en suiker, wat vermeng is, by tot ‘n gladde tekstuur verkry is.
Voeg die mengsel by die cremora en klits goed.
Voeg ander bestanddele by en kook vir 1 minuut, voeg vanilla by en laat afkoel.
NS: Skep roomlaag af indien gevorm word na opkoking.

Adéle Van Zyl Filmalter