1

SKONS MET KEFIR / KARRINGMELK

SKONS MET KEFIR / KARRINGMELK
Sif saam:
500 gr bruismeel
1 teelepel sout
2 eetlepel suiker
Klits dan:
2 eiers
1/2 koppie olie
1 koppie kefir
Meng saam tot net gemeng en druk deeg plat so 2 cm dik op ‘n meelbestrooide oppervlak.
Druk vorms uit en bak so 12 min by 180ºC.
Hierdie resep is so maklik en vinnig
Resep:  Renate Terblanche




VERSUIKERDE ROOSBLARE

VERSUIKERDE ROOSBLARE
Lentetyd kook RSG Huiskok, Errieda du Toit, met blomblare. Roosblare word al eeue lank gebruik om kos te geur en te versier. Probeer hierdie maklike resep vir versuikerde roosblare. Stapel dit op ‘n roomversierde sponskoek, versier feetjiekoekies daarmee of sit dit voor saam met skons, aarbeie en room.

100 g roosblare (omtrent 10-15 rose)
1 eierwit
Knippie sout
Water
250 ml strooisuiker (vanielje-gegeur indien moontlik)

Was die roosblare versigtig en druk liggies droog (of los op kombuispapier om droog te word).
Klits die eierwit met die sout en ‘n teelepel water tot skuimerig.
Verf die mengsel versigtig en eweredig aan die bo- en onderkant van elke blaar met ‘n kombuiskwassie.
Maak seker dat daar nie oortollige eierwit op die blaar sit nie.
Sif die strooisuiker aan beide kante van die blare sodat hulle eweredig bedek is. Plaas die blare op ‘n plaat of skinkbord wat met waspapier uitgevoer is – laat dit vir 2-3 dae om droog te word.
Sit dit in ‘n lugdigte houer en plaas in yskas tot benodig.




PATATS-PAMPOENKOEKIES


PATATS-PAMPOENKOEKIES
Ek het gestoofde patats en pampoen oorgehad en gister toe sit ek die 2 bymekaar, meng en maak fyn. Toe maak ek gister patats-pampoenkoekies!! Ag, en dit was nou n treat!
2 koppies gaar fyngemaakte patats
2 koppies gaar fyngemaakte pampoen
2 eetlepels suiker
2 eiers geklits
Driekwart koppie koekmeel
Sout
1 eetlepel fyn kaneel
Halwe koppie suiker
Olie om in te braai.
Meng alles saam behalwe kaneel, halwe koppie suiker en olie.
Laat olie warm word en skep eetlepels vol in warm olie.
Hou dop en draai dan versigtig die patatpampoenkoekie om sodra dit bruin onder is. Braai dan verder tot mooi bruin
Skep so 3 eetlepels vol van beslag in pan en sodra albei kante mooi bruin is, plaas op handdoekrol papier sodat die olie geabsorbeer kan word.
Meng die kaneel en halwe koppie suiker en strooi liggies oor elke patatpampoenkoekie soos u dit in ‘n opskepbak plaas.
Ek belowe, dis “fantamagories” heerlik!!
Dit was my eerste probeerslag en dit was n wenner!

Foto en resep: Marietjie van Zyl




KORINGSLAAI OM TE BOTTEL

KORINGSLAAI OM TE BOTTEL
500 ml rou stampkoring
sout en varsgemaalde swartpeper
1 groot ui,fyn gekap
4 ryp tamaties, in klein blokkies gesny
2 groen soetrissies, ontpit en gekap (jy kan rooi en geel bysit vir kleur)
150 ml sultanas
1 Klein pynappel, geskil en in blokkies gesny

Slaaisous:
90 ml suiker
60 ml korrelmosterd
15 ml matige kerriepoeier
125 ml wit asyn
500 ml mayonnaise

Kook koring in 6 koppies water  vir 30 – 40 minute tot sag.
Dreineer deeglik, spoel met koue water af,  sit die knippie sout by en roer goed deur.
Laat afkoel.

Braai ui, tamaties, soetrissies en pynappel liggies.
Voeg koring en sultanas by.
Voeg al die bestanddele vir die sous by en geur na smaak.
Voeg die koringmengsel by die sous en kook net tot deurwarm.
Bottel warm en verseël dadelik.
​Draai bottels op hulle proppe tot koud om goed vas te suig.
Resep:  Amanda Conradie




ELMARIE SE OLYWE


ELMARIE SE OLYWE
Sny n gleuf in elke olyf.
Laat vir 7 dae in vars water lê.
Vervang water elke dag.
Gooi in ‘n bak met lae growwe sout tussenin vir 3 dae.
Gooi elke dag water af.
Spoel deeglik af.
Laat vir 3 dae in vars water lê. Spoel af.
Gooi nou olywe in flesse. Vul elke fles met die volgende mengsel:
Verhit 4.5 liter water en los 330 g sout daarin op. Laat afkoel. Voeg 250 ml asyn by.
Vul elke botteltjie daarmee tot so amper vol.
Gooi lagie olyfolie bo-op. Seël en laat staan vir 3 maande.
Ek voeg nog knoffelhuisies en roosmaryn takkies by elke bottel.
Geniet..
Geniet deur Renate Strydom Engelbrecht




OONDGEBAKTE SOUSKLUITJIE


OONDGEBAKTE SOUSKLUITJIE
(SLAAN NIE TOE NIE)
Sous:
1,5 liter water
375 ml suiker
15 ml botter
5 ml kaneel
knippie sout
Deeg:
500 ml koekmeel
3 teelepel bakpoeier
knippie sout
30 ml botter
2 eiers, geklits
125 ml melk
kaneelsuiker na smaak
Voorverhit die oond tot 150ºC. Verhit sousbestanddele saam tot kookpunt en kook 3 minute.
Meng intussen die deeg:
Sif meel, bakpoeier en sout saam. Vryf botter met vingers daarin tot goed gemeng. Meng eiers en melk, voeg by meelmengsel en meng tot deeg.
Gooi kokende stroop in ‘n groot diep oondskottel met ‘n deksel. Skep dessertlepelsvol deeg in netjiese hopies in sous en doop die lepel elke keer in die warm sous voordat die volgende kluitjie geskep word.
Strooi ‘n bietjie kaneelsuiker bo‑oor, sit die deksel op en bak 40 minute.
Sit warm voor.
Lewer 6 ‑ 8 porsies.
Resep geplaas deur Gerda Swanepoel




WENKE VIR PERFEKTE MERINGUE


WENKE VIR PERFEKTE MERINGUE
Frikkie Jones:
Jou klitser en klitsbak moet 100% skoon en droog wees.
Vryf die klitsbak uit met bietjie suurlemoensap en droog dit uit.
Eiers by kamertemperatuur.
Vir elke eier, gebruik jy ¼ koppie suiker/strooisuiker.
Klits die eierwitte styf met ‘n knippie sout, maar nie droog nie.
Sit 1 eetlepel strooisuiker by en klits tot dit opgelos is. Voeg dan weer 1 eetlepel by en hou so aan tot al die suiker ingevoeg is.
Jy kan ½ teelepel wit asyn op die einde byklits om dit te stabiliseer.
Vir ‘n ronde tertbord sal 4 eierwitte en 1 koppie strooisuiker genoeg wees.
Nog:
Klits jou eierwitte met ‘n knippie sout dat dit skuim maak soos bubble bath se skuim. Sit ‘n kwart van jou strooisuiker by en klits tot daar geen meer korrels tussen jou vingers is as jy so bietjie van die mengsel tussen jou vingers vryf nie. Herhaal die proses tot al die suiker ingeklits is en dit stokstyf is. Sif die maizena oor die mengsel en vou dit in met ‘n whisk. Vou, nie klits of roer nie. As jy met ‘n whisk vou, draai die handvatsel in jou hand soos jy vou. Dis ‘n baie saggiese manier om te werk want jy wil nie al die wind wat jy ingeklits het uitwerk nie.
Bo-op jou suurlemoenvulsel wat jy klaar vir 20 min gebak het, sprinkel jy ‘n dun lagie Maizena en jy “smeer” liggies tot die Maizena nie sigbaar is nie. Nou sit jy jou meringue op met ‘n lepel of ‘n piping bag soos die gees jou lei. Bak by 160°C vir 30 min. Sit jou oond af en sit ‘n houtlepel in die oonddeur. Los dit dat dit daar afkoel. As jy die stappe presies volg sal jy nooit anders weer met meringue werk nie.

Tiaan Steyn:
Die volgende wenke van meringue is koning en belangrik:
– Jou mengbak en klitser moet altyd skoon wees. Gebruik handdoek papier waarop jy bietjie asyn sit en vee bak en klitser/s mooi uit en af.
– Eierwitte moet kamertemperatuur wees vir beste resultate.
– Eierwitte benodig ‘n soort suur om te help. Gooi ¼ teelepel kremetart/ cream of tartar by aan die begin en klits goed.
– Klits jou eierwitte net tot na sagte punte begin vorm. Begin dan suiker bygooi terwyl jy klits.
– Gooi jou suiker teelepel vir teelepel by. Klits tot styf.
ONTHOU: Jy gebruik nooit ‘n houtlepel, of plastiek lepel of silicone soos deegskraper as jy met eierwit werk nie. Dis porieeës (beteken klein luggatjies wat ontstig is) wat lug uit geklopte eierwit neem.
Jy gebruik altyd iets metaal.
DIE GEHEIM van bros buitekant en amper Marshmallow binnekant is volgende:!
Meringue moet eintlik stadig bak so by 160°C tot ligbruin. Skakel oond af en los meringue in oond om af te koel maar nie heeltemal.




LIZ’S FISH BATTER


LIZ’S FISH BATTER
1 cup cake flour
1 teespoon baking powder
1 teespoon salt
2 teespoon aromat
1/2 cup milk
1/2 cup water

Mix everything together. Lightly coat fish in flour and dip in batter. Fry in pan.

NOTE: It is crunchy and tastes amazing. I cut the hake up into small pieces for the kids and made them fish pops. My kids are picky as to what they eat and they loved it.

Recipe and photo: Liz Marillier




NOG ‘N SKEPPIE NAGEREG


NOG ‘N SKEPPIE NAGEREG
4 eetlepels koekmeel
4 koppies melk
4 eiers
1 teelepel koeksoda
4 eetlepels botter
4 eetlepels suiker
4 eetlepels appelkooskonfyt
1 teelepel vanilla
Klop botter en suiker tot romerig. Voeg geklitste eier by. Los koeksoda op in melk en voeg by die konfyt.
Sif die droe bestanddele saam en voeg by die eiermengsel.
Voeg die geursel by en meng goed.
Voeg die melkmengsel geleidelik by en meng deur, skep die mengsel in ‘n gesmeerde bakskottel
Bak by 180ºC vir 45 minute tot lig en bruin.
Geniet dit.
Resep geplaas deur Rina Kleinhans




RICE KRISPIES EN GRONDBOONTJIEBOTTER VIERKANTE


RICE KRISPIES EN GRONDBOONTJIEBOTTER VIERKANTE
4 koppies Rice Krispies
125 ml stroop
125 ml grondboontjiebotter
2 ml sout
Kook stroop 1 minuut, haal van hitte af en roer peanut butter en sout by. Roer dit deur die Rice Crispies. Druk stewig vas in gesmeerde pan en verkoel.
Sny in blokkies. Kan ook gesmelte sjokolade oor smeer.
Resep geplaas deur Amanda Burger