TUNA EN OLYWE PASTA
1 pak kersie tamaties
80 ml olyfolie
2 knoffel huisies, fyngedruk
basilie blare
strikkie pasta, gaar gekook
2 blikke tuna
5 ml Italiaanse spesery
sout en peper na smaak
ontpitte Kalamata olywe

Verhit die olie in ‘n pot. Voeg die knoffel en tamaties by.
Bedek met deksel tot die tamaties begin oopbars en sous vorm.
Voeg dan die kruie en tuna by en roer deur.
Voeg die olywe by.
Bedien met gekrummelde feta en gekerfde basiliebare.
Iets anders, maar regtig smaaklik.
Resep: Thea Taylor

PASTA EN MAALVLEISGEREG
1 groot ui, gekap
250 g spek stukke
1 kg maalvleis
1 blik baked beans
kaassous
bobotie sous (of mince spice)
½ pak macaroni
gerasperde kaas
sout en peper

Braai die ui. Braai die spek stukke daarby met lekker baie knoffel. Braai maalvleis daarby met sout, pepper en ek het n pakkie Bobotie sous gemeng met 1 koppie water en die maalvleis daarin gaar gekook. Dit moet souserig wees.
Skep dit nou onder in ‘n glas oondbak. Skep bo-op die blik baked beans met sy sousie.
Maak die macaroni gaar soos normaal. Maak witsous of soos ek 1 pakkie kaas en sampioensous met kookwater gemeng en toe voeg ek sommer 2 hande vol gerasperde kaas daarby en nadat macaroni afgespoel is het ek die kaassous daarby gemeng.
Skep nou die macaroni bo-op jou boontjies. Ek het ‘n goeie klomp swartpeper oor gerasper. Nog kaas bo-op gesit en nou smelt jy net jou kaas onder die gril in jou oondjie.
Resep en foto: Ronell Visser Gouws

SPAGHETTI WITH TUNA AND TOMATO SAUCE
500 g spaghetti
440 g canned tuna in oil, drained and oil reserved
1 large onion, chopped
1 green pepper, sliced
1 teaspoon minced garlic
375 g tomato paste
125 ml white wine
1 tablespoon cracked black pepper
2 tablespoons finely chopped fresh parsley
8 black olives, halved

Cook spaghetti in boiling water in a large saucepan following packet directions. Drain, set aside and keep warm.
To make sauce, heat reserved oil from tuna in a fry pan and cook onion, pepper and garlic for 3-4 minutes or until onion is soft. Stir in tomato paste and wine and cook for 3-4 minutes.
Add tuna to sauce and cook, stirring gently, for 4-5 minutes. Spoon sauce over spaghetti and toss to combine. Garnish with pepper, parsley and olives.
Recipe: Maryke Hauptfleisch

OUTYDSE LEMOENKOEK
2 koppies koekmeel waarvan 2 eetlepels verwyder is
1 ½ koppie suiker
4 ekstra groot eiers
2 rondvol eetlepels margarien
2 eetlepels kookolie
3 teelepels bakpoeier
2 rondvol eetlepels mielieblom
1 teelepel fyn gerasperde lemoenskil
1 ½ koppies lemoensap
½ teelepel sout

Klits die eiers, suiker en lemoenskil vir 10 minute met ‘n elektriese klitser.
Meng die lemoensap, olie en margarien in ‘n kastrol, verhit tot kookpunt en skakel die plaat af.
Sif die droë bestanddele saam en klits by die eiermengsel in.
Giet die kokende oliemengsel oor die beslag en vou in met ‘n spaan tot alles goed ingevou is.
Giet die beslag in 2 voorbereide koekpanne wat uitgevoer is met bakpapier op die bodem.
Bak in ‘n voorverhitte oond teen 180ºC vir 25 – 30 min.
Nota en foto:
Yolanda Van Wyngaard – Ek het die resep gebruik en dit is ‘n wenner. Die mense vir wie ek dit die eerste keer gebak het, het twee keer na dit weer die lemoenkoek bestel.
Resep: Dionné Page Olivier

MOSSELPOT
1-2 pakke half mossels
2 uie en baie knoffel (na smaak), fyngekap
sout en peper na smaak
125 ml margarien
basiese witsous (hoeveelheid afhangend hoeveel mense gaan eet)
250 ml room

Spoel mossels af. Braai uie en knoffel in margarien, maak basiese witsous resep met sout en peper, gooi alles bymekaar en kook mossels paar minute so. Sous word dikker, rond dan af met jou 250ml room
Resep en foto: Billy En Vanessa Range

WILLE HOENDERKERRIE
Hierdie is my lui kerrie maar is altyd ‘n wenner.
Pak 1 kg hoender en soveel groente van jou keuse in oondvaste bak. Ek het 2 uie gekap, 3 aartappels in kwarte gesny en ‘n handvol rankbone en wortels gebruik.
Meng goed saam:
1 blikkie klapper melk
1 eetlepel Panko curry paste
1 eetlepel Rajah (pers boks)
1 teelepel breyani masala
1 teelepel hoender speserye
1 teelepel suiker

Sprinkel sout oor jou vleis en groente, en dan gooi jy sous oor.
Maak toe, bak teen 180°C vir so uur en ‘n half.
Resep en foto: Natacha Visagie

THAI GREEN CURRY MET GEGEURDE RYS
Hierdie is ‘n absolute kortpad resep en kan nooit flop nie.
garnale, skoongemaak soos verkies met of sonder dop en kop
1 pakkie thai green curry (Knorr)
Julliene soet rissie
sprietuie, fyn opgesny

Braai jou rissie en sprietuie. Voeg die garnale by en braai met bietjie olie.
Maak jou pakkie sous aan met melk soos op pakkie aangedui, en voeg by, maar ek sit op die einde room (ongeveer 250 ml) by om dit romerig te maak.
Niks anders nodig nie. Altyd ‘n wenner en super maklik!
Resep en foto: Billy En Vanessa Range

CARIEMA SE ROTI’S
Resep en foto: Pieter Opperman
FOOD LOVERS RECIPES

Vir die ghee:
150 g botter
¾ koppie kookolie

Vir die deeg:
3 koppies koekmeel
½ koppie bruismeel
1 teelepel sout
3 eetlepels botter, kamertemperatuur
1 koppie kookwater

Berei ghee voor:
Smelt botter in mikrogolfoond en roer olie by. Hou eenkant.

Berei deeg voor:
Plaas koek- en bruismeel, sout, botter en kookwater in ‘n mengbak en roer deur met handvatsel van ‘n houtlepel.
Gebruik nou jou hande en meng en knie tot deeg vorm. Dit sal redelik klewerig wees. Jy kan altyd meer meel bygooi.
Knie deeg tot glad en elasties.
Smeer ‘n bak met olie en plaas deegbal daarin. Bedek met kleefplastiek en laat rus vir 30 minute.
Plaas deegbal op ‘n met meel bestrooide werksoppervlak en rol in ‘n dik wors. Verdeel in 8 ewe groot stukke.
Smeer olie aan jou hande en vorm elke stuk sodat dit in ‘n balletjie vorm. Smeer liggies ghee oor om te verhoed dat dit uitdroog.
Rol elke balletjie met ‘n rolstok in ‘n sirkel so dun moontlik uit. Smeer rojaal met ghee sodat die hele sirkel bedek is.
Rol deegsirkel op in ‘n lang tou. Rek die tou uit terwyk dit op die werksoppervlak geslaan word sodat dit lank en rekbaar word.
Rol nou die twee punte na mekaar toe, een punt kloksgewys en die ander punt antikloksgewys om ‘n “S” te vorm. Plaas die een helfte bo-op die ander helfte. Dit lyk nou soos ‘n spiraalvormige roti-bal. Herhaal met die res. Plaas roti-balle vir 1 uur in die yskas.

Verhit groot swaarboompan op medium hitte.
Rol roti-bal uit tot die grootte van ‘n eetbord. Smeer met ghee en plaas in warm pan ghee kant na onder.
Smeer ghee aan bokant en draai roti na 2 – 3 minute om. Herhaal sonder om weer ghee te smeer tot roti goudbruin bak met donker kolle op.
Plaas gaar roti op ‘n bord en frommel effens op. Dit maak dit “flakey”. Herhaal tot al die roti-balle gebak is.

MAALVLEIS LEKKERTE
maalvleisnessies
maalvleis mini-pizzas
maalvleis pastei-rol
Bestanddele vir al drie geregte:
800 g maer maalvleis
3 medium uie
800 g vars tamaties
2 medium green peppers
4 klein jalapeno peppers (gebruik handskoene of laat weg indien nie van brand hou nie)
grofgemaalde swartpeper na smaak
gedroogde knoffelvlokkies na smaak
1 pakkie Royco sweet and sour sauce
Wellington Sweet Chilli-Naise dressing
2 rolle short-crust pastry (ontdooi deeg vooraf en hou koel in yskas)

Verhit oond tot 180ºC.
Maalvleisvulsel:
Voeg die maalvleis in ‘n groterige pan (sonder water of olie, die groente maak sap). Verwyder die tamatie en uie se skille en peppers en jalapenos se pitte en sny als fyn. Gooi die peper en knoffelvlokkies by. Prut alles saam in ‘n pan, hou dop dat dit nie brand nie die groente se sap kook uit, maar raak min. Gooi laastens die Royco sous (aangemaak in min water) by en kook deur. Die eindproduk moet min sous hê.
Rol die een pak deeg op ‘n meelbestrooide oppervlakte uit en druk sirkels uit. Ek het ‘n leë “baked beans” blik gebruik en dit maak maklik en die regte grootte: 12 deegsirkels vir muffinpan en 16 vir die pizza plaat.

Maalvleisnessies:
Vat ‘n muffinpan, spuit met cook and spray. Plaas die 12 deegsirkels in elke gat. Bak so 5 min in die oond sonder die vulsel en haal dan uit. Skep lepels vol maalvleismengsel dan in die holtes nessies en versprei eweredig. Bak tot amper gaar en smeer dan bietjie chilli-naise sous bo-oor (of eier of kaas as jy verkies). Bak tot goudbruin en deeg mooi gaar onder.

Maalvleis mini-pizzas:
Plaas die 16 deegsirkels op ‘n bakplaat (vooraf gespuit met cook and spray). Skep lepels vol maalvleismengsel op en smeer chilli-naise sous oor. Bak tot goudbruin en deeg mooi gaar onder.

Maalvleis pastei-rol:
Rol die oorblywende rol deeg uit. Smeer die deeg met chilli-naise en skep dan die oorblywende maalvleismengsel oor die hele deeg. Rol op en sny in pastei grootte stukke. Smeer bokant met melk of eiergeel (ek het nie maar dit sal mooier vertoon). Bak tot goudbruin en deeg mooi gaar onder.
Geniet saam met mengelslaai of hou oorskiet vir middagete môre.
Resep en fotos: Christelle van Rooyen

LASAGNE MET OEMF
2 uie
1 geel pepper gekerf
500 g maalvleis
1 gerasperde wortel
1 fyn gekapte seldery stingel
Tamatie en basilsous van Ina Paarman  (600 g)

Braai uie, pepper, maalvleis, wortel en seldery stingel tot mooi gaar, voeg bietjie sout en peper by.
Gooi nou ‘n pak van Tannie Ina Paarman’s se tamatie en basil sous by (kyk by pasta souse by jou ketting winkels)
Prut stadig vir so 15-20 minute.

Intussen maak jou witsous (ek het nie hoeveelhede nie)
Botter (so halwe koppie)
Meel (haal van plaat af, gooi by botter en roer) So driekwart koppie
Terug op die plaat en melk (ek het omtrent 750 ml gebruik)
En roer tot lekker dik maar loperig.
Smeer bodem van oondvaste bak wat met olie gespuit is eerste met witsous.
Pak lasagne bo-op
Dan maalvleis
gekapte basil
kaas (cheddar)
nog kaas (grana padano)
Herhaal
Eindig met witsous, dan cheddar, grana padano en gekapte chives.
Bak in die oond 45-50 minute, 180°C
Resep en foto: Natacha Visagie