SADE BESKUIT
Resep en foto: Alta Gunter van Wyk
FOOD LOVERS RECIPES
1 kg bruismeel
500 g magarien of botter
2 koppies bruin suiker
1 koppie olie
12.5 ml vanilla geursel
500 ml karringmelk en nog ‘n ¼ koppie
2 eiers
15 ml bakpoeier
5 ml sout
30 ml klapper
1 koppie semels
½ koppie nuttywheat
1 koppie oats
½ koppie sesame saad
½lynsaad (lynsead)
½ koppie sonneblom saad
½ poppysaad
½ koppie pekan neute, gekap
Kan ook sade vervang of bysit soos pampoen saad

Smelt magarien en suiker saam.
Klits melk, eiers vanilla en melk nou saam.
Voeg gesmelte botter, olie en suiker by eier en melkmengsel.
Voeg droë bestanddele by en meng.
Sit in pan en bak vir 180ºC vir 20 min en dan op 160ºC vir ± 15 min, maar toets of dit gaar is, dit is ‘n sagte deeg.
‘n Vriendin se resep. Beskuit is lekker bros.

BEESVLEIS TACO
Was nie lus vir Italiaans vanaand toe maak ek bietjie Meksikaans.
500 g maer bees maalvleis
1 ui, gekap
1 groen pepper, gekap
Taco speserye mengsel

Braai uie en pepper tot begin verkleur en sit dan maalvleis by. Gooi speserye na smaak by en roerbraai tot gaar en die vleis los is.
Maak die taco doppe warm in oond soos per aanwysings op pakkie.
Berei die salsa:
2 tamaties, opgekap
1 klein ui, opgekap
Komkommer dun gesny of in spiraalrepe gesny en gesprinkel met rys asyn of sushi asyn
Genoeg gerasperde Cheddar kaas.
Suurroom
Sit die maalvleis in die taco doppe en skep van die salsa bo-op.
Bedien die gerasperde kaas en suurroom saam sodat elke persoon na smaak kan bysit.
Ek het met mielies bedien.
Resep en Foto: Elsabe Templeton

MARTIE SE FRIKKADELLE
500 g maalvleis
1 klein plein yogurt
1 Wheatbix blokkie
1 pakkie wit uie sop
1 eier
Speserye van jou keuse

Meng alles saam maak balletjies en smeer die volgende op:
Cream of tomato soppoeier gemeng met bietjie tomato paste.
Redelik dik aangemaak en oor die frikkadelle gesmeer.
Voor ek dit in die oond gesit het vir 30-35 min. op 180 grade C, het ek dit met olyfolie gesmeer.
Groen boontjies met ui en aartappels gekook saam bedien.
Resep : Martie Fourie Moolman
Foto: Zander du Plessis

HOENDERLEWER IN NANDO’S SOUS
Resep en foto : Karien Bronkhorst
Ons huisgesin hou baie van Nando’s se hoenderlewertjies. Gisteraand toe probeer ek toe die volgende resep en was vrek lekker!
750 g hoenderlewers
1 groot bottel Nando’s sous van jou keuse – ek het Wild Herb gebruik
1 ui, fyngekap
1 teelepel gemmer en knoffel pasta
1 teelepel knoffel
botter en olie vir braai
Nestle se “Dessert and Cooking Cream”
soetrissisesous
melk
Was die hoenderlewers tot mooi skoon en kook dan vir so 5 min. Dreineer die water af en laat lewers afkoel en droog word. Sny dit dan in 2, moenie kleiner sny nie.
Verhit bietjie olie en botter in ‘n pannetjie en braai die hoenderlewers so paar op ‘n slag tot lekker bruin. Jy kan ook ‘n bietjie hoender speserye oor sprikel, maar nie te veel nie. Skep uit en hou eenkant.
In dieselfde pan, braai die uie, knoffel en gemmerpaste asook die gewone knoffel totdat die uie gaar is. Pasop dat dit nie brand nie.
Voeg nou sous by, probeer eers so 125 ml en kan dan byvoeg soos benodig. Voeg so halwe blikkie van die “cooking cream” by en so 100 ml melk, Laat bietjie prut en voeg dan die soetrissiesous by na smaak. Voeg die gaar lewers by en laat dit nog ‘n rukkie prut totdat sous dikker word.
Die Nando’s sous, cooking cream, melk en sweet chilli sous kan na smaak bygevoeg word. Hang ook net af hoeveel sous jy wil hê.
Ek het dit saam met rys en pap bedien.

VETKOEK IN OOND GEBAK
Ek het iets nuuts probeer vandag, ‘n ander manier om vetkoeke te bak. Dis nie in olie gebak nie dit in die oond gebak.
2 koppies meel
2 eetlepels (10 ml) bakpoeier
(of vervang die meel en bakpoeier met self raising meel)
1 eetlepel suiker
1/2 t (2 ml) sout
1 koppie (250 ml) melk
2 eiers

Genoeg olie vir bak in die oond.
Sif meel, bakpoeier en sout saam. OF
(Self raising meel en sout saam)
Klits eiers, melk en suiker saam.
Meng droë bestanddele saam, gooi dan jou melk en eiermengsel in en meng baie goed deur tot ‘n sagte deeg. Jy kan nog melk by gooi as jy wil.
Smeer bak met botter of spray met “spray and cook”.
Gooi bestanddele in ‘n bak en sit oond op 180°C.
(Vierkantige glasbak – 21 cm)
Laat dit bak so 30 min, hang af hoe vinnig jou oond is.
Klaar gebak, haal uit en laat dit afkoel of kan warm bedien, sny in blokke soos aangedui.
Kan met kerrie, kaas, jam of stroop bedien.
Resep en foto: Jolene Smith

ZELDA SE MELKTERT
Resep: Zelda van Vermont
Foto: Hannes Smith
FOOD LOVERS RECIPES
Julle onthou seker my mislukte poging om botter te maak van die onbekende liter room.
Wel ek het toe melktert gemaak van die verdunde room en dit was baie lekker en RYK.
Kors:
250 ml koekmeel
2 teelepels bakpoeier
3 ml sout
125 g botter
65 ml suiker
1 eier
Bietjie melk

Vulsel:
1250 ml melk
125 g botter
45 ml bruismeel
250ml suiker
5 eiers, geskei witte styf geklop
125 ml melk

Meng meel, bakpoeier en sout. Meng botter en suiker saam. Klits die melk en eier en meng alles saam.  Die deeg moet slapperig wees. Skep mengsel in 2 gesmeerde tertpanne van 23 cm.

Vir die vulsel:
Kook die 1250 ml melk en botter liggies oor ‘n lae hitte. Klop die bruismeel, suiker, eiergele en 125 ml melk saam.
Voeg by die melkmengsel en prut vir ‘n rukkie. Vou die geklopte eierwit by die mengsel in.
Skep die mengsel op die deeg in die panne en strooi bietjie kaneel oor.
Bak by 180°C vir 25 tot 30 minute.

MANDY SE MAKLIKE KAASKOEK IN DIE MIKROGOLF
1 L Parmalat caramel fudge yogurt
1 blik kondensmelk
1 pakkie tennis biscuits
Maak die koekies fyn en sit dit in ‘n bak of tertpan, maak die bodem heeltemal toe.
Meng die kondensmelk en yogurt baie goed saam.
Skep die mengsel oor die koekies.
Sit dit in die mikrogolf vir 4 min.
Koel af in die yskas.
Dis baaaaaie lekker!
Resep en foto: Mandy Engelbrecht

BEVRORE BESSIETERREIN
TERRIEN
2 liter vanieljeroomys, effens ontvries
1 groot madeira-sponskoek of panettone
300 g elk ryp aarbeie, bloubessies en frambose
BOLAAG
250 g bevrore frambose
200 g vars of bevrore bloubessies
200 g aarbeie, in kwarte gesny
1 e versiersuiker, om oor te sif

Voer ’n 900 g-broodpan met kleefplastiek uit. Maak seker dit hang oor die rande sodat jy dit oor die nagereg kan vou.
Skep ’n laag vanieljeroomys onderin die pan en pak ’n paar dun snye sponskoek bo-op. Bedek met ’n laag elk van die aarbeie, bloubessies en frambose.
Skep roomys oor die bessies en herhaal die lae soos in die vorige stap totdat die pan vol is. Druk die bestanddele plat om enige holtes te vul. Vou die kleefplastiek toe en sit die terrien in die vrieskas tot kliphard gevries.
Haal dit 15 minute voor opdiening uit die vrieskas. Druk die pan vinnig in warm water en keer die terrien op ’n bord uit. Versier met bessies en sif versiersuiker oor.
WENK: Doop jou mes in warm water om die terrien makliker te kan sny
Resep: Susan-Katryn Janse van rensburg

VANILLA CAKE IN FRYING PAN
My 1 st attempt of baking a cake in an electric frying pan.
Devine. Here’s the recipe.
3 eggs
125 ml sugar
5 ml vanilla essence
250 ml selfraising flour
60 g melted butter

Beat the egg whites till stiff, beat in sugar, egg yolks and vanilla. Beat until thick. Fold in sifted dry ingredients and melted butter. Fold in well.
Pour mixture into baking cake pan.
Place wire rack in frying pan, place cake pan on wire rack in frying pan, put the lid on and make sure the  “vent” is close,  put the pan on High for 90 mins, then place foil on top of cake and bake for another 30 mins. Cake is done

Butter icing:
125 g margarien
2 cups icing sugar and
5 ml vanilla
Mix the margarien till creamy,  add icing sugar and vanilla and mix well.
If it is dry add little bit of milk, only a drop.  Mix and ice the cake.
Recipe and photo: Mary Brown

TANNIE ANS SE RYP VYEKONFYT
Ek het in die week vyekonfyt gekook. Ek het ‘n vriendin van my skoonma Tannie Ans van Zyl se resep gebruik. Tannie Ans was ‘n beoordeelaar van die VLU gewees. Sy het ‘n resepteboek saamgestel vir beginners.
Gebruik vye wat net ryp is maar nog ferm. Skil mooi dun af en prik met ‘n hoedespeld.
Laat lê nou in kalkwater oplossing nl:
560 ml water
2 teelepels gebluste kalk
Maak die kalk met ‘n bietjie water aan en gooi in die bak met water. Laat staan vir ongeveer 30 minute. Gooi boonste kalkwater deur een laag kaasdoek. Pak die vye in ‘n groot bak en gooi die kalkwater daaroor. Laat staan vir ten minste 5 – 6 ure.

Maak intussen stroop: vir 910 g vye
455 g suiker
2 suurlemoene se sap
8 – 9 koppies water
3 – 4 stukke droë gemmer (verkrygbaar by speserye winkels)
As vye gereed is, word dit met koue skoon water baie goed afgespoel en op ‘n doek effe drooggemaak. Pak in kokende stroop.
Sit deksel op en kook vir 20 minute. Haal af van die stoof en laat tot volgende dag.
Volgende dag:
Sit pot op stoof en verhit stadig. Sodra dit begin kook kan die plaat bietjie hoër gedraai word en deksel verwyder word. Skuim sal vorm, skep voortdurend af.
Na 40 minute of bietjie langer sal die skuim begin om boontoe te kom. Dit kan oorkook, wees bedag daarop. Skep nou bietjie stroop in ‘n piering en sit in vrieskas.
Draai intussen die stoof stadiger. Na 4-5 minute sal die piering se stroop koud wees. Hou die piering skeef, as ‘n roompie vorm, is die konfyt reg.
Die stroop moet ook kasterolie dikte wees. Hou in gedagte dat heel vrugte met vog gevul is en kan na ‘n paar dae wys dat die stroop dun is. (Tannie Ans se wenk – kook volgende keer die vye bietjie langer)
Pak in warm flesse en verseël.

Laat oornag om koud te word. As die gewone consul flesse gebruik word, kan die geel ringe nou afgedraai word en die flesse skoon gemaak word.
Draai weer die geel ring liggies op die plat metaal dekseltjie behoort na 5- 10 minute vanself in te duik, anders is die bottel nie geseël nie.
Foto: Elna Erasmus