SPINASIE EN TUNA BROODJIE
275 ml gekapte gaar spinasie
1 ui, fyngekap
2 x 200 g blikke tuna in olie
4 snye wit brood
2 eiers
100 ml water
sap en skil van 1 suurlemoen
sout en peper

Braai ui in die mossel olie.
Krummel brood, meng met res van bestanddele.
Skep in mikrogolf brood pannetjie. Bedek met waspapier en bak in mikrogolf 11-13 min.
Bedien saam met ‘n lekker slaai.
Resep en foto: Martie Fourie Moolman

PIZZA BUN
5 bestanddele pizza bun 🍕
ronde buns 🍞
tamatie en uie smoor 🍅
sampioene (gebraai) 🍄
ham 🐖
kaas 🧀

Sny die bokant van die bun af en druk die binnekant heeltemaal plat dat dit ‘n holte maak. (Beter as om net die binne kant weg te gooi)
Plaas bietjie tamatie smoor aan die onderkant. Bo-op dit die gebraaide sampioene, en dan die ham wat in klein blokkies gesny is. Top dit met lekker baie kaas en sit die bun se “deksel” terug op. Bak in die oond tot kaas gesmelt is, myne was op laagste hitte vir so 15 min.
Resep en foto: Anushke du Plessis

KOMKOMMER LEKKERTE
1 komkommer
2 wiele Fetakaas
dill
4 eetlepels Ceasersous
granaatpitte
sout en varsgemaalde swartpeper

Sny komkommer in stukke en skil dun af. Hol binneste uit.
Krummel Fetakaas, voeg gekapte dill by en ‘n bietjie Ceaser sous.
Skep in komkommer en versier met granaatpitte, dill en gemaalde swartpeper. Ongelooflike lekker koel happie op ‘n warm dag.
Resep en foto: Sanet Henning

GEBLOMDE UI – BLOOMING ONION
Die ui iewers op die internet gesien, maar kan nie onthou of dit met iets gestop moet word nie.
Wat ek gedoen het, is om die ui te sny, die lae van mekaar los te maak.
Gesprinkel met aromat en Ina Paarman se Italian cheese sprinkle gegeurde meel.
Geklitste eier oor gegooi, in die vrieskas vir ‘n paar minute gesit en daarna in diep olie gebak tot goudbruin.
Resep en foto: Petre van Jaarsveld

JOEY SE EIE GEBAKTE AARTAPPELS
2 pakkies 3 Kase sous ( 3 cheese sauce)
1 kg strepies spek of stukkies (own choice)
Aartappels – hang af van die aantal porsies
2 eetleppels knoffel

Sny aartappels in ronde dun skyfies, sprei dit uit in oond pan.
Sprinkel knoffel oor aartappels.
Gooi gesnyde spek oor die aartappels.
Meng 1 pakkie kaassous met warm water volgens die aanwysings, laat dit amper soos ‘n sousie maak en gooi dit oor aartappels en herhaal dieselfde met die ander pakkie.
Sit foil bo-oor bak.
Sit in oond so vir ‘n half uur op 140°C  of tot die aartappels sag en gaar is.
Note:  Al die bestanddele is rou.
Resep en foto: Jolene Smith

EIERVRUG EN “HASHBROWN” BURGER
1 eiervrug, in skywe gesny
sout en peper volgens smaak
tamatie, in skywe gesny
gerasperde kaas
basilliekruid, vars of gedoog
aartappelkoekies (hashbrowns), tuisgemaak of gekoop
spek
olie vir panbraai

Voorverhit die oond tot 190ºC.
Plaas die eiervrugskywe in ‘n voorbereide bakplaat, sprinkel sout en peper oor die eiervrug na smaak.
Plaas ‘n skyfie tamatie op elke eiervrugskyf en sprinkel die kaas en basilliekruid bo-op die tamatie.
Plaas die bakplaat met die eiervrugskywe in die voorverhitte oond en bak vir 25 minute.
Braai die “hashbrowns” in ‘n pan met olie op die stoof tot gaar, verwyder en plaas eenkant.
Braai die spek in dieselfde pan tot gaar en bros.
Vir opdien, plaas ‘n hashbrown op die bord, gevolg deur die gebakte eiervrugskywe en laastens die gebraaide spek bo-op.
Nota:  Kan ‘n sous van eie keuse saam met die burger bedien.
Foto en resep:  Rianca Kruis

TUISGEMAAKTE GEROOKTE BACON(SPEK)
Ek vryf die “pork belly” in met 70 g sout en 70 g bruin suiker (per kilogram vleis) en plaas die vleis in ‘n ziplock sakkie. Ek voeg ook Esdoringstroop (Maple) by maar dis opsioneel.
Plaas die vleis in die yskas vir ‘n week, draai dit elke dag om.
Die sout trek al die vog uit en die vleis is redelik hard na die week.
Was die sout goed af voor jy dit rook.
Ek hang die vleis vir nog ‘n dag in die yskas om ‘n lagie buite-om te maak. (rook kleef dan beter vas).
Plaas die saagsels (so 2 hande vol) in water die aand voor jy begin rook.
Plaas 30 webber kole in die Webber aan een kant met die houtsaagsels bo-op.
Steek so 5 of 6 kole aan en as dit mooi aan die gang is, plaas jy die kole bo-op die saagsels.
Plaas die varkie ver van die kole af en kontroleer die hitte om nie meer as 130ºC te word nie, beste temperatuur is 110ºC.
Hang af hoe groot die varkie is, maar hy rook so 2 tot 3 ure, nie langer nie, anders raak die vleis te droog.
Dis regtig baie lekker. Sny die vleis in lekker dun skywe en voila, jy het heerlike “bacon”.
Resep en foto: Chris van Rensburg
Notas:
Silvia Van Eck – Chris los jy die velletjie (rind) aan of haal jy dit af?
Chris van Rensburg – Ek verwyder dit. Jy kan dit ook los. Dit kan gebruik word in sop of ander kosse om die rooksmaak te kry.
Rina Kleinhans – Chris, baie dankie vir jou foto en resep, net een vraag, nadat dit klaar gerook is, kan mens dit dadelik opsny en verpak soos “bacon”, en hoe maak jy dit gaar, asb help my net dat ek dit vir die beginners by die resep kan plaas.
Chris van Rensburg – Hi Rina, plesier. Die vleis word gaar terwyl dit rook. Wanneer dit afgekoel het,  kan jy dit sny en verpak. Verkieslik met ‘n broodsnyer of iets soortsgelyks. Lekker as dit dun gesny is.

BOKS- OF OONDPAN KOEK
500 ml kookwater
150 ml kakao
2 teelepels vanilla geursel
250 ml kookolie
Meng bogenoemde saam en laat staan eenkant.
6 eiers
750 ml suiker
3 ½ koppie koekmeel (vir wit koek 4 koppies koekmeel)
6 teelepels bakpoeier
knypie sout

Klits eiers en suiker vir 5 minute.
Meng Kookwater, kakao en kook olie saam.
Sif meel en bakpoeier saam.
Voeg die meel mengsel by kookwater mengsel en meng goed.
Voeg dit nou by eier en suiker mengsel en meng saam.
Bak 40 minute by 180 ºC.

Versiering:
Dis ‘n gewone sjokolade oondpan koek, versier met karamel, sjokolade “wafers” rondom wat ek vasbind met rooi lint en dan versier met astro’s, chocolate coated peanuts en wit- en donker sjokolade “shavings”. Met hierdie koek is dit nie nodig om enige ander lekkers voor te sit nie, hulle kry sommer al hulle suiker met een slag in!
Resep en foto: Retha Collett

WAATLEMOEN KONFYT
My eerste probeer slag.
1.5 kg waatlemoen, die rooi vleis
1 kg suiker
vars gemmer stukke wat jy insit en weer kan uithaal
1 koppie water

Ek het waatlemoen opgesny en in 2 liter pot gesit.
Op lae hitte 1 koppie water bygevoeg en die suiker en gemmer bygesit.
Niks geroer nie net laat kook vir 2 ure, toe toets ek die stroop en dit maak mooi paadjie op die piering.
Ek maak toe die waatlemoen fyn met my hand stok menger. Ek bottel dit  warm.
Resep en foto: Meisie van der Colff

INGELEGTE WORTEL, UI EN MURGPAMPOEN GROENTE
So speel ek met murgpampoen
1 kg groente. Wortel, murgpampoen en uie lang repies gesny .Groente is alles rou.
Piekelsous gemaak.
3 koppies asyn
3 koppies water
sout na smaak
2 teelepels knoffel
1 eetlepel mosterd
1 eetlepel swartpeper korrels
1 koppie olyfolie.

Ek het die bestanddele vir die piekelsous bymekaar gemeng en in die fles gegooi en dan die bewerkte rou groente bygevoeg en goed gemeng. Deksel opgesit en gebere in die yskas.
Resep en foto: Maritha Blaauw